ເຣື້ອງທີ່ເກັບບັນທຶກໄວ້
2022-10-12
ອີງຕາມຂໍ້ມູນ ຂອງກອງທຶນ ປະຊາກອນ ແຫ່ງສະຫະປະຊາຊາຕ ຊີ້ໃຫ້ເຫັນວ່າ ປີ 2020 ເດັກນ້ອຍແມ່ຍິງ 2 ໃນ 10 ຄົນ ຢູ່ປະເທດລາວ ແຕ່ງດອງ ກ່ອນວັຍອັນຄວນ ຄືລະຫວ່າງ 15-19 ປີ ສົ່ງຜົລເຮັດໃຫ້ເດັກນ້ອຍແມ່ຍິງ ພົບບັນຫາດ້ານສຸຂພາບ ແລະຊີວິຕຄອບຄົວ ຫຼາຍຢ່າງຕາມມາ.
2022-10-12
ຄົນງານມາເລເຊັຽ 7 ຄົນທີ່ຖືກຫລອກ ໄປເຮັດວຽກເປັນ ສແກັມເມີຣ໌ ຢູ່ເຂດເສຖກິຈ ພິເສດສາມ ຫລ່ຽມຄໍາ ໄດ້ຮັບການຊ່ອຍເຫລືອແລ້ວ, ແຕ່ກໍຍັງມີອີກຫລາຍຄົນ ທີ່ຖືກກັກໂຕ ຢູ່ໃນເຂດດັ່ງກ່າວ ອີງຕາມຂໍ້ມູນ ຈາກອົງການ ເພື່ອມະນຸສທັມ ລະຫວ່າງປະເທດ ຂອງມາເລເຊັຽ ອາຈມີ 50-100 ຄົນ ທີ່ຍັງບໍ່ໄດ້ຮັບ ການຊ່ອຍເຫຼືອ.
2022-10-12
ບັນຫາຢາເສບຕິດໃນລາວ ຍາກທີ່ຈະປາບປາມໄດ້ ເນື່ອງຈາກ ການບັງຄັບໃຊ້ ກົດໝາຍ ຍັງບໍ່ເຂັ້ມງວດ ດ້ວຍເຫດນີ້ ຢາເສບຕິດ ຈຶ່ງເພີ່ມຂຶ້ນຫຼາຍ ທຽບໃສ່ໄລຍະ 2-3 ປີທີ່ຜ່ານມາ ເຫັນໄດ້ຈາກ ການຈັບຜູ້ຄ້າ-ຂາຍ ແລະຈໍານວນຢາເສບຕິດ ທີ່ຍຶດໄດ້ຫຼາຍຂຶ້ນ.
2022-10-12
ປະເທດລາວ ຂາດດຸນການຄ້າ ປະຈໍາເດືອນກັນຍາ ທີ່ຜ່ານມາ 233 ລ້ານ ໂດລ້າຣ໌ ສະຫະຣັຖ ຄືສູງທີ່ສຸດໃນຮອບປີ, ມູນຄ່າການນາໍເຂົ້າ ສິນຄ້າຂອງລາວ ປະຈໍາເດືອນກັນຍານີ້ ຢູ່ທີ່ 689 ລ້ານໂດລ້າຣ໌ ສະຫະຣັຖ ແລະການສົ່ງອອກ ຢູ່ທີ່ 456 ລ້ານໂດລ້າຣ໌ ສະຫະຣັຖ.
2022-10-11
ສະຖາບັນ ເພື່ອຄວາມກ້າວໜ້າ ທາງເທັກໂນໂລຢີ ປະເທດເກົາຫຼີໃຕ້ ໄດ້ຊ່ອຍສ້າງໂຄງການໄຟຟ້າ ແສງຕາເວັນ ຢູ່ບ້ານນາຫາວ, ນາວາງ ເຂດອຸທິຍານແຫ່ງຊາຕ ນາກາຍ, ນໍ້າເທີນ ເມືອງນາກາຍ ແຂວງຄຳມ່ວນ ເພື່ອໃຫ້ຊາວບ້ານ ຜູ້ທຸກຍາກໃນເຂດດັ່ງດ່າວ ມີໄຟຟ້າໃຊ້.
2022-10-11
ເກີດເຫດ ເຮືອຫລົ້ມໃນບຸນຊ່ວງເຮືອ ຢູ່ແຂວງໄຊຍະບູຣີ ຂະນະທີ່ ຜູ້ເຂົ້າຮ່ວມງານບຸນ ຢາກໃຫ້ພາກສ່ວນກ່ຽວຂ້ອງ ມີມາຕການຮັກສາ ຄວາມປອດພັຍ ໃຫ້ແກ່ຜູ້ເຂົ້າຮ່ວມແຂ່ງຂັນ ແລະຫຼ້າສຸດນີ້ ໄດ້ພົບສົບ ຜູ້ເສັຽຊີວິຕ ຈາກເຮືອຊ່ວງຫຼົ້ມ ໃນລະຫວ່າງ ການແຂ່ງຂັນແລ້ວ.
2022-10-11
ຫລາຍແຂວງໃນລາວ ຈັດງານບຸນຊ່ວງເຮືອ ຢ່າງຄຶກຄື້ນ ຂະນະທີ່ສິນຄ້າ ປະເພດອາຫານ ເຄື່ອງດື່ມ ຢູ່ພາຍໃນງານ ລາຄາແພງຂຶ້ນຫລາຍ ຊຶ່ງມີສາເຫດຫຼັກມາຈາກ ສະພາວະເສຖິຈຕົກຕໍ່າ, ເງິນກີບອ່ອນຄ່າ, ສິນຄ້າຫຼາຍຣາຍການ ນຳເຂົ້າຈາກຕ່າງປະເທດ.
2022-10-11
ຄົນງານປະມົງລາວ ພາຍຫຼັງຖືກຈັບ ຢູ່ມາເລເຊັຽ ແລ້ວຕໍ່ມາ ກໍຂາດການຕິດຕໍ່ ກັບຄົນພາຍນອກ ທາງຄອບຄົວ ຈຶ່ງຮຽກຮ້ອງ ຂໍຄວາມຊ່ອຍເຫຼືອ ເພາະເປັນຫ່ວງ ບໍ່ຮູ້ວ່າ ການຖືກຈັບໂຕໄປນັ້ນ ແມ່ນຍ້ອນຫຍັງແທ້ ແລະ ຍັງມີຊີວິຕ ຢູ່ຫຼືບໍ່.
2022-10-11
ນັກໂທສຈຳນວນ 1,895 ຄົນ ຈະຖຶກສເນີ ໃຫ້ໄດ້ຮັບອະພັຍໂທສ ຊຶ່ງຄາດວ່າ ກຸ່ມນັກໂທສ ການເມືອງ ຈະບໍ່ມີລະບຸ ຢູ່ໃນລາຍຊື່ນັກໂທສ ທີ່ສເນີໃຫ້ ມີການອະພັຍໂທສນັ້ນ ເພາະນັກໂທສການເມືອງ ຖືວ່າເປັນນັກໂທສ ທີ່ມີໂທສໜັກ ແລະສ່ວນຫຼາຍ ຈະບໍ່ຄ່ອຍໄດ້ຮັບ ການອະພັຍໂທສ.
2022-10-10
ຄະນະກັມມາທິການ ແມ່ນ້ຳຂອງ ສາກົລ ກຳນົດ ໃຫ້ເຂື່ອນໃນແມ່ນໍ້າຂອງ ທຸກແຫ່ງ ຈະຕ້ອງວິເຄາະ ຜົລກະທົບ ຕໍ່ສິ່ງແວດລ້ອມ ຂ້າມຊາຍແດນ ຫຼື Trans-boundary Environmental Impact Assessment (TbEIA) ເພື່ອຫຼຸດຜ່ອນ ຜົລກະທົບ ດ້ານສິ່ງແວດລ້ອມ ຂ້າມຊາຍແດນ ໃຫ້ເຫຼືອໜ້ອຍທີ່ສຸດ.
2022-10-10
ພາກປະຊາສັງຄົມໄທຍ ຈັດພິທີເອີ້ນຂວັນປາ ຄືນນໍ້າຂອງ ຄັ້ງທີ 2 ພາຍຫລັງ ປາໃນແມ່ນໍ້າຂອງ ຫລຸດຈຳນວນລົງ ຢ່າງຫລວງຫລາຍ ຊຶ່ງສາຍເຫດນຶ່ງ ເປັນຍ້ອນການສ້າງເຂື່ອນ ໃນແມ່ນ້ຳຂອງ ແລະການຫາປາຂອງຊາວບ້ານ ທີ່ໃຊ້ການລະເບີດ ແລະອຸປະກອນ ໄຟຟ້າຊັອດ.
2022-10-10
ງານສົ່ງເສີມການອ່ານ ພາສາລາວ ຈະຕຣຽມຈັດຂຶ້ນ ໃນເດືອນພຶສຈິການີ້ ໃນຫົວຂໍ້ “ຮູ້ຮັກ ພາສາ ລາວ” ໂດຍງານນີ້ ຈະຈັດຂຶ້ນ ເພື່ອໃຫ້ເດັກນ້ອຍ ນັກຮຽນ ມີໂອກາດ ໄດ້ຝຶກຝົນ ການອ່ານ, ຂະນະທີ່ ປະເທດລາວ ເປັນປະເທດ ທີ່ມີອັດຕຣາການຮູ້ໜັງສື ຕາມຫຼັງປະເທດອື່ນໆ ໃນອາຊ້ຽນ.
2022-10-10
ເຂົ້າກິນ ໃນເມືອງຫົງສາ ເເຂວງໄຊຍະບູຣີ ອາດບໍ່ພຽງພໍເພື່ອບໍຣິໂພກ ພາຍໃນເມືອງ ຂະນະທີ່ ອຳນາດການປົກຄອງ ເມືອງ ໄດ້ສັ່ງຫ້າມປະຊາຊົນ ສົ່ງອອກ ເຂົ້າເປືອກໄປຂາຍ ສ່ວນສາເຫດ ເຮັດໃຫ້ເຂົ້າມີຈຳນວນໜ້ອຍລົງ ເພາະວ່າເນື້ອທີ່ ການຜລິຕ ຖືກຂາຍ ຫຼືໃຊ້ສ້າງໂຮງງານ ເຊັ່ນໂຮງງານໄຟຟ້າ ຖ່ານຫິນ ແລະຊາວນາ ກໍປ່ຽນອາຊີພ ໄປເຮັດວຽກໃນໂຮງງານແທນ.
2022-10-10
ແຕ່ງຕັ້ງ ຄະນະສະເພາະກິຈ ຮັບຜິດຊອບ ສືບສວນ ຄະດີຄາຕກັມ ຍານາງ ວິພາພອນ ກອນສິນ ອາຍຸ 36 ປີ ປະທານ ບໍຣິສັດລາວ ວີໄອພີ ພັທນາ ການລົງທຶນ ຈໍາກັດຜູ້ດຽວ ໂດຍປະຊາຊົນ ຫວັງໃຫ້ເຈົ້າໜ້າທີ່ ສາມາດ ນຳຜູ້ກໍ່ເຫດ ມາລົງໂທດ ເພາະນີ້ເປັນຄະດີ ສະເທືອນຂວັນ ສັງຄົມລາວ.
2022-10-09
ສຸດທ້າຍ ຣັຖບານລາວ ກໍອະນຸຍາດໃຫ້ ບໍຣິສັດຈີນ ສຶກສາສຳຣວດ ການຂຸດຄົ້ນ ແຮ່ທາຕຫາຍາກ ຊຶ່ງວ່າ ທາຕດັ່ງກ່າວ ຈະເປັນພັຍອັນຕຣາຍ ຕໍ່ສິ່ງແວດລ້ອມ ແລະປະຊາຊົນ ທ້ອງຖິ່ນກໍຕາມ ຄຳຖາມກໍຄື ດ້ວຍເຫດໃດ ຣັຖບານລາວ ຈຶ່ງປ່ຽນໃຈ ອະນຸຍາດ ໃຫ້ຂຸດຄົ້ນໄດ້.
