NCA မှာ လက်မှတ်ထိုးဖို့ NMSP နီးစပ်လာပြီဖြစ်ကြောင်း ပြည်တွင်း တာဝန်ခံ ပြော

"အဲဒီအထဲမှာ ကျနော်တို့ နှစ်ဘက်ပေါ့။ နှစ်ဘက်ဆိုတာက ကျနော်တို့ဘက်နဲ့ PC (ငြိမ်းချမ်းရေးကော်မရှင်) ဘက်ပေါ့လေ။ ဆွေးနွေးတဲ့အပေါ်မှာ ညှိနှိုင်းတဲ့အပေါ်မှာ မူတည်တာပေါ့လေ။ ကျနော်တို့ ဘက်ကတော့ ခုနက ကျနော်တို့ ရပ်တည်ထားသလိုပဲလေ။ ဒီ အားလုံးပါဝင်ရေးဆိုတဲ့ဟာ၊ တိုက်ပွဲတွေရပ်ရေးဆိုတဲ့ဟာကျတော့ လက်လွှတ်လိုက်တဲ့ အခြေအနေပေါ်မှာ ရှိတော့ကာ ဒီ ကျနော်တို့ နီးစပ်လာတဲ့သဘော ပြောလို့ရပါတယ်။"

အရင်က ရခိုင်တပ်မတော် (AA)၊ တအာင်းလွတ်မြောက်ရေး တပ်မတော် (TNLA) နဲ့ ကိုးကန့် လက်နက်ကိုင်တပ်ဖွဲ့ (MNDAA) တို့ကို ငြိမ်းချမ်းရေးလုပ်ငန်းစဉ်တွေမှာ ပါဝင်ခွင့်ပေးဖို့ တောင်းဆိုခဲ့ပေမယ့် အခုအချိန်မှာ အဲဒီအဖွဲ့တွေ အနေနဲ့ NCA မထိုးဘဲ အခြားနည်းလမ်းနဲ့ ငြိမ်းချမ်းရေးအတွက် ကြိုးပမ်းမယ်လု့ိ ကြေညာထားတာကြောင့် အခုလို လက်လွှတ်လိုက် တာဖြစ်တယ်လို့ ပြောပါတယ်။

မွန်ပြည်သစ်ပါတီဟာ အစိုးရနဲ့ အပစ်ရပ်စာချုပ် NCA မှာ လက်မှတ်မထိုးရသေးတဲ့ အဖွဲ့တစ်ဖွဲ့ဖြစ်ပြီး ပြီးခဲ့တဲ့ ဖေဖော်ဝါရီလ ၁၂ ရက်နေ့က ပြုလုပ်ခဲ့တဲ့ မွန်အမျိုးသားနေ့ အခမ်းအနားမှာ စစ်ရေးပြပွဲကို ထည့်သွင်းကျင်းပခဲ့တဲ့အတွက် တပ်မတော်နဲ့ စစ်ရေး တင်းမာခဲ့တဲ့ အဖွဲ့တစ်ခုဖြစ်ပါတယ်။

အဲဒီနောက်ပိုင်းမှာ တပ်မတော်က မွန်ပြည်သစ်ပါတီရဲ့ အကောက်ခွန်ဂိတ်တွေကို ဖယ်ရှားခိုင်းခဲ့သလို ဆက်ဆံရေးရုံးတစ်ခုကိုလည်း ဝင်ရောက်ရှာဖွေတာတွေ ပြုလုပ်ခဲ့ပါတယ်။