ເຣື້ອງທີ່ເກັບບັນທຶກໄວ້
2022-09-07
ໂຈນປຸ້ນຈີ້ ຂີ້ລັກງັດແງະ ຣະບາດຢູ່ເມືອງໃຫຍ່ໆ ເປັນຕົ້ນ ຢູ່ນະຄອນຫລວງວຽງຈັນ ແລະແຂວງຫລວງພຣະບາງ ຍ້ອນຄວາມທຸກຍາກ ແລະການວ່າງງານ, ມີຄົນເລ້ລ້ອນ ເສບຢາເສບຕິດຫລາຍຂຶ້ນ ສິ່ງເຫຼົ່ານີ້ ກາຍເປັນບັນຫາ ໃນສັງຄົມລາວ ເຮັດໃຫ້ຄົນດີຢູ່ຍາກ ສ່ວນເຈົ້າໜ້າ ກໍເຮັດຫຍັງບໍ່ໄດ້ຫຼາຍ.
2022-09-07
ຖນົນຫົນທາງ ສ່ວນໃຫຍ່ເປ່ເພ ແຕ່ຍັງບໍ່ໄດ້ສ້ອມແປງ ໂດຍສະເພາະ ເສັ້ນທາງເລຂທີ່ 13 ເໜືອ ເນື່ອງຈາກ ຝົນຕົກໜັກ ແລະນ້ຳຖ້ວມ ຂະນະທີ່ ປະຊາຊົນ ໄດ້ແຕ່ຫວັງວ່າ ທາງການ ຈະສ້າງເສັ້ນທາງ ໃຫ້ໄດ້ມາຕຖານ ເພື່ອຄວາມປອດພັຍ ໃນການສັນຈອນ.
2022-09-06
ເຫດການນ້ຳຖ້ວມ ແຂວງຜົ້ງສາລີ ແລະ ແຂວງອຸດົມໄຊ ເຮັດໃຫ້ບ້ານເຮືອນ ຂອງຊາວບ້ານ ຈຳນວນຫຼາຍຄອບຄົວ ຢູ່ເມືອງຂວາ ແຂວງຜົ້ງສາລີ ແລະ ເມືອງໄຊ, ເມືອງນາໝໍ້, ເມືອງຫຼາ ຂອງແຂວງອຸດົມໄຊ ພັງເສັຽຫາຍ ແຕ່ມາຮອດປັດຈຸບັນ ຍັງບໍ່ມີທີ່ພັກອາສັຍເທື່ອ.
2022-09-06
ຊາວບ້ານ ທີ່ໄດ້ເສັຍດິນທໍາການຜລິຕ ໃຫ້ໂຄງການຣີສອຣ໌ດ ສນາມກ໊ອຟ ສາກົລ ພູກິ່ວລົມ ຢູ່ເຂດບ້ານໃຫຍ່ສີເມືອງງາມ ເມືອງຕົ້ນເຜິ້ງ ແຂວງບໍ່ແກ້ວ ໃນເນື້ອທີ່ 133 ເຮັກຕ້າຣ໌ ຊຶ່ງຄາດ ວ່າຈະເຣີ່ມລົງມືກໍ່ສ້າງ ໃນອີກບໍ່ດົນນີ້ ໄດ້ຮັບຄ່າຊົດເຊີຍ ຕໍ່າກວ່າລາຄາ ໃນຕລາດຫລາຍ ແຕ່ກໍຈໍາເປັນ ຕ້ອງຍອມຮັບ.
2022-09-02
ກະຊວງສຶກສາທິການ ແລະ ກິລາ ຮ່ວມກັບ ຣັຖບານ ອອສເຕຣເລັຽ ຈັດສັມນາ ໃຫ້ແກ່ຜູ້ຂຽນ ຫຼັກສູດວິທຍາສາຕ ແລະ ສິ່ງແວດລ້ອມ ສະບັບປັບປຸງໃໝ່ ຊັ້ນປະຖົມ ປ.5 ໂດຍນັ້ນໃສ່ ການຮຽນຮູ້ດ້ວຍການປະຕິບັດໂຕຈິງ ໃນການຮັກສາແຫຼ່ງນ້ຳ ແລະ ການປູກພືດເປັນຫຼັກ.
2022-08-31
ຍັງມີການລັກລອບປູກຝິ່ນ ຢູເມືອງແອດ ແຂວງຫົວພັນ ໂດຍສະເພາະ ບ້ານທີ່ຢູ່ຫ່າງໄກສອກຫຼີກ ແລະສ່ວນໃຫຍ່ ເປັນຊົນເຜົ່າມົ້ງ ທີ່ຢູ່ຕິດກັບຊາຍແດນ ລາວ-ວຽດນາມ, ຜົລຜລິຕ ຈະຂາຍໃຫ້ນາຍທຶນວຽດນາມ ແລະລາວ ຂະນະທີ່ເຈົ້າໜ້າທີ່ ຍັງມີອຸປສັກ ໃນການເຂົ້າ ໄປກວດກາ ສວນຝິ່ນຫຼາຍໆບ່ອນ.
2022-08-30
ປະຊາຊົນ ຜູ້ປະສົບພັຍນ້ຳຖ້ວມ ຢູ່ຫລາຍແຂວງພາກເໜືອ ຂອງລາວ ເປັນຕົ້ນແຂວງຜົ້ງສາລີ ແລະອຸດົມໄຊ ຍັງຄອງຖ້າ ການຊ່ອຍເຫລືອ ເຄື່ອງນຸ່ງຮົ່ມ, ນ້ຳດື່ມ, ອາຫານ, ບ່ອນພັກພາອາສັຍ, ເນື່ອງຈາກເຮືອນຖືກນ້ຳພັດໄຫຼ, ພາກສ່ວນທີ່ກ່ຽວຂ້ອງ ໄດ້ພຽງແຕ່ລະດົມນ້ຳດື່ມ, ອາຫານ ເພື່ອບັນເທົາທຸກ ໃນເບື້ອງຕົ້ນເທົ່ານັ້ນ.
2022-08-29
ຫລາຍເມືອງ ຢູ່ພາກເໜືອຂອງລາວ ໄດ້ຮັບຜົລກະທົບ ຈາກພັຍນໍ້າຖ້ວມ ແລະດິນເຈື່ອນ ຍ້ອນຝົນຕົກໜັກ ທັງຢູ່ເມືອງຂວາ ແຂວງຜົ້ງສາລີ; ຢູ່ເມືອງຫລາ, ເມືອງນາໝໍ້ ແລະເມືອງໄຊ ແຂວງອຸດົມໄຊ ມີຜົລເສັຍຫາຍຫລາຍ ຮວມທັງມີຄົນຈົມນໍ້າເສັຍຊີວິຕ, ສ່ວນການຊ່ອຍເຫຼືອ ຈາກທາງການ ຍັງຢູ່ໃນລະຫວ່າງ ການປະເມີນຄວາມເສັຍຫາຍ.
2022-08-26
ຜູ້ທີ່ໄດ້ຮັບຜົລກະທົບ ຈາກໂຄງການເຂື່ອນໄຊຍະບູຣີ ທີ່ຖືກຍົກຍ້າຍ ອອກຈາກພື້ນທີ່, ຫຼາຍຄອບຄົວ ມີອາຊີບບໍ່ໝັ້ນຄົງ ເຖິງວ່າ ຈະໄດ້ຮັບການຝຶກອົບ ອາຊີບຈາກໂຄງການກໍຕາມ ແຕ່ກໍຫລົ້ມແຫຼວ ເນື່ອງຈາກໂຄງການບໍ່ມີແຜນຮອງຮັບ ໃນໄລຍະຍາວ ນີ້ຄືຜົລກະທົບທີ່ບໍ່ສິ້ນສຸດ ພາຍຫຼັງສ້າງເຂື່ອນສຳເຣັດ.
2022-08-26
ນໍ້າຫ້ວຍໝາກຮຽວ ເປັນມົນລະພິດ ມີກິ່ນເໝັນ ສົ່ງຜົລກະທົບ ຕໍ່ສິ່ງແວດລ້ອມ ແລະຜູ້ຄົນ ທີ່ອາສັຍຢູ່ບໍຣິເວນໃກ້ຄຽງ ໂດຍສະເພາະ ໃນຣະດູແລ້ງ, ສັນນິຖານວ່າ ເປັນຍ້ອນ ໂຮງຈັກ-ໂຮງງານ ຫລາຍແຫ່ງ ປ່ອຍນໍ້າເສັຍ ທີ່ບໍ່ໄດ້ບໍາບັດລົງໃສ່, ຂະນະທີ່ທາງການ ກໍຍັງບໍ່ຢືນຢັນເທື່ອວ່າ ເຫດເກີດມາຈາກຫຍັງກັນແທ້.
2022-08-26
ປັດຈຸບັນ ເນື້ອທີ່ທົ່ງນາຂອງປະຊາຊົນ ຢູ່ເມືອງວັງວຽງ ແຂວງວຽງຈັນ ໄດ້ຫລຸດໜ້ອຍຖອຍລົງ ເນື່ອງຈາກປະຊາຊົນ ຫັນເນື້ອທີ່ທົ່ງນາ ໄປເປັນອຸດສາຫະກັມ ການບໍຣິການ, ການທ່ອງທ່ຽວ ເປັນຈຳນວນຫຼາຍ ແລະມີແນວໂນ້ມວ່າ ເນື້ອທີ່ດິນນາໃນເຂດດັ່ງກ່າວນີ້ ຈະຫລຸດລົງເລື້ອຍໆ ໃນແຕ່ລະປີ.
2022-08-25
ນັກລົງທຶນ ຈາກປະເທດສິງກະໂປ ຈະສ້າງໂຄງການ ໄຟຟ້າແສງຕາເວັນ ຫຼື Solar Attapeu Power Sole Company ທີ່ມີກຳລັງການຜລິຕ 64 ເມກາວັດ ຢູ່ບ້ານຫາດຊັນ ເມືອງໄຊເສດຖາ ແຂວງ ອັດຕະປື ໂດຍ ມີມູນຄ່າການລົງທຶນເກືອບ 70 ລ້ານ ໂດລ້າຣ໌ສະຫະຣັຖ.
2022-08-24
ອົງການຮ່ວມມືສາກົລ ຈາກປະເທດເກົາຫຼີໃຕ້ ຫຼື KOICA ໃຫ້ການສນັບສນູນ ດ້ານງົປມານ ແກ່ອົງການອາຫານ ແລະການກະເສຕ ແຫ່ງສະຫະປະຊາຊາຕ ມອບແນວພັນປາ 3 ຊະນິດ ຈໍານວນ 28,000 ໂຕ ໃຫ້ແກ່ຊາວບ້ານ 14 ຄອບຄົວ ຢູ່ເມືອງສນາມໄຊ ແຂວງອັດຕະປື.
2022-08-23
ທີມງານນາໆຊາຕ ເຮັດວຽກກ່ຽວກັບ ສິ່ງແວດລ້ອມຕາມລໍາແມ່ນໍ້າຂອງ ເຫັນວ່າຜົລກະທົບ ຈາກເຂື່ອນໄຟຟ້າ ໃນນໍ້າຂອງ 2 ແຫ່ງໃນລາວ ເປັນຕົ້ນ ເຂື່ອນໄຊຍະບູຣີ ແລະເຂື່ອນດອນສະໂຮງ ສົ່ງຜົລກະທົບ ຢູ່ໃນລະດັບປານກາງ ແຕ່ພາກປະຊາສັງຄົມໃນລາວ ແລະໄທຍ ເຫັນວ່າ ເຂື່ອນດັ່ງກ່າວ ສົ່ງຜົລກະທົບຂ້ອນຂ້າງຮຸນແຮງ.
2022-08-22
ຄວາມເສັຍຫາຍ ຈາກພັຍນໍ້າຖ້ວມ ຫວ່າງສັປດາທີ່ແລ້ວ ຂອງຊາວບ້ານ ໃນນະຄອນຫຼວງວຽງຈັນ ສ່ວນຫຼາຍ ແມ່ນເຄື່ອງຂອງທີ່ໃຊ້ໃນຊີວິຕ ປະຈຳວັນ ທີ່ຊາວບ້ານເກັບມ້ຽນ ໄປໄວ້ທີ່ສູງບໍ່ທັນ ຊຶ່ງກໍເປັນຄວາມເສັຍຫາຍຫຼາຍສົມຄວນ ສຳລັບຂອງຊາວບ້ານ.
