ເຣື້ອງທີ່ເກັບບັນທຶກໄວ້
2024-03-29
ທາງການແຂວງອັດຕະປື ໃຫ້ບໍລິສັດເອກະຊົນລາວ ຂຸດຄົ້ນ ແລະສ້າງໂຮງງານ ປຸງແຕ່ງຫີນອ່ອນ ປາໂກໄດ ທີ່ມີຄຸນຄ່າສູງ ຢູ່ເມືອງພູວົງ ຕື່ມອີກ.
2024-03-29
ມີການພົບເຫັນຊາວບ້ານ ຫາປາດ້ວຍການຖິ້ມລະເບີດ ໂດຍມີການເຜີຍແຜ່ຄລິບວິດີໂອ ຂອງຜູ້ໃຊ້ເຟສບຸກ ທ່ານນຶ່ງ ທີ່ກຳລັງງໂຍນລະເບີດ ລົງນໍ້າເຂດບ້ານປາກງາວ ເມືອງຫ້ວຍຊາຍ ແຂວງບໍ່ແກ້ວ ພ້ອມກັນນັ້ນໃນວິດີໂອ ຍັງປະກົດປາທີ່ຖືກຈັບໄດ້ດ້ວຍ ຂະນະທີ່ ເຈົ້າໜ້າທີ່ກຳລັງກວດສອບເບິ່ງ.
2024-03-27
ຫ້ອງວ່າການ ເມືອງໂພນໂຮງ ແຂວງວຽງຈັນ ໄດ້ແຈ້ງການ ໃຫ້ທຸກສ່ວນ ຮ່ວມມື ຊ່ອຍຫັນສະກັດກັ້ນ ກຸ່ມຄົນເລ້ລ້ອນຂໍທານ ບໍ່ໃຫ້ໄປເຄື່ອນໄຫວຊະຊາຍ ບ່ອນແຫຼ່ງທ່ອງທ່ຽວ ໃນນະຄອນຫຼວງວຽງຈັນ ຫາກພົບເຫັນ ກໍໃຫ້ສົ່ງກັບພູມລໍາເນົາທັນທີ.
2024-03-26
ເຂື່ອນຈີນປ່ອຍນໍ້າລົງມາ ເຮັດໃຫ້ລະດັບນໍ້າໃນແມ່ນໍ້າຂອງສູງຂຶ້ນ 70 ຊັງຕີແມັດ ໃນວັນທີ 26 ມີນາ ແລະຄາດວ່າຈະເຖິງວັນທີ 2 ເມສາທີ່ຈະມາເຖິງນີ້ ໂດຍບໍ່ໄດ້ແຈ້ງເຕືອນ ແຕ່ກໍຍັງບໍ່ທັນມີ ຜົລກະທົບຕໍ່ຊາວບ້ານ.
2024-03-25
ໃນວັນທີ 4 ເດືອນມີນາ ປີ 2024 ນີ້, ກອງທຶນສັດປ່າໂລກ ຫຼື WWF ຣາຍງານວ່າ ປານ້ຳຂອງ ເປັນປາທີ່ຖືກຫຼົງລືມ ແລະພາກສ່ວນທີ່ກ່ຽວຂ້ອງ ຄວນມີແຜນຟື້ນຟູ ແລະປົກປັກຮັກສາປາແມ່ນ້ຳຂອງຢ່າງຮີບສ່ວນ.
2024-03-23
ປະຊາຊົນ ເມືອງຊໍາເໜືອ ແຂວງຫົວພັນ ຮ້ອງທຸກ ເຖິງນາຍົກລັດຖະມົນຕີ ແລະ ສະພາແຫ່ງຊາດ ຍ້ອນໄດ້ຮັບຜົນກະທົບ ຈາກການຂຸດຄົ້ນ ແຮ່ຫາຍາກ ແລະອີກເລື່ອງນຶ່ງກໍເວົ້າເຖິງ ເດັກນ້ອຍລາວ 16 ຄົນ ທີ່ຍັງຕິດຄ້າງ ຢູ່ໂຮງກາສິໂນ ຂອງຈີນ ຢູ່ປະເທດພະມ້າ ຍັງຄອງຖ້າ ການຊ່ອຍເຫຼືອ ຈາກພາກສ່ວນທີ່ກ່ຽວຂ້ອງ ຢູ່ທຸກມື້.
2024-03-21
ເຈົ້າໜ້າທີ່ກ່ຽວຂ້ອງ ຢູ່ນະຄອນຫຼວງວຽງຈັນ ຊ່ອຍເຫຼືອ ໝີນ້ອຍສີດໍາ 16 ໂຕ ຢູ່ສະຖາບັນການເງິນຈຸລະພາກ ຊື່ວ່າ ຢ້າໄທ ທີ່ບ້ານໜອງສະໂນຄຳ ເມືອງສີໂຄດຕະບອງ ແລະມອບໃຫ້ແກ່ໂຄງການ ອະນຸຮັກໝີ “Fee the Bears” ຢູ່ແຂວງຫຼວງພຣະບາງ ເພື່ອນໍາໄປລ້ຽງດູແລແລ້ວ.
2024-03-20
ທ່ານ ຄໍາໜູນ ຕຽງທະລາດ ເຈົ້າເມືອງປາກງື່ມ ນະຄອນຫຼວງວຽງຈັນໃຫ້ສັມພາດຕໍ່ວິທະຍຸ ກະຈາຍສຽງແຫ່ງຊາຕລາວວ່າ ໃນຣະດູຮ້ອນນີ້ເຖິງແມ່ນວ່າຍັງບໍ່ມີໄຟໄໝ້ລາມປ່າ ໃນເມືອງເທື່ອແຕ່ເມືອງປາກງື່ມກໍໄດ້ເຣີ່ມກຽມເຝົ້າລະວັງ ແລະສະກັດກັ້ນໄຟໄໝ້ ລາມປ່າຢ່າງເຂັ້ມງວດໂດຍສຸມໃສ່ 5 ບ້ານ ທີ່ມີຄວາມສ່ຽງ.
2024-03-20
ເພື່ອປ້ອງການຕັດໄມ້ເຜົາຖ່ານ, ແຂວງສວັນນະເຂດ ໄດ້ອອກແຈ້ງການ ຫ້າມບຸກຄົນ ແລະນິຕິບຸກຄົນ ມີການເຜົາຖ່ານ, ເກັບຊື້ຖ່ານ ແລະເຄື່ອນຍ້າຍຖ່ານດໍາ ແລະຫ້າມຜແນກອຸດສາຫະກັມ ແລະປ່າໄມ້ ອອກໜັງສືອະນຸຍາດ ເຄື່ອນຍ້າຍຖ່ານດໍາ ເຊິ່ງຊາວບ້ານສ່ວນນຶ່ງ ໄດ້ຮັບຜົລກະທົບ ເນື່ອງຈາກເປັນອາຊີບດຽວ ທີ່ຊາວບ້ານພໍມີລາຍໄດ້ ລ້ຽງຄອບຄົວ.
2024-03-18
ກ່ຽວກັບຜົລກະທົບ ຈາກຂຸດຄົ້ນແຮ່ຫາຍາກ ຢູ່ເມືອງຊໍາເໜືອ ແຂວງຫົວພັນ, ນັກກົດໝາຍ ໃຫ້ຄໍາເຫັນວ່າ ຊາວບ້ານບໍ່ໄດ້ສ້າງຜົລກະທົບ ແຕ່ ບໍຣິລັດ ເປັນຜູ້ສາງ ແລະ ຕ້ອງຮັບຜິດຊອບຟື້ນຟູທັມມະຊາຕ ທີ່ເສັຽໄປ ໃນຂະນະທີ່ ນັກທຸຣະກິຈ ເຫັນວ່າ ມີແຕ່ຄວາມເສັຽຫາຍ ສ່ວນວ່າຜູ້ໄດ້ມີແຕ່ນາຍທຶນ.
2024-03-18
ບັນຫານໍ້າເສັຍ ຈາກໂຮງງານຜລິດແປ້ງມັນຕົ້ນ ຂອງບໍຣິສັດຈີນ ຢູ່ເມືອງປາກລາຍ ແຂວງໄຊຍະບູຣີ ທີ່ອອກສູ່ແມ່ນໍ້າຂອງ ເມື່ອວັນທີ 14 ມີນາ ທີ່ຜ່ານມານັ້ນ ໄດ້ຮັບການແກ້ໄຂ ຈາກພາກສ່ວນທີ່ກ່ຽວຂ້ອງ ແລະທາງໂຮງງານແລ້ວ: ເຈົ້າເມືອງ ເມືອງປາກລາຍ.
2024-03-15
ໃນຮອບຫຼາຍປີ ທີ່ຜ່ານມານີ້ ປະຊາຊົນ ໃນປະເທດລາວ ປະສົບບັນຫາດ້ານພັຍພິບັດຫຼາຍແນວ ໂດຍສະເພາະ ພັຍນໍ້າຖ້ວມ ແລະພັຍແລ້ງ ຂະນະທີ່ ທາງການລາວ ແລະພາກສ່ວນທີ່ກ່ຽວຂ້ອງ ຍັງບໍ່ທັນມີແຜນປ້ອງກັນທີ່ຊັດເຈນ ແລະວ່ອງໄວ ເຮັດໃຫ້ປະຊາຊົນ ໄດ້ຮັບຜົລກະທົບຫຼາຍ ໂດຍບໍ່ໄດ້ຮັບຄ່າຊົດເຊີຍທີ່ເໝາະສົມ.
2024-03-15
ຊາວບ້ານຢູ່ເມືອງປາກລາຍ ເວົ້າວ່າ ໂຮງງານຜລິດແປ້ງມັນຕົ້ນຂອງຈີນ ປ່ອຍນໍ້າເສັຽເປັນພິດລົງໃສ່ແມ່ນໍ້າຂອງ ມີກິ່ນເໝັນ ຊາວບ້ານເດືອດຮ້ອນ ບໍ່ສາມາດໃຊ້ນໍ້າໃນເຂດນັ້ນໄດ້.
2024-03-12
ຣັຖບານໄດ້ສົ່ງເອກກະສານເຖິງ ອົງການ ຢູເນສໂກ (UNESCO) ໃນການສເນີ ອຸທິຍານແຫ່ງຊາຕ ຫີນໜາມໜໍ່ ເຂົ້າເປັນພື້ນທີ່ມໍຣະດົກໂລກ ທາງທັມມະຊາຕ ແຫ່ງທຳອິດ ຂອງປະເທດລາວ ໂດຍການສເນີຊື່ ຄັ້ງນີ້ ແມ່ນໄດ້ຜ່ານເກນມາຕຖານ ດ້ານວິຊາການທັງໝົດ.
2024-03-08
ໂຄງການເຂື່ອນໄຟຟ້າ ເຊກອງຕອນລຸ່ມ A ຢູ່ເມືອງສະໜາມໄຊ ແຂວງອັດຕະປື ທີ່ມີ ບໍຣິສັດ ຂອງວຽດນາມ ເປັນຜູ້ລົງທຶນ ແລະ ເປັນຜູ້ຮັບເໝົາກໍ່ສ້າງ ດ້ວຍມູນຄ່າການລົງທຶນ 152.88 ລ້ານໂດລ້າຣ໌ສະຫະຣັຖ ແລະມີກໍາໜົດສ້າງແລ້ວ ໃນປີ 2023, ແຕ່ໂຄງການດັ່ງກ່າວ ໄດ້ຊະລໍການກໍ່ສ້າງ ອອກໄປ.
