དབྱིན་ཡུལ་གྱི་གྲོས་ཚོགས་ནང་ས་ཁྱི་བོད་ཀྱི་ལོ་གསར་སྲུང་བརྩི་གནང་འདུག
2018.02.26
དབྱིན་ཡུལ་གྱི་གྲོས་ཚོགས་ནང་ས་ཁྱི་བོད་ཀྱི་ལོ་གསར་སྲུང་བརྩི་གནང་སྐབས། ༢༠༡༨།༢།༢༡
mailchi.mp
དབྱིན་ཡུལ་གྱི་གྲོས་ཚོགས་ནང་གྲོས་ཚོགས་འཐུས་མི་དང་བོད་དོན་རྒྱབ་སྐྱོར་བས་ཐེངས་དང་པོར་ས་ཁྱི་བོད་ཀྱི་ལོ་གསར་མཛད་སྒོ་གནང་འདུག
དེ་ཡང་དབྱིན་ལན་བོད་དོན་རྒྱབ་སྐྱོར་ཚོགས་པ་དང་། དབྱིན་ཇིའི་གྲོས་ཚོགས་ཀྱི་འཐུས་མིའི་བོད་དོན་རྒྱབ་སྐྱོར་ཚོགས་པ་གཉིས་ཀྱིས་གོ་སྒྲིག་གནང་བའི་ཐོག་ཕྱི་ཚེས་༢༡་ཉིན་དབྱིན་ཇིའི་རྒྱལ་ས་ལོན་ཊོན་དུ་ཡོད་པའི་དབྱིན་ཇིའི་གྲོས་ཚོགས་ནང་བོད་ཀྱི་ལོ་གསར་སྲུང་བརྩི་ཞུས་གནང་ཡོད་ཅིང་། གྲོས་ཚོགས་ནང་གྲོས་ཚོགས་འཐུས་མིས་གོ་བསྒྲིགས་གནང་བའི་ཐོག་ནས་ལོ་གསར་གྱི་གསོལ་སྟོན་མཛད་སྒོ་ཚོགས་པ་དེ་ད་རེས་ཐེངས་དང་པོ་ཆགས་ཀྱི་ཡོད་འདུག་ཅིང་། སྐབས་དེར་དབྱིན་ལེན་གྱི་གྲོས་ཚོགས་འཐུས་མིའི་བོད་དོན་རྒྱབ་སྐྱོར་ཚོགས་པའི་ཚོགས་གཙོ་(Chris Law)ཡིས་མ་འོངས་པར་ཡང་གྲོས་ཚོགས་ནང་བོད་ཀྱི་ལོ་གསར་སྲུང་རྩིའི་མཛད་སྒོ་དེ་མུ་མཐུད་མཇུག་སྐྱོང་གནང་ཐུབ་པའི་རེ་བ་ཡོད་ཅེས་གསུང་འདུག
དེ་བཞིན་ཁོང་གིས་གྲོས་ཚོགས་འཐུས་མི་གཞན་ཚོར་ལ་བོད་ནང་འགྲོ་བ་མིའི་ཐོབ་ཐང་གོང་འཕེལ་གཏོང་ཐབས་སུ་འཕྱར་གྲུ་མཉམ་འདེགས་ཀྱི་རྒྱབ་སྐྱོར་ཡོང་བ་རེ་བསྐུལ་གནང་བ་དང་བོད་མི་ཚོར་རང་ཐག་རང་གཅོད་ཀྱི་ཐོབ་ཐང་སྤྲོད་དགོས་སྐོར་ནན་བརྗོད་གནང་འདུག
དབྱིན་ལན་བོད་དོན་རྒྱབ་སྐྱོར་ཚོགས་པའི་རྒྱུན་ལས་ཐུབ་བསྟན་ལགས་ཀྱིས་གསུང་ན། གྲོས་ཚོགས་ནང་བོད་ཀྱི་ལོ་གསར་གོ་སྒྲིག་ཞུ་དགོས་པའི་དམིགས་ཡུལ་གཙོ་བོ་དེ་ནི་བོད་མིའི་རིག་གཞུང་གི་བརྒྱུད་རིམ་ནས་བོད་ནང་གི་འགྲོ་བ་མིའི་ཐོབ་ཐང་ལ་རྒྱབ་སྐྱོར་ཐོབ་རྒྱུའི་ཆེད་དུ་ཡིན་པ་དང་། ད་རེས་དུས་སྟོན་དེའི་ཐོག་དབྱིན་ཇིའི་གྲོས་ཚོགས་ཀྱི་འཐུས་མི་འགའ་ཤས་ཤིག་ཕེབས་ཐུབ་པ་བྱུང་ཡོད་པ་མ་ཟད། ཁོང་རྣམ་པས་བོད་ཀྱི་རིག་གཞུང་ལ་གུས་བཀུར་ཧ་ཅང་ཆེན་པོ་གནང་སོང་ཞེས་ཨེ་ཤེ་ཡ་རང་དབང་རླུང་འཕྲིན་ཁང་གི་བོད་སྐད་སྡེ་ཚན་ལ་ཞལ་པར་ཐོག་འགྲེལ་བརྗོད་གནང་ཡོད་པ་རེད།
ཡང་ཐུབ་བསྟན་ལགས་ཀྱིས་གོང་ཞུས་ལོ་གསར་གྱི་གསོལ་སྟོན་མཛད་སྒོའི་ཐོག་དབྱིན་ལན་གྱི་གྲོས་ཚོགས་འཐུས་མི་ཁག་ཅིག་དང་། དེ་མིན་དབྱིན་ལན་ནང་ཡོད་པའི་རྒྱབ་ཁབ་གཞན་ཁག་གི་གཞུང་ཚབ་གྱི་སྐུ་ཚབ་མི་སྣ་དང་། རྒྱལ་སྤྱིའི་བོད་དོན་ལས་འགུལ་ཁང་། ས་གནས་བོད་རིགས་སྤྱི་མཐུན་ཚོགས་བཅས་མཉམ་ཞུགས་གནང་ཡོད་པ་གསུངས་ཡོད་པ་རེད།
ལོ་གསར་སྲུང་བརྩིའི་མཛད་རིམ་ནང་རྒྱ་གར་ནས་ཕེབས་པའི་རྒྱུད་སྟོད་གྲ་ཚང་གི་དགེ་འདུན་པ་ཚོས་བོད་ཀྱི་ཐོུང་མ་ཡིན་པའི་རྟ་དབྱངས་ཀྱི་ཐོག་ནས་ཞལ་འདོན་གསུང་འདོན་གནང་ཞིང་། དབྱིན་ཡུལ་ནང་ཡོད་པའི་བོད་རིགས་མཐུན་ཚོགས་ཀྱི་ཚོགས་མི་འཇམ་དབྱངས་རྡོ་རྗེ་ལགས་དང་། བསྟན་འཛིན་བསམ་འཕེལ་ལགས་རྣམ་གཉིས་ནས་བོད་ཀྱི་རོལ་གཞས་འཁྲབ་སྟོན་སོགས་གནང་འདུག
གསར་འགོད་པ་དབྱངས་སྒྲོན།
བལྟ་བཤེར་མང་ཤོས་བྱས་པའི་གནས་ཚུལ།
RFA
- ཨ་རིའི་གཞུང་ངོས་ནས་རྒྱ་ནག་དང་ལྷན་ཚོང་འབྲེལ་གྲོས་མོལ་བྱས་ཚེ་རྒྱ་ནག་གིས་ཨ་རིའི་ཅ་དངོས་ཐོག་སྒོ་ཁྲལ་གུ་ཡངས་གཏང་རྒྱུ་ཡིན་པ་བརྗོད་འདུག
- རྒྱ་ནག་གཞུང་གི་བཀོད་བྱུས་འོག་གཞུང་འབྲེལ་མིན་པའི་ཚོགས་པས་མཉམ་འབྲེལ་རྒྱལ་ཚོགས་སུ་འགྲོ་བ་མིའི་ཐོབ་ཐང་གི་གནད་དོན་ཐད་ཐེ་བྱུས་བྱེད་བཞིན་ཡོད་སྐོར་སྙན་ཐོའི་གསར་པའི་ནང་གསལ་སྟོན།
- བོད་མིའི་སྒྲིག་འཛུགས་ཀྱི་སྲིད་སྐྱོང་མཆོག་གིས་ཨ་རིར་གཞུང་འབྲེལ་ཕྱོགས་ཕེབས་དང་འབྲེལ་ཨ་རིའི་བོད་དོན་དམིགས་བསལ་འབྲེལ་མཐུད་པ་བསྐོ་གཞག་དགོས་པའི་འབོད་སྐུལ་ཞུས་འདུག
- ༸གོང་ས་༸སྐྱབས་མགོན་ཆེན་པོའི་གསེར་ཁྲི་མངའ་གསོལ་མཛད་སྒོའི་སྐབས་ཀྱི་གནས་སྟངས་གསལ་བའི་ཆུ་ཚོན་རི་མོ་ངོ་མ་ ༤༠ ཚོང་སྒྱུར་གནང་རྒྱུ་རེད་འདུག
- བཙན་བྱོལ་ནང་གི་མི་རབས་གཞོན་པ་རྣམས་ལ་བོད་ནང་གི་ཛ་དྲག་གནས་སྟངས་ངོ་སྤྲོད་བྱ་ཆེད། སྙིང་སྟོབས་ཀྱི་འབོད་སྒྲ ཅེས་པའི་གཏམ་བརྗོད་གཟིགས་འབུལ་ཞུ་བཞིན་འདུག
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
- བྱེས་ཀྱི་གདན་ས་བཀྲིས་ལྷུན་པོ་གཙོས་པའི་བོད་མི་གནས་སྡོད་ས་གནས་ཁག་ཏུ་༸པཎ་ཆེན་དགེ་འདུན་ཆོས་ཀྱི་ཉི་མ་མཆོག་གི་འཁྲུངས་སྐར་སྲུང་བརྩི་ཞུས།
- ཌེ་ལྦེཌ་པར་ཌུ་ལགས་ཨ་རིའི་རྒྱ་ནག་གི་གཞུང་ཚབ་ཆེན་མོར་བསྐོ་གཞག་གནང་གཏན་འཁེལ་འདུག
- རྒྱ་ནག་དང་རྒྱ་གར་གཉིས་གྲོས་མོལ་གྱིས། རྒྱ་གར་གྱི་གནས་སྐོར་བ་རྣམས་བོད་ནང་གངས་རིན་པོ་ཆེར་གནས་མཇལ་དུ་བསྐྱོད་རྒྱུ་བསྐྱར་དུ་སྒོ་འབྱེད་རྒྱུ་རེད་འདུག
- ༸གོང་ས་༸སྐྱབས་མགོན་ཆེན་པོ་མཆོག་གིས་དད་ལྡན་པ་ ༣༠༠ ལྷག་ལ་མང་མཇལ་སྩལ་བ།
- ལྷོ་ཀོ་རི་ཡའི་མི་སྒེར་གྱི་གནས་ཚུལ་སྲུང་སྐྱོབ་ལྟ་ཞིབ་ཁང་གིས་ཌིབ་སིག་གིས་ལྷོ་ཀོ་རི་ཡའི་མི་ས་ཡ་༡.༥ཡི་གནས་ཚུལ་ཁྲིམས་འགལ་ཐོག་རྐུ་ཁྱེར་བྱེད་བཞིན་པ་གསལ་སྟོན་བྱས་འདུག