རྒྱལ་ཁབ་བདེ་འཇགས་ཀྱི་མིང་ཐོག་ནས་ཧོང་ཀོང་ནང་མུ་མཐུད་དུ་དམ་དྲག་བྱེད་བཞིན་འདུག
ཧོང་ཀོང་ཉནེ་རྟོག་པས་མི་སྣ་ཞིག་བཀག་ཉར་འདྲི་རྩད་བྱེད་བཞིན་པ། ༢༠༢༤།༡༡།༢༠
AFP
དེ་ཡང་སྤྱི་ཟླ་༢ཚེས་༡༢ཉིན་འདི་ག་ཨེ་ཤེ་ཡ་རང་དབང་རླུང་འཕྲིན་ཁང་གི་ཀོང་ཏུང་སྐད་གདངས་སྡེ་ཚན་གྱིས་གནས་ཚུལ་སྤེལ་བར་ལྟར་ན། ཧོང་ཀོང་ཉེན་རྟོག་དམག་དཔུང་གི་འགན་འཛིན་གཞོན་པ་དང་རྒྱལ་ཁབ་བདེ་འཇགས་ལས་ཁུངས་ཀྱི་འགན་འཛིན་(Andrew Kan)་ཡིས་རྒྱལ་ཁབ་བདེ་འཇགས་ཀྱི་མིང་ཐོག་ནས་གཞུང་དང་བསམ་ཚུལ་མི་མཐུན་པའི་མི་རྣམས་ལ་རྡུང་རྡེག་གཏོང་རྒྱུ་ཡིན་ལུགས་ནན་བརྗོད་བྱས་ཡོད་ཅིང་། དེ་ཡང་ཁོས་ཕྱིའི་སྟོབས་ཤུགས་ཀྱི་ཉེན་ཁ་ཡོད་ལུགས་བརྗོད་དེ། ཧོང་ཀོང་ནང་ཡོད་པའི་ཁྱིམ་མི་དང་གྲོགས་པོ་ཚོར་དྲི་བ་བཏོན་ནས་ཕྱིའི་རྒྱལ་ཁབ་ཁག་ཏུ་ཡོད་པའི་ཧོང་ཀོང་གི་དམངས་གཙོ་དོན་གཉེར་བ་ཚོར་མུ་མཐུད་ནས་གནོན་ཤུགས་སྤྲོད་རྒྱུ་ཡིན་ལུགས་བརྗོད་ཡོད་པ་རེད།
པེ་ཅིང་གཞུང་གིས་ཧོང་ཀོང་ཐོག་རྒྱལ་ཁབ་བདེ་འཇགས་ཀྱི་དམིགས་བསལ་ཁྲིམས་གཞི་གཉིས་ལག་བསྟར་བྱས་ནས། ཧོང་ཀོང་མི་དམངས་ཀྱིས་གཞུང་ལ་ངོ་རྒོལ་ལས་འགུལ་སྤེལ་བའི་རིགས་ཚང་མ་ཕྱིའི་སྟོབས་ཤུགས་ཀྱི་ཉེན་ཁ་ཟེར་བའི་ཁོངས་སུ་བཅུག་སྟེ། ཧོང་ཀོང་གི་འགྲོ་བ་མིའི་ཐོབ་ཐང་དང་། གསར་འགོད་རང་དབང་སོགས་ལ་ཉམས་ཆགས་ཤུགས་ཆེ་བྱུང་ཡོད་ལ། ཧོང་ཀོང་གི་དམངས་གཙོའི་ལས་འགུལ་བ་མང་པོ་ཞིག་དབྱིན་ཡུལ་དང་། ཨ་རི། ཁེ་ན་ཌ་སོགས་སུ་བྲོས་བྱོལ་དུ་འགྲོ་དགོས་ཐུག་ཡོད། ཡིན་ནའང་ཧོང་ཀོང་ནང་ཡོད་པའི་ཁོ་ཚོའི་ནང་མི་དང་ཉེ་འབྲེལ་ཚོར་ས་གནས་གཞུང་གིས་རྡུང་རྡེག་གཏོང་རྒྱུར་སྐྲག་ནས་ཕྱིའི་རྒྱལ་ཁབ་ཏུ་དམངས་གཙོའི་ལས་འགུལ་སྤེལ་རྒྱུར་ཡང་འཇིགས་སྣང་ཡོང་གི་ཡོད་པ་རེད།
༢༠༢༤ལོའི་ཕྱི་ཟླ་༡༡ཚེས་༡༩ ཉིན་ཧོང་ཀོང་དུ་མང་གཙོ་དོན་གཉེར་བ་དང་། གྲོས་ཚོགས་ཀྱི་འཐུས་མི་ཟུར་བ་བཅས་༤༥ ལ་རྒྱལ་ཁབ་ཀྱི་བདེ་འཇགས་ལ་གཏོར་གཤིག་བཏང་བའི་ཉེས་འཛུགས་འོག་ཁྲིམས་ཐག་བཅད་ཡོད་པ་དང་། དེ་ནི་ཧོང་ཀོང་ནང་གི་འགྲོ་བ་མིའི་ཐོབ་ཐང་གི་གནས་སྟངས་ཇེ་སྡུག་ཏུ་སོང་བའི་རྣམ་པ་གསལ་བོ་ཡིན་པ་འགྲོ་བ་མིའི་ཐོབ་ཐང་ལྟ་ཞིབ་ཚོགས་པས་སྐྱོན་བརྗོད་བྱས་བ་མ་ཟད། ཧོང་ཀོང་གཞུང་གིས་ཉེས་ཆད་དེ་དག་མེད་པར་བཟོས་ཏེ། ཉེས་ཆད་ཕོག་མཁན་ཚང་མ་འཕྲལ་དུ་གློད་གྲོལ་གཏོང་དགོས་པའི་འབོད་སྐུལ་བྱས་ཡོད་པ་རེད།།
གསར་འགོད་པ། བསོད་ནམས་ལྷ་མོ།
རྩོམ་སྒྲིག་པ། དོན་གྲུབ་རྣམ་རྒྱལ།
དྲྭ་ཐོག་རྩོམ་སྒྲིག་པ། དཔལ་ལྡན་རྒྱལ།
དྲྭ་ཐོག་སྤེལ་མཁན། ཀླུ་འབུམ།
བལྟ་བཤེར་མང་ཤོས་བྱས་པའི་གནས་ཚུལ།
RFA
- ཁྲིམས་ཁང་གིས་ཨེ་ཤེ་ཡ་རང་དབང་རླུང་འཕྲིན་ཁང་གི་མ་དངུལ་མཁོ་སྤྲོད་དགོས་པའི་ཁྲིམས་ཀྱི་ཐག་གཅོད་ལ་ཨེ་ཤེ་ཡ་རང་དབང་རླུང་འཕྲིན་ཁང་གིས་དགའ་བསུ་ཞུས།
- བཙན་བྱོལ་བོད་མིའི་སློབ་གྲྭ་ཟླ་སྒྲིལ་ཚོགས་ཆུང་བསྐོ་འཛུགས་ཀྱིས་སློབ་གྲྭ་ཟླ་སྒྲིལ་གཏང་རྒྱུའི་འཆར་འགོད་གནང་བཞིན་འདུག
- ཨ་རིའི་ཕྱི་སྲིད་དྲུང་ཆེས་ཕྱི་སྲིད་ལས་ཁུངས་ཀྱི་ལས་དོན་དང་འབྲེལ་བའི་འཆར་འགོད་གསར་པ་ཞིག་གི་འོག་འགྲོ་བ་མིའི་ཐོབ་ཐང་སོགས་ཚན་པ་མང་དག་ཅིག་གི་ལས་དོན་མཚམས་འཇོག་བྱ་རྒྱུའི་གསལ་བསྒྲགས་གནང་འདུག
- ཨ་མི་རི་ཀའི་སྲིད་འཛིན་གཞོན་པ་ཇེ་ཊི་ཝེན་སི་མཆོག་གིས་རྒྱ་གར་ནང་གཟིགས་སྐོར་དང་ཆབས་ཅིག རྒྱ་གར་གྱིས་རྒྱ་ནག་ནས་ནང་འདྲེན་གྱི་དྭངས་ལྕགས་རིགས་ལ་སྒོ་ཁྲལ་བརྒྱ་ཆ་ ༡༢ སྤར་ཡོད་པ།
- ཨ་རིའི་གཞུང་ངོས་ནས་རྒྱ་ནག་དང་ལྷན་ཚོང་འབྲེལ་གྲོས་མོལ་བྱས་ཚེ་རྒྱ་ནག་གིས་ཨ་རིའི་ཅ་དངོས་ཐོག་སྒོ་ཁྲལ་གུ་ཡངས་གཏང་རྒྱུ་ཡིན་པ་བརྗོད་འདུག
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
- བོད་ནང་གི་རྫ་སྟོད་རྫོང་གི་ས་འགུལ་ཁྲོད་མི་རྒྱུ་གཉིས་ལ་གནོད་སྐྱོན་བྱུང་མེད་སྐོར། བོད་ནང་གི་བོད་མིས་འགྲེལ་བརྗོད་གནང་གི་འདུག
- ༸གོང་ས་༸སྐྱབས་མགོན་ཆེན་པོ་མཆོག་གིས་ཤེས་ལྡན་རྒྱ་ནག་མི་སེར་རྣམས་ཀྱིས་བོད་དོན་ཐོག་བསམ་བློ་གཏོང་ཕྱོགས་ནི་བོད་དོན་འཐབ་རྩོད་ཁྲོད་གལ་གནད་ཅན་ཞིག་ཡིན་ཞེས་བཀའ་སྩལ་མཛད་ཀྱི་ཡོད་པ།
- རྒྱ་ནག་གཞུང་གི་བཀོད་བྱུས་འོག་གཞུང་འབྲེལ་མིན་པའི་ཚོགས་པས་མཉམ་འབྲེལ་རྒྱལ་ཚོགས་སུ་འགྲོ་བ་མིའི་ཐོབ་ཐང་གི་གནད་དོན་ཐད་ཐེ་བྱུས་བྱེད་བཞིན་ཡོད་སྐོར་སྙན་ཐོའི་གསར་པའི་ནང་གསལ་སྟོན།
- ༸གོང་ས་༸སྐྱབས་མགོན་ཆེན་པོའི་གསེར་ཁྲི་མངའ་གསོལ་མཛད་སྒོའི་སྐབས་ཀྱི་གནས་སྟངས་གསལ་བའི་ཆུ་ཚོན་རི་མོ་ངོ་མ་ ༤༠ ཚོང་སྒྱུར་གནང་རྒྱུ་རེད་འདུག
- བཙན་བྱོལ་ནང་གི་མི་རབས་གཞོན་པ་རྣམས་ལ་བོད་ནང་གི་ཛ་དྲག་གནས་སྟངས་ངོ་སྤྲོད་བྱ་ཆེད། སྙིང་སྟོབས་ཀྱི་འབོད་སྒྲ ཅེས་པའི་གཏམ་བརྗོད་གཟིགས་འབུལ་ཞུ་བཞིན་འདུག