ເຣື້ອງທີ່ເກັບບັນທຶກໄວ້
2023-04-28
ທະນາຄານແຫ່ງ ສປປ ລາວ ໄດ້ອອກແຈ້ງການ ກ່ຽວກັບການ ໃນການແລກປ່ຽນເງິນຕຣາ ນຳບຸກຄົນ ແລະ ນິຕິບຸກຄົນ ທີບໍ່ໄດ້ຮັບອະນຸຍາດ ໃຫ້ດຳເນີນທຸຣະກິຈ ແລກປ່ຽນເງິນຕຣາ ພາຍຫຼັງທີ່ ທາງການໄດ້ສັ່ງປິດຮ້ານ ແລກປ່ຽນເງິນຕຣາ ທົ່ວປະເທດແລ້ວ, ແຕ່ຍັງມີຈຳນວນນຶ່ງ ລັກລອບດຳເນີນການ ແບບລັບໆ.
2023-04-28
ຊາວລາວ ໄປເຮັດວຽກ ຢູ່ປະເທດໄທຍຫຼາຍຂຶ້ນ ຍ້ອນປະເທດລາວ ປະສົບບັນຫາ ຄ່າຄອງຊີບແພງຂຶ້ນ, ເງິນກີບອ່ອນຄ່າ ແລະ ຄ່າແຮງງານຕ່ຳ ຊຶ່ງຣັຖບານ ຮຽກຮ້ອງໃຫ້ຄົນງານລາວ ໃຫ້ເຂົ້າໄປແບບຖືກຕ້ອງຕາມໝາຍ, ແຕ່ຄົນງານບອກວ່າ ເພາະມີຄ່າໃຊ້ຈ່າຍສູງ ແລະໃຊ້ເວລາດົນ ຫາກໄປແບບຖືກຕ້ອງ.
2023-04-28
ໃນວັນກັມມະກອນ ສາກົລນີ້ ທາງການລາວ ຮຽກຮ້ອງໃຫ້ຄົນລາວ ຫາວຽກເຮັດ ຢູ່ພາຍໃນປະເທດ, ຢູ່ກັບຄອຍຄົວ, ແຕ່ຫລາຍຄົນເວົ້າວ່າ ໄດ້ເງິນໜ້ອຍ ບໍ່ກຸ້ມກິນ, ຈຶ່ງຫາຫົນທາງ ໄປເຮັດວຽກຢູ່ໄທຍ ດີກວ່າ ດ້ວຍເຫດນີ້ ຊາຍໝຸ່ມ ແລະ ຍິງສາວ ຊາວລາວ ສ່ວນຫຼາຍ ຈຶ່ງບໍ່ຢາກເຮັດວຽກ ຢູ່ພາຍໃນປະເທດ.
2023-04-27
ການກໍ່ສ້າງຕຶກ ຣາຊວົງ (ລາດຊະວົງ) ພລາຊາ ເຊິ່ງເປັນຕຶກທີ່ສູງທີ່ສຸດ ໃນ ສປປ ລາວ ຫຼ້າຊ້າ, ຂະນະທີ່ຊາວລາວ ໃນນະຄອນຫຼວງວຽງຈັນ ບໍ່ໄດ້ຄາດຫວັງຫຍັງ ກັບໂຄງການດັ່ງກ່າວ.
2023-04-26
ເງິນບາທ ເປັນສະກຸນເງິນຕ່າງປະເທດ ທີ່ຊາວລາວ ນິຍົມຊົມໃຊ້ ເຊັ່ນດຽວກັນກັບເງິນໂດລາຣ໌ ສະຫະຣັຖ ໂດຍສ່ວນຫຼາຍ ຈະນຳໃຊ້ກັບທຸຣະກິຈການຊື້-ຂາຍ ເຮືອນ, ທີ່ດິນ, ຣົຖ ແລະ ຄຳ ເຊິ່ງມີມູນຄ່າສູງ ຂະນະທີ່ຣັຖບານເອງ ຍັງບໍ່ສາມາດ ເຮັດໃຫ້ປະຊາຊົນ, ພໍ່ຄ້າ, ແມ່ຄ້າ ໃຊ້ເງິນກີບລ້ວນ ໃນການຊື້-ຂາຍ.
2023-04-26
ເຈົ້າໜ້າທີ່ລະດັບສູງ ຂອງລາວ ຢັ້ງຢືນວ່າ ການສ້າງເຂື່ອນໄຟຟ້າ ໃສ່ລຳນ້ຳຕ່າງໆ ຖືເປັນສິ່ງຈຳເປັນ ເພື່ອດຶງດູດການລົງທຶນ ເຂົ້າປະເທດ ຂະນະທີ່ນັກວິຊາການ ກໍເຫັນວ່າ ຍັງຕ້ອງເຮັດໃຫ້ສົມດຸນກັນ ລະວ່າງການດຶງດູດການລົງທຶນ, ການຮັກສາສິ່ງແວດລ້ອມ ແລະ ຫຼຸດຜ່ອນຜົລກະທົບ ຕໍ່ປະຊາຊົນ.
2023-04-26
ການກໍ່ສ້າງເຂດເສຖກິຈ ພິເສດ ບຶງທາດຫຼວງ ຂອງຈີນງຽບເຫງົາລົງ, ນັກລົງທຶນ ບໍ່ຄ່ອຍເຂົ້າມາ ພາຍຫລັງການຣະບາດຂອງ ໂຄວິດ-19, ຈີນໄດ້ສັມປະທານ ເຂດນີ້ຈາກຣັຖບານລາວ ເປັນໄລຍະເວລາ ເຖິງ 99 ປີ ຂະນະທີ່ເຂດເສຖກິຈພິເສດບາງແຫ່ງໃນ ສປປ ລາວ ກໍໄດ້ຮັບຜົລກະທົບລັກສະນະດຽວກັນ.
2023-04-25
ປັດຈຸບັນ ຊາວລາວຫລາຍຄົນ ທີ່ສັ່ງຊື້ສິນຄ້າ ທາງອອນລາຍນ໌ຫຼາຍຂຶ້ນ ແຕ່ຈຳນວນບໍ່ໜ້ອຍ ຖືກຜູ້ຂາຍສໍ້ໂກງ ຂະນະທີ່ຢູ່ ສປປ ລາວ ຍັງບໍ່ມີກົດໝາຍ ແລະການລົງໂທດ ຜູ້ກະທຳຜິດຜ່ານການຂາຍສິນຄ້າ ອອນລາຍນ໌ ໂດຍຕຣົງ ນີ້ຖືເປັນເຣື່ອງຍາກ ອີກບັນຫານຶ່.
2023-04-25
ຊາຍຈີນຄົນນຶ່ງ ໄດ້ລັກຣົຖໃຫຍ່ ທີ່ເຊົ່າຕົນເອງເຊົ່າ ຈາກແຂວງຫຼວງພຣະບາງ ແຕ່ຖືກຈັບໄດ້ ຢູ່ແຂວງອຸດົມໄຊ ພາຍຫຼັງທີ່ໜີໄດ້ 5 ມື້ ເຊິ່ງຂໍ້ມູນຈາກ ກອງບັນຊາການ ແຂວງອຸດົມໄຊ ລະບຸວ່າ ຍັງບໍ່ທັນມີການລົງໂທດບຸກຄົນດັ່ງກ່າວເທື່ອ.
2023-04-24
ປະເທດລາວ ມີປະຊາກອນສ່ວນຫຼາຍ ຢູ່ໃນໄວອອກແຮງງານ ແຕ່ຫຼາຍຄົນ ບໍ່ມັກເຮັດວຽກຢູ່ພາຍໃນປະເທດ ເພາະເງິນເດືອນຕ່ຳຫຼາຍ ເມື່ອທຽບໃສ່ຄ່າແຮງງານ ທີ່ຕ່າງປະເທດ ດ້ວຍເຫດນີ້ ພາຍໃນປະເທດລາວ ຈິ່ງຂາດແຄນ ແຮງງານ.
2023-04-24
ຄ່າຄອງຊີບທີ່ສູງຂຶ້ນ ຍ້ອນຄ່າເງິນໂດລ້າຣ໌ ສະຫະຣັຖ, ເງິນບາທ ແລະລາຄາຄໍາ ຍັບສູງຂຶ້ນ ຂະນະທີ່ຄ່າເງິນກີບຕົກຕໍ່າ ເຮັດໃຫ້ປະຊາຊົນ ທົ່ວປະເທດ ຕ້ອງປະສົບບັນຫາ ດ້ານລາຍຈ່າຍ ເຊິ່ງທາງການເອງ ຍັງບໍ່ມີມາຕການ ກະຕຸ້ນເສຖກິຈໄດ້ເທື່ອ.
2023-04-21
ສາຍການບິນຕ່າງໆໃນລາວ ຍັງບໍ່ມີແຜນເປີດຖ້ຽວບິນ ໄປສນາມບິນໜອງຄ້າງ ເມືອງຊໍາເໜືອ ແຂວງຫົວພັນ ແຕ່ສນາມບິນແຫ່ງນີ້ ໄດ້ເຣີ່ມທົດລອງ ເອົາເຮືອບິນແລ່ນ ຂຶ້ນ-ລົງ ແລະ ຈະມີພິທີ ມອບ-ຮັບ ໃນທ້າຍເດືອນເມສານີ້.
2023-04-21
IMF ຄາດຄະເນ ວ່າ ເສຖກິຈຂອງລາວ ຈະຂຍາຍໂຕ 4% ໃນປີ 2023 ນີ້, ສ່ວນທາງການລາວ ຄາດວ່າ ເສຖກິຈຂອງລາວ ຈະຂຍາຍໂຕ 4.5% ເນື່ອງຈາກຂແນງການທ່ອງທ່ຽວ, ຂແນງພະລັງງານ ແລະບໍ່ແຮ່ ໄດ້ຮັບແຮງກະຕຸ້ນ ຈາກການລົງທຶນທີ່ເພີ່ມຂຶ້ນ.
2023-04-20
ຊາວກະສິກອນລາວ ໃນຫລາຍແຂວງ ຫັນກັບມາປູກມັນຕົ້ນຫລາຍຂຶ້ນ ໃນປີນີ້ ຍ້ອນປູກງ່າຍ ແລະ ຂາຍໄດ້ລາຄາດີຂຶ້ນ ໃນຂະນະທີ່ ການປູກຢູ່ບາງບ່ອນ ບໍ່ປະສົບຜົລສໍາເຣັດ ຍ້ອນບັນຫາພັຍແຫ້ງແລ້ງ.
2023-04-19
ກະຊວງອຸດສາຫະກັມ ແລະ ການຄ້າ ອອກໃບແຈ້ງການ ສະບັບເລກທີ 0360/ອຄ ປະກາດ ປັບຂຶ້ນ ລາຄານ້ໍາມັນ ແອດຊັງພິເສດ ທົ່ວປະເທດ ໂດຍປັບຂຶ້ນອີກ 310 ກີບ ຕໍ່ລິດ ຈາກ 26,260 ກີບ ຕໍ່ລິດ ຂຶ້ນມາເປັນ 26,570 ກີບ ຕໍ່ລິດ ລາຄານ້ໍາມັນໃໝ່ນີ້ ມີຜົລ ຕັ້ງແຕ່ວັນທີ 1 ເມສາ ເປັນຕົ້ນມາ.
