མཆོག་སྤྲུལ་ཧཱུྃ་དཀར་རྡོ་རྗེ་མཆོག་རྒྱ་ནག་གི་འཛིན་བཟུང་འོག་འདས་གྲོངས་སུ་གྱུར་བར་བོད་མི་ལས་འགུལ་བ་ཁག་ཅིག་ནས་ལྡི་ལིར་རྒྱ་ནག་གཞུང་ཚབ་ཁང་མདུན་དུ་ངོ་རྒོལ་སྐད་འབོད་གནང་འདུག
ལས་འགུལ་བ་རྣམས་ཉེན་རྟོག་པས་འཛིན་བཟུང་བྱེད་བཞིན་པ། ༢༠༢༥།༠༤།༡༡
TYC
བོད་ཀྱི་གཞོན་ནུ་ལྷན་ཚོགས་ཀྱིས་ཉེ་ལམ་མཆོག་སྤྲུལ་ཧཱུྃ་དཀར་རྡོ་རྗེ་མཆོག་ཝི་ཊི་ནམ་དུ་རྒྱ་ནག་གི་འཛིན་བཟུང་འོག་འདས་གྲོངས་སུ་གྱུར་བར་རྒྱ་གར་གྱི་རྒྱལ་ས་ལྡི་ལིར་རྒྱ་ནག་གཞུང་ཚབ་ཁང་གི་མདུན་དུ་ངོ་རྒོལ་དང་། ཝི་ཊི་ནམ་གཞུང་ཚབ་ཁང་ལ་གནད་དོན་དེའི་སྐོར་གསལ་བཤད་དགོས་པའི་ཞུ་སྙན་ཕུལ་འདུག
ཉེ་ལམ་སྤྲུལ་སྐུ་ཧཱུྃ་ཀར་རྡོ་རྗེ་མཆོག་སྤྱི་ཟླ་ ༣ པའི་ཚེས་ ༢༥ ཉིན་ཝི་ཏི་ནམ་གྱི་སའི་གོན་(Saigon)གྲོང་ཁྱེར་དུ། རྒྱ་ནག་གཞུང་གི་གསང་བའི་ལས་ཁུངས་དང་ཝི་ཏི་ནམ་གྱི་ཉེན་རྟོག་པས་འཛིན་བཟུང་བཀག་ཉར་གྱི་ཉིན་ཤས་རྗེས། གློ་བུར་རྒྱུ་རྐྱེན་གསལ་བཤད་གང་ཡང་མེད་པར་འདས་གྲོངས་སུ་འགྱུར་བའི་གནས་ཚུལ་མཐོན་ཡོད་པར། ཟླ་ ༤ ཚེས་ ༡༡ རེས་གཟའ་པ་སངས་ཉིན་བོད་ཀྱི་གཞོན་ནུ་ལྷན་ཚོགས་ཀྱིས་རྒྱ་གར་གྱི་རྒྱལ་ས་ལྡི་ལིར་རྒྱ་ནག་གཞུང་ཚབ་ཁང་གི་མདུན་མཆོག་སྤྲུལ་རིན་པོ་ཆེ་ལྐོག་འགྱུར་ངང་འདས་གྲོངས་ཀྱི་རྒྱུ་རྐྱེན་ཐད་ཕྱི་གསལ་ནང་གསལ་དགོས་པའི་ངོ་རྒོལ་སྐད་འབོད་ཀྱི་ལས་འགུལ་སྤེལ་བ་དང་ཆབས་ཅིག ཝི་ཏི་ནམ་གཞུང་ཚབ་ཁང་ལ་ཛ་དྲག་གནས་སྟངས་དེའི་རྒྱུད་རིམ་གསལ་བཤད་དགོས་པའི་ཞུ་སྙན་ཞིག་ཀྱང་ཕུལ་འདུག
རྒྱ་ནག་གཞུང་ཚབ་ཁང་མདུན་དུ་བོད་མི་ལས་འགུལ་བ་ ༡༧ ནས་ངོ་རྒོལ་སྐད་འབོད་བྱས་རྐྱེན་ཉེན་རྟོག་པས་འཛིན་བཟུང་བྱས་འདུག་ནའང་། ཕྱི་དྲོ་ཆུ་ཚོད་དྲུག་པའི་ཐོག་ལས་འགུལ་བ་རྣམས་གྲོད་བཀྲོལ་བཏང་འདུག
དེ་ཡང་ལས་འགུལ་གོ་སྒྲིག་གནང་མཁན་བོད་ཀྱི་གཞོན་ནུ་ལྷན་ཚོགས་ཀྱི་དྲུང་ཆེ་བསོད་ནམས་ཚེ་རིང་ལགས་ཀྱིས་ལས་འགུལ་དེའི་སྐོར་ངོ་སྤྲོད་གནང་དོན་ལ། ཉེ་ལམ་སྤྲུལ་སྐུ་ཧཱུྃ་ཀར་རྡོ་རྗེ་མཆོག་ཝི་ཏི་ནམ་ནང་གློ་བུར་དུ་འདས་གྲོས་སུ་ཕྱིན་ཡོད་པས། ཞིང་གཤེགས་དམ་པ་དེ་ཉིད་ཀྱི་སྐུ་ཕུང་ལ་རྒྱལ་སྤྱིའི་རང་ཞིན་ལྡན་པའི་ཐོག་ཞིབ་འཇུག་ཚད་ལྡན་གྱིས། ཞིབ་འཇུག་གི་གྲུབ་དོན་དེ་ཕྱི་གསལ་ནང་གསལ་དགོས་པ་མ་ཟད། རིན་པོ་ཆེའི་སྐུ་ཕུང་ལྟོས་བཅས་ནང་མི་ལ་རྩིས་སྤྲོད་དགོས་པའི་སྐོར་སྐད་འབོད་ཞུ་སྐུལ་གནང་ཡོད་སྐོར་འགྲེལ་བརྗོད་གནང་གི་འདུག དེ་བཞིན་ཁོང་གིས་མུ་མཐུད། རྒྱ་ནག་གཞུང་གིས་བོད་ཀྱི་སྐད་ཡིག་དང་རིག་གཞུང་མི་ཉམས་རྒྱུན་འཛིན་གནང་མཁན་གྱི་བོད་མི་རྣམས་འཛིན་བཟུང་བཀག་ཉར་གྱིས། ལྐོག་འགྱུར་ངང་བཀྲོངས་རྒྱུའི་བྱ་སྤྱོད་རིགས་འཕྲལ་དུ་མཚམས་འཇོག་བྱེད་དགོས་ལ། དེ་འབྲེལ་རྒྱལ་སྤྱིའི་སྤྱི་ཚོགས་ནས་རྒྱ་ནག་གཞུང་ལ་གནོན་ཤུགས་སྤྲོད་དགོས་པ་སྐོར་འགྲེལ་བརྗོད་གནང་བྱུང་།
མ་ཟད་བསོད་ནམས་ཚེ་རིང་ལགས་ཀྱིས་མུ་མཐུད་གསུངས་དོན་ལ། ད་ཐེངས་ཧཱུྃ་དཀར་མཆོག་སྤྲུལ་རིན་པོ་ཆེ་དོགས་གཞིའི་འོག་འདས་གྲོངས་སུ་གྱུར་བའི་གནད་དོན་གསལ་བཤད་དགོས་སྐོར་རྒྱ་ནག་གཞུང་ཚབ་ཁང་གི་མདུན་དུ་ལས་འགུལ་བ་ཁག་ཅིག་ནས་ངོ་རྒོལ་སྐད་འབོད་གནང་ཡོད་པ་མ་ཚད། རིན་པོ་ཆེ་འདས་གྲོངས་སུ་འགྱུར་ཡུལ་ཝི་ཊི་ནམ་གཞུང་ནས་དེའི་ཐོག་འགན་ཁུར་ཡོང་ཐབས་སུ་ཝི་ཊི་ནམ་གཞུང་ཚབ་ཁང་ལ་དེ་དོན་གསལ་བཤད་དགོས་པའི་ཞུ་སྙན་ཞིག་ཀྱང་ཕུལ་ཡོད་སྐོར་འདི་ག་ཨེ་ཤེ་ཡ་རང་དབང་རླུང་འཕྲིན་ཁང་ལ་གསུངས་བྱུང་།
དེ་མཚུངས་ཟླ་ ༤ ཚེས་ ༡༡ ཕྱི་དྲོའི་ཚོུད་ ༦ ཐོག་གཞུང་འབྲེལ་མ་ཡིན་པའི་ཚོགས་པ་ཁག་བཞི་ཐུན་མོང་གིས་བཞུགས་སྒར་དུ། མཆོག་སྤྲུལ་ཧཱུྃ་དཀར་རྡོ་རྗེ་མཆོག་དོགས་གཞིའི་འོག་འདས་གྲོངས་སུ་གྱུར་བར་མྱ་ངན་མཚོན་ཆེད་བཞུགས་སྒར་རྡ་རམ་ས་ལའི་མེ་གྷན་ཁྲོམ་གཞུང་དུ་མར་མེ་ཁྲོམ་སྐོར་གྱི་ལས་འགུལ་ཞིག་སྤེལ་སོང་བ་དང་། དེ་འབྲེལ་བོད་ཀྱི་བུད་མེད་ལྷན་ཚོགས་ཀྱི་ཚོགས་གཙོ་ཚེ་རིང་སྒྲོལ་མ་ལགས་ཀྱིས། ཐེངས་འདིའི་ལས་འགུལ་ནི་རྒྱ་ནག་གཞུང་གིས་རིན་པོ་ཆེ་མཆོག་འདས་གྲོངས་སུ་གྱུར་བའི་རྒྱུ་རྐྱེན་གསལ་བཤད་ཡོང་ཆེད་ཡིན་ཞིང་། ཁོང་རྣམས་ནས་རྒྱ་ནག་དང་ཝི་ཏི་ནམ་གཞུང་གཉིས་ལ་འབོད་སྐུལ་གྱི་ལས་འགུལ་མུ་མཐུད་སྤེལ་འཆར་ཡོད་སྐོར་གསུངས་བྱུང་།
དེ་བཞིན་བཞུགས་སྒར་དུ་གནས་བསྡོད་མདོ་སྨད་མགོ་ལོག་རྨ་ཆེན་རྗོང་ནས་ཡིན་པའི་བསམ་གྲུབ་ལགས་ཀྱིས། སྤྱིར་མགོ་ལོག་ནང་བླ་མ་རྩ་ཆེན་ཤིན་ཏུ་ནས་མང་པོ་ཡོད་ཅིང་། མཆོག་སྤྲུལ་ཧཱུྃ་དཀར་རྡོ་རྗེ་མཆོག་ལྟ་བུའི་ནི་རྒྱ་ནག་གཞུང་ལ་ཐད་ཀར་ངོ་རྒོལ་གནང་མཁན་གྱི་བླ་མ་བློ་སྟོབས་ཅན་ཞིག་ཡིན་ཞིང་། དམ་པ་ཁོང་གིས་བོད་ཕྱི་ནང་གཉིས་སུ་བོད་ཀྱི་ཆོས་དང་རིག་གཞུང་རྒྱུན་འཛིན་ཐད་མཛད་པ་རླབས་ཆེན་བསྐྱངས་གནང་མཛད་ཡོད་པས། གློ་བུར་དུ་འདས་གྲོངས་སུ་གྱུར་བའི་གནས་ཚུལ་ཐོན་པ་ནི་བོད་ཕྱི་ནང་གཉིས་ཀྱི་བོད་མི་ཡོངས་ནས་ཡིད་སྐྱོ་དགོས་པའི་གནས་ཚུལ་ཞིག་ཡིན་ཞེས་འགྲེལ་བརྗོད་གནང་བྱུང་།
གཞི་རྩའི་སྤྱི་ལོ་ ༢༠༢༥ ལོའི་ཟླ་ ༣ པའི་ཚེས་ ༢༥ ཉིན། མཆོག་སྤྲུལ་ཧཱུྃ་དཀར་རྡོ་རྗེ་མཆོག་ཝི་ཏི་ནམ་རྒྱལ་ཁབ་ཀྱི་གྲོང་ཁྱེར་(Saigon)ནང་རྒྱ་ནག་གསང་བའི་ལས་ཁུངས་ཀྱི་མི་སྣ་དང་ཝི་ཏི་ནམ་གཞུང་གི་ཉེན་རྟོག་པ་མཉམ་འབྲེལ་གྱིས་དངོས་སུ་འཛིན་བཟུང་བྱས་ཏེ། སྤྱི་ཚེས་ ༢༨ ཉིན་ས་གནས་སྤྱི་བདེ་ལས་ཁུངས་སུ་རྩིས་སྤྲོད་དང་མཚུངས་ཉི་མ་དེ་ག་རང་དུ་རིན་པོ་ཆེ་མཆོག་སྐུ་བཀྲོངས་པའི་གནས་ཚུལ་ཐོན་ཡོད་པར། བོད་མིའི་སྒྲིག་འཛུགས་གཙོས་པའི་བོད་ཀྱི་གཞུང་མ་ཡིན་པའི་ཚོགས་སྡེ་དང་། རྒྱལ་སྤྱིའི་འགྲོ་བ་མིའི་ཐོབ་ཐང་གི་ཚོགས་སྡེ་ཁག་གིས་རིན་པོ་ཆེ་དོགས་གཞིའི་འདས་གྲོངས་སུ་གྱུར་བར་བློ་འཚབ་དང་སྦྲགས། རིན་པོ་ཆེ་གྲོངས་རྐྱེན་གསལ་བཤད་དགོས་པའི་འབོད་སྐུལ་གནང་ཡོད་པ་རེད། །
གསར་འགོད་པ། བདེ་ཆེན་དབང་མོ།
རྩོམ་སྒྲིག་པ། བསྟན་འཛིན་བསྟན་སྐྱོང་།
དྲྭ་ཐོག་སྤེལ་མཁན། བསྟན་འཛིན་བསྟན་སྐྱོང་།
བལྟ་བཤེར་མང་ཤོས་བྱས་པའི་གནས་ཚུལ།
RFA
- ཁྲིམས་ཁང་གིས་ཨེ་ཤེ་ཡ་རང་དབང་རླུང་འཕྲིན་ཁང་གི་མ་དངུལ་མཁོ་སྤྲོད་དགོས་པའི་ཁྲིམས་ཀྱི་ཐག་གཅོད་ལ་ཨེ་ཤེ་ཡ་རང་དབང་རླུང་འཕྲིན་ཁང་གིས་དགའ་བསུ་ཞུས།
- བཙན་བྱོལ་བོད་མིའི་སློབ་གྲྭ་ཟླ་སྒྲིལ་ཚོགས་ཆུང་བསྐོ་འཛུགས་ཀྱིས་སློབ་གྲྭ་ཟླ་སྒྲིལ་གཏང་རྒྱུའི་འཆར་འགོད་གནང་བཞིན་འདུག
- ཨ་རིའི་ཕྱི་སྲིད་དྲུང་ཆེས་ཕྱི་སྲིད་ལས་ཁུངས་ཀྱི་ལས་དོན་དང་འབྲེལ་བའི་འཆར་འགོད་གསར་པ་ཞིག་གི་འོག་འགྲོ་བ་མིའི་ཐོབ་ཐང་སོགས་ཚན་པ་མང་དག་ཅིག་གི་ལས་དོན་མཚམས་འཇོག་བྱ་རྒྱུའི་གསལ་བསྒྲགས་གནང་འདུག
- ཨ་མི་རི་ཀའི་སྲིད་འཛིན་གཞོན་པ་ཇེ་ཊི་ཝེན་སི་མཆོག་གིས་རྒྱ་གར་ནང་གཟིགས་སྐོར་དང་ཆབས་ཅིག རྒྱ་གར་གྱིས་རྒྱ་ནག་ནས་ནང་འདྲེན་གྱི་དྭངས་ལྕགས་རིགས་ལ་སྒོ་ཁྲལ་བརྒྱ་ཆ་ ༡༢ སྤར་ཡོད་པ།
- ཨ་རིའི་གཞུང་ངོས་ནས་རྒྱ་ནག་དང་ལྷན་ཚོང་འབྲེལ་གྲོས་མོལ་བྱས་ཚེ་རྒྱ་ནག་གིས་ཨ་རིའི་ཅ་དངོས་ཐོག་སྒོ་ཁྲལ་གུ་ཡངས་གཏང་རྒྱུ་ཡིན་པ་བརྗོད་འདུག
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
- བོད་ནང་གི་རྫ་སྟོད་རྫོང་གི་ས་འགུལ་ཁྲོད་མི་རྒྱུ་གཉིས་ལ་གནོད་སྐྱོན་བྱུང་མེད་སྐོར། བོད་ནང་གི་བོད་མིས་འགྲེལ་བརྗོད་གནང་གི་འདུག
- ༸གོང་ས་༸སྐྱབས་མགོན་ཆེན་པོ་མཆོག་གིས་ཤེས་ལྡན་རྒྱ་ནག་མི་སེར་རྣམས་ཀྱིས་བོད་དོན་ཐོག་བསམ་བློ་གཏོང་ཕྱོགས་ནི་བོད་དོན་འཐབ་རྩོད་ཁྲོད་གལ་གནད་ཅན་ཞིག་ཡིན་ཞེས་བཀའ་སྩལ་མཛད་ཀྱི་ཡོད་པ།
- རྒྱ་ནག་གཞུང་གི་བཀོད་བྱུས་འོག་གཞུང་འབྲེལ་མིན་པའི་ཚོགས་པས་མཉམ་འབྲེལ་རྒྱལ་ཚོགས་སུ་འགྲོ་བ་མིའི་ཐོབ་ཐང་གི་གནད་དོན་ཐད་ཐེ་བྱུས་བྱེད་བཞིན་ཡོད་སྐོར་སྙན་ཐོའི་གསར་པའི་ནང་གསལ་སྟོན།
- ༸གོང་ས་༸སྐྱབས་མགོན་ཆེན་པོའི་གསེར་ཁྲི་མངའ་གསོལ་མཛད་སྒོའི་སྐབས་ཀྱི་གནས་སྟངས་གསལ་བའི་ཆུ་ཚོན་རི་མོ་ངོ་མ་ ༤༠ ཚོང་སྒྱུར་གནང་རྒྱུ་རེད་འདུག
- བཙན་བྱོལ་ནང་གི་མི་རབས་གཞོན་པ་རྣམས་ལ་བོད་ནང་གི་ཛ་དྲག་གནས་སྟངས་ངོ་སྤྲོད་བྱ་ཆེད། སྙིང་སྟོབས་ཀྱི་འབོད་སྒྲ ཅེས་པའི་གཏམ་བརྗོད་གཟིགས་འབུལ་ཞུ་བཞིན་འདུག