ເຣື້ອງທີ່ເກັບບັນທຶກໄວ້
2022-04-30
ນັກທ່ອງທ່ຽວ ຕ່າງປະເທດ ຍັງບໍ່ທັນເຂົ້າມາທ່ຽວ ເຂດສີຂຽວ ທີ່ສປປລາວ ສົ່ງເສີມ ເນື່ອງຈາກວ່າ ຂັ້ນຕອນ ການຕຣຽມເອກສານ ຍັງຫຍຸ້ງຍາກ.
2022-04-29
ກອງທຶນ ຫລຸດຜ່ອນ ຄວາມທຸກຍາກ ຫຼື ທລຍ ສາມາດ ເຮັດໃຫ້ 53 ບ້ານ ຢູ່ເມືອງອາດສະພອນ ແຂວງສວັນນະເຂດ ໄດ້ຮັບຜົລປໂຍດ ຈາກໂຄງການ ພັທນາລືບລ້າງ ຄວາມທຸກຍາກ ແຕ່ປີ 2016-2021 ເຊັ່ນ ມີການສ້າງໂຮງຮຽນ, ສຸຂສາລາ, ຖນົນຫົນທາງ ແລະໂຄງຮ່າງພື້ນຖານ ທີ່ຈຳເປັນໃຫ້ກັບປະຊາຊົນ ໂດຍສະເພາະ ຈາກທີ່ຫ່າງໄກສອກຫລີກ ເພື່ອສາມາດເຂົ້າໄປ ໃນໂຕເມືອງໄດ້ ສະດວກຂຶ້ນ, ເດັກນ້ອຍໄດ້ເຂົ້າໂຮງຮຽນ, ປະຊາຊົນມີສຸຂສາລາ ໄວ້ປິ່ນປົວເມືອເຈັບເປັນ.
2022-04-29
ກອງທຶນຫຼຸດຜ່ອນ ຄວາມທຸກຍາກ ເປັນກອງທຶນ ທີ່ສນັບສນູນ ໃຫ້ເກີດໂຄງການຕ່າງໆ ເພື່ອຊ່ອຍໃຫ້ ແມ່ຍິງລາວ ສາມາດເບິ່ງແຍງ ລູກອ່ອນ ໃຫ້ມີສານອາຫານພຽງພໍ, ມີສຸຂພາບແຂງແຮງດີ ໂດຍສະເພາະກຸ່ມແມ່ຍິງ ທີ່ຢູ່ເຂດ ຊົນນະບົດຫ່າງໄກ ອີກຢ່າງນຶ່ງກອງທຶນຍັງໄດ້ ຊ່ອຍໃຫ້ຊາວບ້ານ ມີນ້ຳສະອາດໃຊ້ ຊຶ່ງກໍຊ່ອຍໃຫ້ລົດ ການເຈັບປ່ອຍ ໄດ້ໃນລະດັບນຶ່ງ ແລະເດັກນ້ອຍ ໃນໄວຮຽນ ໄດ້ເຂົ້າໂຮງຮຽນ.
2022-04-29
ໃນທີ່ສຸດ ຊາວເມືອງຊຽງເງິນ ທີ່ໄດ້ຮັບຜົລກະທົບ ຈາກທາງຣົຖໄຟລາວ-ຈີນ ກໍໄດ້ຮັບເຮືອນຈັດສັນ ຈາກການຊົດເຊີຍ ຂອງໂຄງການທາງຣົຖໄຟ ລາວ-ຈີນ, ນີ້ເປັນພຽງນຶ່ງຜົລກະທົບ ທີ່ຊາວບ້ານໄດ້ຮັບ ຫຼັງຈາກມີການເຣີ່ມກໍ່ສ້າງ ທາງຣົຖສາຍນີ້ເປັນຕົ້ນມາ, ປະຊາຊາຫຼາຍຄົນ ຍັງຕັ້ງໜ້າຕັ້ງຕາລໍຄອຍ ການຊົດເຊີຍທີ່ແກ່ຍາວ ແລະບໍ່ຮູ້ວ່າຈະໄດ້ຮັບມື້ໃດ.
2022-04-29
ການທີ່ເຫັນຄົນລາວ ໄປຫາວຽກເຮັດຢູ່ຕ່າງປະເທດ ຍ້ອນວ່າ ສປປລາວ ຍັງບໍ່ມີສວັດດິການສັງຄົມພຽງພໍ, ເງິນເດືອນຍັງຕ່ຳຫຼາຍ ແລະຄ່າຄອງຊີບທີ່ນັບມື້ຍິ່ງສູງຂຶ້ນ, ຈຶ່ງເຮັດໃຫ້ຄົນລາວ ຜູ້ທຸກຍາກ ຫາຫົນທາງ ເອົາໂຕລອດ, ຫຼາຍຄົນ ສ່ຽງລັກເຂົ້າໄປ ປະເທດເພື່ອນບ້ານ, ເຖິງແມ່ນວ່າຫຼາຍຄັ້ງ ບຸກຄົນເຫຼົ່ານັ້ນ ຈະຖືກຈັບກໍຕາມ.
2022-04-28
ທາງການລາວ ອະນຸຍາດໃຫ້ບໍຣິສັດເອກະຊົນຈີນ ແລະບໍຣິສັດເອກະຊົນລາວ 2 ບໍຣິສັດ ເຂົ້າສັມປະທານເນື້ອທີ່ປ່າໄມ້ ແລະທີ່ດິນ ຢູ່ເມືອງກາສີ ແຂວງວຽງຈັນ ຮວມທັງໝົດ 103 ເຮັກຕ້າຣ໌ ເພື່ອສໍາຣວດຂຸດຄົ້ນ ແລະປຸ່ງແຕ່ແຮ່ເຫຼັກ ແລະແຮ່ຄໍາ ແບບທົດລອງ ແລະຄາດວ່າ ຈະມີຊາວບ້ານ ພຽງຈໍານວນນຶ່ງເທົ່ານັ້ນ ທີ່ໄດ້ຮັບຜົລກະທົບຈາກທັງ 2 ໂຄງການນີ້.
2022-04-28
ການປະຕິບັດຕາມກົດໝາຍ ໃນປະເທດລາວ ຖືວ່າເປັນບັນຫາທ້າທາຍສຳລັບ ຜູ້ບັງຄັບໃຊ້ກົດໝາຍ, ເຈົ້າໜ້າທີ່ຣັຖ, ຜູ້ຮັກສາຄວາມຍຸຕິທັມ ເພາະວ່າຫຼາຍກໍຣະນີ ປະຊາຊົນເປັນຜູ້ຖືກລົງໂທດ ຕາມກົດໝາຍຝ່າຍດຽວ ໃນຂະນະທີ່ຜູ້ທີ່ຢູ່ນອກເໜືອ ໄປຈາກປະຊາຊົນ ຫຼືເຈົ້າໜ້າທີ່ຣັຖ ຈະບໍ່ຖືກລົງໂທດ ຫາກມີການລະເມີດກົດໝາຍ ຖ້າເວົ້າອີກແນວນຶ່ງ ບຸກຄົນຜູ້ມີອຳນາດ ກົດໝາຍອາດຈະເຂົ້າບໍ່ເຖິງ ເມື່ອເຮັດຄວາມຜິດ.
2022-04-28
ກະຊວງການຕ່າງປະເທດໄທຍ ແຈ້ງເຕືອນພົລເມືອງຂອງຕົນ ໃຫ້ລະມັດລະວັງ ກ່ອນຈະໄປເຮັດວຽກ ຢູ່ເຂດເສຖກິຈພິເສດ ສາມຫລ່ຽມຄໍາ ເມືອງຕົ້ນເຜິ້ງ ແຂວງບໍ່ແກ້ວ ປະເທດລາວ, ຍ້ອນວ່າ ບໍ່ຢາກໃຫ້ພົລເມືອງຂອງຕົນ ຖືກຫຼອກໄປເຮັດວຽກ ແບບຜິດກົດໝາຍ, ສິ່ງທີ່ຮ້າຍແຮງໄປກວ່ານັນ ອາດເຖິງຂັ້ນ ຖືກຂາຍບໍຣິການທາງເພດ, ຂໍ້ສຳຄັນແມ່ນ ໃຫ້ແລ່ນເອກສານ ຢ່າງຖືກຕ້ອງ ຖ້າຕ້ອງການ ໄປເຮັດວຽກໃນປະເທດລາວແທ້, ກວດສອບບໍຣິສັດ ທີ່ຈະໄປເຮັດວຽກນຳ, ຢ່າຫຼົງເຊື່ອຄຳໂຄສະນາ ຜ່ານສື່ສັງຄົມອອນລາຍນ໌ ທີ່ບອກວ່າ ມີສວັດດິການດີ, ເງິນເດືອນດີ ເພາະສິ່ງເຫຼົ່ານັ້ນ ເປັນພຽງຮູບແບບ ການຫຼອກໃຫ້ຄົນຫຼົງເຊື່ອ ແລະຕົກເປັນເຫຍື່ອເທົ່ານັ້ນ.
2022-04-28
ການປັບຂຶ້ນຄ່າແຮງງານ ຂັ້ນຕ່ຳໃນລາວ ຍັງບໍ່ເກີດຜົລເປັນຈິງເທື່ອ ເຖິງແມ່ນວ່າ ແນວຄິດການປັບຂຶ້ນເງິນ ຄ່າແຮງງານຂັ້ນຕ່ຳ ດັ່ງກ່າວ ຈະມີການສເນີມາແລ້ວກໍຕາມ, ໃນຂະນະທີ່ຄ່າຄອງຊີບ ຢູ່ປະເທດລາວສູງຂຶ້ນ ຢ່າງຕໍ່ເນື່ອງ ເຮັດໃຫ້ຜູ້ທີ່ອາສັຍເງິນເດືອນ ໃນການລ້ຽງຊີວິດ ຕ້ອງຢູ່ຢ່າງລຳບາກ ຈຶ່ງຫວັງວ່າ ທາງພາກສ່ວນທີ່ກ່ຽວຂ້ອງ ໂດຍສະເພາະຣັຖບານ ຈະປັບຂຶ້ນເງິນເດືອນຂັ້ນຕ່ຳ ໃຫ້ສາມາດປະຄອງ ການດຳເນີນຊີວິດໄດ້ ຕາມສະພາບໂຕຈິງ ທາງດ້ານເສຖກິຈ.
2022-04-28
ທາງການລາວກ່າວຫາວ່າ ຮ້ານແລກເງິນທີ່ບໍ່ໄດ້ຮັບອະນຸຍາ ເຮັດໃຫ້ເງິນກີບອ່ອນຄ່າ ເພາະມີການຮັບຊື້ເງິນ ເພື່ອຂາຍກິນກຳໄລ ໃນລາຄາສູງເກີນກວ່າ ທີ່ທາງທະນາຄານ ແຫ່ງ ສປປ ລາວ ກຳນົດ, ເຮັດໃຫ້ ທະນາຄານ ບໍ່ມີເງິນຕຣາຕ່າງປະເທດ ພຽງພໍໃນການຂາຍ ໃຫ້ຜູ້ປະກອບການ ທຸຣະກິຈເພື່ອໃຊ້ຊື້ສິນຄ້າ ຈາກຕ່າງປະເທດ ດ້ວຍເຫດນີ້ ທາງການລາວ ຈຶ່ງໄດ້ກຳນົດໄວ້ ຢູ່ໃນກົດໝາຍວ່າດ້ວຍ ການຄຸ້ມຄອງເງິນຕຣາຕ່າງປະເທດ ຂອງລາວ ແລະຂໍ້ຕົກລົງວ່າດ້ວຍທຸຣະກິຈ ແລກປ່ຽນເງິນຕຣາ ຂອງທະນາຄານແຫ່ງ ສປປ ລາວ ສ່ວນຮ້ານແລກເງິນ ທີ່ຢູ່ນອກລະບົບ ຈະຖືກອົບຮົມ ແລະລົງໂທດ ຕາມກົດໝາຍ ຫາກມີການກວດພົບ.
2022-04-27
ໂຄວິດ-19 ຍັງຣະບາດ ຮຸນແຮງໃນລາວ ແລະໄທຍ ແຕ່ຄົນງານລາວ ບໍ່ມີທາງເລືອກ ຍ້ອນໃນລາວຂາດວຽກເຮັດ ຈຶ່ງຈຳເປັນຕ້ອງເລືອກ ໄປຫາວຽກເຮັດຢູ່ໄທຍ ແຕ່ວ່າໄປແບບຖືກກົດໝາຍ ຄ່າເອກະສານແພງເກີນໄປ ດ້ວຍເຫດນີ້ ຄົນລາວ ຈຳນວນບໍ່ໜ້ອຍ ຕ້ອງຫາທາງລັກເຂົ້າ ໄປເຮັດວຽກຢູ່ໄທຍ ເຖິງແມ່ນວ່າ ສ່ຽງ ອາດຖືກຈັບກໍຕາມ.
2022-04-27
ຕຳຣວດ ນະຄອນຫຼວງວຽງຈັນ ສາມາດຈັບຜູ້ຄ້າ ຢາເສບຕິດໄດ້ ແລະຍຶດຂອງກາງ ເປັນຢາເສບຕິດ ຫຼາຍປະເພດ, ຊຶ່ງໃນຂະນະທີ່ ຊາວບ້ານຕ່າງກໍເຫັນວ່າ ການແຜ່ຣະບາດ ຂອງຢາເສບຕິດໃນລາວ ເປັນພັຍຕໍ່ການດຳເນີນຊີວິດ ແລະຍິ່ງໄປກວ່ານັ້ນ ຢາເສບຕິດຍັງເປັນອັນຕຣາຍ ຕໍ່ຊາວໜຸ່ມເຍົາວະຊົນ ທີ່ຈະເຕີບໂຕ ມາເປັນກຳລັງສະຕິປັນຍາ ຂອງບ້ານເມືອງ ແລະການຈັບຜູ້ຄ້າຢາເສບຕິດ ໃນແຕ່ລະເທື່ອແມ່ນບໍ່ສາມາດທາວຫາ ຜູ້ຄ້າຣາຍໃຫຍ່ ທີ່ເປັນຕົ້ນຕໍ ຂອງບັນຫາຢາເສບຕິດໄດ້ ເພາະສະນັ້ນ ຈຶ່ງເຫັນການຈັບຜູ້ຄ້າ ແລະຍຶດຢາເສບຕິດໄດ້ ເປັນປະຈຳ.
2022-04-27
ບໍຣິສັດໄທຍ ແລະບໍຣິສັດຈີນ ລົງນາມບົດບັນທຶກຄວາມເຂົ້າໃຈ ລາຄາໄຟຟ້າ ທີ່ທາງການໄທຍ ຈະຊື້ຈາກເຂື່ອນປາກແບງ ຂອງລາວ, ໃນຂະນະທີ່ຊາວບ້ານ ທີ່ຈະໄດ້ຮັບຜົລກະທົບ ກໍສແດງຄວາມກັງວົນ ແລະ ຫາກເປັນໄປໄດ້ ກໍບໍ່ຢາກໃຫ້ມີການສ້າງເຂື່ອນ ພ້ອມກັນນີ້ ບາງພາກສ່ວນ ໃນໄທຍກໍບໍ່ເຫັນດີ ໃຫ້ໄທຍຊື້ໄຟຟ້າ ທີ່ບໍ່ຈຳເປັນ ຈາກເຂື່ອນດັ່ງກ່າວ ແລະເຂື່ອນອື່ນໆໃນລາວ ໂດຍສະເພາະ ເຂື່ອນທີ່ສ້າງກັ້ນ ຕາມລຳແມ່ນ້ຳຂອງ.
2022-04-27
ການຂົນສົ່ງສິນຄ້າ ຈາກລາວໄປຈີນ ໂດຍເສັ້ນທາງຣົຖໄຟ ລາວ-ຈີນ ນັ້ນ ຖືວ່າ ຍັງສົ່ງບໍ່ຮອດຈຸດໝາຍປາຍ ຄືປະເທດຈີນ, ຮອດພຽງແຕ່ ສຖານີນາເຕີຍ ຕໍ່ຈາກນັ້ນ ຣົຖບັນທຸກ ຂົນສົ່ງຕໍ່ເຂົ້າໄປຈີນ ຊຶ່ງກໍສ້າງຄວາມຫຍຸ້ງຍາກ ໃຫ້ຜູ້ປະກອບການ ພໍສົມຄວນ, ໃນທາງຕຣົງກັນຂ້າມ ສິນຄ້າຈາກຈີນ ສາມາດເຂົ້າມາເຖິງລາວໄດ້ຢ່າງສະດວກ ແລະໃນປະຣິມານຫຼາຍ.
2022-04-27
ໂຄງການຜລິດໄຟຟ້າ ດ້ວຍພະລັງລົມ ຂອງບໍຣິສັດ ນັກລົງທຶນວຽດນາມ ກຳລັງສຳຣວດພື້ນທີ ຊຶ່ງເປັນທີ່ດິນປູກມັນຕົ້ນ ແລະພືດເສຖກິຈອື່ນໆ ຂອງຊາວບ້ານ ຈະໄດ້ຮັບຜົລກະທົບ ເຖິງແມ່ນວ່າໂຄງການ ຍັງຢູ່ໃນລະຫວ່າງ ການສຳຣວດກໍຕາມ ເພາະບໍຣິເວນ ທີ່ຕັ້ງຂອງໂຄງການ ຈະກວມເນື້ອທີ່ ປະມານ 2,000 ເຮັກຕາຣ໌ ເພື່ອຕິດຕັ້ງ ໃບພັດລົມຂນາດໃຫຍ່.
