བྱང་ཨ་རིའི་བོད་རིགས་སྤྱི་མཐུན་ཚོགས་པའི་ཚོགས་ཆེན་ཐོག་གྲོས་ཆོད་དགུ་གཏན་འབེབས་གནང་འདུག

༢༠༢༤ ཕྱི་ཟླ་ ༡༢ ཚེས་ ༨ དང་ ༩ བཅས་ཉིན་གཉིས་རིང་བྱང་ཨ་རིའི་བོད་རིགས་སྤྱི་མཐུན་ཚོགས་པའི་ཚོགས་ཆེན་ཐེངས་ ༢༢ ཨ་རིའི་རྒྱལ་ས་ཝ་ཤིང་ཊོན་ཌི་སིར་ཚོགས་ཡོད་ཅིང་།  ཕྱི་ལོར་བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་དགུང་གྲངས་ ༩༠ ཕེབས་པའི་༧སྐུའི་གོ་སྟོན་སྲུང་བརྩི་ཞུ་ཕྱོགས་དང་།  བོད་དོན་ཞུ་གཏུག་གི་ལས་འགུལ་གནང་ཕྱོགས།  བོད་ཀྱི་སྐད་ཡིག་རིག་གཞུང་དར་སྤེལ་གཏོང་ཕྱོགས་སོགས་གྲོས་གཞི་ཁག་གི་ཐོག་གྲོས་ཆོད་དོན་ཚན་ ༩ གཏན་འབེབས་གནང་ཡོད་པ་རེད།  ད་ཐེངས་ཀྱི་ཚོགས་ཆེན་འདིའི་ཐོག་བེུད་ཀྱི་འགོ་ཁྲིད་དང་ལྷག་པར་གཞོན་སྐྱེས་མི་རབས་མང་དག་ཅིག་གིས་མཉམ་ཞུགས་གནང་འདུག 

ཐེངས་འདིའི་གནད་དོན་གླེང་མོལ་གྱི་ལས་རིམ་ནང་།  ཚོགས་འདུ་གོ་སྒྲིག་ཚོགས་ཆུང་ནས་ཨ་རིའི་རྒྱལ་སའི་མངའ་ཁུལ་གྱི་བོད་རིགས་སྤྱི་མཐུན་ཚོགས་པའི་ཚོགས་གཙོ་སྤྱི་ཟུར་ནམ་མཁའ་བསྟན་འཛིན་ལགས་དང་།   པོརྚ་ལེནཌི་ནུབ་བྱང་བོད་རིགས་སྤྱི་མཐུན་ཚོགས་པའི་ཚོགས་གཙོ་ཨམ་ཉེ་སྐལ་བཟང་ལགས།  བྱང་ཀེལི་ཧྥོར་ནི་ཡ་བོད་རིགས་སྤྱི་མཐུན་ཚོགས་པའི་ཚོགས་གཙོ་དཀོན་མཆོག་བཀྲ་ཤིས་ལགས་བཅས་དང་ལྷན་ཨེ་ཤེ་ཡ་རང་དབང་རླུང་འཕྲིན་ཁང་གི་བོད་སྐད་སྡེ་ཚན་གྱི་འགན་འཛིན་གཞོན་པ་བཀྲིས་དབང་ཕྱུག་ལགས་ཀྱིས་གླེང་མོལ་ཞུས་པར་གསན་རོགས་གནང་།།

གསར་འགོད་པ། བཀྲིས་དབང་ཕྱུག

རྩོམ་སྒྲིག་པ། བསྟན་འཛིན་བདེ་སྐྱིད།

དྲྭ་ཐོག་སྤེལ་མཁན། པ་སངས་དོན་ལྡན།