ເຣື້ອງທີ່ເກັບບັນທຶກໄວ້
2022-05-27
ກອງປະຊຸມສຸດ ຍອດອາຊ້ຽນ-ອາເມຣິກາ ສມັຍພິເສດ ທີ່ກຸງວໍຊິງຕັນ ດີ.ຊີ. ສະຫະຣັຖອາເມຣິກາ ໄດ້ເວົ້າເຖິງການພົວພັນ ກັນຫລາຍບັນຫາ ເພື່ອຂຍາຍການຮ່ວມມື ແລະຊ່ອຍເຫລືອກັນຂຶ້ນຕື່ມ ຮວມທັງການຄ້າແລະການລົງທຶນ.
2022-05-26
ຜູ້ນຳລາວ ຍັງສ້າງກະແສ ຈົງຮັກພັກດີ ຕໍ່ຣັສເຊັຽ ທ່າມກາງສົງຄາມ ລະຫວ່າງ ຣັສເຊັຽ ກັບ ຢູເຄຣນ ກຳລັງດຳເນີນໄປ ເປັນການສ້າງກະແສ ໃຫ້ຄົນລາວ ຫັນໄປນິຍົມຣັສເຊັຽຂຶ້ນອີກ ຍ້ອນວ່າ ປັດຈຸບັນຫຼາຍປະເທດ ມີການຄວ້ຳບາດຣັສເຊັຽ.
2022-05-26
ຕໍາຣວດຈະຣາຈອນ ຢູ່ຫລາຍແຂວງຂອງລາວ ຍັງຮຽກເອົາເງິນນໍາຜູ້ຂັບຂີ່ຣົຖ ທີ່ລະເມີດກົດຈະຣາຈອນ ໂດຍບໍ່ມີໃບສັ່ງໃຫ້ ໃນເວລາທີ່ມີການຕັ້ງດ່ານ ກວດກາຕາມທ້ອງຖນົນ ຊຶ່ງສ່ວນໃຫຍ່ເປັນຜູ້ຂັບຣົຖ ທີີ່ບໍ່ມີໃບຂັບຂີ່, ບໍ່ມີໃບກວດເຕັກນິກຣົຖ ແລະລືມໃບທະບຽນ.
2022-05-25
ວຽດນາມຍັງເດີນໜ້າ ເຂົ້າມາລົງທຶນໃນລາວ ເປັນຈຳນວນຫຼາຍໂຄງການ ໃນຂະນະ ທີ່ປະຊາຊົນລາວ ບໍ່ເຂົ້າໃຈວ່າ ເປັນຫຍັງຄົນວຽດນາມ ເຂົ້າມາທຳມາຫາກິນໃນລາວໄດ້ ແບບສະບາຍ ແຖມມາຍາດແຍ່ງອາຊີບຄົນລາວ ໂດຍບໍ່ມີພາກສ່ວນໃດ ເຂົ້າມາແກ້ໄຂບັນຫານີ້.
2022-05-23
ປະຊາຊົນ, ນັກທຸຣະກິຈ ແລະ ເຈົ້າໜ້າທີ່ຣັຖ ຍັງບໍ່ເຊື່ອໝັ້ນວ່າ ການເປີດສາຍດ່ວນ ເພື່ອຮັບຟັງຄວາມຄິດເຫັນ, ບັນຫາ ແລະຂໍ້ສເນີແນະນຳ ຂອງປະຊາຊົນ ຈະນຳໄປສູ່ການແກ້ໄຂ ບັນຫາ ເພາະວ່າບາງເທື່ອສາຍດ່ວນ ທີ່ວ່ານັ້ນກໍບໍ່ມີຄົນຮັບສາຍ.
2022-05-19
ທາງການລາວ ຈະຍົກເລີກຣົຖປະຈໍາຕໍາແໜ່ງ ຂອງພະນັກງານ ພັກ-ຣັຖ ຂັ້ນກົມລົງມາ ເພື່ອເປັນການປະຢັດ ແລະຈະປ່ຽນໄປໃຊ້ ຣົຖໄຟຟ້າແທນ ຊຶ່ງປັດຈຸບັນກໍາລັງ ຊອກຫາຊື້ຢູ່ ຊຶ່ງກໍຮວມທັງປະເທດຈີນ ນຳດ້ວຍ.
2022-05-18
ແຂວງຊຽງຂວາງ ກວດພົບ 25 ໂຄງການນອກແຜນ ທີ່ບໍ່ໄດ້ຜ່ານການປະມູນລາຄາ ແລະບໍ່ໄດ້ຜ່ານ ສະພາແຫ່ງຊາດ ຮັບຮອງ, ຮວມມູນຄ່າ 226,280,000,000 ກີບ, ທັງ 25 ໂຄງການ ນອກແຜນທີ່ວ່ານັ້ນ ແມ່ນໄດ້ຊໍາຣະເງິນ ໃຫ້ບໍຣິສັດເອກຊົນໄປແລ້ວ 15,350,000,000 ກີບ, ສ່ວນທີ່ເຫລືອນັ້ນ ແມ່ນຍັງຄ້າງຢູ່.
2022-05-17
ການພົວພັນຮ່ວມມື ລະຫວ່າງ ທາງການລາວ ກັບວຽດນາມ ໄດ້ຮັບການພພັທນາ ແລະເສີມຂຍາຍຄວາມຮ່ວມມື ຢ່າງແໜ້ນແຟ້ນຂຶ້ນເລື້ອຍໆ ໂດຍສະເພາະດ້ານການລົງທຶນ ເຊິ່ງມາຮອດປັດຈຸບັນ ວິສາຫະກິຈຂອງວຽງດນາມ ໄດ້ເຂົ້າມາລົງທຶນຢູ່ລາວ ທັງໝົດ 417 ໂຄງການ ແຕ່ຊາວລາວຈໍານວນນຶ່ງ ທີ່ໄດ້ຮັບຜົລກະທົບ ຈາກການເຂົ້າມາລົງທຶນດ້ານຕ່າງໆ ຂອງນັກລົງທຶນຊາວວຽດນາມນັ້ນ ພັດຍັງບໍ່ໄດ້ຮັບການແກ້ໄຂ.
2022-05-14
ການພົວພັນຮ່ວມມືຮອບດ້ານ ຮວມທັງດ້ານການເມືອງ ລະຫວ່າງ ສປປ ລາວ ແລະວຽດນາມ ຍັງແໜ້ນແຟ້ນຢູ່ຄືເກົ່າ ເຖິງແມ່ນວ່າຜູ້ນໍາລາວ ຈະອ່ຽງໄປຫາຈີນ ເປັນຕົ້ນທາງດ້ານເສຖກິຈ ເພື່ອຫວັງຈະໄດ້ຮັບການຊ່ອຍເຫລືອ ຈາກຈີນຫຼາຍຂຶ້ນ.
2022-05-13
ສະຫະຣັຖອາເມຣິກາ ປະກາດໃຫ້ການຊ່ອຍເຫຼືອ ແກ່ປະເທດອາຊ້ຽນ 150 ລ້ານໂດລ້າຣ໌, ນອກຈາກນັ້ນ, ຍັງເພີ່ມການຮ່ວມມືກັນ ອີກຫຼາຍດ້ານ ໂດຍສະເພາະແມ່ນ ໂຄງຮ່າງພື້ນ, ພລັງງານສະອາດ ເປັນຕົ້ນ.
2022-05-12
ນັກເຄື່ອນໄຫວ ດ້ານການເມືອງ ລາວ, ກັມພູຊາ, ພະມ້າ, ວຽດນາມ, ໄທຍ ໄດ້ຈັດການປະທ້ວງ ຜູ້ນຳອາຊ້ຽນ ບາງປະເທດ ທີ່ມາປະຊຸມສຸດຍອດ ຜູ້ນຳອາຊ້ຽນ-ສະຫະຫະຣັຖ ທີ່ນະຄອນຫລວງ ວໍຊິງຕັນ, ດີ.ຊີ. (Washington, DC) ປະເທດສະຫະຣັຖອາເມຣິກາ ຊຶ່ງຜູ້ປະທ້ວງ ຮຽກຮ້ອງໃຫ້ ປະຊາຊົນໃນຊາດນັ້ນໆ ມີສິດເສຣີພາບ.
2022-05-10
ທາງການແຂວງອຸດົມໄຊ ກວດພົບພະນັກງານ ພັກ-ຣັຖ ສໍ້ຣາສບັງຫຼວງ, ສ້າງຄວາມເສັຍຫາຍ ໃຫ້ການຈັດຕັ້ງ ແລະ ບຸກຄົນຈຳນວນຫຼາຍ ດ້ວຍເຫດນີ້ ທາງການແຂວງອຸດົມໄຊ ຈຶ່ງໄດ້ລົງໂທດ ຜູ້ຣະເມີດກົດໝາຍດັ່ງກ່າວ ແຕ່ກໍບໍ່ມີການເປີດເຜີຍ ຢ່າງຈະແຈ້ງວ່າ ຜູ້ທີ່ຖືກລົງໂທດນັ້ນ ເປັນໃຜ, ມີຕຳແໜ່ງໜ້າທີ່ ແລະລົງໂທດແບບໃດແທ້.
2022-05-05
ສື່ສັງຄົມອ໋ອນລາຍນ໌ ໄດ້ເຂົ້າມາມີບົດບາດ ໃນການສແດງອອກ ທາງຄວາມຄິດ, ຄວາມເຫັນ ຂອງປະຊາຊົນລາວ ໂດຍສະເພາະກຸ່ມຄົນໜຸ່ມ-ສາວ ຜູ້ທີ່ມີຄວາມຫ່ວງໃຍ ໃນສັງຄົມລາວ ແລະການບໍຣິຫານບ້ານເມືອງ ຂອງຄະນະຣັຖບານ, ເຈົ້າໜ້າທີ່ຣັຖ ເຮັດໃຫ້ເກີດມີການປັບປຸງ ໃນລະບົບເທື່ອລະໜ້ອຍ ແຕ່ກໍເປັນອັນຕຣາຍ ຕໍ່ຜູ້ສແດງອອກ ແລະວິພາກ-ວິຈານ ຄວາມຜິດພາດ ຂອງຣັຖບານ ເຊັ່ນກັນ.
2022-05-05
ປະຊາຊົນ 5 ຄົນທີ່ຖືກທະຫານ ຄ້າຍ 513 ຈັບໄປ ຕັ້ງແຕ່ວັນທີ 10 ເມສາ ທີ່ຜ່ານມາ ຍ້ອນເກີດການຖຽງກັນ ເຣື່ອງຂໍ້ຂັດແຍ່ງທີ່ດິນ ກັບທະຫານ ແລະຖືກທະຫານຄວບຄຸມໂຕ ໄປກອງບັນຊາການທະຫານ ນະຄອນຫຼຼວງວຽງຈັນ ຈົນມາເຖິງຕອນນີ້ ກໍຍັງບໍ່ຮັບການປ່ອຍໂຕເທື່ອ.
2022-05-04
ອົງການຂ່າວ ບໍ່ມີພົມແດນ ຈັດໃຫ້ປະເທດລາວ ຢູ່ໃນອັນດັບທີ່ 161 ຈາກທັງໝົດ 180 ປະເທດທົ່ວໂລກ ທີ່ສື່ມວນຊົນ ມີເສຣີພາບໃນການສເນີຂ່າວ ໃນປີ 2022 ນີ້, ຊຶ່ງປະກົດວ່າ ປີນີ້ລາວໄດ້ອັນດັບ ທີ່ດີກວ່າປີ 2021 ແຕ່ຄວາມເປັນຈິງແລ້ວ ສື່ມວນຊົນລາວ ກໍ່ຍັງບໍ່ມີເສຣີພາບ ໃນການສເນີຂ່າວ ຕາມຄວາມເປັນຈິງ.
