၆ ပွင့်ဆိုင် ထိပ်သီးဆွေးနွေးပွဲ ဧပြီလ ၁၀ ရက်နေ့ ကျင်းပမည်

နိုင်ငံတော်သမ္မတ ဦးသိန်းစိန်၊ တပ်မတော်ကာကွယ်ရေး ဦးစီးချုပ်နဲ့ အမျိုးသားဒီမိုကရေစီအဖွဲ့ချုပ် ဥက္ကဌ ဒေါ်အောင်ဆန်းစုကြည်၊ လွှတ်တော်ဥက္ကဌ နှစ်ဦး တိုင်းရင်းသားကိုယ်စားပြု လွှတ်တော်ကိုယ်စားလှယ် တစ်ဦးပါဝင်တဲ့ ၆ ပွင့်ဆိုင် တွေ့ဆုံဆွေးနွေးပွဲကို လာမယ့် ဧပြီလ ၁၀ ရက်နေ့မှာ နေပြည်တော်မှာ ကျင်းပမှာဖြစ်ကြောင်း ပြည်ထောင်စုလွှတ်တော် နာယက သူရဦးရွှေမန်းက ဒီကနေ့ ပြောကြားပါတယ်။

နေပြည်တော်လွှတ်တော် ဇဗ္ဗူသီရိခန်းမမှာ ဒီနေ့ နေ့လယ်က ဒေါ်အောင်ဆန်းစုကြည်အပါအဝင် နိုင်ငံရေးပါတီ ၁၈ ပါတီက ကိုယ်စားလှယ်တွေနဲ့ သူရ ဦးရွှေမန်းတို့ တွေ့ဆုံခဲ့ပြီး အခုလို ပြောကြားခဲ့ တာဖြစ်ကြောင်း ၆ ပွင့်ဆိုင်တွေ့ဆုံပွဲတက်ရောက် ဖို့ ရွေးချယ်ခံထားရတဲ့ အမျိုးသားလွှတ်တော် ကိုယ်စားလှယ် ဒေါက်တာအေးမောင်က ပြောပါတယ်။

ဖွဲ့စည်းပုံအခြေခံဥပဒေ ပြင်ဆင်နိုင်ရေးအတွက် နိုင်ငံ့ခေါင်းဆောင်တွေ ခြောက်ပွင့်ဆိုင် တွေ့ ဆုံဆွေးနွေးဖို့ ပြီးခဲ့တဲ့နှစ် နိုဝင်ဘာလထဲ က ပြည်ထောင်စုလွှတ်တော်က ပြည်ထောင်စုအစိုးရကို တိုက်တွန်းထားတာဖြစ်ပါတယ်။

ဒီ ၆ ပွင့်ဆိုင်တွေ့ဆုံပွဲနဲ့ ပတ်သက်ပြီး အမျိုးသားလွှတ်တော်ကိုယ်စားလှယ် ဒေါက်တာအေးမောင်နဲ့ ဆက်သွယ်မေးမြန်းချက်ကို နားဆင်နိုင်ပါတယ်။