ရခိုင်ပြည်နယ်က ဒုက္ခသည်စခန်းတွေမှာ ကျန်းမာရေးစောင့်ရှောက်မှု မရရှိ

မြန်မာအစိုးရရဲ့ တားဆီးကန့်သတ်မှုတွေကြောင့် ရခိုင်ပြည်နယ်အနောက်ပိုင်း ဒုက္ခသည်စခန်းတွေက ဒုက္ခသည်တွေမှာ ကျန်းမာရေးစောင့်ရှောက်မှုနဲ့ အခြေခံစောင့်ရှောက်မှုတွေ မရရှိပဲဖြစ်နေတယ်လို့ MSF နယ်စည်းမခြား ဆရာဝန်များအဖွဲ့က ပြောပါတယ်။

အဲဒီဒေသမှာ ကူးသန်းသွားလာရေးကို ထိန်းချုပ်ထားတဲ့အတွက် ဆေးရုံ၊ စာသင်ကျောင်း၊ ငါးဖမ်း၊ ထင်းခွေစတာတွေ မလုပ်နိုင်ပဲရှိနေတယ်လို့ အဲဒီဒေသက ပြန်ရောက်လာခဲ့တဲ့ နိုင်ငံတကာ ကူညီစောင့်ရှောက်ရေး အဖွဲ့ဖြစ်တဲ့ MSF က ပြောပါတယ်။

အဆုတ်နာ ဝေဒနာရှင်တွေ၊ ကိုယ်ဝန်ဆောင်တွေအတွက်လဲ ကျန်းမာရေးစောင့်ရှောက်မှု မရပဲဖြစ်နေတယ်လို့ ဆိုပါတယ်။

MSF အဖွဲ့ဟာ ရခိုင်ပြည်နယ်မှာ အနှစ် ၂၀ လောက် အလုပ်လုပ်ခဲ့ပြီး HIV/AIDS ၊ တီဘီ အဆုတ်နာစတဲ့ ရောဂါတွေနဲ့အတူ အခြေခံကျန်းမာရေးစောင့်ရှောက်မှုတွေ ဆောင်ရွက်ခဲ့တယ်လို့ AP သတင်းက ဖေါ်ပြပါတယ်။