རྒྱལ་ཁབ་བདེ་འཇགས་ཀྱི་ཁྲིམས་གཞིས་འགྲོ་བ་མིའི་ཐོབ་ཐང་གི་གནས་སྟངས་ཛ་དྲག་པོ་བཟོ་བཞིན་པའི་སྐྱོན་བརྗོད།
ཧོང་ཀོང་ནང་ཉེན་རྟོག་པས་སྔོག་བཤེར་དང་འདྲི་རྩད། ༦།༡༢།༢༡
AFP
རྒྱལ་སྤྱིའི་ཉེས་ཡང་ཚོགས་པས་ཧོང་ཀོང་ནང་རྒྱལ་ཁབ་བདེ་འཇགས་ཀྱི་ཁྲིམས་གཞི་ཟེར་བ་ལག་བསྟར་བྱེད་བཞིན་པ་དེས་འགྲོ་བ་མིའི་ཐོབ་ཐང་གི་གནས་སྟངས་ཛ་དྲག་པོ་བཟོ་བཞིན་ཡོད་པའི་སྐྱོན་བརྗོད་བྱས་འདུག
དེ་ཡང་ཧོང་ཀོང་ཉེན་རྟོག་པས་ཧོང་ཀོང་གི་དམངས་གཙོིའི་ལས་འགུལ་ལ་རྒྱབ་སྐྱོར་བྱེད་མཁན་ཧོང་ཀོང་གི་ཀུ་ཤུ་ཉིན་རེའི་ཚགས་པར་ཁང་འཛུགས་མཁན་དང་། སྤྱི་ཁྱབ་རྩོམ་སྒྲིག་པ་དང་གསར་འགོད་པ། ཆེད་བརྗོད་རྩོམ་འབྲི་པ་བཅས་འཛིན་བཟུང་བྱས་པ་དང་། ཁོང་ཚོའི་མ་དངུལ་སོགས་རྒྱུ་དངོས་ཡོངས་རྫོགས་བཀག་སྡོམ་བྱས་ནས་ཚགས་པར་ཁང་སྒོ་རྒྱག་དགོས་བྱུང་བ་སོགས་ཀྱི་གནས་སྟངས་དང་འབྲེལ། ཕྱི་ཟླ་དྲུག་པའི་ཚེས་༣༠་རེས་གཟའ་ལྷག་པ་ཉིན་རྒྱལ་སྤྱིའི ཉེས་ཡང་ཚོགས་པས་སྤྱི་བསྒྲགས་ཤིག་སྤེལ་ཏེ། རྒྱ་ནག་གཞུང་གིས་ཧོང་ཀོང་ནང་གི་དམངས་གཙོའི་ལས་འགུལ་ཐོག་ལ་རྡུང་རྡེག་གཏོང་རྒྱུའི་ཆེད་དུ། ཧོང་ཀོང་ནང་རྒྱལ་ཁབ་བདེ་འཇགས་ཀྱི་ཁྲིམས་གཞི་ཟེར་བ་གཏན་འབེབས་ལག་བསྟར་བྱས་ནས་ལོ་གཅིག་ཙམ་ལས་ཕྱིན་མེད་ཀྱང་། ཧོང་ཀོང་ནང་འགྲོ་བ་མིའི་ཐོབ་ཐང་རྩིས་མེད་རྡོག་རོལ་ཤུགས་ཆེན་བཏང་དང་གཏོང་བཞིན་པ་དང་། ཁྲིམས་གཞི་དེས་འགྲོ་བ་མིའི་ཐོབ་ཐང་གི་གནས་སྟངས་ཛ་དྲག་པོ་བཟོ་བཞིན་ཡོད་པའི་སྐྱོན་བརྗོད་བྱས་འདུག
རྒྱལ་སྤྱིའི་ཉེས་ཡང་ཚོགས་པའི་ཨེ་ཤེ་ཡ་དང་ཞི་བདེ་རྒྱ་མཚོའི་མངའ་ཁུལ་གྱི་སྡེ་ཚན་འགན་འཛིན་(Yamini Mishra)་ཞུ་བས། རྒྱ་ནག་གཞུང་གིས་ཧོང་ཀོང་ནང་རྒྱལ་ཁབ་བདེ་འཇགས་ཀྱི་ཁྲིམས་གཞི་ཟེར་བ་གཏན་འབེབས་ལག་བསྟར་བྱས་བའི་ལོ་གཅིག་གི་ནང་ལ། ཧོང་ཀོང་དེ་བཞིན་ཉེན་རྟོག་པས་མང་ཚོགས་ཀྱི་བྱེད་སྒོ་ཁག་ལ་གསང་བའི་ཐོག་ནས་རྟོགས་ཞིབ་བྱེད་ཡུལ་ཞིག་ཏུ་གྱུར་ཏེ། ཉེན་རྟོག་པས་དབང་བསྒྱུར་གྱི་དུས་སྐབས་སུ་གྱུར་བ་དང་། ཧོང་ཀོང་མི་དམངས་ཚོའི་འགྲོ་བ་མིའི་ཐོབ་ཐང་གི་གནས་སྟངས་ཛ་དྲག་ཏུ་གྱུར་ཡོད་པ་བརྗོད་འདུག
འོན་ཀྱང་རྒྱ་ནག་གཞུང་གིས། ཧོང་ཀོང་ནང་གཏན་འབེབས་བྱས་པའི་རྒྱལ་ཁབ་བདེ་འཇགས་ཀྱི་ཁྲིམས་གཞི་ཟེར་བ་ནི། ༢༠༡༩་ལོར་ཧོང་ཀོང་ནང་དམངས་གཙོའི་ལས་དོན་གཞི་རྒྱ་ཆེན་པོ་སྤེལ་བ་དང་ཁག་ཅིག་དྲག་ཟིང་གི་དོན་རྐྱེན་བྱུང་བའི་རྗེས། ཧོང་ཀོང་གི་སྤྱི་ཚོགས་བརྟན་ལྷིང་བསྐྱར་གསོ་བྱ་རྒྱུའི་དགོས་མཁོར་དམིགས་པ་ཞིག་ཡིན་ལུགས་མཐའ་ཅིག་ཏུ་འགྲེལ་བརྗོད་བྱེད་ཀྱི་ཡོད་པ་མ་ཟད། ཁྲིམས་གཞི་དེ་ནི་ཁྲིམས་འགལ་ཅན་གྱི་མི་ཉུང་ཤས་ཀྱི་ཐོག་ལ་ལག་བསྟར་བྱ་རྒྱུ་ཁོ་ན་ཡིན་ལུགས་འགྲེལ་བརྗོད་བྱེད་ཀྱི་ཡོད་པ་རེད།
འོན་ཀྱང་རྒྱ་ནག་གཞུང་གིས་ཧོང་ཀོང་ནང་རྒྱལ་ཁབ་བདེ་འཇགས་ཀྱི་ཁྲིམས་གཞི་ཟེར་བ་གཏན་འབེབས་དང་ད་ལྟ་ལག་བསྟར་བྱེད་བཞིན་པའི་སྐབས། དམངས་གཙོ་ལས་འགུལ་བའི་ཁྲོད་བེད་སྤྱོད་འདྲ་མིན་བྱས་ནས་ཁ་བྲལ་རིང་ལུགས་པ་དང་། ཕྱི་རྒྱལ་ལ་ངན་འབྲེལ། འཇིགས་སྐུལ་རིང་ལུགས་སོགས་ཀྱི་ཉེས་འཛུགས་བྱས་ནས་ཧོང་ཀོང་གི་ཆབ་སྲིད་དང་ཁྲིམས་ལུགས་ཀྱི་གནས་བབ་ཡོངས་ལ་འགྱུར་ལྡོག་ཤུགས་ཆེན་འགྲོ་བཞིན་ཡོད་པ་རེད།
བལྟ་བཤེར་མང་ཤོས་བྱས་པའི་གནས་ཚུལ།
RFA
- ཁྲིམས་ཁང་གིས་ཨེ་ཤེ་ཡ་རང་དབང་རླུང་འཕྲིན་ཁང་གི་མ་དངུལ་མཁོ་སྤྲོད་དགོས་པའི་ཁྲིམས་ཀྱི་ཐག་གཅོད་ལ་ཨེ་ཤེ་ཡ་རང་དབང་རླུང་འཕྲིན་ཁང་གིས་དགའ་བསུ་ཞུས།
- བཙན་བྱོལ་བོད་མིའི་སློབ་གྲྭ་ཟླ་སྒྲིལ་ཚོགས་ཆུང་བསྐོ་འཛུགས་ཀྱིས་སློབ་གྲྭ་ཟླ་སྒྲིལ་གཏང་རྒྱུའི་འཆར་འགོད་གནང་བཞིན་འདུག
- ཨ་རིའི་ཕྱི་སྲིད་དྲུང་ཆེས་ཕྱི་སྲིད་ལས་ཁུངས་ཀྱི་ལས་དོན་དང་འབྲེལ་བའི་འཆར་འགོད་གསར་པ་ཞིག་གི་འོག་འགྲོ་བ་མིའི་ཐོབ་ཐང་སོགས་ཚན་པ་མང་དག་ཅིག་གི་ལས་དོན་མཚམས་འཇོག་བྱ་རྒྱུའི་གསལ་བསྒྲགས་གནང་འདུག
- ཨ་མི་རི་ཀའི་སྲིད་འཛིན་གཞོན་པ་ཇེ་ཊི་ཝེན་སི་མཆོག་གིས་རྒྱ་གར་ནང་གཟིགས་སྐོར་དང་ཆབས་ཅིག རྒྱ་གར་གྱིས་རྒྱ་ནག་ནས་ནང་འདྲེན་གྱི་དྭངས་ལྕགས་རིགས་ལ་སྒོ་ཁྲལ་བརྒྱ་ཆ་ ༡༢ སྤར་ཡོད་པ།
- ཨ་རིའི་གཞུང་ངོས་ནས་རྒྱ་ནག་དང་ལྷན་ཚོང་འབྲེལ་གྲོས་མོལ་བྱས་ཚེ་རྒྱ་ནག་གིས་ཨ་རིའི་ཅ་དངོས་ཐོག་སྒོ་ཁྲལ་གུ་ཡངས་གཏང་རྒྱུ་ཡིན་པ་བརྗོད་འདུག
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
- བོད་ནང་གི་རྫ་སྟོད་རྫོང་གི་ས་འགུལ་ཁྲོད་མི་རྒྱུ་གཉིས་ལ་གནོད་སྐྱོན་བྱུང་མེད་སྐོར། བོད་ནང་གི་བོད་མིས་འགྲེལ་བརྗོད་གནང་གི་འདུག
- ༸གོང་ས་༸སྐྱབས་མགོན་ཆེན་པོ་མཆོག་གིས་ཤེས་ལྡན་རྒྱ་ནག་མི་སེར་རྣམས་ཀྱིས་བོད་དོན་ཐོག་བསམ་བློ་གཏོང་ཕྱོགས་ནི་བོད་དོན་འཐབ་རྩོད་ཁྲོད་གལ་གནད་ཅན་ཞིག་ཡིན་ཞེས་བཀའ་སྩལ་མཛད་ཀྱི་ཡོད་པ།
- རྒྱ་ནག་གཞུང་གི་བཀོད་བྱུས་འོག་གཞུང་འབྲེལ་མིན་པའི་ཚོགས་པས་མཉམ་འབྲེལ་རྒྱལ་ཚོགས་སུ་འགྲོ་བ་མིའི་ཐོབ་ཐང་གི་གནད་དོན་ཐད་ཐེ་བྱུས་བྱེད་བཞིན་ཡོད་སྐོར་སྙན་ཐོའི་གསར་པའི་ནང་གསལ་སྟོན།
- ༸གོང་ས་༸སྐྱབས་མགོན་ཆེན་པོའི་གསེར་ཁྲི་མངའ་གསོལ་མཛད་སྒོའི་སྐབས་ཀྱི་གནས་སྟངས་གསལ་བའི་ཆུ་ཚོན་རི་མོ་ངོ་མ་ ༤༠ ཚོང་སྒྱུར་གནང་རྒྱུ་རེད་འདུག
- བཙན་བྱོལ་ནང་གི་མི་རབས་གཞོན་པ་རྣམས་ལ་བོད་ནང་གི་ཛ་དྲག་གནས་སྟངས་ངོ་སྤྲོད་བྱ་ཆེད། སྙིང་སྟོབས་ཀྱི་འབོད་སྒྲ ཅེས་པའི་གཏམ་བརྗོད་གཟིགས་འབུལ་ཞུ་བཞིན་འདུག