မြန်မာအလုပ်သမား ထိုင်ဝမ် ငှားမည်

အလုပ်သမားရှားပါးလာနေတဲ့ ထိုင်ဝမ် နိုင်ငံဟာ မြန်မာနိုင်ငံက အလုပ်သမားတွေ တင်သွင်းဖို့စီစဉ်နေပါတယ်။

အထူးသဖြင့် ကုန်စည်ထုတ်လုပ်ရေးနဲ့ စိုက်ပျိုးရေး ကဏ္ဍတွေအတွက် မြန်မာအလုပ်သမားတွေကို ခေါ်ယူတင်သွင်း မှာဖြစ်ကြောင်း အလုပ်အင်အားစု ဖွံ့ဖြိုးတိုးတက်ရေးဌာန ညွှန်ကြားရေးမှူးချုပ်က တနင်္လာနေ့က ပြောကြားခဲ့တာပါ။

ကနဦးအဆင့်အနေနဲ့ မြန်မာအလုပ်သမား ၁၀၀ ကနေ ၂၀၀ အထိ ခေါ်ယူပြီး စမ်းသပ်ကြည့်မယ်လို့ သိရပါတယ်။

စမ်းသပ်ကာလအစီအစဉ်ကို ဧပြီလကုန် သို့မဟုတ် မေလဆန်းပိုင်းမှာ စတင် အကောင်အထည် ဖေါ်မယ်လို့ဆိုပါတယ်။ ဒီအစီအစဉ်အောင်မြင်ရင် ထိုင်ဝမ်ဟာ စိုက်ပျိုးရေး ကဏ္ဍအတွက် ပထမဆုံးအကြိမ် နိုင်ငံခြားအလုပ်သမားတွေမှာယူ တင်သွင်းတော့မှာဖြစ်ပါတယ်။

အခုလတ်တလော ထိုင်ဝမ်မှာ လာရောက်လုပ်ကိုင်နေကြတဲ့ အလုပ်သမားတွေဟာ ထိုင်း၊ အင်ဒိုနိးရှား၊ ဖိလစ်ပိုင်နဲ့ ဗီယက်နမ်နိုင်ငံတွေက လာကြတာဖြစ်ပါတယ်။