གསར་འགྱུར་ཡིག་ཚགས།
2025-04-04
ཟླ་ ༤ ཚེས་ ༢ ཉིན་རྒྱ་ནག་གཞུང་འབྲེལ་མི་སྣས་མགོ་ལོག་དགའ་བདེ་རྫོང་ལུང་སྔོན་དགོན་པའི་དགོན་བདག་སྤྲུལ་སྐུ་ཧཱུྃ་ཀར་རྡོ་རྗེ་མཆོག་འདས་གྲོངས་ཟིན་སྐོར་དགོན་པ་དེའི་དགེ་འདུན་པ་ཁག་ཅིག་བསྡུ་སྐོང་གིས་བརྡ་ཡིག་ཅིག་སྤྲད་ཡོད་པ་ནི། བོད་ཕྱི་ནང་གཉིས་ཀྱི་འབྲེལ་ཡོད་བོད་མི་གསུམ་ནས་གནས་ཚུལ་དེ་རྒྱ་ནག་གཞུང་འབྲེལ་གྱི་གཡོ་བྱུས་འཐེན་ནས་བཙན་ཐབས་ཀྱིས་བརྗོད་བཅུག་བཞིན་པ་ལས། ཁོང་ཝེ་ཐི་ནམ་སོགས་ཕྱིའི་རྒྱལ་ཁབ་དུ་མ་ཕེབས་པར་ཡུན་རིང་ཡིན་པ་འདི་ག་ཨེ་ཤི་ཡ་རང་དབང་རླུང་འཕྲིན་ཁང་ལ་འགྲེལ་བརྗོད་གནང་གི་འདུག
2025-04-04
བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་གིས་སྤྱི་ལོ་༢༠༢༤ལོའི་བོད་ནང་གི་འགྲོ་བ་མིའི་ཐོབ་ཐང་སྙན་ཐོ་བཏོན་པའི་ནང་། བོད་ནང་གི་འགྲོ་བ་མིའི་ཐོབ་ཐང་གནས་སྟངས་ཇེ་ཞན་ཇེ་སྡུག་དང་བོད་མི་ཚོ་སྔར་བཞིན་གཞི་རྒྱ་ཆེ་བའི་བཙན་གནོན་མནར་གཅོད་འོག་ཡོད་པ་གསལ་སྟོན་གནང་འདུག
2025-04-04
ཟླ་ ༤ ཚེས་ ༤ ཉིན་བཞུགས་སྒར་རྒྱལ་བའི་ཕོ་བྲང་དུ་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་འཇར་མན་གྲོས་ཚོགས་འཐུས་མི་(Michael Brand) དང་འཇར་མན་རྒྱལ་སྤྱིའི་བོད་དོན་ལས་འགུལ་ཁང་གི་འགན་འཛིན་ཀཡེ་ མུ་ལར་ (Kai Muller)། སི་ཀོ་ཊ་ལན་ཌི་གྲོས་ཚོགས་བོད་དོན་རྒྱབ་སྐྱོར་ཚོགས་པའི་ཚོགས་གཙོ་ (Ross John Greer) གཙོ་བར་འགྱུར་བའི་གནད་ཡོད་མི་སྣ་ཁག་གཅིག་ལ་མཇལ་ཁ་སྩལ་སོང་།
2025-04-03
ཉེ་ལམ་འབར་མ་དང་ཐའི་ལན་ཊི་ནང་བྱུང་བའི་ས་འགུལ་ཁྲོད་རྒྱ་ནག་གིས་འཛུགས་སྐྲུན་བྱས་པའི་ཐོག་བརྩེགས་ཁང་ཆེན་རྡིབ་སྐྱོན་གྱིས་ལས་མི་མང་པོའི་ཚེ་སྲོག་ཤོར་བར་ཐའི་ལན་ཊི་མི་མང་གིས་རྒྱ་ནག་གི་སྤུས་ཚད་ཞན་པའི་འཛུགས་སྐྲུན་ལ་ཞེན་ལོག་མ་དགའ་བའི་རྣམ་འགྱུར་སྟོན་བཞིན་འདུག
2025-04-03
ཨ་རིའི་སྲིད་འཛིན་ཌོ་ནལཌི་ཊམཔ་གྱིས་ཡོངས་ཁྱབ་གསལ་བསྒྲགས་བྱས་པའི་ཚོང་ཁྲལ་གསར་པ་དེས་ཚོང་ལས་ཕྱིར་འདྲེན་ལ་བརྟེན་མཁན་ཨེ་ཤེ་ཡའི་ཡར་རྒྱས་འགྲོ་བཞིན་པའི་རྒྱལ་ཁབ་ཚོར་དོ་ཕོག་ཆེ་བ་ཐེབས་ཉེན་ཡོད་པ་རེད།
2025-04-03
མཆོག་སྤྲུལ་ཧཱུྃ་ཀར་རྡོ་རྗེ་མཆོག་སྐུ་གྲོངས་བའི་གནས་ཚུལ་ཐོན་པར་ཕངས་མེས་དང་ཡིད་གདུང་གིས་མྱ་ངན་ཞུ་མཁན་མང་དག་ཅིག་ཡོང་བཞིན་འདུག་ལ། བོད་ནང་གི་བོད་མི་ཞིག་ནས་བོད་ཀྱི་བྱས་པ་ཅན་གྱི་མི་བུ་ཤུགས་རྐྱེན་ཅན་དག་གློ་བུར་འདས་གྲོངས་སུ་འགྲོ་བཞིན་པ་ནི། སྙུང་གཞི་ཁོ་ནར་འབྲེལ་བ་ཞིག་མ་ཡིན་པར་གནད་དོན་ཅན་ཞིག་ཡིན་སྐོར་གྱི་དོགས་གཞི་བསླངས་ཡོད་པ་སོགས་བཀོད་འདུག
2025-04-03
རྒྱ་གར་གྱི་གནའ་བོའི་རིག་གཞུང་དེ་དམིགས་བསལ་ཆོས་དང་མ་འབྲེལ་བར་དེང་དུས་ཀྱི་ཤེས་ཡོན་དང་མཉམ་འབྲེལ་གནང་ཐུབ་ན། སྤྱི་ཚོགས་མཐུན་སྒྲིལ་དང་བཟང་སྤྱོད་ལྡན་པའི་འཚོ་བ་སྐྱེལ་སྟངས་ཤིག་དར་སྤེལ་གཏོང་ཐུབ་པའི་སྐོར། ༸གོང་ས་༸སྐྱབས་མགོན་ཆེན་པོ་མཆོག་གིས་རྒྱ་གར་གྱི་གནའ་བོའི་ཤེས་རབ་དང་ཆོས་དང་མ་འབྲེལ་བའི་བཟང་སྤྱོད་ཀྱི་བགྲོ་གླེང་ཚོགས་ཆེན་དུ་བཀའ་སྩལ་འདུག
2025-04-03
ཕྱི་ལོ་ ༢༠༢༥ ཟླ་ ༤ ཚེས་ ༣ རེས་གཟའ་ཕུར་བུའི་ཉིན་བཞུགས་སྒར་༸རྒྱལ་བའི་ཕོ་བྲང་དུ་བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆན་པོ་མཆོག་གིས། འབྲུག་པ་ཐུགས་སྲས་རིན་པོ་ཆེ་མཆོག་དབུས་པའི་རྒྱ་གར་བྱང་ཤར་གྱི་འབྲུག་གསང་སྔགས་ཆོས་གླིང་དང་བལ་ཡུལ་གྱི་འབྲུག་ཨ་མི་ཏ་བྷ་བཙུན་དགོན་གཉིས་ཀྱི་དགེ་བཙུན་ ༣༠༠ ལྷག་དང་། སྤི་ཏིའི་རྒས་གསོ་ཁང་གི་བགྲེས་སོང་སོགས་དད་ལྡན་མཇལ་ཞུ་བ་ཁྱོན་བཞི་བརྒྱ་ལྷག་ཙམ་ཞིག་ལ་མཇལ་ཁ་སྩལ་གནང་མཛད་སོང་།
2025-04-02
མགོ་ལོག་དགའ་བདེ་རྫོང་ལུང་སྔོན་དགོན་པའི་དགོན་བདག་སྤྲུལ་སྐུ་ཧཱུྃ་ཀར་རྡོ་རྗེ་མཆོག་གར་སོང་ཆ་མེད་དུ་གྱུར་ནས་ཟླ་བ་ ༨ ཙམ་གྱི་རྗེས། དེ་རིང་ཕྱི་ཚེས་ ༢ ཉིན་རྒྱ་ནག་གཞུང་འབྲེལ་མི་སྣས་ཁོང་འདས་གྲོངས་སུ་གྱུར་ཡོད་སྐོར་བསྒྲགས་འདུག་ལ། ཁོང་ད་ལོ་དགུང་ལོ་ ༥༦ རེད་འདུག
2025-04-02
ཨེ་ཤེ་ཡ་རང་དབང་རླུང་འཕྲིན་ཁང་གི་རླུང་འཕྲིན་བརྒྱུད་གཏོང་བྱེད་ས་ཉུང་དུ་ཕྱིན་པའི་རྐྱེན་གྱིས་རླུང་འཕྲིན་རླབས་ཐུང་བརྒྱུད་ལམ་ (Shortwave Radio) གྱི་དུས་ཚོད་ཉུང་དུ་བཏང་ཡོད།
2025-04-02
ཨིན་ཡུལ་གྲོས་ཚོགས་སུ་བོད་ཀྱི་ལོ་གསར་ཕྱི་བསྣུར་གྱི་སྲུང་བརྩི་དང་སྦྲགས། ༸གོང་ས་༸སྐྱབས་མགོན་ཆེན་པོ་མཆོག་ལ་མར་ཁུ་རི་གསེར་གྱི་གཟེངས་རྟགས་འབུལ་བཞེས་མཛད་པའི་ཉིན་མོ་སྲུང་བརྩི་ཞུས་འདུག
2025-04-02
ཟླ་ ༣ མགོ་སྟོད་ནས་བཟུང་། རྒྱ་ནག་གཞུང་གིས་རྔ་བ་དང་མཛོད་དགེ་ཕྱོགས་སུ་རོང་འབྲོག་མང་ཚོགས་ཁྱིམ་ཚང་རེ་རེ་བཞིན་ཞིབ་བཤེར་གྱིས། མ་འོངས་པར་རྒྱལ་ཁབ་ཀྱི་དཔལ་འབྱོར་ལ་དཀའ་ངལ་བྱུང་ཚེ། མི་མང་གི་དཔལ་འབྱོར་ཟླ་སྒྲིལ་གྱིས་མཉམ་ལས་ཁང་འཛུགས་སྲིད་ཅེས་བཤད་བཞིན་ཡོད་སྐོར། བོད་ནང་གི་འབྲེལ་ཡོད་བོད་མི་གསུམ་ནས་འདི་ག་ཨེ་ཤེ་ཡ་རང་དབང་རླུང་འཕྲིན་ཁང་ལ་འགྲེལ་བརྗོད་གནང་བྱུང་།
2025-04-02
༸གོང་ས་༸སྐྱབས་མགོན་ཆེན་པོ་མཆོག་ལ་བཞུགས་སྒར་ཐེག་ཆེན་ཆོས་གླིང་གཙུག་ལག་ཁང་དུ། རྒྱ་གར་རྡོ་རྗེ་གླིང་གི་འབྲུག་གསང་སྔགས་ཆོས་གླིང་དབུས་པའི་ཀ་རྡོར་སྒང་གསུམ་དང་ལ་དྭགས། ཁུ་ནུ། གར་ཞ་དང་བལ་ཡུལ་བཅས་ཧི་མ་ལ་ཡའི་རི་བརྒྱུད་ཁུལ་དུ་གནས་འཁོད། འབྲུག་པ་བཀའ་རྒྱུད་པའི་ལྷ་སྡེ་མི་སྡེ་ཡོངས་ཀྱིས་འབྲུག་པ་ཐུགས་སྲས་རིན་པོ་ཆེ་མཆོག་རྡོ་རྗེ་སློབ་དཔོན་དུ་དབུ་བཞུགས་གནང་སྟེ། ཚེ་དཔག་མེད་ལྷ་གཅིག་བུམ་གཅིག་གི་ཚེ་སྒྲུབ་གནད་དུ་སྨིན་པ་གནང་བའི་བརྒྱུད། བརྟན་བཞུགས་རྒྱས་པ་ཞིག་བསྟར་འབུལ་ཞུས་པ།
2025-04-01
རྒྱ་དཀར་ནག་བར་ཕྱི་འབྲེལ་བཙུགས་ནས་ལོ་ངོ་ ༧༥ འཁོར་བའི་དུས་དྲན་སྲུང་བྱེད་བཞིན་ཡོད་ནའང་། རྒྱ་གར་གྱིས་འདས་པའི་ཉམས་མྱོང་ལས་བློ་སྦྱེད་བླངས་ཏེ་རྒྱ་ནག་གི་བྱེད་བབ་ལ་དོགས་གཟོན་དགོས་པ་ཉམས་ཞིབ་པས་འགྲེལ་བརྗོད་གནང་གི་འདུག
2025-04-01
རྒྱ་ནག་གིས་བཏོན་པའི་རྒྱབ་ཤ་དཀར་པོའི་དེབ་ནང་དུ་བོད་ཡིག་དེ་བཞིན་རྒྱལ་སྤྱིའི་སྟེང་ངོས་ལེན་ཡོད་པའི་རྒྱ་ནག་གི་གྲངས་ཉུང་མི་རིགས་ཀྱི་སྐད་ཡིག་ཨང་དང་པོ་དེ་ཡིན་སྐོར་བརྗོད་པར། བོད་མི་ཚོས་རྒྱ་ནག་གི་སྤྱི་ཚོགས་དྲ་ལམ་ཁག་ཏུ་བོད་སྐད་ཡིག་སློབ་གྲྭ་ཁག་ཚང་མས་ནང་སློབ་འཁྲིད་དགོས་པ་དང་། རྒྱ་ནག་གི་ལོ་རེའི་མཐོ་རྒྱུགས་ཡིག་ཚད་ནང་བོད་ཡིག་དགོས་པ། སྲིད་གཞུང་གིས་བོད་སྐད་ཡིག་ཡག་པོ་ཡོད་པ་བཤད་པ་ཙམ་མ་ཡིན་པར་དོན་དངོས་ལག་ལེན་ཁྲོད་བོད་སྐད་ཡིག་བཀོལ་སྤྱོད་ཁྱབ་རྒྱ་ཆེ་རུ་གཏོང་དགོས་པ་སོགས་ཀྱི་མཆན་བཏབ་སྟེ་ཡ་ལན་སློག་བཞིན་འདུག
