ເຣື້ອງທີ່ເກັບບັນທຶກໄວ້
2022-05-05
ແມ່ຍິງໄທຍ ຫາຍສາບສູນ ຫຼັງຈາກທີ່ເດີນທາງເຂົ້າໄປ ເຮັດວຽກຢູ່ເຂດເສຖກິຈ ພິເສດສາມຫຼ່ຽມຄຳ ເມືອງຕົ້ນເຜິ້ງ ແຂວງບໍ່ແກ້ວ ສປປ ລາວ, ສ່ວນຍາຕິພີ່ນ້ອງ ໄດ້ແຈ້ງຄວາມ ກັບເຈົ້າໜ້າທີ່ຕຳຣວດໄທຍ ເພື່ອປະສານຂໍຄວາມຊ່ອຍເຫຼືອ ຈາກທາງການລາວ.
2022-05-02
ຄົນງານລາວ ຈຳນວນຫຼາຍທີ່ເຮັດວຽກ ຢູ່ໃນເຂດເສຖກິຈພິເສດ ສາມຫຼ່ຽມຄຳ ເມືອງຕົ້ນເຜິ້ງ ແຂວງບໍ່ແກ້ວ ຢາກໃຫ້ຣັຖບານລາວ ຊ່ອຍເຫຼືອ ຄຸ້ມຄອງສິດຜົລປໂຍດ ໂດຍສະເພາະຢ່າງຍິ່ງ ການທີ່ຄົນງານລາວ ໃນເຂດດັ່ງກ່າວ ຖືກເອົາປຽບ, ບັງຄັບໃຊ້ແຮງງານ, ກັກຂັງໜ່ວງໜ່ຽວ ບາງກໍຣະນີເຖິງຂັ້ນ ຕ້ອງຂາຍບໍຣິການທາງເພດ ແລກກັບຄວາມຢູ່ລອດ.
2022-04-12
ແມ່ຍິງລາວ 3 ຄົນ ຈາກແຂວງໄຊຍະບູຣີ ແລະແຂວງຫຼວງພຣະບາງ ທີ່ຖືກຕົວະໄປເຮັດວຽກ ໃນເຂດເສຖກິຈພິເສດ ສາມຫຼ່ຽມຄໍາ ເມືືອງຕົ້ນເຜິ້ງ ແຂວງບໍ່ແກ້ວ ຍັງລໍຖ້າການຊ່ອຍເຫຼືອ ຈາກເຈົ້າໜ້າທີ່ ຊຶ່ງແມ່ຍິງທັງ 3 ຄົນດັ່ງກ່າວນັ້ນ ກໍ່ໄດ້ຕິດຕໍ່ ຫາເຈົ້າໜ້າທີ່ແລ້ວ, ແຕ່ວ່າ ຍັງບໍ່ໄດ້ມີການຊ່ອຍເຫຼືອ ແຕ່ຢ່າງໃດ.
2022-04-05
ກໍຣະນີ ນາງ ເກດແກ້ວ ໄຊຍະວົງ ອາຍຸ 26 ປີ, ຢູ່ບ້ານນາອູມ ເມືອງພຽງ ແຂວງໄຊຍະບູຣີ ຫາຍສາບສູນຢູ່ຈີນ ຫຼືຖືກຕົວະໄປແຕ່ງດອງ ກັບຜູ້ຊາຍຄົນຈີນ ແລ້ວຖືກລັກພາໂຕ ໄປຮຽກຄ່າໄຖ່, ປັດຈຸບັນ ນາງແກ້ວ ຍັງມີຊີວິດຢູ່.
2022-04-05
ແມ່ຍິງ, ເດັກຍິງຕ່າງປະເທດ, ແມ່ຍິງ ແລະ ເດັກຍິງລາວ ທີ່ຖືກເຄາະຮ້າຍ ຈາກການຄ້າມະນຸສ ຈຳນວນ 58 ຄົນ ຖືືກຊ່ອຍໄດ້ ແລະຈັບຜູ້ຕ້ອງຫາ 40 ຄົນ ເປັນຍິງ 24 ຄົນ ປະກອບມີ ຄົນສັນຊາດສິງກະໂປ ເຊື້ອສາຍຈີນ, ຄົນໄທຍ, ຄົນລາວ ແລະ ຄົນຣັສເຊັຽ.
2022-03-31
ແມ່ຍິງລາວ ອາຍຸ 26 ປີ ໄດ້ຫາຍສາບສູນ ຫຼັງຈາກທີ່ນາງຖືກນາຍໜ້າ ຕົວະໄປເຮັດວຽກ ຢູ່ແຂວງບໍ່ແກ້ວ, ຈາກນັ້ນ ກໍຖືກພາໄປແຕ່ງດອງ ກັບຄົນຈີນ ຢູ່ເຂດຢວນໂຈ, ເມືອງອີ້ຊຸນ ມົລທົນຈຽງຊີ ແລະບໍ່ສາມາດຕິດຕໍ່ໄດ້ອີກ ຊຶ່ງທາງພີ່ນ້ອງເປັນຫ່ວງວ່າ ອາດຖືກລັກພາໂຕ ເພື່ອຮຽກຄ່າໄຖ່.
2022-03-30
ຕໍາຣວດຈີນ ສົ່ງໂຕແມ່ຍິງ ແລະເດັກນ້ອຍແມ່ຍິງລາວ ຊາວແຂວງອຸດົມໄຊ ກັບຄືນສູ່ຄອບຄົວ ຈໍານວນ 30 ຄົນ ພາຍຫຼັງຖືກຕົວະ ໃຫ້ໄປເຮັດວຽກຢູ່ຈີນ, ແຕ່ງດອງກັບຄົນຈີນ ຫຼືເຂົ້າເມືອງຜິດກົດໝາຍ ຊຶ່ງແມ່ຍິງ ແລະເດັກນ້ອຍແມ່ຍິງລາວ ດັ່ງກ່າວຖືກຊ່ອຍອອກມາໄດ້.
2022-03-29
ແມ່ຍິງ ແລະເດັກນ້ອຍລາວ ມີຄວາມສ່ຽງສູງ ທີ່ຈະຕົກເປັນເຫຍື່ອ ການຄ້າມະນຸສຫຼາຍ, ທີ່ຜ່ານມາ ເຈົ້າໜ້າທີ່ ໄດ້ຊ່ອຍເຫື້ອກຸ່ມ ທີ່ຕົກເປັນເຫຍື່ອ ການຄ້າມະນຸສ ໄດ້ຈຳນວນນຶ່ງ ແລະອີກຈຳນວນນຶ່ງ ຂາດຮ່ອງຮອຍການຕິດຕໍ່ ເພື່ອຊ່ອຍເຫຼືອ.
2022-03-23
ຄົນລາວ ຕົກເປັນເຫຍື່ອ ການຄ້າມະນຸສ ຢູ່ເຂດເສຖກິຈ ພິເສດສາມຫຼ່ຽມຄຳ ຂອງຈີນ ໃນຂະນະທີ່ ຣັຖບານລາວ ຍັງບໍ່ມີມາຕການຊ່ວຍເຫຼືອ ຄົນງານລາວ ທີ່ຖືກກັກຂັງ ໜ່ວງໜ່ຽວ ໃຫ້ອອກມາໄດ້ໝົດ.
2022-03-18
ເມື່ອວັນທີ 17 ມີນາ ທີ່ຜ່ານມານີ້ ທາງການໄທຍ ໄດ້ຮັບໂຕແມ່ຍິງໄທຍ 3 ຄົນ ຢູ່ບໍຣິເວນດ່ານ ກວດຄົນເຂົ້າເມືອງ ເມືອງຊຽງຂອງ ຫຼັງຈາກທີ່ ໄດ້ຮັບການຊ່ອຍ ຍ້ອນຖືກຫຼອກໄປເຮັດວຽກ ໃນເຂດເສຖກິຈ ພິເສດ ສາມຫຼ່ຽມຄຳ ເມືອງຕົ້ນເຜິ້ງ ແຂວງບໍ່ແກ້ວ ສປປ ລາວ.
2022-03-14
ເຈົ້າແຂວງ ແຂວງຊຽງຮາຍ ປະເທດໄທຍ ສົ່ງໜັງສື ແຈ້ງການໄປຍັງ ເຈົ້າແຂວງ ແຂວງບໍ່ແກ້ວ ເພື່ອຂໍຄວາມຮ່ວມມື ໃນການຊ່ອຍເຫລືອ ກຸ່ມຄົນໄທຍ ທີ່ຖືກຕົວະ ໄປເຮັດວຽກ ຢູ່ເຂດພິເສດ ສາມຫລ່ຽມຄຳ ເມືອງຕົ້ນເຜີ້ງ ແຂວງບໍ່ແກ້ວ.
2022-03-11
ກະຊວງ ປ້ອງກັນຄວາມສງົບ ສ້າງສູນພັກຊົ່ວຄາວ ຢູ່ແຂວງຫລວງນໍ້າທາ ສໍາລັບຜູ້ເຄາະຮ້າຍ ຈາກການຄ້າມະນຸດ ເປັນຕົ້ນແມ່ຍິງ ແລະເດັກນ້ອຍ ຈາກປະເທດຈີນ ຊຶ່ງປັດຈຸບັນ ສ້າງໄດ້ແລ້ວ 95% ແລະຄາດວ່າ ຈະສ້າງແລ້ວ ແລະເປີດໃຊ້ໃນກາງປີນີ້.
2022-03-07
ໃນໄລຍະ 4-5 ເດືອນຜ່ານມາ ນີ້ ມີແມ່ຍິງລາວ ຈາກຫຼາຍແຂວງ ຕັດສິນໃຈໄປເຮັດວຽກ ຢູ່ເຂດເສຖກິຈພິເສດ ສາມຫຼ່ຽມຄໍາ ແຂວງບໍ່ແກ້ວ ພໍມີລາຍໄດ້ສົ່ງລ້ຽງຄອບຄົວ ແຕ່ກັບຖືກບັງຄັບ ໃຫ້ຂາຍບໍຣິການທາງເພດ, ບາງກໍຣະນີ ເຈົ້າໜ້າທີ່ ກໍຊ່ອຍອອກມາໄດ້ ແລະ ຫຼາຍກໍຣະນີ ກໍຍັງລໍຖ້າ ການຊ່ອຍເຫຼືອ.
2022-03-03
ກັມມະບານລາວ ໃຫ້ຄວາມຮູ້ກ່ຽວກັບ ການເຄື່ອນຍ້າຍ ແຮງງານ ທີ່ປອດພັຍ ໃຫ້ແກ່ປະຊາຊົນ ແຂວງໄຊຍະບູຣີ ເພື່ອບໍ່ໃຫ້ຕົກ ເປັນເຫຍື່ອ ຂອງການຄ້າມະນຸດ.
2022-03-03
ໃນວັນທີ່ 2 ມີນາ ທີ່ຜ່ານມານີ້ ຢູ່ເຂດບ້ານນາໂຮມ ເມືອງນາໝໍ້ ແຂວງອຸດົມໄຊ ໄດ້ເກີດເຫດຄົນຂັບຣົຖ ບັນທຸກຊາວຈີນ ແລະລາວ ຕີກັນ ຢູ່ລະຫວ່າງທາງ ຈາກແຂວງອຸດົມໄຊ ໄປຫາດ່ານສາກົລບໍ່ເຕັນ ມີຜູ້ໄດັຮັບບາດເຈັບ 2 ຄົນ.
