གསར་འགྱུར་ཡིག་ཚགས།

སྤྲུལ་སྐུ་ཧཱུྃ་ཀར་རྡོ་རྗེ་མཆོག་སྐུ་བཀྲོངས་པའི་སྐོར་༸གོང་ས་༸སྐྱབས་མགོན་ཆེན་པོ་མཆོག་ལ་སྙན་སེང་ཞུས་པར། མགོན་པོ་མཆོག་ནས་ཐུགས་སྨོན་མཛད་འདུག

བོད་མདོ་སྨད་མགོ་ལོག་གི་དགའ་བདེ་རྫོང་ལུང་སྔོན་དགོན་པའི་དགོན་བདག་སྤྲུལ་སྐུ་ཧཱུྃ་ཀར་རྡོ་རྗེ་མཆོག་སྐུ་བཀྲོངས་པར་གནས་ཚུལ་༸གོང་ས་༸སྐྱབས་མགོན་ཆེན་པོ་མཆོག་ལ་སྙན་སེང་ཞུས་པར། མགོན་པོ་མཆོག་གིས་ཐུགས་ཕམ་དང་སྦྲགས་ཐུགས་སྨོན་མཛད་འདུག

ཨ་རིའི་ནིའུ་ཡོག་གྲོང་ཁྱེར་སྤྱི་ཁྱབ་ལས་ཁུངས་ཀྱིས་ས་གནས་སུ་བོད་སྐད་བཀོལ་སྤྱོད་གནང་མཁན་རྣམས་ཀྱི་ཆེད་བོད་སྐད་ཀྱི་ངོ་དེབ་དྲྭ་ཚིགས་ཤིག་གསར་བཟོ་གནང་འདུག

ཟླ་ ༣ ཚེས་ ༢༨ ཉིན་ཨ་རིའི་ནིའུ་ཡོག་གྲོང་ཁྱེར་སྤྱི་ཁྱབ་ལས་ཁུངས་ཀྱི་ཕྱི་མི་གནས་སྤོ་བའི་སྡེ་ཚན་ Mayor’s Office of Immigrant Affairs (MOIA) ནས་ནིའུ་ཡོག་ནང་གནས་སྡོད་བོད་པ་གཙོ་བོ་འགྱུར་བའི་ཧི་མ་ལ་ཡ་བོད་སྐད་བསྐྱོན་མཁན་གནས་སྤོ་བ་རྣམས་ཀྱི་ཕྱིར་ཞབས་ཞུ་སྒྲུབ་རྒྱུའི་སླད་སོ་སོའི་སྐད་ཡིག་གི་ཐོག་ནས་གྲོང་ཁྱེར་སྤྱི་ཡོངས་ཀྱི་གནས་ཚུལ་དང་གཞུང་འབྲེལ་གནད་དོན་སོགས་ཤེས་རྟོགས་ཐུབ་པའི་སླད་བོད་ཀྱི་སྐད་ཡིག་ཐོག་ཆེད་དུ་ངོ་དེབ་དྲྭ་ཚིགས་ཤིག་གསར་བཟོ་གནང་འདུག

སྤྲུལ་སྐུ་ཧཱུྃ་ཀར་རྡོ་རྗེ་མཆོག་གློ་བུར་ལྐོག་གྱུར་ངང་སྐུ་གྲོངས་རྐྱེན་ཐད་རྒྱ་ནག་དང་ཝི་ཏི་ནམ་གཞུང་ལ་འགན་ཡོད་པས་ཕྱི་གསལ་ནང་གསལ་བཟོ་དགོས་པའི་སྐོར། བོད་མིའི་སྒྲིག་འཛུགས་ཀྱིས་འབོད་སྐུལ་གནང་།

རྒྱ་ནག་གིས་བོད་ཀྱི་ས་ཁུལ་གང་སར་ཉི་ནུས་གློག་འདོན་ས་ཚིགས་ཆེད་འཛུགས་བྱེད་བཞིན་པ་དེས་རྩ་ཐང་དང་སྐྱེས་ཁམས་ཁོར་ཡུག་ལ་གནོད་སྐྱོན་ཡོང་གི་ཡོད་པ། བོད་ནང་གི་བོད་མིས་འགྲེལ་བརྗོད་གནང་གི་འདུག

རྒྱ་ནག་གཞུང་གིས་བོད་ནང་ཉི་ནུས་གློག་འདོན་ས་ཚིགས་འབོར་ཆེན་ཆེད་འཛུགས་བྱེད་པར་བརྟེན་ཉེ་འཁོར་རྩ་ཐང་ཁག་ཏུ་རྩ་མི་སྐྱེས་བར་བྱེ་ཐང་ཅན་དུ་འགྱུར་བ་དང་། ལོ་གཅིག་གཉིས་རྗེས་མགྱིག་ཤེལ་གྱི་གད་སྙིགས་སོགས་ཀྱིས་ཁོར་ཡུག་ལ་གནོད་སྐྱོན་དང་། ཕྱུགས་ཟོག་སེམས་ཅན་འཚོ་གནས་མི་ཐུབ་པར་འབྲོག་པའི་འཚོ་བར་དོ་ཕོག་ཤུགས་ཆེར་འགྲོ་བཞིན་ཡོད་པ་རེད།

ཨ་རིས་རྒྱ་ནག་གི་གདོང་ལེན་སྒོ་ཁྲལ་ཕྱིར་འཐེན་མ་བྱས་ཚེ་སྒོ་ཁྲལ་འཕར་མ་བརྒྱ་ཆ་ ༥༠ བསྣན་རྒྱུ་ཡིན་སྐོར་བརྗོད་པར། རྒྱ་ནག་གིས་དེ་ལ་མཐའ་མཇུག་བར་དུ་གདོང་ལེན་བྱ་རྒྱུ་ཡིན་པ་བརྗོད།

ཨ་རིའི་སྲིད་འཛིན་ཌོ་ནལཌ་ཊམཔ་གྱིས་ཟླ་་བ་ ༠༤ ཚེས་ ༠༧ རེས་གཟའ་ཟླ་བའི་ཉིན་གལ་ཏེ་རྒྱ་ནག་གིས་ཨ་རིར་གདོང་ལེན་གྱི་སྒོ་ཁྲལ་བརྒྱ་ཆ་ ༣༤ ཕྱིར་འཐེན་མ་བྱས་ཚེ། ཁོང་གིས་རྒྱ་ནག་ལ་སྒོ་ཁྲལ་བརྒྱ་ཆ་༥༠ ཁ་སྣོན་འགེལ་རྒྱུ་ཡིན་སྐོར་བརྗོད་པར། རྒྱ་ནག་ཚོང་དོན་ལྷན་ཁང་གིས་བྱེད་བབ་དེ་ནི་ཨ་རིས་ནོར་འཁྲུལ་གྱི་སྒང་ལ་ནོར་འཁྲུལ་གཉིས་བརྩེགས་བྱས་པ་ཞིག་ཡིན་པ་བརྗོད་འདུག

ཨ་རིའི་གཞུང་གིས་རྒྱ་ནག་ལ་སྒོ་ཁྲལ་འཕར་མ་བཀལ་བའི་འགག་ལན་དུ་རྒྱ་ནག་གིས་ཊིཀ་ཊོཀ་བཟོ་ཚོང་ལས་ཁང་བཙོང་རྒྱུའི་གྲོས་མོལ་བར་མཚམས་བཞག་འདུག

རྒྱ་ནག་གཞུང་གིས་ཨ་རིས་རྒྱ་ནག་ལ་སྒོ་ཁྲལ་འཕར་མ་བརྒྱ་ཆ་ ༣༤ དགལ་རྒྱུའི་གསལ་བསྒྲགས་བྱས་རྗེས། རྒྱ་ནག་གཞུང་གི་ངོས་ནས་ཊིག་ཊོཀ་ (TikTok) ཨ་རིར་འཚོང་བསྒྱུར་བྱེད་དེ་ཨ་རིའི་ནང་རྒྱུན་སྤྱོད་འབྱུང་ཐབས་ཀྱི་གྲོས་མོལ་བར་མཚམས་བཅད་པ་ཨ་རིའི་སྲིད་འཛིན་ཌོ་ནལཌ་ཏྲམཔ་ (Donald Trump) མཆོག་གིས་གཟའ་ཉི་མའི་ཉིན་གསུངས་འདུག

༸གོང་ས་༸སྐྱབས་མགོན་ཆེན་པོ་མཆོག་གིས་རང་དབང་ཤུལ་ལམ་གྱི་ལས་འགུལ་ཐོག་མཉམ་ཞུགས་གནང་མཁན་རྣམས་ལ་ཐུགས་རྗེ་ཆེ་ཞུའི་གསུང་འཕྲིན་སྩལ་འདུག

གསུང་འཕྲིན་ནང་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས། དད་ལྡན་པ་ ༣༠༠ ཡིས་ཐེངས་འདིར་རང་དབང་གི་ཤུལ་ལམ་ (Freedom Trail ) གྱི་འགྲུལ་བཞུད་ཀྱི་ལས་འགུལ་ནང་མཉམ་བཞུགས་གནང་བ་དེས། ཕྱི་ལོ་ ༡༩༥༩ ལོའི་མགོན་པོ་མཆོག་གི་འགྲུལ་བཞུད་དེ་དང་། ལྷག་པར་མགོན་པོ་མཆོག་རྒྱ་གར་གྱི་ས་ཐོག་ཏུ་ཞབས་ཀྱིས་བཅག་མ་ཐག་ཐུགས་ལ་ཞི་བདེ་དང་རང་དབང་ལྡན་པའི་ཐུགས་ཚོར་དང་། ས་ཆ་གང་དུ་ཆིབས་བསྒྱུར་བསྐྱངས་སྐབས་ས་གནས་ཀྱི་མང་ཚོགས་ནས་དགའ་བསུ་གཡོ་བ་མེད་པ་གནང་བ་སོགས་ཕྱིར་དྲན་བྱུང་ཞེས་བཀའ་སྩལ་མཛད་འདུག

རྒྱ་ནག་གཞུང་གིས་བོད་ནང་རྒྱ་སྐད་སློབ་འཁྲིད་རྒྱ་བསྐྱེད་ཆེད་མི་བཟོས་རིག་ནུས་བེད་སྤྱོད་བྱེད་འགོ་བཙུགས་འདུག

རྒྱ་ནག་གཞུང་གིས་བོད་ནང་སློབ་གྲྭ་ཁག་ཏུ་མི་བཟོས་རིག་ནུས་བཀོལ་སྤྱོད་བྱས་ཏེ་རྒྱ་སྐད་སློབ་ཁྲིད་བྱེད་བཞིན་ཡོད་པ་ནི། རྒྱ་གཞུང་གིས་བོད་ནང་རྒྱ་སྐད་གོང་སྤེལ་དང་བོད་ཕྲུག་རྒྱ་སྒྱུར་གྱི་ལས་གཞི་ཤུགས་ཆེར་སྤེལ་བཞིན་པའི་བྱེད་ཐབས་གསར་ཤོས་ཤིག་ཆགས་འདུག

ཨི་སི་རལ་ནས་ཡིན་པའི་དད་ལྡན་པ་ཁག་ཅིག་གིས་༸གོང་ས་༸སྐྱབས་མགོན་ཆེན་པོ་མཆོག་གི་མཇལ་ཁ་ཞུས་ཏེ་དབུས་ཤར་ཨེ་ཤེ་ཡའི་གནས་སྟངས་བཟང་དུ་འགྲོ་རྒྱུར་ཐུགས་སྨོན་ཡོང་བའི་གསོལ་འདེབས་ཞུས་འདུག

སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ཨི་སི་རལ་དང་། སོག་ཡུལ། བལ་ཡུལ་སོགས་ཀྱི་དད་ལྡན་པ་ ༤༠༠ ཙམ་ལ་མཇལ་ཁ་སྩལ་འདུག

ཆེས་མཐོའི་ཁྲིམས་ཞིབ་ཁང་གི་ཁྲིམས་ཞིབ་པ་གཞན་གཉིས་དང་། རྩིས་ཞིབ་སྤྱི་ཁྱབ་པ་བཅས་ཀྱིས་ཁྲིམས་ཞིབ་པ་ཆེ་བའི་མདུན་ནས་ལས་འཁུར་དམ་འབུལ་ཞུས།

བོད་མིའི་སྒྲིག་འཛུགས་ཀྱི་ཆེས་མཐོའི་ཁྲིམས་ཞིབ་པ་ཆེ་བའི་མདུན་ནས་ཁྲིམས་ཞིབ་པ་གཞན་གཉིས་དང་། སྤྱི་ཁྱབ་རྩིས་ཞིབ་ལས་ཁང་གི་རྩིས་ཞིབ་སྤྱི་ཁྱབ་པ་བཅས་ནས་ལས་ཁུར་དམ་འབུལ་ཞུས་སོང་།

མཆོག་སྤྲུལ་ཧཱུྃ་ཀར་རྡོ་རྗེ་ལགས་ཀྱི་སྐུ་ཕུང་ཝི་ཊི་ནམ་གྱི་སྨན་ཁང་ཞིག་ཏུ་ལྷག་ཡོད་པས། རྒྱལ་སྤྱིའི་རང་དབང་ཅན་གྱི་སྡེ་ཚན་ཁག་ལ་རྟོག་ཞིབ་བྱེད་བཅུག་སྟེ། ཁོང་གྲོངས་རྐྱེན་གསལ་བོ་བཟོ་དགོས་ཡོད་ཅེས། ཝི་ཊི་ནམ་གཞུང་ལ་མདོ་སྨད་དབུས་རྒྱུན་གྱིས་འབོད་སྐུལ་གནང་ཡོད་པ།

མཆོག་སྤྲུལ་ཧཱུྃ་ཀར་རྡོ་རྗེ་མཆོག་གྲོངས་རྐྱེན་ལ་ཝི་ཊི་ནམ་གཞུང་གིས་རྩད་གཅོད་དགོས་པའི་འབོད་སྐུལ་གནང་འདུག་པ་དང་འབྲེལ། འདི་ག་གསར་ཁང་ནས་དེ་འབྲེལ་ཝི་ཊི་ནམ་གཞུང་ཚབ་ལ་ཡིག་འབྲེལ་བཀའ་འདྲི་ཞུས་ཀྱང་ལན་གསལ་འབྱོར་མེད།

འབྲོག་པར་དཀའ་ངལ་ཆེན་པོ་འཕྲད་དུས་རྒྱབ་སྐྱོར་གནང་ན་བོད་ཀྱི་སྲོལ་རྒྱུན་འཚོ་རྟེན་འབྲོག་ལས་མུ་མཐུད་གནས་རྒྱུར་ཕན་ཐོགས་ཆེན་པོ་ཡོང་ངེས་ཡིན་པ་ལ་དྭགས་བྱང་ཐང་འབྲོག་པས་གསུང་གི་འདུག

ལ་དྭགས་གླེ་བྱང་གཉིས་སུ་ཁ་བ་ཤུགས་ཆེ་བབ་རྐྱེན་བྱང་ཐང་གནས་སྡོད་བོད་མི་འབྲོག་པ་མང་པོའི་ར་ལུག་སེམས་ཅན་ཕོན་ཆེ་འཆི་སྐྱོན་བྱུང་སྟེ་འབྲོག་པའི་འཚོ་བར་དོ་ཕོག་ཆེན་པོ་བྱུང་བར་བོད་མིའི་སྒྲིག་འཛུགས་ངོས་ནས་ས་གནས་བོད་མི་འབྲོག་པ་རྣམས་ཀྱི་ཆེད་མང་ཚོགས་ཁྲོད་བློས་བཅད་ཞལ་འདེབས་བསྡུ་རྒྱུའི་ལས་འགུལ་སྤེལ་འདུག

ཆེས་མཐོའི་ཁྲིམས་ཞིབ་ཁང་གི་ཁྲིམས་ཞིབ་པ་ཆེ་བར་བདམས་ཐོན་ཡེ་ཤེས་དབང་མོ་ལགས་ཀྱིས་ལས་འཁུར་དམ་འབུལ་ཞུས་སོང་།

གྲོས་ཚོགས་ཚོགས་དུས་དགུ་པའི་སྐབས་མང་མོས་ཐོག་ཆེས་མཐོའི་ཁྲིམས་ཞིབ་ཁང་གི་ཁྲིམས་ཞིབ་པ་ཆེ་བར་བདམས་ཐོན་བྱུང་བ་ཡེ་ཤེས་དབང་མོ་ལགས་ཀྱིས། གྲོས་ཚོགས་རྭ་བའི་ནང་དུ་བོད་མི་སྒྲིག་འཛུགས་ཀྱི་སྲིད་སྐྱོང་སྤན་པ་ཚེ་རིང་ལགས་དང་སྤྱི་འཐུས་ཁག་གཅིག་ལྷན་བཞུགས་ཐོག བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་གཙོ་མཁན་པོ་བསོད་ནམས་བསྟན་འཕེལ་ལགས་ཀྱི་དྲུང་ནས་ཆེས་མཐོའི་ཁྲིམས་ཞིབ་ཁང་གི་ཁྲིམས་ཞིབ་པ་ཆེ་བའི་ལས་འཁུར་དམ་འབུལ་ཞུས་སོང་།

ཨ་རིའི་གྲོས་ཚོགས་གོང་མའི་འཐུས་མི་ཅག་ཤུ་མར་ལགས་ཀྱིས་ཨ་རི་སྲིད་གཞུང་ནས་བོད་མི་དང་བལ་ཡུལ་ལ་རོགས་དངུལ་མུ་མཐུད་མཁོ་སྤྲོད་དགོས་པའི་རེ་སྐུལ་གནང་འདུག

ཨ་རིའི་མང་གཙོ་ཚོགས་པའི་གྲོས་ཚོགས་གོང་མའི་འཐུས་མི་ཅག་ཤུ་མར་(Chuck Schumer) ལགས་ཀྱིས་ཉེ་ལམ་ཨ་རིའི་སྲིད་གཞུང་གསར་པས་ཕྱི་རྒྱལ་རོགས་དངུལ་མཚམས་འཇོག་བྱས་པར་བརྟེན་བཙན་བྱོལ་བོད་མིའི་སྤྱི་ཚོགས་དང་། བལ་ཡུལ་ནང་ཤེས་ཡོན་དང་འཕྲོད་བསྟེན་སོགས་དང་འབྲེལ་བའི་ལས་གཞིར་དོ་ཕོག་ཆེན་པོ་ཐེབས་ཡོད་སྐོར་གསལ་སྟོན་གྱི་གསར་འགོད་བསྒྲགས་གཏམ་ཞིག་སྤེལ་འདུག

རྒྱ་ནག་གིས་ཨ་རིར་འཁོན་ལན་གྱི་སྒོ་ཁྲལ་བརྒྱ་ཆ་ ༣༤ འཕར་མ་བཀལ།

ཨ་རི་སྲིད་གཞུང་གིས་ཉེ་ཆར་རྒྱ་ནག་ལ་སྒོ་ཁྲལ་འཕར་མ་བརྒྱ་ཆ་ ༣༤ དགལ་རྒྱུའི་གསལ་བསྒྲགས་བྱས་པར། རྒྱ་ནག་གཞུང་གིས་ཚོང་དམག་གི་མེ་ལ་མར་བླུག་པ་བཞིན། ཟླ་འདིའི་ཚེས་ ༡༠ ནས་ཨ་རི་ནས་རྒྱ་ནག་ཏུ་ནང་འདྲེན་བྱེད་པའི་ཅ་དངོས་ཡོངས་ལ་སྒོ་ཁྲལ་བརྒྱ་ཆ་ ༣༤ འཕར་མ་སྤར་རྒྱུ་ཡིན་པ་བསྒྲགས་འདུག