သတင်းနှင့် ဆောင်းပါးများ သိုမှီးရေးစနစ်
2022-08-23
PDF တွေဟာ ခေတ်မီချေမှုန်းရေးရိုင်ဖယ်တွေကို အများအပြားကိုင်ဆောင်နေကြပြီ ဖြစ်သလို မိုင်တဲလ်ဆက်သွယ်ရေးတာဝါတိုင်တွေက ရရှိတဲ့သတ္တုတွေကိုလည်း လက်နက်ထုတ်လုပ်ရာမှာ သုံးစွဲနေကြတယ်လို့ ဗိုလ်ဂဠုန်က ပြောပါတယ်။
2022-08-23
မြန်မာနိုင်ငံဆိုင်ရာ ကုလသမဂ္ဂ အထူးကိုယ်စားလှယ် မစ္စ နိုလင်းဟေဇာရဲ့ တောင်းဆိုချက်တွေကို စစ်ကောင်စီ ဘက်က လက်တွေ့မလိုက်လျောရင် လုံခြုံရေးကောင်စီကနေ ဖိအားပေးအရေးယူတာတွေ ဆက် လုပ်ဖို့ နိုင်ငံရေးအကဲခတ်တွေ၊ အရပ်ဘက်အဖွဲ့အစည်းတွေနဲ့ အမျိုးသားညီညွတ်ရေးအစိုးရ (NUG) က တိုက်တွန်း ပါတယ်။
2022-08-23
မြန်မာ - တရုတ်နယ်စပ်မှာ တရုတ်ယွမ်ငွေဈေးနှုန်းဟာ တစ်လအတွင်း မြန်မာကျပ်ငွေ ၁၀၀ နီးပါးအထိ ဆက်တိုက်မြင့်တက်လာသလို ကုန်ပစ္စည်းဈေးနှုန်းတွေပါ မြင့်တက်လာတာကြောင့် လုပ်ငန်းအချို့ ရပ်နား ထားရတယ်လို့ တရုတ်နယ်စပ်ကုန်သည်တွေက ပြောပါတယ်။
2022-08-22
ရန်ကုန်မြို့ရှိ တက္ကသိုလ်ရိပ်သာလမ်းရှိ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နေထိုင်ခဲ့ရာ အမှတ် ၅၄ ခြံဝင်းနဲ့နေအိမ်ကို လေလံပစ်ပြီးခွဲဝေယူဖို့ ဗိုလ်ချုပ်အောင်ဆန်းရဲ့ သား ဦးအောင်ဆန်းဦးက အယူခံလျှောက်ထားခဲ့တာကို ပြည်ထောင်စု တရားလွှတ်တော်က မူလမှာ ပယ်ချခဲ့ပြီးဖြစ်ပေမယ့် သူက ထပ်မံပြီး အထူးလျှောက်လွှာတင်သွင်းခဲ့တာကို ပြည်ထောင်စုလွှတ်တော်တရားသူကြီးချုပ်က သြဂုတ်လ ၂၂ ရက်နေ့ မနေ့က ခွင့်ပြုလိုက်ပါတယ်။
2022-08-22
ကုလသမဂ္ဂအနေနဲ့ အထွေထွေအတွင်းရေးမှူးချုပ်ကိုယ်တိုင် မဖြေရှင်းဘဲ အထူးသံတမန်တွေ စေလွှတ်နေတာဟာ မှားယွင်းတဲ့နည်းလမ်းဖြစ်တယ်လို့ Progressive voice အဖွဲ့က မခင်ဥမ္မာက ပြောပါတယ်။
2022-08-22
မကွေးတိုင်း ဆိပ်ဖြူမြို့နယ်၊ ပိုင်းရွာက အသက် ၃၇ နှစ်အရွယ် မနှင်းဝေဟာ ခင်ပွန်းနဲ့အတူ ဇူလိုင် ၉ ရက်နေ့ ညနေပိုင်းက သူတို့နေထိုင်တဲ့ ယာတဲကနေ ရွာထဲက အိမ်မှာ မွေးမြူထားတဲ့ ဝက်တွေကို အစာကျွေးဖို့ အသွားမှာ ဖမ်းဆီးခံခဲ့ရပါတယ်။ ရွာမြောက်ဘက် အဝင်ဝနားမှာ ကင်းပုန်းဝပ်နေတဲ့ စစ်သားတွေက သူတို့ကို အဝေးကနေ သေနတ်နဲ့ လှမ်းပစ်ချိန်မှာ ခင်ပွန်းဖြစ်သူက ထွက်ပြေး လွတ်မြောက်ခဲ့ပေမယ့် မနှင်းဝေကတော့ ဖမ်းဆီးခံခဲ့ရတာလို့ ခင်ပွန်းဖြစ်သူ ကိုနိုင်ဝင်းက ပြောပါတယ်။
2022-08-22
စစ်ကောင်စီကို အားကောင်းကောင်းနဲ့ တွန်းလှန်နေတဲ့ စစ်ကိုင်းတိုင်း ယင်းမာပင်မြို့နယ် အနောက်မြောက်ပိုင်း ရွာသုံးရွာကို စစ်ကောင်စီတပ်သားတွေ ဝင်ရောက်ခဲ့တဲ့ နှစ်ရက်အတွင်း နေအိမ် ၂၅၀ ကျော် မီးရှို့ဖျက်ဆီး ခံခဲ့ရသလို သုံးရွာပေါင်း ဒေသခံခုနစ်ထောင်နီးပါး ထွက်ပြေး နေရတယ်လို့ ဒေသခံတွေက ပြောပါတယ်။
2022-08-22
ရခိုင်ပြည်နယ် သံတွဲမြို့နယ်က အိမ်ခြေ ၇၀ ကျော်ရှိတဲ့ ဂျိုင်သာကျေးရွာကို လာမယ့် စက်တင်ဘာလအတွင်း အပြီးသတ် ပြောင်းရွှေ့ပေးဖို့ စစ်ကောင်စီတပ်က ဖိအားပေး ပြောဆိုနေတယ်လို့ ဒေသခံတွေက RFA ကို ပြောပါတယ်။
2022-08-21
မကွေးတိုင်း ပေါက်မြို့နယ်ထဲကို အခုရက်ပိုင်း စစ်ကောင်စီတပ်တွေ စစ်ကြောင်းထိုး ဝင်ရောက်ခဲ့ပြီးနောက် ငါးရက်အတွင်း ရွာ ငါးရွာက အိမ်ခြေတစ်ရာကျော် မီးရှို့ခံခဲ့ရသလို ဒေသခံ ငါးထောင်လောက် ဘေးလွတ်ရာကို ထွက်ပြေးနေရပါတယ်။ အဲဒီရွာတွေအတွက် ရိက္ခာနဲ့ ဆေးဝါးသယ်ယူတာတွေကိုပါ စစ်ကောင်စီတပ်ဘက်က ကန့်သတ်ထိန်းချုပ်ထားတာကြောင့် ထွက်ပြေးနေရတဲ့ စစ်ဘေးဒုက္ခသည်တွေ အခက်အခဲတွေနဲ့ ရင်ဆိုင်နေရတယ်လို့ ဒေသခံတွေက ပြောပါတယ်။
2022-08-20
ရန်ကုန်တစ်ဖက်ကမ်း ကြည့်မြင်တိုင်မြို့နယ်၊ စက်ဆန်းရပ်ကွက် ဖွံ့ဖြိုးရေးလမ်းမှာရှိတဲ့ နေအိမ်တစ်ခုမှာ ဩဂုတ်လ ၁၉ ရက် မနေ့ညနေ ငါးနာရီကျော်လောက် ပေါက်ကွဲမှုဖြစ်ခဲ့တာကြောင့် အထက်တန်းကျောင်းသား လူငယ်ခြောက်ဦး သေဆုံးခဲ့တယ်လို့ ဒေသခံတွေက ပြောပါတယ်။
2022-08-20
ပြီးခဲ့တဲ့ အပတ်က မြန်မာနိုင်ငံဆိုင်ရာ ကုလသမဂ္ဂ အထူးကိုယ်စားလှယ် မစ္စ နိုလင်းဟေဇာ (Noeleen Heyzer) မြန်မာနိုင်ငံကို သွားရောက်ပြီး စစ်ခေါင်းဆောင်နဲ့ တွေ့ဆုံခဲ့တဲ့ ခရီးစဉ်ကြောင့် တိုးတက်ပြောင်းလဲမှု မရှိခဲ့တဲ့ အပြင် စစ်ကောင်စီရဲ့ဝါဒဖြန့်ချီမှုတွေအတွက် အသုံးချခံ ဖြစ်သွားတယ်လို့ ပြည်ပအခြေစိုက် မြန်မာ့အရေး လှုပ်ရှားသူတွေ သုံးသပ်သူတွေက ပြောပါတယ်။
2022-08-20
လက်ရှိ မြန်မာနိုင်ငံ တစ်ဝန်းလုံးမှာရှိတဲ့ စစ်ကောင်စီ လက်အောက်ခံ ခြေလျင်ခြေမြန် တပ်ဖွဲ့ အင်အားဟာ တစ်သိန်း ခန့်ပဲရှိတယ်လို့ CDM အရာရှိတွေက ပြောပါတယ်။ ဒါ့အပြင် အဲဒီတပ်ဖွဲ့ဝင်တွေ အများစုဟာလည်း ခံယူချက် မရှိတဲ့ လူဆိုးလူမိုက် အခြေအနေမဲ့တွေ ဖြစ်ကြတဲ့အတွက် ရည်မှန်းချက်မြင့်မြတ်တဲ့ EAO ၊ PDF စတဲ့ တော်လှန်ရေးတပ်ဖွဲ့ဝင်တွေနဲ့ ရင်ဆိုင်ရာမှာ စိတ်ဓာတ်ရော တိုက်ခိုက်စွမ်းရည်ပါ ယှဉ်ပြိုင်နိုင်ခြင်း မရှိဘူးလို့ ဝေဖန်သူတွေက ပြောပါတယ်။
2022-08-19
ရှမ်းပြည်နယ်မြောက်ပိုင်း နမ္မတူမြို့နယ်က ဒုက္ခသည်စခန်း သုံးခုကို လာမယ့် ၂၀၂၃ ဧပြီမှာ အပြီးပိတ်သိမ်းဖို့ ရှမ်းပြည်နယ် စစ်ကောင်စီတာဝန်ရှိသူတွေက ညွှန်ကြားထားတဲ့အတွက် နေရပ်ပြန်ရေးနဲ့ စားဝတ်နေရေး အခက်အခဲဖြစ်နေတယ်လို့ စစ်ဘေးဒုက္ခသည်တွေက ပြောပါတယ်။
2022-08-19
ဖားကန့်မြို့နယ်ဟာ ကချင်ပြည်နယ်မှာ စစ်အာဏာရှင်ဆန့်ကျင်ရေး အားအကောင်းဆုံး မြို့နယ်တစ်ခုဖြစ်ပြီး ပြီးခဲ့တဲ့နှစ် ဖေဖော်ဝါရီလကတည်းက မြို့ပြလူထုသပိတ်တွေ အင်နဲ့အားနဲ့ စတင်ခဲ့ပြီး အခုချိန်ထက် ပြောက်ကျားစနစ်နဲ့ လှုပ်ရှားနေကြဆဲ ဖြစ်ပါတယ်။
2022-08-19
စစ်ကောင်စီကို လက်နက်ကိုင်ခုခံတော်လှန်မှုတွေ ပြင်းထန်နေတဲ့ စစ်ကိုင်းတိုင်းနဲ့ မကွေးတိုင်းဒေသကနေ ရန်ကုန်မြို့က စက်မှုဇုန်တွေမှာ လာရောက်အလုပ်လုပ်ကိုင်နေတဲ့ အလုပ်သမား ၁၀၀ ကျော် အလုပ်ထုတ်ပယ်ခံထားရသလို ကျန်အလုပ်သမားတွေဟာလည်း လုပ်ငန်းခွင်တွင်း ခွဲခြားဆက်ဆံခံရမှုတွေ ရှိနေတယ်လို့ ကာယကံရှင်အလုပ်သမားတွေနဲ့ အလုပ်သမားသမဂ္ဂတွေက ပြောပါတယ်။
