၇၂ ကြိမ်မြောက် မွန်အမျိုးသားနေ့ နိုင်ငံတော်အတိုင်ပင်ခံပုဂ္ဂိုလ် သဝဏ်လွှာပို့
2019.02.20
အမျိုးသားပြန်လည်သင့်မြတ်ရေးနဲ့ ငြိမ်းချမ်းရေးလမ်းကြောင်းပေါ်ကို မွန်ပြည်သစ်ပါတီအပါအဝင် မွန်တိုင်းရင်း သားတွေ ပူးပေါင်းပါဝင်လာမှုဟာ မွန်ပြည်နယ်အတွက်သာမက ပြည်ထောင်စု တစ်ခုလုံးအတွက် အားတက် ဝမ်းမြောက်ဖွယ်ရာဖြစ်တယ်လို့ ဒီနေ့ ကျရောက်တဲ့ ၇၂ ကြိမ်မြောက် မွန်အမျိုးသားနေ့မှာ နိုင်ငံတော် အတိုင်ပင်ခံပုဂ္ဂိုလ်က သဝဏ်လွှာပေးပို့ခဲ့ပါတယ်။
အနာဂတ် ဖက်ဒရယ်ပြည်ထောင်စု တည်ဆောက်ရာမှာ မွန်တိုင်းရင်းသားတွေအနေနဲ့ တခြားတိုင်းရင်းသားတွေ နဲ့အတူ လက်တွဲပြီး တတ်ကြွစွာ ပါဝင်စေလိုကြောင်းလည်း သဝဏ်လွှာမှာ ဖော်ပြထားပါတယ်။
မွန်ပြည်သစ်ပါတီဟာ ၂၀၁၈ ခုနှစ် ဖေဖော်ဝါရီလ ၁၃ရက်နေ့က တစ်နိုင်ငံလုံးဆိုင်ရာ ပစ်ခတ်တိုက်ခိုက်မှု ရပ်စဲရေး စာချုပ် NCA လက်မှတ်ရေးထိုးခဲ့ပြီး ငြိမ်းချမ်းရေးအကျိုးတွေကို မွန်တစ်မျိုးသားလုံး ခံစားနေရတယ်လို့လည်း ထုတ်ပြန်ချက်မှာ ပါရှိပါတယ်။
ဒီနေ့ ကျရောက်တဲ့ မွန်အမျိုးသားနေ့ကို မွန်ပြည်သစ်ပါတီထိန်းချုပ်ရာ မွန်ပြည်နယ်က ဝယ်ဇင်စခန်း၊ ပဲခူး၊ ရန်ကုန်၊ မန္တလေးနဲ့ မွန်တိုင်းရင်းသားတွေ နေထိုင်တဲ့ ဒေသတွေမှာ ကျင်းပခဲ့ပါတယ်။
မွန်ပြည်နယ် သံဖြူဇရပ်မြို့နယ် ပငရွာမှာပြုလုပ်တဲ့ ၁၉၄၆ ခုနှစ်က ကျင်းပတဲ့ မွန်အမျိုးသားညီလာခံမှာ ဟံသာဝတီ ပဲခူးမြို့တော်ကို စတင်ထူထောင်ခဲ့တဲ့ တပို့တွဲလပြည်ကျော် ၁ ရက်နေ့ကို မွန်အမျိုးသားနေ့အဖြစ် သတ်မှတ်ပြီး နှစ်စဉ်ကျင်းပခဲ့တာ အခုဆို ၇၂ ကြိမ်ရှိပြီလို့ သိရပါတယ်။
တဆက်တည်းမှာပဲ မွန်အမျိုးသား လူမျိုးစုများ လူမှုရေးအသင်း ဥက္ကဋ္ဌ ဦးနိုင်မောင်မြင့်က ၂၁ ရာစု ပင်လုံညီလာခံ ချောမွေ့စေဖို့ မွန်အမျိုးသားတွေအနေနဲ့ အတူတကွ ပူးပေါင်းပါဝင်ဖို့ လိုအပ်တယ်လို့ မန္တလေးမြို့က သာသနာ ၂၅၀၀ ခန်းမမှာ ကျင်းပတဲ့ အခမ်းအနားမှာ ပြောကြားလိုက်ပါတယ်။
“ မွန်အမျိုးသားနေ့ “ ကို မန္တလေးမြို့မှာ ကျင်းပခဲ့တာ ၄၃ ကြိမ် ရှိပြီလို့လည်း သိရပါတယ်။
ဒီသတင်းကို RFA သတင်းထောက် ကိုကျော်လွင်ဦးနဲ့ မခေမဏီဝင်းတို့ ပေးပို့တာပါ။
ဖတ်ရှုသူအများဆုံး သတင်းများ။
RFA
- ဒေါ်အောင်ဆန်းစုကြည်ကို ၂၀၂၅ ခုနှစ် ပြည်သူ့ဂုဏ်ရည်ဆု ချီးမြှင့်
- RFA မြန်မာပိုင်း ရေဒီယို အထူးအစီအစဉ် (၂၀၂၅ ဧပြီ ၂၆ ရက်)
- မြန်မာ့ငလျင်ဘေးအကူအညီအတွက် ဂျပန်ကျွမ်းကျင်ပညာရှင်အဖွဲ့ စေလွှတ်မည်
- စစ်ဘက် အကျဉ်းထောင် စီမံခန့်ခွဲမှုအမိန့် NUG ထုတ်ပြန်
- စစ်ကောင်စီ အပစ်ရပ်ကြေညာပြီး တိုက်ခိုက်မှုတွေ ဆက်လုပ်နေကြောင်း ကုလပြော
ဖတ်ရှုသူအများဆုံး သတင်းများ။
သတင်းများ
- ငလျင်ဘေးသင့်ပြည်သူ ၄ဝ,ဝဝဝ ကျော် ယာယီ အမိုးအကာတွေ နဲ့ နေထိုင်နေရ
- အပစ်ရပ်ကာလ စစ်ကောင်စီတိုက်ခိုက်မှုကြောင့် အရပ်သား ၂၀ သေဆုံးခဲ့ကြောင်း KNU ပြော
- ဗိုလ်ချုပ်မှူးကြီးမင်းအောင်လှိုင် အပါအဝင် ၁၀၆ ဦး နဲ့ အဖွဲ့အစည်း ၂၂ ခုကို EU က ပိတ်ဆို့မှု သက်တမ်း ထပ်တိုး
- RFA မြန်မာပိုင်း ရေဒီယို အထူးအစီအစဉ် (၂၀၂၅ ဧပြီ ၂၅ ရက်)
- ရေစကြိုမြို့နယ် ဗလဘရွာလုံးကျွတ် မီးရှို့ဖျက်ဆီးခံရ