တန့်ဆည်မြို့ ရွာသာယာရွာက ဒေသခံ လေးဦး အဖမ်းခံရ
စစ်ကိုင်းတိုင်း တန့်ဆည်မြို့နယ် ရွာသာယာရွာမှာ နေအိမ်သုံးလုံး ၂၀၂၁ ဒီဇင်ဘာ ၁၃ ရက်နေ့က မီးလောင်ခဲ့စဉ်
Photo: CJ
စစ်ကိုင်းတိုင်း တန့်ဆည်မြို့နယ် ရွာသာယာရွာကို ဒီဇင်ဘာလ ၂၃ ရက် ဒီနေ့မနက်ပိုင်း စစ်ကောင်စီ တပ်သားတွေ ဝင်ရောက်စီးနင်းပြီး ရွာသား လေးဦးကို ဖမ်းဆီးထားတယ်လို့ ဒေသခံတွေက ပြောပါတယ်။
အဖမ်းခံထားရသူတွေကတော့ ကိုထွန်းဇော်မိုး၊ ကိုဘိုမြင့်၊ ကိုသန်းစိုးနဲ့ ကိုကျော်သူအောင်တို့ ဖြစ်တယ်လို့ ဆိုပါတယ်။
စစ်ကောင်စီတပ်သားတွေ ရွာထဲကို သေနတ်ပစ်ဖောက် ဝင်ရောက်လာခဲ့ပြီး ဒေသခံ ၆၂ ဦးကို ဖမ်းခေါ်သွား ပြီးနောက် လေးဦးကိုတော့ ပြန်မလွှတ်ဘဲ ရိုက်နှက်စစ်ဆေးနေတာလို့ ဒေသခံတစ်ဦးက RFA ကို ပြောပါ တယ်။
“ရွာထဲမှာ တွေ့သမျှယောင်္ကျားလေးတွေကို ဖမ်းပြီးတော့ ခေါ်သွားတယ်၊ ဖုန်းတွေအားလုံးစစ်တယ်၊ နေ့လယ် ၁၂ လောက်မှတော့ လေးဦးကို လုံးဝကြိုးတုပ်ပြီး ရိုက်နှက်စစ်ဆေးနေတယ်၊ ကျန်သူတွေတော့ ပြန်လွှတ်လိုက်တယ်” လို့ ဆိုပါတယ်။
လက်ရှိ စစ်ကောင်စီတပ်သား အင်အား ၁၀၀ လောက်ဟာ ရွာသာယာရွာထိပ် ဘုရားကြီးဝင်းထဲမှာ တပ်စွဲ ထားပြီး ရွာသားလေးဦးကိုလည်း အဲဒီမှာပဲ ဖမ်းခေါ်ထားတာလို့ ဒေသခံတွေက ပြောပါတယ်။
ပြီးခဲ့တဲ့ ဒီဇင်ဘာလ ၁၃ ရက်နေ့ကလည်း ရွာသာယာရွာအနားမှာ စစ်ကောင်စီသတင်းပေး ပျူစောထီး အဖွဲ့ဝင်တွေနဲ့ ဒေသခံ ပြည်သူ့ကာကွယ်ရေးတပ်တွေ ထိတွေ့တိုက်ပွဲဖြစ်ခဲ့ပြီး ရွာထဲက နေအိမ်သုံးလုံး မီးလောင်ခဲ့တယ်လို့ ဒေသခံတွေက ပြောပါတယ်။
ဖတ်ရှုသူအများဆုံး သတင်းများ။
RFA
- RFA မြန်မာပိုင်း ရေဒီယို အထူးအစီအစဉ် (၂၀၂၅ ဧပြီ ၂၆ ရက်)
- မြန်မာ့ငလျင်ဘေးအကူအညီအတွက် ဂျပန်ကျွမ်းကျင်ပညာရှင်အဖွဲ့ စေလွှတ်မည်
- စစ်ဘက် အကျဉ်းထောင် စီမံခန့်ခွဲမှုအမိန့် NUG ထုတ်ပြန်
- ဗိုလ်ချုပ်မှူးကြီးမင်းအောင်လှိုင် အပါအဝင် ၁၀၆ ဦး နဲ့ အဖွဲ့အစည်း ၂၂ ခုကို EU က ပိတ်ဆို့မှု သက်တမ်း ထပ်တိုး
- စစ်ကောင်စီ အပစ်ရပ်ကြေညာပြီး တိုက်ခိုက်မှုတွေ ဆက်လုပ်နေကြောင်း ကုလပြော
ဖတ်ရှုသူအများဆုံး သတင်းများ။
သတင်းများ
- ငလျင်ဘေးသင့်ပြည်သူ ၄ဝ,ဝဝဝ ကျော် ယာယီ အမိုးအကာတွေ နဲ့ နေထိုင်နေရ
- အပစ်ရပ်ကာလ စစ်ကောင်စီတိုက်ခိုက်မှုကြောင့် အရပ်သား ၂၀ သေဆုံးခဲ့ကြောင်း KNU ပြော
- ဒေါ်အောင်ဆန်းစုကြည်ကို ၂၀၂၅ ခုနှစ် ပြည်သူ့ဂုဏ်ရည်ဆု ချီးမြှင့်
- မြန်မာမှာ စစ်အာဏာရှင်စနစ်အဆုံးသတ်မှ နျူကလီးယားကိစ္စပြုလုပ်ဖို့ နိုင်ငံတကာကို ဦးကျော်မိုးထွန်းတိုက်တွန်း
- RFA မြန်မာပိုင်း ရေဒီယို အထူးအစီအစဉ် (၂၀၂၅ ဧပြီ ၂၅ ရက်)