གསར་འགྱུར་ཡིག་ཚགས།
2024-12-17
ཕྱི་ལོ་ ༢༠༢༤ ཟླ་ ༡༢ ཚེས་ ༡༢ ཉིན། རྒྱ་ནག་གཞུང་འབྲེལ་ངོས་ནས་ཕྱི་ལོ་ ༢༠༢༥ ནས་བཟུང་རྒྱ་ནག་རྒྱལ་ཡོངས་ཀྱི་སྐྱེས་པ་ལོ་ན་ ༡༨ སོན་པ་ཚང་མས། ངེས་པར་དུ་དམག་ཞབས་ཐོ་འགོད་ནང་ཞུགས་དགོས་པའི་བརྡ་ཁྱབ་སྤེལ་ཡོད་པ་བཞིན། ད་ལྟའི་ཆར་བོད་ཀྱི་རྒྱལ་ས་ལྷ་ས་གཙོས་བོད་ཀྱི་ས་གནས་མང་དག་ཅིག་ཏུ། རྒྱ་ནག་གཞུང་གིས་སྤེལ་བའི་བརྡ་ཁྱབ་བཞིན་ངེས་པར་དུ་དམག་ནང་ཞུགས་པར་ཐོ་འགོད་དགོས་པའི་བཙན་ཐབས་བྱེད་བཞིན་ཡོད་པ་དང་། དེ་སྔ་ཡིན་ན་བོད་ནང་དུ་དམག་གི་ནང་ཞུགས་པར་ཆབ་སྲིད་ཀྱི་རྒྱབ་ལྗོངས་སོགས་མི་སྒེར་གྱི་ལོ་རྒྱུས་ལ་ཞིབ་བཤེར་ཤུགས་ཆེར་བྱེད་སྲོལ་ཡོད་ན་ཡང་། ཐེངས་འདིར་དེ་ལྟ་བུའི་ཆ་རྐྱེན་གང་ཡང་མེད་པར། ལོ་ན་ ༡༨ སོན་པ་ཚང་མས་ཐོ་འགོད་དགོས་སྐོར་བརྗོད་བཞིན་ཡོད་པ། བོད་ནང་གི་འབྲེལ་ཡོད་བོད་མི་གཉིས་ནས་འདི་ག་ཨེ་ཤེ་ཡ་རང་དབང་རླུང་འཕྲིན་ཁང་ལ་འགྲེལ་བརྗོད་གནང་བྱུང་ལ། ཐེངས་འདིར་རྒྱ་ནག་གཞུང་གིས་དམག་བསྡུའི་བརྡ་ཁྱབ་དེ། རྒྱ་ནག་གཞུང་འབྲེལ་རྒྱལ་ཁབ་དམག་བསྡུའི་དྲ་རྒྱ་ཞེས་པའི་སྟེང་གནས་ཚུལ་སྤེལ་ཡོད་པ་མ་ཟད། གལ་ཏེ་ལོ་ན་ ༡༨ སོན་ནས་དམག་ཏུ་མི་ཞུགས་མཁན་ཡོད་ན་སློབ་ཆེན་དུ་འགྲིམ་པ་དང་ལས་ཀ་འཚོལ་བར་ཤུགས་རྐྱེན་ཐེབས་པས། མཇུག་འབྲས་ངན་པ་སློང་སྲིད་པ་སོགས་བརྗོད་ཡོད་པ་དང་། དེ་དང་འབྲེལ་བོད་རང་སྐྱོང་ལྗོངས་ཀྱི་གཞུང་འབྲེལ་དྲ་ལམ་ཁག་ཏུ་གོང་ཞུས་བརྡ་ཁྱབ་དེ་ལུང་འདྲེན་དང་འབྲེལ་བོད་ནང་གི་ལོ་ན་ ༡༨ སོན་པའི་སྐྱེས་པ་ཚང་མས་དམག་གི་ནང་ཞུགས་རྒྱུར་ངེས་པར་ཐོ་འགོད་དགོས་པ་སོགས་བསྒྲགས་འདུག་ལ། བོད་ཀྱི་སྲིད་བྱུས་ཉམས་ཞིབ་ཁང་གི་འགན་འཛིན་ཟླ་བ་ཚེ་རིང་ལགས་ནས། སྤྱིར་དེ་སྔ་རྒྱ་ནག་གཞུང་གིས་བོད་མི་ཚོ་རྒྱ་ནག་གི་དམག་མིའི་ནང་ཞུགས་པར་དོགས་ཟོན་ཤུགས་ཆེར་བྱེད་བཞིན་ཡོད་ན་ཡང་། དེང་སྐབས་རྒྱ་ནག་གཞུང་གིས་སྤྱི་ཡོངས་ནས་སྤྱི་ཚོགས་ཁྲོད་དམ་དྲག་སྟངས་འཛིན་ཤུགས་ཆེར་བྱེད་བཞིན་ཡོད་པས། དམག་མི་མང་པོ་བསྡུས་ཏེ་རྒྱ་ནག་རང་གི་མི་མང་ལ་དམ་དྲག་དང་། ལྷག་པར་དུ་བོད་མི་ཚོ་དམག་ཁོངས་སུ་བཅུག་ནས་དམར་ཤོག་ཚོགས་པའི་དམག་གི་སྒྲིག་ཁྲིམས་བེད་སྤྱོད་ཀྱིས། བོད་མི་ཚོར་དྲག་གནོན་བྱེད་ཐབས་ཤིག་ཆགས་ཀྱི་ཡོད་པ་འགྲེལ་བརྗོད་གནང་གི་འདུག
2024-12-17
བོད་མི་མང་སྤྱི་འཐུས་ཚོགས་གཙོ་མཁན་པོ་བསོད་ནམས་བསྟན་འཕེལ་ལགས་དང་ཚོགས་གཞོན་སྒྲོལ་མ་ཚེ་རིང་ལགས་གཙོས་པའི་སྤྱི་འཐུས་ཁག་ཅིག་ནས་རྒྱ་གར་གྱི་རྒྱལ་ས་ལྡི་ལིར་ཆེད་ཕེབས་ཀྱིས། རྒྱ་གར་དབུས་གྲོས་ཚོགས་གོང་འོག་གཉིས་ཀྱི་འཐུས་མི་རྣམས་དང་མཇལ་འཕྲད་གནང་སྟེ། བོད་དོན་ཞུ་སྐུལ་གྱི་ལས་འགུལ་སྤེལ་བཞིན་ཡོད་པ།
2024-12-17
རྒྱ་ནག་གི་ཕྱི་སྲིད་བློན་ཆེན་ (Wang Yi) དང་རྒྱ་གར་རྒྱལ་ཡོངས་བདེ་འཇགས་སློབ་སྟོན་པ་ (Ajit Doval) བར་ས་མཚམས་ཀྱི་གནད་དོན་དང་འབྲེལ་བའི་ཆེས་མཐོའི་གྲོས་མོལ་ཐེངས་དང་པོ་དེ་བཞིན། ཟླ་འདིའི་ཚེས་ ༡༨ ཉིན་གནང་རྒྱུ་ཡིན་པའི་གནད་དོན་དེའི་ཐད་རྒྱ་གར་གྱི་རྒྱལ་སྲུང་ཉམས་ཞིབ་པ་དང་དམག་སྤྱི་ཟུར་པ་ (Vinayak Bhatt) ལགས་ནས། ད་ལྟའི་ཆར་རྒྱ་ནག་གི་དམག་མི་རྣམས་ནས་འཛེམས་ཟོན་མེད་པར་ས་མཚམས་བརྒལ་ཏེ་རྒྱ་གར་གྱི་ས་ཁུལ་དུ་འཛུལ་བཞིན་ཡོད་པས། གྲོས་མོལ་དེའི་བརྒྱུད། རྒྱ་ནག་གི་དམག་དཔུང་རྣམས་ ༢༠༢༠ ལོའི་སྔོན་གྱི་ས་ཁུལ་དུ་ཕྱིར་འཐེན་གྱི་ཐག་གཅོད་དགོས་ཤིང་། དེ་ལྟར་བྱུང་ན་རྒྱ་གར་མི་མང་རྣམས་དགའ་འོས་པའི་གནས་སྟངས་ཤིག་ཆགས་སྲིད་ཀྱང་། འདས་པའི་ཉམས་མྱོང་ཁྲོད་རྒྱ་ནག་ནི་ཁ་དན་ཚིག་ལ་མི་གནས་མཁན་ཡིན་པ་གསལ་པོ་ཡིན་སྟབས་རྒྱ་ནག་གི་ཁ་ཙམ་ཚིག་ཙམ་གྱི་སྐད་ཆ་ལས་དོན་དངོས་ཀྱི་བྱ་སྤྱོད་ལ་གཞིགས་ནས་གོམ་པ་མདུན་བསྐྱོད་བྱ་དགོས་ཞེས་འགྲེལ་བརྗོད་གནང་བྱུང་།
2024-12-17
བོད་རིགས་ཐོབ་ཐང་འཐབ་རྩོད་པ་ཚེ་རིང་མཚོ་ལགས་སུ་སྤྱི་ཚོགས་དྲྭ་ལམ་དུ་གནས་ཚུལ་རྫུན་བསྒྲགས་དང་། དངོས་ཡོད་མིན་པའི་གནད་དོན་གླེང་སློང་བྱས་སྐོར་གྱི་ཉེས་འཛུགས་འོག རྒྱ་ནག་གཞུང་གིས་ཉིན་གྲངས་ ༡༤ བཀག་ཉར་བྱས་ཏེ་གློད་ཡོད་ན་ཡང་། བཀག་ཉར་རིང་བཅར་རྡུང་བཏང་མིན་དང་། ད་ལྟའི་གནས་སྟངས་གང་ཡིན་སོགས་ཞིབ་ཕྲའི་གནས་ཚུལ་གསལ་ཁ་མེད་པར་གྱུར་ཡོད་པ་རེད།
2024-12-16
བོད་མི་གནས་སྡོད་བྱེད་ཡུལ་མང་པོར་གཟའ་མཇུག་དང་བསྟུན་སྤྱི་ནོར་༧གོང་ས་མཆོག་ལ་ནོ་སྦེལ་ཞི་བདེའི་གཟེངས་རྟགས་ཕུལ་ནས་མི་ལོ་༣༥་འཁོར་པའི་དུས་ཆེན་སྲུང་བརྩི་གནང་འདུག
2024-12-16
སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་གིས་ཨུ་རུ་སུ་དང་འབྲུག་ཡུལ། ཡོ་རོབ་སོགས་རྒྱལ་ཁབ་འདྲ་མིན་ནས་ཕེབས་པའི་མཇལ་བཅར་བ་མང་པོར་མཇལ་ཁ་བསྩལ་སོང་།
2024-12-16
རྒྱ་གར་གྱི་གྲོས་ཚོགས་ནང་ཨ་རུ་ན་ཅལ་མངའ་སྡེའི་འཐུས་མི་སྐུ་ཞབས་ཏ་པིར་གྷའོ་ལགས་ཀྱིས་གྲོས་ཚོགས་ནང་སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་གི་ཡང་སྲིད་ཀྱི་ལམ་ལུགས་འདི་ངོས་ལེན་དང་རྒྱ་གར་གྱི་ཆེ་བསྟོད་གཟེངས་རྟགས་(Bharat Ratna)་འབུལ་དགོས་པའི་གྲོས་འཆར་བཏོན་ཡོད་འདུག
2024-12-16
ཎཱ་ལེན་ཌའི་སློབ་དཔོན་རབ་འབྱམས་དང་འབྲེལ་བའི་སློབ་ཚན་ཁག་མི་འདྲ་བ་སློབ་འཁྲིད་གནང་བཞིན་ཡོད་པར་ལོ་རེར་སློབ་ཕྲུག་གི་གྲངས་ཀ་འཕར་བཞིན་ཡོད་ཀྱང་དགེ་རྒན་དཀོན་པའི་དཀའ་ངལ།
2024-12-16
རྒྱལ་སྤྱིའི་ནང་པའི་དགེ་འདུན་པ་རྣམ་པའི་འདུལ་བ་གཙོ་བོར་འགྱུར་བའི་སྡེ་སྣོད་གཞན་གཉིས་ཀྱི་ཉམས་ལེན་གནང་སྟེ་འཛམ་གླིང་ནང་བཟང་སྤྱོད་སྤེལ་ཞིང་ཞི་བདེ་བསྐྲུན་རྒྱུར་ནུས་པ་མཉམ་སྤུངས་དགོས་སྐོར། སེར་བྱེས་མཁན་རིན་པོ་ཆེ་མཆོག་ནས་རྒྱལ་སྤྱིའི་དམ་ཆོས་འདུལ་བའི་བགྲོ་གླེང་དབུ་འབྱེད་སྐབས་གསུངས་པ།
2024-12-16
རྒྱ་ནག་གཞུང་གིས་བོད་མི་དྲྭ་ལམ་ཚོང་གཉེར་བ་བསོད་ནམས་ཆོས་འགྲུབ་འཛིན་བཟུང་བཙན་ཁྲིད་བྱས་ཡོད་འདུག
2024-12-16
རྒྱ་གར་བྷི་ཧར་མངའ་སྡེའི་སྲིད་སྐྱོང་མཆོག་གིས། བོད་དོན་དྲིལ་བསྒྲགས་ཀྱི་སྦག་སྦག་སྐོར་སྐྱོད་ཀྱི་ལས་འགུལ་ལམ་ལྷོངས་ཡོང་བའི་སྨོན་འདུན་ཞུས་འདུག
2024-12-14
ཨ་རིའི་ཆབ་སྲིད་ཚོགས་པ་གཉིས་ཀས་བོད་དོན་ལ་རྒྱབ་སྐྱོར་ཆེན་པོ་ཡོད་པས་བཙན་བྱོལ་བོད་མིའི་སྒྲིག་འཛུགས་ཀྱིས་སྐུ་ཞབས་ཊོམ་ཕུ་ཨ་རིའི་སྲིད་འཛིན་དུ་བདམས་པར་བློ་དོགས་ཅི་ཡང་མེད་ཅེས་བཤད་ཡོད།
2024-12-14
ད་ཐེངས་ཀྱི་ཚོགས་ཆེན་འདིའི་ཐོག་བེུད་ཀྱི་འགོ་ཁྲིད་དང་ལྷག་པར་གཞོན་སྐྱེས་མི་རབས་མང་དག་ཅིག་གིས་མཉམ་ཞུགས་གནང་འདུག
