ເຣື້ອງທີ່ເກັບບັນທຶກໄວ້
2023-12-20
ກອງປະຊຸມເວທີ ປຶກສາຫາລີື ການຮ່ວມມື ລາວ-ຈີນ ພາຍໃຕ້ຫົວຂໍ້ “ນຶ່ງແລວ ນຶ່ງເສັ້ນທາງ” ຄັ້ງທີ 2 ໄດ້ຖືກຈັດຂຶ້ນ ຢູ່ນະຄອນຫຼວງວຽງຈັນ ໂດຍໄດ້ເຜີຍແຜ່ ຜົລການຮ່ວມມື ໃນຫຼາຍຂົງເຂດ ລະຫວ່າງ ລາວ-ຈີນ.
2023-12-19
ຊາວບ້ານ ທີ່ອາໄສຢູ່ແຄມນໍ້າຊອງ ແຂວງວຽງຈັນ ກັງວົນເຣື່ອງຄຸນນະພາບນໍ້າ ທີ່ອາດປົນເປື້ອນ ສານເຄມີ ຈາກການຂຸດຄົ້ນແຮ່ທາດ ແລະ ສວນກ້ວຍ ຂອງຈີນ ເນື່ອງຈາກສະພາບນໍ້າ ຕາມແລວແມ່ນ້ໍາຊອງ ຂຸ່ນ, ບາງຈຸດ ສະພາບນໍ້າ ມີສີແດງຂຸ່ນ ຄ້າຍກັບຂີ້ຕົມ.
2023-12-18
ບໍຣິສັດ ພູເບັ້ຍ ມາຍນີ້ງ ຈໍາກັດ ເຈົ້າຂອງ ໂຄງການຂຸດຄົ້ນບໍ່ຄໍາ ຢູ່ແຂວງໄຊສົມບູນ ໄດ້ມອບຄືນ ເນື້ອທີ່ຂຸດຄົ້ນຄໍາ ຈໍານວນ 37 ເຮັກຕ້າຣ໌ ຢູ່ເຂດບ້ານນໍ້າຍອນ ເມືອງອະນຸວົງ ໃຫ້ແກ່ທາງການແຂວງໄຊສົມບູນ ເພື່ອນໍາໄປໃຊ້ປໂຍດອື່ນໆຕໍ່ໄປ, ພາຍຫຼັງການຂຸດຄົ້ນແຮ່ຄໍາ ໃນເນື້ອທີ່ຈໍານວນດັ່ງກ່າວ ໝົດແລ້ວ.
2023-12-18
ຊາວບ້ານຜູ້ເສັຍດິນ ໃຫ້ບໍຣິສັດ ຊີໂນ-ອາກຣີໂປຕາສ ຈໍາກັດ ຂອງຈີນ ຢູ່ເມືອງໜອງບົກ ແລະເມືອງທ່າແຂກ ແຂວງຄໍາມ່ວນ ຈໍານວນ 18 ບ້ານ ລວມ 2,352 ຄອບຄົວ ແລະ ເນື້ອທີ່ດິນເວນຄືນທັງໝົດ 1,973.95 ເຮັກຕ້າຣ໌ ຈຶ່ງຮຽກຮ້ອງໃຫ້ບໍຣິສັດຈີນ ແລະທາງການລາວ ຈ່າຍເງິນຄ່າຊົດເຊີຍໃຫ້ເໝາະສົມ.
2023-12-14
ເມື່ອວັນທີ 8 ທັນວາ ທີ່ຜ່ານມາ ອົງການປົກຄອງແຂວງເຊກອງ ໄດ້ເຊັນສັນຍາ ໃຫ້ບໍຣິສັດ ຂອງຄົນລາວ ສັມປະທານ ໂຄງການກໍ່ສ້າງເຂື່ອນໄຟຟ້າຂນາດນ້ອຍ ຫ້ວຍປວງ 1 ແລະ ຫ້ວຍປວງ 2 ຢູ່ເມືອງ ດາກຈຶ້ງ ເຊິ່ງຍັງບໍ່ມີຂໍ້ມູນຣາຍລະອຽດ ເຖິງຜົລກະທົບກັບຊາວບ້ານ.
2023-12-14
ສະມາຊິກສະພາແຫ່ງຊາຕ ແລະສະມາຊິກ ສະພາປະຊາຊົນ ນະຄອນຫຼວງວຽງຈັນຫຼາຍຄົນ ໄດ້ມີຄໍາເຫັນ ຄັດຄ້ານໂຄງການຂຸດຄົ້ນບໍ່ແຮ່ ໃນເຂດນະຄອນຫຼວງວຽງຈັນ ໂດຍສະເພາະ ການລົງທຶນຂອງບໍຣິສັດຈີນ ທີ່ເຂົ້າມາຂຸດຄົ້ນບໍ່ແຮ່ ໃນເຂດນະຄອນຫຼວງວຽງຈັນ ແລ້ວເຮັດໃຫ້ດິນຊຸດໂຊມ ແລະເສັ້ນທາງເປ່ເພ.
2023-12-13
ຮ້ານກິນດື່ມ ໃກ້ວັດອົງຕື້ ໃນເຂດເມືອງຈັນທະບູຣີ ນະຄອນຫຼວງວຽງຈັນ ເປີດເພງສຽງດັງ ເກີນເວລາ ສ້າງຄວາມເດືອດຮ້ອນ ແກ່ຊາວບ້ານໃກ້ຄຽງ ຈົນບາງຄົນ ບໍ່ສາມາດນອນໄດ້, ແຕ່ຫຼ້າສຸດນີ້ ເຈົ້າໜ້າທີ່ ທີ່ກ່ຽວຂ້ອງ ໄດ້ລົງແກ້ໄຂ ເປັນແຕ່ລະໄລຍະ ຕາມຄຳຮ້ອງຮຽນ ຂອງຊາວບ້ານນັ້ນແລ້ວ.
2023-12-12
ສປປ ລາວ ມີແຜນກໍ່ສ້າງ, ໂຄງການປັບປຸງ ແລະ ສ້ອມແປງ ເສັ້ນທາງຫຼວງແຫ່ງຊາຕ ເລຂທີ 13 ໃຕ້ ຕັ້ງແຕ່ ກິໂລແມັດທີ 21 ເມືອງໄຊທານີ ຫາ ກິໂລແມັດ 66 ເມືອງປາກງື່ມ ນະຄອນຫຼວງວຽງຈັນ ເຊິ່ງເປັນໂຄງການໃໝ່ ເພື່ອຈະຂຍາຍທາງຫຼວງແຫ່ງຊາຕ ໃຫ້ກ້ວາງອອກປະມານ 20 ປາຍແມັດ.
2023-12-08
ການຂຸດຄົ້ນເກືອກາລີ ຂອງບໍຣິສັດ ຈີນ ຢູ່ແຂວງຄໍາມ່ວນ ໄດ້ສ້າງຜົລກະທົບ ຕໍ່ສິ່ງແວດລ້ອມ, ປ່ອຍນໍ້າເສັຽລົງໃສ່ແມ່ນໍ້າຂອງ.
2023-12-07
ທາງການລາວ ແລະບໍຣິສັດເຕັກໂນໂລຈີ ຂອງເອກະຊົນຈີນ ລົງນາມໃນ MOU ເພື່ອຫລຸດຜ່ອນອາຍພິດເຮືອນແກ້ວຢູ່ລາວ ຍ້ອນການຕັດໄມ້ ທໍາລາຍປ່າ ຫລາຍຂຶ້ນ ເມື່ອປຽບທຽບ ໃນປີ 1940 ມີປ່າໄມ້ປະມານ 70% ຂອງເນື້ອທີ່ທົ່ວປະເທດ, ແຕ່ມາເຖິງປີ 2018 ເຫລືອພຽງ 40% ເຊິ່ງຫລຸດລົງຫຼາຍ.
2023-12-06
ບໍຣິສັດຈີນ ແລະລາວ ກໍາລັງສຶກສາ ຄວາມເປັນໄປໄດ້ ຂອງໂຄງການສ້າງແຫລ່ງທ່ອງທ່ຽວ ຄົບວົງຈອນ ຢູ່ເມືອງປາກຊ່ອງ ແຂວງຈໍາປາສັກ ໃນຂະນະທີ່ຊາວບ້ານ ຊຶ່ງໄດ້ເສັຍດິນໃຫ້ໂຄງການ ຕ່າງໆຂອງຈີນ ຍັງບໍ່ທັນໄດ້ຮັບຄ່າຊົດເຊີຍ ຄົບຖ້ວນ.
2023-12-06
ເຄືອຂ່າຍອົງການຈັດຕັ້ງ ພາກປະຊາສັງຄົມ ຂອງໄທຍ ຮຽກຮ້ອງໃຫ້ມີການທົບທວນ ການສ້າງເຂື່ອນພູງອຍ ໃສ່ແມ່ນ້ຳຂອງ ເນື່ອງຈາກເປັນຫ່ວງ ຜົລກະທົບ ຕໍ່ພັນປາ ແລະ ຊຸມຊົນ.
2023-12-06
ອີງຕາມການຣາຍງານ ຂອງ Logistics Performance Index ປີ 2023 ຂອງທະນາຄານໂລກ ລະບຸວ່າ ປະເທດລາວ ມີໂຄງຮ່າງພື້ນຖານ ຢູ່ອັນດັບ 7 ຂອງອາຊ້ຽນ, ເນື່ອງຈາກເສັ້ນທາງ ທີ່ເປັນໂຄງຮ່າງພື້ນຖານ ບໍ່ໄດ້ຮັບການກໍ່ສ້າງ ໃຫ້ໄດ້ມາຕຖານ ຫຼື ມີການເປ່ເພຫຼາຍ.
2023-12-05
ເສັ້ນທາງຫຼາຍສາຍ ໃນທົ່ວປະເທດ ຍັງບໍ່ໄດ້ຮັບການເອົາໃຈໃສ່ ສ້ອມແປງ ແກ້ໄຂບັນຫາເປ່ເພ ເຮັດໃຫ້ເກີດມີຂີ້ຝຸ່ນຫຼາຍ, ຖນົນເປັນຂຸມ-ເປັນບໍ່, ດິນທັບຖົມເສັ້ນທາງ ກະທົບຊາວບ້ານ, ຜູ້ສັນຈອນ ໄດ້ຮັບຄວາມເດືອດຮ້ອນ ລວມທັງເຮັດໃຫ້ການເດີນທາງ ຂອງນັກທ່ອງທ່ຽວ ຫຍຸ້ງຍາກ ຫຼາຍຂຶ້ນ.
2023-12-05
ບໍຣິສັດຈີນ ເຣີ່ມເຂົ້າມາຂໍເຊົ່າດິນ ກັບຊາວບ້ານ ໃນແຂວງບໍ່ແກ້ວ ເພື່ອປູກໝາກຖົ່ວເຫຼືອງ ປະມານ 600 ເຮັກຕ້າຣ໌ ພາຍຫຼັງທີ່ກ່ອນໜ້ານີ້ ເມື່ອ 5-6 ປີກ່ອນ ເຄີຍມາເຊົ່າດິນ ເພື່ອປູກໝາກກ້ວຍ.
