ເຣື້ອງທີ່ເກັບບັນທຶກໄວ້
2022-09-30
ຜົລຈາກພະຍຸໂນຣູ ທີ່ຜ່ານເຂົ້າພາກໃຕ້ ຂອງລາວ ເຮັດໃຫ້ຊາວບ້ານ ໄດ້ຮັບຜົລກະທົບ ແຕ່ເຂື່ອນໄຟຟ້າສ່ວນໃຫຍ່ ທີ່ຢູ່ເຂດດັ່ງກ່າວ ບໍ່ມີເພີ່ມ ປະຣິມານປ່ອຍນໍ້າ ອອກຈາກເຂື່ອນ ເນື່ຶອງຈາກ ເຂື່ອນແຕ່ລະແຫ່ງ ມີການບໍຣິຫານ ຈັດການທີ່ດີ ກ່ອນໜ້າທີ່ ພະຍຸໂນຣູ ຈະເຂົ້າ ສ່ວນຄວາມເສັຽຫາຍ ຂອງຊາວບ້ານ ຍັງບໍ່ສາມາດ ປະເມີນໄດ້ເທື່ອ.
2022-09-30
ແຂວງອັດຕະປື, ເຊກອງ ແລະສາຣະວັນ ປະສົບ ກັບຄວາມເສັຍ ຫາຍຫລວງຫລາຍ ຈາກພະຍຸໂນຣູ ປັດຈຸບັນ ພາກສ່ວນ ທີ່ກ່ຽວຂ້ອງ ກໍາລັງເກັບກໍາ ຂໍ້ມູນຄວາມເສັຍນັ້ນຢູ່ ຊຶ່ງອາຈມີ ຜູ້ທີ່ໄດ້ຮັບຜົລກະທົບ ຈາກ ພະຍຸ ໃນຄັ້ງນີ້ ອີກຈຳນວນຫຼາຍ ກວ່າທີ່ເປັນຈິງ.
2022-09-29
ພະຍຸໂນຣູ ພັດຖລົ່ມພາກໃຕ້ ຂອງລາວ ເປັນຕົ້ນແຂວງສາຣະວັນ, ອັດຕະປື ແລະເຊກອງ ຕັ້ງແຕ່ຄືນວັນທີ 27 ຈົນຮອດ ຕອນເຊົ້າຂອງວັນທີ 28 ກັນຍານີ້ ເຮັດໃຫ້ນ້ຳຖ້ວມ, ບ້ານເຮືອນ, ຖນົນຫົນທາງ ແລະເຂົ້າໃນນາ ເສັຍຫາຍ.
2022-09-28
ແຈ້ງເຕືອນ ເຂື່ອນໄຟຟ້າ ໃນຂອບເຂດທົ່ວປະເທດ ໃຫ້ລະວັງລະດັບນໍ້າ, ຕິດຕາມກວດກາ ສະພາບເຂື່ອນ ແລະຕຣຽມພ້ອມຮັບມື ໃນກໍຣະນີ ເກີດເຫດສຸກເສີນ ໃນໄລຍະທີ່ພະຍຸໂນຣູ (Noru) ເຄື່ອນຜ່ານ ບັນດາ ແຂວງພາກໃຕ້ ຂອງປະເທດລາວ ຊຶ່ງອາຈສ້າງ ຄວາມເສັຽຫາຍ ໃຫ້ກັບປະຊາຊົນໄດ້.
2022-09-27
ຊາວບ້ານຈຳນວນຫຼາຍ ຄອບຄົວທີ່ຖືກຜົລກະທົບ ໂຄງການກໍ່ສ້າງເຂື່ອນ ເຊກອງຕອນລຸ່ມ ເອ ໃນເມືອງສນາມໄຊ ແຂວງອັດຕະປື ຍັງລໍຖ້າຮັບເງິນຊົດເຊີຍ ເນື່ອງຈາກຊາວບ້ານ ໄດ້ສູນເສັຽຊັພສິນ ແລະທີ່ດິນທຳການກະເສຕໃຫ້ກັບໂຄງການໄປແລ້ວ ແຕ່ປັດຈຸບັນ ຍັງບໍ່ທັນມີທ່າທີວ່າ ໂຄງການດັ່ງກ່າວ ຈະມອບເງິນຊົດເຊີຍໃຫ້.
2022-09-27
ການຊ່ອຍເຫຼືອ ປະຊາຊົນທີ່ຖືກນ້ຳຖ້ວມ ຢູ່ແຂວງອຸດົມໄຊ ຍັງຖືວ່າຫຼ້າຊ້າ ພໍສົມຄວນ ເນື່ອງຈາກ ອຸປກອນ ໃນການປຸກສ້າງ ແລະສ້ອມແປງ ພື້ນຖານໂຄງຮ່າງ ບໍ່ພຽງພໍ ທາງການລາວ ຈຶ່ງໄດ້ຕັດໄມ້ ມາສ້າງຕູບນ້ອຍ ສຳລັບໃຊ້ເປັນບ່ອນພັກ ໃຫ້ແກ່ປະຊາຊົນຊົ່ວຄາວ ຂະນະທີປະຊາຊົນ ກໍຍັງບໍ່ເຫັນຄວາມຫວັງ ໃນການຟື້ນຟູຊີວິຕເທື່ອ.
2022-09-26
ມີການລັກຂົນສົ່ງແຮ່ທາຕ ເພື່ອອອກໄປປະເທດວຽດນາມ ແຕ່ຖືກກວດພົບ ແລະຖືກຍຶດໄວ້ໄດ້ກ່ອນ ໂດຍຄົນຂັບຣົຖບັນທຸກ ທະບຽນວຽດນາມ ປະຕິເສດການເປັນເຈົ້າຂອງ ແລະໃຫ້ເຫດຜົລວ່າ ເປັນພຽງຄົນຂັບຣົຖ ຕາມການຈ້າງເທົ່ານັ້ນ ໃນຂະນະທີ່ປະຊາຊົນລາວ ຢາກເຮັດບົດລົງໂທດ ທີ່ຈິງຈັງຕໍ່ກັບບັນຫາເຫຼົ່ານີ້.
2022-09-23
ຄະນະກັມມາທິການ ແມ່ນໍ້າຂອງ ຫຼື Mekong River Commission (MRC) ໄດ້ຈັດການປະຊຸມ ຄະນະກັມມະການ ກຳກັບການດຳເນີນໂຄງການ ຮ່ວມມືລະຫວ່າງ ໄທຍ-ລາວ ວ່າດ້ວຍການເດີນເຮືອ ໃນແມ່ນໍ້າຂອງ ຈາກຫຼວງພຣະບາງ ໄປຫາຄອນພະເພັງ ໂດຍມີຜູ້ແທນ ຈາກປະເທດລາວ ແລະປະເທດໄທຍ ເຂົ້າຮ່ວມ.
2022-09-22
ມູລນິທິ ອະນຸຮັກສັດປ່າລາວ ຊ່ອຍສວນສັດບ້ານເກິນ ຢູ່ເມືອງທຸລະຄົມ ແຂວງວຽງຈັນ ເປີດໃຫ້ ປະຊາຊົນ ສາມາດເຂົ້າໄປເບິ່ງ ສັດປ່າທີ່ທາງມູລນິທິ ໄດ້ຊ່ອຍເຫຼືອ ໂດຍບໍ່ຕ້ອງເສັຽຄ່າເຂົ້າ ຂະນະທີ່ມີປະຊາຊົນ ຈຳນວນນຶ່ງ ສົນໃຈເຂົ້າໄປຊົມສວນສັດ ທີ່ມີປັບປຸງໃໝ່ນີ້.
2022-09-21
ເສັ້ນທາງ ຢູ່ ເຂດວິທະຍາໄລ ສ້າງຄູບ້ານເກີນ ແຂວງວຽງຈັນ ມີການເປ່ເພຫຼາຍ ຍ້ອນວ່າ ຣົຖບັນທຸກໜັກ ຂົນແຮ່ເຫຼັກ ໄປສະຖານນີຣົຖໄຟ ລາວ-ຈີນ ຢູ່ເມືອງໂພນໂຮງ ເຮັດໃຫ້ເກີດ ຄວາມຫຍຸ້ງຍາກ ກັບຊາວບ້ານທີ່ໃຊ້ຣົຖ ໃຊ້ຖນົນ ຊຶ່ງພາກສ່ວນທີ່ກ່ຽວຂ້ອງ ຍັງບໍ່ໄດ້ແກ້ໄຂບັນຫາ ດັ່ງກ່າວເທື່ອ.
2022-09-21
ຣັຖບານລາວ ໄດ້ອະນຸຍາດ ໃຫ້ກຸ່ມບໍຣິສັດ ວັງຕັດ ຂຸດຄົ້ນບໍ່ແຮ່ ຈໍາກັດ ສັມປະທານ ຊອກຄົ້ນ, ສໍາຣວດແຮ່ທາຕ ທີ່ຫາຍາກ ໃນເນື້ອທີ່ 47 ກິໂລແມັດມົນທົນ ຢູ່ເຂດບ້ານບຣ໋ອງນ້ອຍ ເມືອງດາກຈຶງ ແຂວງເຊກອງ ຊຶ່ງຈະກະທົບຕໍ່ຊັພຍາກອນ ທັມມະຊາຕ, ປ່າໄມ້ຖືກທຳລາຍ.
2022-09-19
ເນື້ອທີ່ທຳການຜລິຕ ໂດຍສະເພາະທົ່ງນາ ຂອງປະຊາຊົນ 5 ບ້ານໃນກຸ່ມບ້ານນໍ້າຍອນ ເມືອງຫ້ວຍຊາຍ ແຂວງບໍ່ແກ້ວ ປະກອບດ້ວຍບ້ານປະນະ, ບ້ານຫົວນໍ້າ, ບ້ານນໍ້າຍອນເກົ່າ, ນໍ້າຍອນໃໝ່ ແລະ ບ້ານລາວຫຼວງ ໄດ້ຮັບຜົລກະທົບຈາກພັຍພິບັດ ນໍ້າປ່າໄຫຼຊຸແຮງ.
2022-09-16
ຊາວບ້ານ ຜູ້ປະສົບພັຍເຂື່ອນແຕກ ໃນເມືອງສນາມໄຊ ແຂວງອັດຕະປື ຍັງຄອງຖ້າເງິນຊົດເຊີຽ ຣາຍການທີ່ 6 ແຕ່ ຍັງບໍ່ຮູ້ວ່າ ມື້ໃດຈະໄດ້ຮັບ ຄ່າຊົດເຊີຽທີ່ວ່ານີ້ ມີເຄື່ອງຕົກຫຼົ່ນ ແລະສເນີໃໝ່ ເປັນຕົ້ນ ຜົລປູກ, ໜອງປາ, ຖຽງນາ ແລະໄມ້ເຄື່ອງເຮືອນຕ່່່າງໆ.
2022-09-16
ສະມາຊິກສະພາ ຜູ້ແທນຣາສດອນຂອງໄທຍ ຂໍໃຫ້ທາງການໄທຍ ເລື່ອນການຊື້ໄຟຟ້າ ຈາກເຂື່ອນປາກແບງ ແລະເຂື່ອນຊະນະຄາມ ຂອງລາວ ເນື່ອງຈາກ ຕ້ອງໄດ້ສຶກສາ ຜົລກະທົບ ດ້ານສິ່ງແວດລ້ອມ ຕໍ່ເຂດແດນຂອງໄທຍ ໃຫ້ລະອຽດກ່ອນ.
2022-09-15
ຄົນຂໍທານ, ຄົນເລ້ລ້ອນ ແລະຄົນເສັຽຈິຕ ທີ່ເພີ່ມຂຶ້ນ ເຮັດໃຫ້ ຜແນກແຮງງານ ແລະສວັດດີການສັງຄົມ ແຂວງຈໍາປາສັກ ອອກແຈ້ງການ ຄຸ້ມຄອງຄົນເຫຼົ່ານັ້ນ ເພື່ອຮັກສາພາບພົດ ຂອງນະຄອນປາກເຊ ຊຶ່ງໄດ້ແຕ່ ຈັບໄປໄວ້ບ່ອນເຕົ້າໂຮມ ຄົນປະເພດນີ້ ແລະຍັງບໍ່ເຫັນແນວທາງ ແກ້ໄຂໃນໄລຍະຍາວ.
