သတင်းနှင့် ဆောင်းပါးများ သိုမှီးရေးစနစ်
2021-09-21
မြန်မာနိုင်ငံမှာ စစ်တပ်က အာဏာသိမ်းလိုက်တဲ့နောက်မှာ၊ အရပ်ဘက်အစိုးရရဲ့ ကုလသမဂ္ဂဆိုင်ရာ မြန်မာအမြဲတမ်းကိုယ်စားလှယ်ကိစ္စနဲ့ ပတ်သက်ပြီး အမေရိကန်နဲ့ တရုတ်ကြား ဖြစ်လာနိုင်ချေရှိတဲ့ ငြင်းခုန်မှုကို ရှောင်လွှဲကြတယ်လို့ Wall Street Journal ရဲ့ဆောင်းပါးမှာ မနေ့က ဖော်ပြထားပါတယ်။
2021-09-21
စစ်အာဏာသိမ်းမှု ဆန့်ကျင်တဲ့ အခုနောက်ပိုင်း နေရာဒေသအသီးသီးက ဆန္ဒပြပွဲတွေကို လူငယ်အမျိုးသမီးတွေက ဦးဆောင်လာတာ တွေ့နေရပါတယ်။ အမျိုးသမီးတွေ စုစည်းပြီး ချိတ်ဆက် ဆောင်ရွက်နေတာတွေလည်း ရှိပါတယ်။
2021-09-21
ရှမ်းပြည်နယ်မြောက်ပိုင်းက ပန်ဆိုင်းနဲ့ မုံးကိုးမြို့နယ်ခွဲတွေမှာ စစ်ကောင်စီတပ်က ထိုးစစ်ဆင်ဖို့ အင်အားအလုံးအရင်းနဲ့ ထပ်ဖြည့်နေတာကြောင့် တိုက်ပွဲတွေ ပိုပြင်းထန်လာမှာကို ဒေသခံတွေက စိုးရိမ်နေကြပါတယ်။
2021-09-21
အမျိုးသားညီညွတ်ရေးအစိုးရ NUG က နိုင်ငံတစ်ဝန်း စစ်ကောင်စီကို လက်နက်ကိုင် တော်လှန်ကြဖို့ ကြေညာပြီးနောက် စစ်ကောင်စီအပေါ် တိုက်ခိုက်မှုတွေနဲ့ နှစ်ဖက် တင်းမာမှုတွေ ပိုမြင့်လာတာကြောင့် နိုင်ငံတကာက တိုက်တွန်းနေတဲ့ ငြိမ်းချမ်းရေးလမ်းက အလှမ်းဝေးနေဆဲပဲလို့ လေ့လာသူတွေ ထောက်ပြကြပါတယ်။
2021-09-20
နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က လူထုစိတ်ဓာတ်ကျစေမယ့် စကားမျိုးကို သူဘယ်တော့မှ ပြောမှာမဟုတ်ဘူးလို့ ရှေ့နေတွေကတဆင့် မနေ့က ပြောကြားလိုက်ပါတယ်။ ပြီးခဲ့တဲ့ ရက်ပိုင်းအတွင်း ဒေါ်အောင် ဆန်းစုကြည်က CRPH နဲ့ NUG က ဆောင်ရွက်နေတဲ့ လက်နက်ကိုင်တော်လှန်ရေးကို လက်မခံဘူးဆိုတဲ့ ကောလာ ဟလတစ်ခု ထွက်ပေါ်လာခဲ့တာနဲ့ စပ်လျဉ်းပြီး မနေ့က တရားရုံးထုတ်စဉ် သူမရဲ့ရှေ့နေတွေက မေးမြန်းရာမှာ အခုလို ပြောဆိုခဲ့တယ်လို့ သိရပါတယ်။
2021-09-20
သူ့အနေနဲ့ ပြည်သူလူထုဆန္ဒကို ဘယ်တော့မှ ဆန့်ကျင်မှာ မဟုတ်ဘူးလို့ ဖမ်းဆီး ခံထားရတဲ့ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ဒီကနေ့ ပြောလိုက်ပါတယ်။ နေပြည်တော်က ဒီကနေ့ရုံးချိန်း မတိုင်ခင်မှာ ရှေ့နေတွေနဲ့ တွေ့ဆုံခွင့်ရတုန်း ဒေါ်အောင်ဆန်း စုကြည်က အခုလိုပြောခဲ့တာပါ။
2021-09-18
မြန်မာနိုင်ငံမှာ စစ်ရာဇဝတ်မှု၊ လူသားအဖြစ်ကို ဆန့်ကျင်တဲ့ ရာဇဝတ်မှု၊ လူမျိုးတုံး သတ်ဖြတ်မှုတွေ ကျူးလွန်ခံခဲ့ကြရသူတွေအတွက် တရားရေး လမ်းကြောင်းတစ်ခု ဖြစ်ပေါ်လာဖွယ်ရှိပါတယ်။
2021-09-17
မကွေးတိုင်း ဂန့်ဂေါမြို့နယ်က ကျေးရွာအချို့မှာ စစ်တပ်က ဒေသခံတွေကို PDF တပ်ဖွဲ့ဝင်တွေ ဖြစ်တယ်ဆိုတဲ့ စွပ်စွဲချက်နဲ့ အစုလိုက်အပြုံလိုက် ဖမ်းဆီးပြီး သတ်ဖြတ်ခဲ့တဲ့ ဖြစ်ရပ်ဟာ အလွန်ဆိုးဝါး ပြင်းထန်တဲ့ လူ့အခွင့်အရေး ချိုးဖောက်မှုဖြစ်တယ်လို့ နိုင်ငံတကာ လူ့အခွင့်အရေး ကျွမ်းကျင်သူတွေက ဆိုပါတယ်။ စစ်တပ်က ဖမ်းဆီးရမိတဲ့ PDF တပ်ဖွဲ့ဝင်တွေကို သတ်ဖြတ်တာ စစ်ရာဇဝတ်မှု မြောက်၊ မမြောက်ဆိုတာနဲ့ ပတ်သက်လို့တော့ လေ့လာ ဆန်းစစ်ဖို့ လိုတယ်လို့ RFA က ဆက်သွယ်မေးမြန်းခဲ့တဲ့ လူ့အခွင့်အရေး ရှေ့နေတစ်ဦးက ပြောပါတယ်။
2021-09-17
မြန်မာနိုင်ငံစစ်အာဏာသိမ်းပြီးနောက် ရှစ်လအထိကြာလာချိန်မှာ မြန်မာကျပ်ငွေ တန်ဖိုး မကြုံစဖူး ကျဆင်းနေသလို ပြည်တွင်းရွှေဈေးနှုန်းတွေဟာလည်း စံချိန်တင် မြင့်တက်လာနေပါတယ်။ တစ်ချိန်တည်းမှာ ပြည်တွင်းစားသောက်ကုန် ဈေးနှုန်းတွေဟာလည်း အဆမတန်မြင့်တက် လာတာကြောင့် အခြေခံလူတန်းစားတွေအတွက် အခက်အခဲတွေနဲ့ ပိုကြုံလာရနိုင်တယ်လို့ စီးပွားရေးလုပ်ငန်းရှင် တွေက သုံးသပ်ကြပါတယ်။
2021-09-17
စက်တင်ဘာလ ၁၅ ရက်နေ့က Christian Solidarity Worldwide UK အဖွဲ့က ပြုလုပ်တဲ့ ဆွေးနွေးပွဲမှာ မြန်မာနိုင်ငံဆိုင်ရာ လူ့အခွင့်အရေး အထူးကိုယ်စားလှယ် မစ္စတာ တွမ်အင်ဒရူး၊ အမျိုးသားညီညွတ်ရေး အစိုးရ အပြည်ပြည်ဆိုင်ရာ ပူးပေါင်းဆောင်ရွက်ရေး ဝန်ကြီး ဒေါက်တာ ဆာဆာ၊ ယူကေနိုင်ငံအခြေစိုက် လူ့အခွင့်အရေးတက်ကြွလှုပ်ရှားသူ မဝေနှင်းပွင့်သုန်နဲ့ Burma Human Rights Network က ဦးကျော်ဝင်းတို့ တက်ရောက်ပြီး လက်ရှိ မြန်မာနိုင်ငံအခြေအနေနဲ့ အာဏာသိမ်း စစ်ကောင်စီကို ဆန့်ကျင်တိုက်ပွဲဝင်နေသူတွေ ကြုံတွေ့နေရတဲ့ အခက်အခဲတွေအကြောင်းကို ဆွေးနွေးသုံးသပ်ခဲ့ကြတာ ဖြစ်ပါတယ်။
2021-09-15
မြန်မာနိုင်ငံရဲ့ ကိုရိုနာ ကိုဗစ် ကူးစက်ပျံ့နှံ့မှု တားဆီး ကာကွယ်ရေးနဲ့ ရင်ဆိုင် ကြုံတွေ့ခဲ့ရ၊ ကြုံတွေ့နေရတဲ့ အခက်အခဲတွေနဲ့ပတ်သက်ပြီး RFA ဝိုင်းတော်သား ဦးသစ်ဆင်း က တင်ပြထားပါတယ်။
2021-09-15
နိုင်ငံတစ်ဝန်း အာဏာသိမ်းစစ်ကောင်စီကို တော်လှန်ဖို့ အမျိုးသားညီညွတ်ရေး အစိုးရ (NUG) က စက်တင်ဘာလ ၇ ရက်နေ့က စစ်ကြေညာခဲ့ပြီးနောက် တစ်ပတ်အတွင်း မကွေးနဲ့ စစ်ကိုင်းတိုင်းတွေမှာ PDF နဲ့ တိုက်ခိုက်မှုကို အကြောင်းပြပြီး ကျေးရွာငါးရွာက နေအိမ်တစ်ရာကျော်ကို စစ်ကောင်စီတပ်တွေက မီးရှို့ခဲ့ကြတယ်လို့ ဒေသခံ ရွာသားတွေက ပြောပါတယ်။ ဒီပြောဆိုချက်နဲ့ ပတ်သက်လို့ စစ်ကောင်စီဘက်က တုံ့ပြန်ချက်ကို မသိရသေးပါဘူး။
2021-09-15
အမေရိကန်ပြည်ထောင်စု နယူးယောက်မြို့မှာ စက်တင်ဘာ ၁၄ ရက် မနေ့ကစလို့ ၇၆ ကြိမ်မြောက် ကုလသမဂ္ဂ အထွေထွေညီလာခံ ကျင်းပနေပြီး မြန်မာနိုင်ငံ ကိုယ်စားလှယ်အဖြစ် ဘယ်သူရွေးချယ်ခံရမလဲဆိုတာကို မြန်မာပြည်သူတွေနဲ့ နိုင်ငံတကာ အသိုက်အဝန်းက စိတ်ဝင်တစား စောင့်ကြည့်နေပါတယ်။
2021-09-14
အာဆီယံ- အရှေ့တောင်အာရှနိုင်ငံများ အသင်းရဲ့ သမိုင်းနောက်ခံနဲ့ အသင်းတည်ထောင်ပြီး နှစ် ၃၀ ကြာမှာ အဖွဲ့ဝင်ဖြစ်လာတဲ့ မြန်မာနိုင်ငံကို အာဆီယံက အကျိုးကျေးဇူးပြု၊ မပြု ဆိုတာကို RFA ဝိုင်းတော်သူ ဒေါ်စမ်းစမ်းတင်က တင်ပြထားပါတယ်။
2021-09-14
ရခိုင်ပြည်နယ်မှာ ရက္ခိုင့်တပ်တော် (AA) နဲ့ ဆက်စပ်တယ်ဆိုပြီး အကြမ်းဖက် တိုက်ဖျက်ရေး ဥပဒေပုဒ်မတွေနဲ့ တရားစွဲခံရတဲ့သူ တစ်ရာကျော်ဟာ အမှုရင်ဆိုင် နေရတာ အချိန် နှစ်နှစ်ကျော်ကြာလာတဲ့အထိ အမိန့်မချဘဲ ဆွဲဆန့်ခံထားရတဲ့ အတွက် နစ်နာမှုတွေရှိနေတယ်လို့ မိသားစုဝင်တွေနဲ့ ရှေ့နေတွေက ပြောပါတယ်။ ဒါကြောင့် တရားရုံးတွေက ပြန်လွှတ်တဲ့အမိန့်ကို အမြန်ဆုံးချမှတ်ပေးဖို့ကိုလည်း မိသားစုဝင်တွေက တောင်းဆိုနေကြပါတယ်။
