သတင်းနှင့် ဆောင်းပါးများ သိုမှီးရေးစနစ်
2021-09-07
မကွေးတိုင်း၊ တောင်တွင်းကြီးမြို့၊ မောင်တိုင် (၁) ရပ်ကွက်က အမျိုးသားဒီမိုကရေစီ အဖွဲ့ချုပ် (NLD) ပါတီရဲ့ တိုင်းလွှတ်တော်ကိုယ်စားလှယ် ဦးဝင်းမြင့်လှိုင် (ခေါ်) ကိုလှိုင်လှိုင်ရဲ့ နေအိမ်ကို စက်တင်ဘာလ ၇ ရက် ဒီနေ့ မနက် ၅ နာရီဝန်းကျင် လောက်မှာ အရပ်ဝတ်တွေနဲ့လာရောက် ဖျက်ဆီးသွားတယ်လို့ ကိုယ်တိုင်မြင်တွေ့ခဲ့သူက ပြောပါတယ်။
2021-09-07
အမျိုးသားညီညွတ်ရေးအစိုးရ (NUG) က ပြည်သူ့တော်လှန်ရေး စတင်ကြေညာတဲ့ ဒီနေ့ စက်တင်ဘာ ၇ ရက်နေ့မှာပဲ မကွေးနဲ့ တနင်္သာရီတိုင်းတွေမှာ စစ်ကောင်စီတပ် တွေနဲ့ ပြည်သူကာကွယ်ရေးတပ် (PDF)၊ တိုင်းရင်းသားလက်နက် ကိုင်တပ်တွေ အကြား တိုက်ပွဲတွေဆက်ပြီး ဖြစ်ပွားနေပါတယ်။
2021-09-07
ကချင်ပြည်နယ် နောင်မွန်မြို့မှာ စစ်အာဏာရှင်စနစ် ကျဆုံးရေးနဲ့ မြန်မာပြည်ငြိမ်းချမ်းရေး ဆုတောင်းပွဲကြောင့် ခရစ်ယာန်သင်းအုပ်ဆရာ သုံးဦး အကျဉ်းထောင်ထဲမှာ ဖမ်းဆီးထိန်းသိမ်းခံထားရတာ အခုဆိုရင် အချိန်နှစ်လကျော် ကြာလာခဲ့ပါပြီ။ ဒီအတွက် ကချင်နှစ်ခြင်းအသင်းတော်နဲ့ ဒေသခံတွေကလည်း သင်းအုပ်ဆရာတွေ ပြန်လွတ်မြောက်ဖို့ ကြိုးပမ်းနေကြပါတယ်။
2021-09-07
စစ်ကိုင်းတိုင်း၊ ကလေးမြို့နယ်ထဲက ရွာအချို့ကို စစ်ကောင်စီအဖွဲ့ဝင်တွေ ဝင်ရောက်ရှာဖွေဖမ်းဆီးတာတွေ လုပ်နေတာကြောင့် ဒေသခံရွာသား ၂၀၀၀ ကျော် ထွက်ပြေးတိမ်းရှောင်နေရသလို စက်တင်ဘာလ ၇ ရက် ဒီနေ့မှာလည်း ဒိုးနွယ်ရွာက နေအိမ် နှစ်လုံး မီးရှို့ခံရတယ်လို့ ကလေးမြို့ဒေသခံတွေက RFA ကို ပြောပါတယ်။
2021-09-07
မကွေးတိုင်းထဲက မြို့နယ် လေးမြို့နယ်မှာရှိတဲ့ စစ်ကောင်စီလက်အောက်ခံနေရာ ငါးခုကို စက်တင်ဘာလ ၇ ရက် ဒီကနေ့မနက်ပိုင်း ဗုံးခွဲတိုက်ခိုက်ခဲ့တယ်လို့ ဗိဿနိုး ကာကွယ်ရေးတပ်မတော်ရဲ့ ပြန်ကြားရေးတာဝန်ခံတစ်ဦးက ပြောပါတယ်။
2021-09-07
ပဲခူးတိုင်း (အနောက်ခြမ်း) ၊ ပြည်မြို့၊ ကျောင်းကြီးအိုးတန်းရပ်ကွက်မှာ နေထိုင်တဲ့ လူငယ် ညီအကိုနှစ်ဦးကို စက်တင်ဘာလ ၆ ရက် မနေ့ညနေ ၃ နာရီခန့်မှာ စစ်ကောင်စီဘက်က ရိုက်နှက်ဖမ်းဆီးသွားပြီးနောက် တစ်ဦးသေဆုံးသွားပါတယ်။
2021-09-07
အမျိုးသားညီညွတ်ရေးအစိုးရ (NUG) က စက်တင်ဘာလ ၇ ရက် ဒီကနေ့မှာ ကြေညာလိုက်တဲ့ ပြည်သူ့တော်လှန်ရေးနေ့မှာ မန္တလေးမြို့အခြေစိုက် တက္ကသိုလ် ကျောင်းသားများသမဂ္ဂအဖွဲ့ ၁၉ ဖွဲ့က ပါဝင်သွားမှာဖြစ်တယ်လို့ ဒီနေ့မနက်ပိုင်းမှာပဲ အရေးပေါ်ကြေညာချက် ထုတ်ပြန်လိုက်ပါတယ်။
2021-09-07
အမျိုးသားညီညွတ်ရေးအစိုးရ (NUG) ရဲ့ ကာကွယ်ရေးဝန်ကြီးဌာနက၊ စက်တင်ဘာလ ၇ ရက် ဒီကနေ့ကစပြီး ပြည်သူ့ကာကွယ်ရေးတပ်မတော် (PDF) အပါအဝင် ပြည်သူ့ကာကွယ်ရေးအဖွဲ့များတွေနဲ့ အထူးတပ်ဖွဲ့တွေအတွက် စစ်မြေပြင်မှာ လိုက်နာရမယ့် စည်းမျဉ်း၊ စည်းကမ်းတွေကို ကြေညာလိုက်ပါတယ်။
2021-09-06
စစ်ကောင်စီ လက်အောက်မှာရှိတဲ့ အရပ်ဘက် ရုံးဌာနအားလုံးကို ဒီကနေ့ကစပြီး ရက်အကန့်အသတ်မရှိ အလုပ်ပိတ်ရက်အဖြစ် သတ်မှတ်ကြောင်းနဲ့ အလုပ်ဆင်းရန် မလိုအပ်ကြောင်း NUG ဝန်ကြီးချုပ် မန်းဝင်းခိုင်သန်း လက်မှတ်ထိုး ထုတ်ပြန်တဲ့ အမိန့်ကြေညာချက်မှာ ဖော်ပြ ထားပါတယ်။
2021-09-06
စက်တင်ဘာလ ၇ ရက် ဒီနေ့ကစပြီး အာဏာသိမ်းစစ်ကောင်စီကို စစ်ရေးနည်းအရ ပြန်လည်ခုခံတိုက်ခိုက် သွားမယ်လို့ အမျိုးသားညီညွတ်ရေး အစိုးရ NUG က ဒီကနေ့ ကြေညာလိုက်ပါတယ်။
2021-09-06
မြန်မာနိုင်ငံမှာ လက်နက်ကိုင် တိုက်ခိုက်နေသူတွေ အားလုံး ၄ လ အပစ်အခတ်ရပ်စဲကြဖို့ အာဆီယံ အထူးကိုယ်စားလှယ် အာရီဝန်ယူဆွတ်က အာဏာသိမ်း စစ်ကောင်စီကို တောင်းဆိုထားပါတယ်။ ဒီတောင်းဆိုချက်ကို စစ်ကောင်စီဘက်က လက်ခံနိုင်မလား ဆိုတာနဲ့ပတ်သက်ပြီး နိုင်ငံတကာက မြန်မာ့အရေးကျွမ်းကျင်သူတွေရဲ့ သုံးသပ်ချက်တွေကို RFA ဝိုင်းတော်သား ကိုရဲခေါင်မြင့်မောင် တင်ပြထားပါတယ်။
2021-09-06
NLD အမျိုးသား ဒီမိုကရေစီအစိုးရလက်ထက်မှာ ဒေါ်အောင်ဆန်းစုကြည်နဲ့ အစိုးရကို ပုတ်ခတ်ပြောဆိုတဲ့အတွက် နိုင်ငံတော်အကြည်ညိုပျက်စေမှု ရာဇသတ်ကြီးဥပဒေပုဒ်မ ၁၂၄-ကနဲ့ တရားစွဲဆိုခံရတဲ့ ဦးဝီရသူကို စစ်ကောင်စီက အမှုကရုတ်သိမ်းပြီး မနေ့က ပြန်လွှတ်ပေးလိုက်ပါတယ်။
2021-09-06
ကိုရိုနာဗိုင်းရပ်စ်ပိုး ကူးစက်ပြန့်ပွားနေတာတွေကို ထိန်းချုပ်ဖို့ဆိုတဲ့ အကြောင်း ပြချက်နဲ့ စစ်ကောင်စီက ရုံးပိတ်ရက် ရှည်တွေကို ကြေညာခဲ့တာကြောင့် ဒေါ်အောင်ဆန်းစုကြည်နဲ့ သမ္မတ ဦးဝင်းမြင့်တို့ရဲ့ အမှုတွေကို ရုံးထုတ်မစစ် ဆေးဖြစ်တာ အချိန်နှစ်လနီးပါး ကြာလာခဲ့ပါပြီ။
2021-09-06
ပဲခူးတိုင်း ပြည်မြို့ ဗိုလ်ချုပ်လမ်းမပေါ် ခေတ္တရာပန်းခြံရှေ့ စစ်ကောင်စီတပ်သားတွေ လုံခြုံရေးယူထားတဲ့ နေရာမှာ စက်တင်ဘာ ၆ ရက် ဒီနေ့ ပေါက်ပွဲမှုနှစ်ကြိမ်ဖြစ်ခဲ့ပြီး တဲ့နောက် သေနတ်သံတွေ ဆက်တိုက်ကြားခဲ့ရသလို တစ်မြို့လုံးကိုလည်း ပိတ်ဆို့ရှာဖွေနေတယ်လို့ ပြည်မြို့ခံတွေ က ပြောပါတယ်။
2021-09-06
သြဂုတ်လ တစ်လအတွင်း မြန်မာနိုင်ငံ တစ်ဝှမ်းလုံးမှာ လက်နက်ကိုင်တိုက်ပွဲတွေနဲ့ ပဋိပက္ခဖြစ်စဉ်ပေါင်း ၄၄၃ ကြိမ် ဖြစ်ပွားခဲ့ပြီး အဲဒီဖြစ်စဉ်တွေကြောင့် စစ်ကောင်စီ ဘက်က ၅၈၀ ဦး သေဆုံးခဲ့တယ်လို့ အမျိုးသား ညီညွတ်ရေးအစိုးရရဲ့ ကာကွယ်ရေးဝန်ကြီးဌာနက စက်တင်ဘာလ ၆ ရက် ဒီနေ့မှာ ထုတ်ပြန်ပါတယ်။
