༸གོང་ས་༸སྐྱབས་མགོན་ཆེན་པོ་མཆོག་གིས་དད་ལྡན་པ་ ༣༠༠ ལྷག་ལ་མང་མཇལ་སྩལ་བ།
མཇལ་བཅར་བ་རྣམས་མཇལ་ཁ་གྲུབ་མཚམས། ༢༠༢༥།༠༤།༢༦ ཉིན།
Tenzin Woser/RFA
ཟླ་ ༤ ཚེས་ ༢༦ རེས་གཟའ་སྤེན་པའི་ཉིན་གྱི་སྔ་དྲོར་བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་བཞུགས་སྒར་རྒྱལ་བའི་ཕོ་བྲང་དུ་རྒྱ་བལ་འབྲུག་གསུམ་གཙོས་པའི་ཕྱི་རྒྱལ་ཡུལ་གྲུ་གང་ས་ནས་ཕེབས་པའི་མཇལ་བཅར་བ་༣༠༠ཞིག་ལ་མཇལ་ཁ་སྩལ་གནང་མཛད་ཡོད་པ་དང་། མཇལ་ཁ་གྲུབ་མཚམས་འདི་ག་གསར་འགོད་པས་སྦིར་བོད་ཚོགས་ཀྱི་ཚོགས་གཙོ་བསྟན་འཛིན་རྣམ་རྒྱལ་ལགས་ཀྱིས། ཐེངས་འདིར་ཁོང་དང་དེ་སྔ་ལོ་མང་ནས་བོད་པའི་སྤྱི་ཚོགས་ཁྲོད་གཞིས་ཆགས་དང་སློབ་གྲྭ དེ་བཞིན་དགོན་སྡེ་ཁག་ལ་རོགས་སྐྱོར་གནང་མཁན་ཨི་ཁྲ་ལི་ (Italy) ནས་ཡིན་པའི་སི་ཏ་རི་ཡ་རོགས་ཚོགས་ཀྱི་ཚོགས་མི་ ༡༠ ལ་༧གོང་ས་༧སྐྱབས་མགོན་ཆེན་པོ་མཆོག་གི་མཇལ་ཁ་ཐོབ་པར། ཚོགས་མི་ཆ་ཚང་དགའ་ཚོར་ཆེན་པོ་བྱུང་ཡོད་སྐོར་འགྲེལ་བརྗོད་གནང་གི་འདུག
མ་ཟད་ཐེངས་འདིར་འབྲུག་ཡུལ་ནས་ཆེད་དུ་སྤྱི་ནོང་༸གོང་ས་༸སྐྱབས་མགོན་ཆེན་པོ་མཆོག་གི་མཇལ་ཁར་བཅར་མཁན་དད་ལྡན་ཆོས་ཞུ་བ་མང་དག་ཅིག་ཡོད་པའི་ཁྲོད། སྟོབས་རྒྱས་ལགས་ཀྱིས། ད་ལྟའི་ཆར་བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་བགྲེས་པོར་ཕེབས་པར་སོང་། ཁོང་ནས་ཚེ་འདིར་མགོན་པོ་མཆོག་གི་ཞལ་མཇལ་ཐེངས་གཅིག་ཐོབ་རྒྱུའི་རེ་སྒུག་བྱས་པ་བཞིན་དེ་རིང་དངོས་སུ་མཇལ་ཁ་ཐོབ་པར་བླིན་རླབས་ཆེན་པོ་བྱུང་སྐོར་འགྲེལ་བརྗོད་དང་སྦྲགས། ༸གོང་ས་༸སྐྱབས་མགོན་ཆེན་པོ་མཆོག་ནི་འཛམ་གླིང་ཞི་བདེའི་དེད་དཔོན་ཡིན་ཞིང་། མགོན་པོ་གང་ཉིད་ཀྱིས་དུས་རྟག་ཏུ་ལམ་སྟོན་བཀའ་སློབ་མཛད་པ་རྣམས་ཀྱིས་ཁོང་གི་མི་ཚེར་ཕན་རླབས་ཆེན་པོ་བྱུང་སྐོར་འདི་ག་རླུང་འཕྲིན་ཁང་ལ་གསུངས་བྱུང་།
ཡང་ཨ་རུ་ན་ཅལ་འབུམ་སྡེ་ལ་ནས་ཡིན་པའི་སྐལ་བཟང་ཚེ་རིང་ལགས་ཀྱིས། ཐེངས་འདིར་མགོན་པོ་མཆོག་གི་ཕོ་བྲང་དུ་མཇལ་ཁ་དངོས་སུ་ཞུ་རྒྱུ་བྱུང་བ་ནི་ཁོང་གི་མི་ཚེའི་ནང་གི་རྨི་ལམ་དེ་དངོས་སུ་གྲུབ་པ་དང་། འདོད་བློ་ཚིམས་ཤིང་བྱིན་རླབས་ཆེན་པོ་བྱུང་སྐོར་འགྲེལ་བརྗོད་དང་སྦྲགས། ཁོང་གིས་དུས་རྒྱུན་མགོན་པོ་མཆོག་གི་གསུང་ཆོས་ཉམས་ལེན་བྱས་པའི་བརྒྱུད་སེམས་ལ་ཞི་བདེ་དང་མི་ཚེའི་ནང་མདུན་སྐྱོད་བྱེད་པར་སེམས་ཤུགས་འཕར་མ་བསྐྲུན་སོང་ཞེས་གསུངས་བྱུང་།
གཞི་རྩའི་བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་སྐུ་ངལ་འཛེམས་མེད་ཀྱིས། བཞུགས་སྒར་༸རྒྱལ་བའི་ཕོ་བྲང་དུ་བདུན་ཕྲག་རེའི་ནང་ཉིན་ལྔའི་རིང་འཛམ་གླིང་ཡུལ་གྲུ་གང་ས་ནས་ཕེབས་པའི་དད་ལྡན་པ་བརྒྱ་ཕྲག་དུ་མར་ཆད་མེད་དུ་མཇལ་ཁ་དང་བཀའ་སློབ་སོགས་སྩལ་གྱི་ཡོད་པ་རེད།
གསར་འགོད་པ། བདེ་ཆེན་དབང་མོ།
རྩོམ་སྒྲིག་པ། བདེ་སྐྱིད་ཀུན་སྒྲོལ།
དྲྭ་ཐོག་སྤེལ་མཁན། བདེ་སྐྱིད་ཀུན་སྒྲོལ།
བལྟ་བཤེར་མང་ཤོས་བྱས་པའི་གནས་ཚུལ།
RFA
- ཁྲིམས་ཁང་གིས་ཨེ་ཤེ་ཡ་རང་དབང་རླུང་འཕྲིན་ཁང་གི་མ་དངུལ་མཁོ་སྤྲོད་དགོས་པའི་ཁྲིམས་ཀྱི་ཐག་གཅོད་ལ་ཨེ་ཤེ་ཡ་རང་དབང་རླུང་འཕྲིན་ཁང་གིས་དགའ་བསུ་ཞུས།
- བཙན་བྱོལ་བོད་མིའི་སློབ་གྲྭ་ཟླ་སྒྲིལ་ཚོགས་ཆུང་བསྐོ་འཛུགས་ཀྱིས་སློབ་གྲྭ་ཟླ་སྒྲིལ་གཏང་རྒྱུའི་འཆར་འགོད་གནང་བཞིན་འདུག
- ཨ་རིའི་ཕྱི་སྲིད་དྲུང་ཆེས་ཕྱི་སྲིད་ལས་ཁུངས་ཀྱི་ལས་དོན་དང་འབྲེལ་བའི་འཆར་འགོད་གསར་པ་ཞིག་གི་འོག་འགྲོ་བ་མིའི་ཐོབ་ཐང་སོགས་ཚན་པ་མང་དག་ཅིག་གི་ལས་དོན་མཚམས་འཇོག་བྱ་རྒྱུའི་གསལ་བསྒྲགས་གནང་འདུག
- ཨ་མི་རི་ཀའི་སྲིད་འཛིན་གཞོན་པ་ཇེ་ཊི་ཝེན་སི་མཆོག་གིས་རྒྱ་གར་ནང་གཟིགས་སྐོར་དང་ཆབས་ཅིག རྒྱ་གར་གྱིས་རྒྱ་ནག་ནས་ནང་འདྲེན་གྱི་དྭངས་ལྕགས་རིགས་ལ་སྒོ་ཁྲལ་བརྒྱ་ཆ་ ༡༢ སྤར་ཡོད་པ།
- ཨ་རིའི་གཞུང་ངོས་ནས་རྒྱ་ནག་དང་ལྷན་ཚོང་འབྲེལ་གྲོས་མོལ་བྱས་ཚེ་རྒྱ་ནག་གིས་ཨ་རིའི་ཅ་དངོས་ཐོག་སྒོ་ཁྲལ་གུ་ཡངས་གཏང་རྒྱུ་ཡིན་པ་བརྗོད་འདུག
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
- བོད་ནང་གི་རྫ་སྟོད་རྫོང་གི་ས་འགུལ་ཁྲོད་མི་རྒྱུ་གཉིས་ལ་གནོད་སྐྱོན་བྱུང་མེད་སྐོར། བོད་ནང་གི་བོད་མིས་འགྲེལ་བརྗོད་གནང་གི་འདུག
- ༸གོང་ས་༸སྐྱབས་མགོན་ཆེན་པོ་མཆོག་གིས་ཤེས་ལྡན་རྒྱ་ནག་མི་སེར་རྣམས་ཀྱིས་བོད་དོན་ཐོག་བསམ་བློ་གཏོང་ཕྱོགས་ནི་བོད་དོན་འཐབ་རྩོད་ཁྲོད་གལ་གནད་ཅན་ཞིག་ཡིན་ཞེས་བཀའ་སྩལ་མཛད་ཀྱི་ཡོད་པ།
- ༸གོང་ས་༸སྐྱབས་མགོན་ཆེན་པོའི་གསེར་ཁྲི་མངའ་གསོལ་མཛད་སྒོའི་སྐབས་ཀྱི་གནས་སྟངས་གསལ་བའི་ཆུ་ཚོན་རི་མོ་ངོ་མ་ ༤༠ ཚོང་སྒྱུར་གནང་རྒྱུ་རེད་འདུག
- བཙན་བྱོལ་ནང་གི་མི་རབས་གཞོན་པ་རྣམས་ལ་བོད་ནང་གི་ཛ་དྲག་གནས་སྟངས་ངོ་སྤྲོད་བྱ་ཆེད། སྙིང་སྟོབས་ཀྱི་འབོད་སྒྲ ཅེས་པའི་གཏམ་བརྗོད་གཟིགས་འབུལ་ཞུ་བཞིན་འདུག
- བྱེས་ཀྱི་གདན་ས་བཀྲིས་ལྷུན་པོ་གཙོས་པའི་བོད་མི་གནས་སྡོད་ས་གནས་ཁག་ཏུ་༸པཎ་ཆེན་དགེ་འདུན་ཆོས་ཀྱི་ཉི་མ་མཆོག་གི་འཁྲུངས་སྐར་སྲུང་བརྩི་ཞུས།