གསར་འགྱུར་ཡིག་ཚགས།
2025-04-29
༸གོང་ས་༸སྐྱབས་མགོན་ཆེན་པོ་མཆོག་གིས། ཁེ་ན་ཌའི་གཞུང་མང་གཉིས་ནས་བོད་མི་རྣམས་ལ་མཐུན་འགྱུར་རྒྱབ་སྐྱོར་གནང་བཞིན་པར་ཐུགས་རྗེ་ཆེ་ཞེས་བཀའ་སྩལ་ཞིང་། སྲིད་བློན་གསར་པའི་དབུ་ཁྲིད་འོག་ཁྱབ་ཁོངས་མི་མང་གི་མངོན་འདོད་བསྒྲུབ་རྒྱུ་དང་། ཞི་བདེ་ལྡན་པའི་གོ་ལ་བསྐྲུན་རྒྱུར་ཞབས་འདེགས་བསྒྲུབ་ཐུབ་པའི་ཐུགས་སྨོན་མཛད་འདུག
2025-04-29
འདས་པའི་ལོ་གཅིག་རིང་བོད་རང་བཙན་སློབ་ཕྲུག་ཚོགས་པས་རྒྱལ་སྤྱིའི་རྟོག་དཔྱོད་ཞིབ་འཇུག་གནང་མཁན་གྱི་གསར་འགོད་པ་ཁག་ཅིག་དང་ཕྱག་སྦྲེལ་གྱིས། རྒྱ་ནག་གཞུང་གིས་ཐབས་ཇུས་མཁས་པོའི་ལམ་ནས་རྒྱལ་མཚམས་བརྒལ་བའི་དྲག་གནོན་གྱི་བྱ་སྤྱོད་སྤེལ་ཏེ། ཕྱི་རྒྱལ་ཁག་ནང་གནས་སྡོད་ཀྱི་བོད་དོན་ལས་འགུལ་བ་དང་ཡུ་གུར་བ། ཧོང་ཀོང་དང་རྒྱ་རིགས་མང་གཙོ་དོན་གཉེར་བ་སོགས་གྲགས་འགུལ་མེད་པར་བཟོ་བཞིན་པའི་གནས་ཚུལ་གསར་དུ་འདོན་སྤེལ་གནང་ཡོད་པ།
2025-04-28
རྒྱ་ནག་གཞུང་གི་བཀོད་བྱུས་འོག་ཡོད་པའི་གཞུང་འབྲེལ་མིན་པའི་ཚོགས་ཁག་གིས་བརྒྱུད་མཉམ་འབྲེལ་རྒྱལ་ཚོགས་སུ་རྒྱལ་སྤྱིའི་འགྲོ་བ་མིའི་ཐོབ་ཐང་གི་གནད་དོན་ཐད་ཐེ་བྱུས་བྱེད་བཞིན་ཡོད་པ་མ་ཟད། བོད་དང་། ཡུ་གུར་། ཧོང་ཀོང་གི་འཐབ་རྩོད་པས་རྒྱལ་ཚོགས་སུ་འགྲོ་བ་མིའི་ཐོང་ཐང་སྐོར་ཞུ་གཏུག་ལས་འགུལ་ལ་འགོག་རྐྱེན་བཟོ་བཞིན་ཡོད་པ་རྒྱལ་སྤྱིའི་འགྲོ་བ་མིའི་ཐོབ་ཐང་ཆེད་ཞབས་ཞུ་ཞེས་པའི་ཚོགས་པའི་སྙན་ཐོ་གསར་པའི་ནང་གསལ་སྟོན་བྱས་འདུག
2025-04-28
ཟླ་ ༠༤ ཚེས་ ༢༥ རེས་གཟའ་པ་སངས་ཉིན་ཀུན་གཟིགས་༸པཎ་ཆེན་སྐུ་ཕྲེང་བཅུ་གཅིག་པ་དགེ་འདུན་ཆོས་ཀྱི་ཉི་མ་མཆོག་དགུང་གྲངས་ ༣༦ ལ་ཕེབས་པའི་འཁྲུངས་སྐར་ཉིན་མོ་དང་བསྟུན། ཡོ་རོབ་གྲོས་ཚོགས་འཐུས་མི་རྣམས་ཀྱིས་རིན་པོ་ཆེ་མཆོག་མྱུར་དུ་གློད་བཀྲོལ་གཏོང་དགོས་པ་དང་། རྒྱ་ནག་གཞུང་གིས་རིན་པོ་ཆེ་མཆོག་གར་ཡོད་ཀྱི་གནས་སྟངས་ཐད་ཡོངས་ཁྱབ་དགོས་པའི་ནན་བརྗོད་གནང་ཡོད་པ་རེད་འདུག
2025-04-28
༸གོང་ས་༸སྐྱབས་མགོན་ཆེན་པོ་མཆོག་གིས་ཧྥི་ཌི་རིཀ་ནོར་མན་གྱི་ཚོགས་འཐུས་ཁག་ཅིག་དང་། འཇར་མན་གྱི་ས་གནས་གྲོས་ཚོགས་འཐུས་མི་གཅིག ཝིཡེཏ་ནམ་གྱི་ནང་ཆོས་སློབ་གཉེར་བ་དྲུག་ཅུ་ལྷག་བཅས་ལ་མཇལ་ཁ་སྩལ་ཏེ། བོད་རྒྱ་ཆེའི་མི་མང་རྣམས་ནི་སེམས་ཤུགས་རི་བཙུགས་པ་ནང་བཞིན་བསྡད་ཡོད་པས།ང་ཚོས་རྗེས་སུ་ཡི་རང་བྱས་ན་འགྲིག་གི་འདུག་ཅེས་ལམ་སྟོན་སྩལ་འདུག
2025-04-28
རྒྱ་ནག་ཕྱི་སྲིད་ལས་ཁུངས་ཀྱི་མགྲིན་ཚབ་པས་རྒྱ་དཀར་ནག་གཉིས་དབར་འདི་ལོའི་དབྱར་ཁར་བོད་ནང་གི་གནས་རི་དང་ཆུ་རྩ་ཆེན་དཔེར་ན་གངས་རིན་པོ་ཆེ་དང་མཚོ་མ་ཕམ་བཅས་སུ་གནས་སྐོར་ཐུབ་རྒྱུའི་ཐད་སྟ་གོན་བྱེད་བཞིན་ཡོད་པ་བརྗོད་འདུག
2025-04-26
ཟླ་ ༤ ཚེས་ ༢༦ རེས་གཟའ་སྤེན་པའི་ཉིན་གྱི་སྔ་དྲོར་བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་བཞུགས་སྒར་རྒྱལ་བའི་ཕོ་བྲང་དུ་རྒྱ་བལ་འབྲུག་གསུམ་གཙོས་པའི་ཕྱི་རྒྱལ་ཡུལ་གྲུ་གང་ས་ནས་ཕེབས་པའི་མཇལ་བཅར་བ་༣༠༠ཞིག་ལ་མཇལ་ཁ་སྩལ་གནང་མཛད་ཡོད་པ་རེད།
2025-04-25
ཟླ་འདིའི་ནང་ཨ་རིས་རྒྱ་ནག་གི་ནང་འདྲེན་ཅ་དངོས་ཐོག་སྒོ་ཁྲལ་བརྒྱ་ཆ་ ༡༤༥ བཀལ་བའི་ཡ་ལན་དུ་རྒྱ་ནག་གིས་ཨ་རིའི་ཅ་དངོས་ཐོག་སྒོ་ཁྲལ་བརྒྱ་ཆ་ ༡༢༥ བར་བཀལ་བ་སོགས། ཨ་རྒྱ་གཉིས་དབར་ཚོང་དམག་གི་ཛ་དྲག་གནས་སྟངས་ཀྱི་དུས་སྐབས་འདིར། རྒྱ་ནག་གཞུང་ངོས་ནས་གལ་ཏེ་ཨ་རིས་རྒྱ་ནག་དང་ཚོང་འབྲེལ་གྲོས་མོལ་བྱས་ཚེ་ཨ་རིའི་ཅ་དངོས་ཐོག་སྒོ་ཁྲལ་གུ་ཡངས་གཏང་རྒྱུ་ཡིན་ཞེས་བརྗོད་ཡོད་འདུག
2025-04-25
ཀུན་གཟིགས་༸པཎ་ཆེན་དགེ་འདུན་ཆོས་ཀྱི་ཉི་མ་མཆོག་དགུང་གྲངས་ ༣༦ ལ་ཕེབས་པའི་འཁྲུངས་སྐར་ཉིན་འཛམ་གླིང་གང་སར་གནས་པའི་བོད་མི་རྣམས་ནས་ཆོས་ཕྱོགས་དང་། ཞུ་གཏུག་ལས་འགུལ་སོགས་ཐབས་དང་རྣམ་པ་འདྲ་མིན་གྱི་སྒོ་ནས་རིན་པོ་ཆེར་རྗེས་དྲན་དང་སྦྲགས། སྐུའི་འཁྲུངས་སྐར་སྲུང་བརྩི་ཞུ་བཞིན་ཡོད།
2025-04-25
ཟླ་ ༤ ཚེས་ ༢༥ རེས་གཟའ་པ་སངས་ཉིན་གྱི་སྔ་དྲོ་བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་བཞུགས་སྒར་རྒྱལ་བའི་ཕོ་བྲང་དུ་རྒྱ་བལ་འབུག་གསུམ་གཙོས་པའི་ཕྱི་རྒྱལ་ཡུལ་གྲུ་ཁག་ནས་ཕེབས་པའི་དད་ལྡན་པ་སྣ་མང་ཞིག་ལ་མཇལ་ཁ་སྩལ་གནང་མཛད་སོང་།
2025-04-25
ཨིན་ཡུལ་ནང་རྟེན་གཞི་བྱས་པའི་བྷོན་ཧམ་སི་རིན་སྡུར་ཚོང་སྒྱུར་ཁང་གིས་འདི་ལོའི་ཟླ་བ་ ༦ ཚེས་ ༤ ཉིན་འབྲས་སྤྱི་བློན་ཆེན་བྷ་སིལ་གྷོལྚ་(Sir Basil Gould) ལགས་ཀྱི་ཕྱོགས་བསྡུ་དང་། ཡིག་ཚགས་ཁག་རིན་སྡུར་གྱི་ལམ་ནས་ཚོང་སྒྱུར་གནང་རྒྱུའི་གསལ་བསྒྲགས་གནང་འདུག་ཅིང་། དེའི་ཁོངས་སུ་གཙོ་བོ་ཕྱི་ལོ་ ༡༩༤༠ ལོར་བྷ་སིལ་ལགས་གཙོས་པའི་ཆེད་གཉེར་དོན་གཅོད་ལྷ་སར་བསྐྱོད་པའི་གནས་ཚུལ་དང་། ལྷག་པར་༸གོང་ས་༸སྐྱབས་མགོན་ཆེན་པོའི་ཁྲི་འདོན་མཛད་སྒོའི་སྐབས་ཀྱི་གནས་སྟངས་གསལ་བའི་ཆུ་ཚོན་རི་མོ་ངོ་མ་ ༤༠ ཚོང་སྒྱུར་གནང་རྒྱུ་རེད་འདུག
2025-04-25
རྒྱ་ནག་གཞུང་གིས་མང་གཙོ་དང་གྲངས་ཉུང་མི་རིགས་ཀྱི་ཐོབ་ཐང་སོགས་ཀྱི་སྐོར་ལས་འགུལ་སྤེལ་མཁན་གྱི་རྩོམ་པ་པོ་རྣམས་ལ་རྒྱལ་ཁབ་བདེ་འཇགས་གཏོར་བཤིག་དང་། ཁ་བྲལ་རིང་ལུགས་པ་སོགས་ཀྱི་ཞྭ་མོ་འདྲ་མིན་གཡོག་སྟེ་གང་བྱུང་གིས་འཛིན་བཟུང་བཀག་ཉར་སོགས་བྱས་ཏེ། སྤྱི་ལོ་༢༠༢༤ལོ་གཅིག་པུར་རྩོམ་པ་པོ་ ༡༡༨ བཙོན་འཇུག་བྱས་ནས་འཛམ་གླིང་སྤྱིའི་བཙོན་འཇུག་འོག་གི་རྩོམ་པ་པོ་༣༧༥ལས་གྲངས་འབོར་མང་ཆེ་བ་རྒྱ་ནག་གིས་བཟུང་ཡོད་པར་བརྟེན། སྤྱི་ལོ་༢༠༢༤ལོར་འཛམ་གླིང་སྤྱི་ཡོངས་ཀྱི་རྩོམ་པ་པོར་དྲག་གནོན་བྱེད་མཁན་སྡུག་ཤོས་དེ་རྒྱ་ནག་ཆགས་ཡོད།
2025-04-24
ཟླ་བ་ ༠༤ ཚེས་ ༢༥ ཉིན་ཀུན་གཟིགས་པཎ་ཆེན་དགེ་འདུན་ཆོས་ཀྱི་ཉི་མ་མཆོག་དགུང་གྲངས་ ༣༦ ལ་ཕེབས་པའི་སྐུའི་འཁྲུངས་སྐར་འཁེལ་གྱི་ཡོད་ནའང་། བོད་མི་རྣམས་ནས་པཎ་ཆེན་རིན་པོ་ཆེ་ད་ལྟ་སྐུ་འཚོ་བཞུགས་ཡོད་མེད་སྐོར་གནས་ཚུལ་ཅི་ཡང་ཤེས་རྟོགས་མེད་པ་དང་། ཁོང་གི་ཞལ་མཇལ་གསུང་ཐོས་མེད་པའི་ངང་ནས་འཁྲུངས་སྐར་སྲུང་བརྩི་ཞུ་བཞིན་ཡོད།
2025-04-24
ཟླ་ ༤ ཚེས་ ༢༤ རེས་གཟའ་ཕུར་བའི་ཉིན་ལྷོ་ཀོ་རི་ཡའི་ (PIPC) ཞེས་མི་སྒེར་གྱི་གནས་ཚུལ་སྲུང་སྐྱོབ་ལྟ་ཞིབ་ཁང་གིས་རྒྱ་ནག་གི་བཟོ་སྐྲུན་བྱས་པའི་མིས་བཟོས་རིག་ནུས་ (DeepSeek) གིས་ལྷོ་ཀི་རི་ཡའི་ནང་རིག་ནུས་དེ་བཞིན་བཀོལ་སྤྱོད་བྱེད་མཁན་རྣམས་ཀྱི་སྒེར་གྱི་གནས་ཚུལ་ཆོག་མཆན་མེད་པར་རྒྱ་ནག་དང་ཨ་རིའི་ཁེ་ལས་པར་མཁོ་སྤྲོད་བྱེད་བཞིན་ཡོད་པ་བརྗོད་འདུག
