ເຣື້ອງທີ່ເກັບບັນທຶກໄວ້
2022-09-23
ພາກປະຊາສັງຄົມ ແລະຣັຖບານລາວ ເປັນຫ່ວງນໍານັກຮຽນ ທີ່ປະລະການຮຽນຫລາຍ ນັບຕັ້ງແຕ່ ໂຄວິດ-19 ຣະບາດມານີ້ ເປັນຕົ້ນ ສົກຮຽນ 2021-2022 ມີນັກຮຽນ ຊັ້ນປະຖົມ ປະລະການຮຽນ 4.9% ແລະ ຊັ້ນມັທຍົມຕົ້ນ ສູງເຖິງ 11%.
2022-09-23
ມີການເກັບຄ່າຣົຖ ເຂົ້າສນາມບິນສາກົລ ປາກເຊ ໃນແຂວງຈຳປາສັກ ຊຶ່ງຜູ້ຂັບຣົຖ ເຂົ້າໄປໃນສນາມແຫ່ງນີ້ ຈະຕ້ອງເສັຽເງິນ ຄ່າຜ່ານປະຕູ 5,000 ກີບຕໍ່ຄັນ ຕໍ່ຄັ້ງ, ຂະນະທີ່ປະຊາຊົນ ຜູ້ໃຊ້ບໍຣິການ ໄດ້ແຕ່ກົ້ມໜ້າ ປະຕິບັດຕາມ ເຖິງຈະບໍ່ເຫັນດີນຳ.
2022-09-23
ໂຄງການ ທາງຣົຖໄຟ ລາວ-ຈີນ ບໍ່ສາມາດ ສ້າງຜົລກຳໄລ ດ້ວຍໂຕມັນເອງ ເພື່ອມາໃຊ້ໜີ້ ທີ່ຣົຖບານລາວ ຢືມມາລົງທຶນ ຍິ່ງໄປກວ່ານັ້ນ ປະຊາຊົນ ທີ່ເສັຽດິນໃຫ້ກັບໂຄງການ ດັ່ງກ່າວ ມາເຖິງປັດຈຸບັນນີ້ ກໍຍັງມີບັນຫາ ແກ້ໄຂບໍ່ໄດ້.
2022-09-23
ເສຖກິຈຂອງລາວ ຟື້ນໂຕລ່າຊ້າ ຍ້ອນຫລາຍບັນຫາ ຮວມທັງການສນອງສິນຄ້າ, ລາຄາເຄື່ອງສິນຄ້າແພງຂຶ້ນ, ການຊົມໃຊ້ພາຍໃນຫລຸດລົງ, ເງິນກີບເຟີ້ ອີງຕາມ ທະນາຄານ ພັທນາເອເຊັຽ, ລວມຍອດມູນຄ່າ ຜລິຕພັນພາຍໃນ ສຳລັບປີນີ້ ຈະຫລຸດລົງມາຢູ່ທີ່ 2.5%.
2022-09-22
ທາງການຈີນ ອອກແຈ້ງການ ຈະເປີດບໍຣິການ ທ່າເຮືອກວນເຫລີ້ຍ ເພື່ອຮອງຮັບສິນຄ້າ ຜ່ານທາງແມ່ນໍ້າຂອງ ຈາກໄທຍ, ລາວ ແລະ ພະມ້າ ພາຍຫລັງປິດ 2 ປີປາຍ ຂະນະທີ່ທາງລາວ ຕ້ອງຖ້າຂໍ້ມູນຕື່ມ.
2022-09-22
ມູລນິທິ ອະນຸຮັກສັດປ່າລາວ ຊ່ອຍສວນສັດບ້ານເກິນ ຢູ່ເມືອງທຸລະຄົມ ແຂວງວຽງຈັນ ເປີດໃຫ້ ປະຊາຊົນ ສາມາດເຂົ້າໄປເບິ່ງ ສັດປ່າທີ່ທາງມູລນິທິ ໄດ້ຊ່ອຍເຫຼືອ ໂດຍບໍ່ຕ້ອງເສັຽຄ່າເຂົ້າ ຂະນະທີ່ມີປະຊາຊົນ ຈຳນວນນຶ່ງ ສົນໃຈເຂົ້າໄປຊົມສວນສັດ ທີ່ມີປັບປຸງໃໝ່ນີ້.
2022-09-22
ນະຄອນຫລວງວຽງຈັນ ໄດ້ຣາຍງານ ການລົບລ້າງ ຄວາມທຸກຍາກ ຢູ່ 8 ເມືອງ ໃນນະຄອນຫລວງວຽງຈັນ ແຕ່ປະຊາຊົນເຫັນວ່າ ບົດຣາຍງານດັ່ງກ່າວ ບໍ່ຖືກກັບສະພາບໂຕຈິງ ເພາະໃນຄວາມເປັນຈິງ ຍັງມີຄອບຄົວ ທີ່ທຸກຍາກ ຫາເຊົ້າກິນຄ່ຳ ໃຫ້ພົ້ນມື້ ພົ້ນເວັນໄປ ກໍຍັງມີຫຼາຍ.
2022-09-22
ເຂດຊົນນະບົດ ຂອງລາວ ຍັງມີໂຮງຮຽນ ຫລາຍແຫ່ງເປ່ເພ, ເປິເປື້ອນ, ມີນ້ຳຖ້ວມຂັງ, ເປັນຂີ້ຕົມ ເຮັດໃຫ້ການຮຽນ-ການສອນ ບໍ່ປອດພັຍ ແລະ ເພີ່ມຄວາມລຳບາກ ສຳລັບເດັກນ້ອຍນັກຮຽນ ແຕ່ບໍ່ມີທາງເລືອກ ນັກຮຽນເຫຼົ່ານັ້ນ ກໍຕ້ອງໄດ້ທົນທຸກ ຮຽນໄປຕາມມີ ຕາມເກີດ.
2022-09-22
ມີການຝາກ ລູກ-ຫຼານ ຜູ້ນຳລະດັບສູງ ຂອງລາວ ເຂົ້າເຮັດວຽກ ຢູ່ກະຊວງການເງິນ 6 ຄົນ, ສ່ວນວ່າ ຜູ້ທີ່ເສັງຜ່ານພັດບໍ່ມີລາຍຊື່ ເຂົ້າເປັນຣັຖກອນໃໝ່ ເຫດການດັ່ງກ່າວ ໄດ້ກາຍເປັນປະເດັນ ທີ່ສັງຄົມ ໃຫ້ຄວາມສົນໃຈ ແລະ ມີການວິພາກ-ວິຈານກັນ ໃນສື່ສັງຄົມອອນລາຍນ໌, ແຕ່ກະຊວງການເງິນ ປະຕິເສດເຣື່ອງນີ້.
2022-09-21
ເສັ້ນທາງ ຢູ່ ເຂດວິທະຍາໄລ ສ້າງຄູບ້ານເກີນ ແຂວງວຽງຈັນ ມີການເປ່ເພຫຼາຍ ຍ້ອນວ່າ ຣົຖບັນທຸກໜັກ ຂົນແຮ່ເຫຼັກ ໄປສະຖານນີຣົຖໄຟ ລາວ-ຈີນ ຢູ່ເມືອງໂພນໂຮງ ເຮັດໃຫ້ເກີດ ຄວາມຫຍຸ້ງຍາກ ກັບຊາວບ້ານທີ່ໃຊ້ຣົຖ ໃຊ້ຖນົນ ຊຶ່ງພາກສ່ວນທີ່ກ່ຽວຂ້ອງ ຍັງບໍ່ໄດ້ແກ້ໄຂບັນຫາ ດັ່ງກ່າວເທື່ອ.
2022-09-21
ປະເທດລາວ ມີກຸ່ມການຜລິຕ ກະສິກໍາ 4,023 ກຸ່ມ ແລະ 64 ສະຫະກອນ ທີ່ຍັງຕ້ອງໄດ້ປັບປຸງ ທັງດ້ານການບໍຣິຫານ, ຄຸ້ມຄອງ ແລະການຊ່ອຍເຫລືອ ດ້ານວິຊາການ, ທຶນຮອນ ແຕ່ສິ່ງສຳຄັນ ຄື ພາກຣັຖ ຍັງຂາດ ການຫາຕລາດ ໃຫ້ຖືກຕ້ອງເໝາະສົມ ກັບຣະດູການຜລິຕ ໃນແຕ່ລະປີ ໃຫ້ກັບກຸ່ມກະສິກັມ ພື້ນບ້ານ.
2022-09-21
ຂະບວນການ ລັກລອບ ນຳຣົຖເຖື່ອນ ຈາກປະເທດໄທຍ ເຂົ້າມາປະເທດລາວ ຍັງມີຢູ່ຕໍ່ເນື່ອງ ສ່ວນໃຫຍ່ ຜູ້ລັກລອບ ມັກຈະນຳເຂົ້າ ໄປຂາຍຕໍ່ໃນລາວ ໂດຍບໍ່ຕ້ອງເສັຽ ພາສີ-ອາກອນ ແລະ ຍັງຂາຍໄດ້ລາຄາແພງ ນຳອີກ ແລະ ອາຈມີເຈົ້າໜ້າ ກວດກາຊາຍແດນ ຮູ້ເຫັນນຳດ້ວຍ.
2022-09-21
ຣັຖບານລາວ ໄດ້ອະນຸຍາດ ໃຫ້ກຸ່ມບໍຣິສັດ ວັງຕັດ ຂຸດຄົ້ນບໍ່ແຮ່ ຈໍາກັດ ສັມປະທານ ຊອກຄົ້ນ, ສໍາຣວດແຮ່ທາຕ ທີ່ຫາຍາກ ໃນເນື້ອທີ່ 47 ກິໂລແມັດມົນທົນ ຢູ່ເຂດບ້ານບຣ໋ອງນ້ອຍ ເມືອງດາກຈຶງ ແຂວງເຊກອງ ຊຶ່ງຈະກະທົບຕໍ່ຊັພຍາກອນ ທັມມະຊາຕ, ປ່າໄມ້ຖືກທຳລາຍ.
2022-09-21
ຍັງມີຄົນຈີນອີກ ເປັນຈຳນວນຫຼາຍ ເຂົ້າມາເຄື່ອນໄຫວ ດຳຣົງຊີວິຕ ແລະປະກອບອາຊີພ ທີ່ບໍ່ຖືກຕາມກົດໝາຽ ໃນຫຼາກຫຼາຍຮູບແບບ ຢູ່ແຂວງບໍ່ແກ້ວ ໂດຍສະເພາະ ການເປີດທຸຣະກິຈ ຮ້ານຂາຍເຄື່ອງຍົກ, ເຄື່ອງຫຍ່ອຍ ແລະ ຮ້ານເສີມສວຍ ຊຶ່ງເປັນອາຊີພ ທີສງວນໄວ້ສຳລັບຄົນລາວ.
2022-09-20
ຄົນງານລາວ ອາຍຸ 24 ທີ່ມາເຮັດວຽກຢູ່ປະເທດໄທຍ ແລ້ວໄປທ່ຽວສະຖານທີ່ບັນເທີງ Mountain B ໃນມື້ເກີດເຫດ ຈົນໂຊກຮ້າຍ ກາຍເປັນຜູ້ເສັຽຫາຍ ຖືກໄຟໄໝ້ ແຂນທາງເບື້ອງຊ້າຍ ຈົນໄດ້ຮັບບາດເຈັບສາຫັດ ຕ້ອງໄດ້ຫຍິບບາດແຜ, ເຮັດກາຍະພາບບຳບັດ, ນາງກັງວົນໃຈ ເຣື່ອງຄະດີ ແລະ ຄ່າໃຊ້ຈ່າຍ ໃນການປິ່ນປົວ.
