གསར་འགྱུར་ཡིག་ཚགས།
2025-04-15
རྭ་རྒྱ་གངས་ལྗོངས་ཤེས་རིག་ནོར་གླིང་གསར་འཛུགས་མཁན་དང་སློབ་གཙོ་འཇིགས་མེད་རྒྱལ་མཚན་ལགས་ནས། རྭ་རྒྱ་ཤེས་རིག་སློབ་གླིང་གི་འབྲེལ་ཡོད་སློབ་མ་དང་ཁྱིམ་བདག་སོགས་ཀྱི་འདུས་ཚོགས་ཐོག རྭ་རྒྱ་ཤེས་རིག་ནོར་བུའི་སློབ་གླིང་གི་ལག་ཤེས་སྡེ་ཚན་བསྐྱར་དུ་སྒོ་ཕྱེ་ཆོག་པའི་ཆོག་མཆན་ཐོབ་སྟེ། མི་རིང་བར་ཚོགས་ཆོག་ཆོག་ལྟ་བུ་ཡིན་པས་མ་འོངས་པར་ལག་ཤེས་སྡེ་ཚན་ངོས་ནས་བོད་མིའི་སྤྱི་ཚོགས་ཁྲོད་ཁ་པར་བཀོལ་སྤྱོད་སོགས་ཀྱི་ཐད་འབད་བརྩོན་གནང་འཆར་ཡོད་པ་བསྒྲགས་འདུག
2025-04-15
ད་ལྟའི་དུས་སྐབས་འདིར། དེང་རབས་ཀྱི་ཚན་རིག་ལ་མ་བརྟེན་པར་ནང་དོན་རིག་པ་ཁོ་ནས་ཤེས་བྱའི་གནས་ཚུལ་ཡོངས་སུ་རྫོགས་པ་ཞིག་ཐག་གཅོད་ཐུབ་ཁག་པོ་ཡིན་པ་གསལ་པོ་ཡིན་པས། གདན་ས་ཁག་གི་ནང་ཚན་རིག་སློབ་གཉེར་ཡར་རྒྱས་སུ་ཕྱིན་པ་འདིས། ནང་དོན་རིག་པའི་སློབ་སྦྱོང་ལ་འགལ་རྐྱེན་དུ་མི་འགྲོ་བར་གཟིགས་དགོས་པ་གལ་ཆེན་རེད་ཅེས། མཁས་དབང་ཟམ་གདོང་རིན་པོ་ཆེ་མཆོག་གིས་གྲྭ་བཙུན་གྱི་ཚན་རིག་ཟབ་སྦྱོང་བཙུགས་ནས་ལོ་༢༥འཁོར་བའི་དུས་སྟོན་སྟེང་གསུངས་སོང་།
2025-04-15
རྒྱ་ནག་གཞུང་གིས་ས་གནས་ཡུལ་མི་མང་པོས་དྲ་ལམ་ཁག་ཏུ་རིན་པོ་ཆེ་མཆོག་ལ་མྱ་ངན་དང་། པར་རིས་སོགས་རྒྱུད་སྐུར་བྱས་པར་དམ་དྲག་ཞིབ་བཤེར་གྱིས་བོད་མི་མང་དག་ཅིག་འབོད་འགུག་གིས་འདྲི་རྩད་བྱས་ཡོད་པ་མ་ཟད། བོད་མི་རེ་གཉིས་བཀག་ཉར་འོག་ཡོད་པའི་གནས་ཚུལ་རེ་བྱུང་གི་ཡོད་ན་ཡང་། ཞིབ་ཕྲའི་གནས་ཚུལ་དམ་དྲག་དང་ཞིབ་བཤེར་རྐྱེན་གྱིས་རྩ་ནས་ལེན་ཐུབ་ཀྱི་མེད་པ།འབྲེལ་ཡོད་བོད་མི་གཉིས་ནས་འདི་ག་ཨེ་ཤེ་ཡ་རང་དབང་རླུང་འཕྲིན་ཁང་ལ་འགྲེལ་བརྗོད་གནང་བྱུང་།
2025-04-15
བོད་དང་ནང་སོག དེ་བཞིན་ཡུ་གུར་གཙོས་པའི་རྒྱལ་སྤྱིའི་ཚོགས་པ་བརྒྱ་ལྷག་གིས། རྒྱ་ནག་གི་བཙོན་འཇུག་དང་བཀག་ཉར་འོག་ལོ་ངོ་ ༣༠ ལྷག་མནར་གཅོད་མྱོང་བ་དང་། ད་ལྟའི་ཆར་འཕྲོད་བསྟེན་བདེ་ཐང་མེད་པར་ཆགས་ཏེ་སྨན་ཁང་དུ་ལྷག་ཡོད་པ། ལྷོ་སོག་པོའི་འགྲོ་བ་མིའི་ཐོབ་ཐང་འཐབ་རྩོད་པ་གྲགས་ཅན་སྐུ་ཞབས་ཧཱ་ཌ་ (Hada) ལགས་མྱུར་དུ་གློད་བཀྲོལ་དགོས་པའི་ཞུ་སྐུལ་བྱས་འདུག
2025-04-14
རྒྱ་ནག་གིས་གནའ་རྫས་ལ་ཁུངས་གཏུག་ཁུལ་གྱིས་བོད་རྒྱ་ནག་གི་ཆ་ཤས་ཡིན་ཚུལ་བསྒྲགས་པར་གནད་དོན་དབྱེ་ཞིབ་པས་ལོ་རྒྱུས་ཐོག་བོད་རྒྱ་གཉིས་དཔལ་ཡོན་ཁག་ཁག་ཡིན་པ་མ་ཟད། གནའ་རྫས་སྔོག་འདོན་བརྒྱུད་བོད་རྒྱ་ནག་གི་ཆ་ཤས་ཡིན་པ་སྒྲུབ་ཐབས་མེད་པ་གསུང་གི་འདུག
2025-04-14
འགྲོ་བ་མིའི་ཐོབ་ཐང་ལྟ་ཞིབ་ཚོགས་པས། ཕྱི་ལོ་ ༢༠༢༡ ལོ་ནས་བཟུང་རྒྱ་ནག་གཞུང་གིས་བོད་ཀྱི་ས་ཁུལ་ཁག་ཏུ་ཆབ་སྲིད་ཀྱི་དམིགས་ཡུལ་ཐོག་ནས་ཁ་པར་དང་དྲ་རྒྱ་བེད་སྤྱོད་དང་འབྲེལ་བའི་ནག་ཉེས་ཀྱི་ཉེས་མིང་འོག་མི་མང་པོ་འཛིན་བཟུང་བྱས་ཡོད་པ་དང་། འཛིན་བཟུང་འདི་དག་ནི་གཙོ་བོ་བོད་མི་ཚོས་ཁ་པར་ནང་རྒྱ་གཞུང་གི་ "བཀག་སྡོམ་བྱས་པའི་བརྗོད་གཞི་"ཉར་བ་དང་བོད་ཕྱི་ལ་ཡོད་པའི་ནང་མི་སྤུན་ཆེན་རྣམས་དང་འབྲེལ་བ་བྱས་རྐྱེན་ཡིན་པ་བསྒྲགས་འདུག
2025-04-14
རྒྱ་ནག་གཞུང་གིས་བོད་ནང་དྲྭ་རྒྱ་དང་ཁ་པར་བརྒྱུད་གནས་ཚུལ་འགྲེམས་སྤེལ་ལ་དམ་དྲག་དང་། དངོས་ཡོད་གནས་ཚུལ་ཕྱིར་གྱར་སོང་བ་རྣམས་གནས་ཚུལ་བཅོས་མ་ཡིན་སྐོར་བརྗོད་དེ་མེད་པ་བཟོ་ཐབས་རྩོམ་བཞིན་འདུག
2025-04-14
རྒྱ་ནག་གཞུང་གིས་ཨ་རིའི་དཔོན་རིགས་ཁག་ཅིག་ལ་བོད་དང་འབྲེལ་བའི་གནད་དོན་སྐོར་ལ་སྤྱོད་ཚུལ་ཡག་པོ་མེད་སྐོར་བརྗོད་ནས། ཨ་རིའི་དཔོན་རིགས་ཁག་ཅིག་རྒྱ་ནག་ནང་འགྲོ་སྐྱོད་ཀྱི་མཐོང་མཆན་བཀག་བསྡོམས་དང་། ཨ་རིའི་དཔོན་རིགས་དེ་དག་གིས་བྱེད་སྤྱོད་ནི་རྒྱ་ནག་གི་ནང་སྲིད་ལ་ཐེ་ཇུས་བྱས་པ་ཞིག་ཡིན་སྐོར། རྒྱ་ནག་ཕྱི་སྲིད་ལས་ཁུངས་ཀྱི་མགྲིན་ཚབ་པ་ལེན་ཅཱན་ (Lin Jian) ཟེར་བས། ཉིན་རེའི་རྒྱུན་ལྡན་གསར་འགོད་གསལ་བསྒྲགས་དང་འབྲེལ་བསྒྲགས་ཡོད་འདུག
2025-04-14
རྒྱ་ནག་སྲིད་འཛིན་གྱིས་རྒྱ་ནག་དང་ཨ་མི་རི་ཀའི་དབར་ཚོང་དམག་ཤུགས་ཆེ་ལངས་ཏེ་ད་ཡོད་ཀྱི་འཛམ་གླིང་གི་ལམ་སྲོལ་ཐོག་འགྱུར་བ་ཤུགས་ཆེ་འགྲོ་ཉེན་ཆེ་བའི་དུས་འདིར། རྒྱ་ནག་གཞུང་གིས་ལྷོ་ཤར་ཨེ་ཤེ་ཡ་དང་ཨ་ཧྥི་རི་ཀ་སོགས་ཀྱི་རྒྱལ་ཁབ་མང་པོ་ཞིག་སོ་སོའི་ཕྱོགས་སུ་བཀུགས་ཐབས་བྱེད་བཞིན་པ།
2025-04-14
བོད་མི་གཞོན་སྐྱེས་ཁག་གཅིག་གིས། ལྡི་ལིར་རྟེན་གཞི་བྱས་པའི་ལྦེཊ་ནམ་གཞུང་ཚབ་ཀྱི་མདུན་དུ་མཆོག་སྤྲུལ་ཧཱུྃ་དཀར་རྡོ་རྗེ་མཆོག་འདས་གྲོངས་སུ་གྱུར་བའི་གནད་དོན་ཐད་ཕྱི་གསལ་ནང་གསལ་གྱིས་ཞིབ་འཇུག་དགོས་པའི་ངོ་རྒོལ་སྐད་འབོད་ཀྱི་ལས་འགུལ་སྤེལ་འདུག
2025-04-14
རྒྱ་ནག་གཞུང་གིས་ཨིན་ཡུལ་གྲོས་ཚོགས་འཐུས་མི་ལྦེ་ར་ཧོབ་ཧོས་ (Wera Hobhouse) དང་ཁོང་གི་བཟའ་ཟླ་གཉིས་པོ་ཧོང་ཀོང་དུ་བསྐྱོད་པར་བཀག་འགོག་གིས། འཕྲལ་དུ་གནམ་ཐང་ནས་ཕྱིར་སློག་བྱས་འདུག་ཅིང་ཨིན་ཡུལ་ཕྱི་སྲིད་དྲུང་ཆེས་རྒྱ་ནག་གཞུང་ནས་དེར་ལན་འདེབས་གསལ་བཤད་དགོས་པ་གསུངས་འདུག
2025-04-11
ཟླ་ ༤ ཚེས་ ༡༡ ཉིན་རྒྱ་ནག་གསར་འགྱུར་ལས་ཁང་ (Xinhua) གིས་གནས་ཚུལ་སྤེལ་བ་ལྟར་ན། རྒྱ་ནག་གི་ཚན་རིག་གཙུག་ལག་སློབ་ཁང་ཁོངས་སུ་ཡོད་པའི་རླུང་ཁམས་གནམ་གཤིས་དངོས་ལུགས་ཞིབ་འཇུག་ཁང་ཞེས་ Institute of Atmospheric Physics (IAP) ཡི་ཚན་རིག་པ་འགས་ཞིབ་འཇུག་བྱས་པའི་བརྒྱུད། བོད་མཐོ་སྒང་དུ་འབྱུང་འགྱུར་ལོ་བཅུའི་ནང་ཚ་དྲོད་ཇེ་ཆེར་འཕེལ་རྒྱུ་ཡིན་པའི་གྲུབ་དོན་གསལ་སྟོན་བྱས་ཡོད་པ་རེད་འདུག
2025-04-11
ངོ་དེབ་ཀྱི་ལས་ཟུར་སཱ་ར་ཝིན་ཝི་ལི་ཡམ་སི་ཡིས་ཨ་རིའི་གྲོས་ཚོགས་སུ། མེ་ཊ་ཡིས་ཧོང་ཀོང་དང་ཐའེ་ཝན་ཁུལ་གྱི་ངོ་དེབ་ཀྱི་ནང་དོན་ལ་བསྐྱར་ཞིབ་ཡོ་ཆས་ཤིག་བཟོས་ཏེ་ལག་བསྟར་བྱས་ཡོད་པ་དང་། ཡོ་ཆས་དེས་ངོ་དེབ་ཀྱི་བརྡ་འཕྲིན་གང་ཞིག་ལ་མི་གྲངས་ ༡༠,༠༠༠ ལས་མང་བས་ལྟ་ཀློག་བྱས་ཚེ། རང་བཞིན་གྱིས་རྩོམ་སྒྲིག་འགན་འཛིན་ཞིག་གིས་བསྐྱར་ཞིབ་བྱེད་ཆེད་དུ་འགྲོ་ཡི་ཡོད་སྐོར་ཁུངས་སྐྱེལ་རྭ་སྤྲོད་བྱས་ཡོད་པ་རེད།
2025-04-11
ཨ་རི་དང་རྒྱ་ནག་གཉིས་དབར་ཉོ་ཚོང་གི་དམག་འཁྲུགས་ཆེ་རུ་འགྲོ་བཞིན་པའི་སྐབས་འདིར། ཨ་རི་ནི་བོད་རང་སྐྱོང་ལྗོངས་ཟེར་བའི་ཕྱིར་ཚོང་བྱ་ཡུལ་ཆེ་ཤོས་གྲས་ཤིག་ཡིན་སྟབས། གནད་དོན་དབྱེ་ཞིབ་པ་ཚོས་རྒྱལ་ཁབ་གཉིས་ཀའི་སྒོ་ཁྲལ་གཅིག་རྗེས་གཉིས་མཐུད་སྤར་ནས་ད་ཆ་ཨ་རིས་རྒྱ་ནག་གི་ཚོང་ཟོག་ཁག་ལ་སྒོ་ཁྲལ་ཁྱོན་བརྒྱ་ཆ་ ༡༤༥ བར་སྤར་ཡོད་པ་དེས། བོད་མི་རྣམས་ཀྱི་ཚོང་ཟོག་ལ་དོ་ཕོག་ཤུགས་ཆེན་འགྲོ་ངེས་ཡིན་པ་འགྲེལ་བརྗོད་གནང་གི་འདུག
2025-04-11
བོད་ཀྱི་གཞོན་ནུ་ལྷན་ཚོགས་ཀྱིས་ཉེ་ལམ་མཆོག་སྤྲུལ་ཧཱུྃ་དཀར་རྡོ་རྗེ་མཆོག་ཝི་ཊི་ནམ་དུ་རྒྱ་ནག་གི་འཛིན་བཟུང་འོག་འདས་གྲོངས་སུ་གྱུར་བར་རྒྱ་གར་གྱི་རྒྱལ་ས་ལྡི་ལིར་རྒྱ་ནག་གཞུང་ཚབ་ཁང་གི་མདུན་དུ་ངོ་རྒོལ་དང་། ཝི་ཊི་ནམ་གཞུང་ཚབ་ཁང་ལ་གནད་དོན་དེའི་སྐོར་གསལ་བཤད་དགོས་པའི་ཞུ་སྙན་ཕུལ་འདུག
