ཆབ་སྲིད་བཙོན་ཟུར་དོན་འགྲུབ་དབང་ཆེན་ལགས་གསུམ་བཅུའི་དུས་དྲན་ཆེད་ཁེ་ཎ་ཌར་ཕེབས་འདུག
ཆབ་སྲིད་བཙོན་ཟུར་དོན་འགྲུབ་དབང་ཆེན་ལགས་ཁེ་ཎ་ཌར་ཕེབས་འབྱོར་སྐབས། ༠༣།༠༧།༢༠༢༣
TCCC
དེ་ཡང་ཁེ་ཎ་ཌའི་གྲོང་ཁྱེར་ཀྲོ་རོན་ཀྲོའི་ནང་ཡོད་པའི་བོད་མིའི་སྤྱི་མཐུན་ཚོགས་པ་དང་། ས་གནས་གཞོན་ནུ། བོད་རང་བཙན་སློབ་ཕྲུག་ཚོགས་པ། བོད་ཀྱི་བུད་མེད་ཚོགས་པ། མདོ་ཁམས་ཆུ་བཞི་སྒང་དྲུག་བཅས་ཚོགས་པ་ལྔས། ཁེ་ཎ་ཌར་བོད་མི་ཚོས་བོད་མིའི་རང་དབང་སྒེར་ལངས་གསུམ་བཅུའི་དུས་དྲན་གྱི་ལས་འགུལ་སྤེལ་སྐབས་བོད་ཀྱི་ཆབ་སྲིད་བཙོན་ཟུར་གྲགས་ཅན་དོན་འགྲུབ་དབང་ཆེན་ལགས་སྐུ་མགྲོན་གཙོ་བོར་གདན་ཞུ་གནང་བ་ལྟར་འདི་ཚེས་༧ཉིན་ཁོང་ཁེ་ཎ་ཌར་ཕེབས་འབྱོར་བྱུང་འདུག
ཚོགས་པ་ལྔས་མཉམ་དུ་གསལ་བསྒྲགས་སྤེལ་བ་ལྟར་ན། ད་རེས་དོན་འགྲུབ་དབང་ཆེན་ལགས་ཁུལ་དེར་ཕེབས་པ་ཐེངས་དང་པོ་ཡིན་པ་དང་། གདན་འདྲེན་གནང་དགོས་དོན་ནི། ཁོང་ནི་བོད་ནང་གི་དངོས་ཡོད་གནས་སྟངས་ཤེས་མཁན་དང་བོད་ནས་ཕེབས་པའི་ཆབ་སྲིད་བཙོན་ཟུར་གྲགས་ཅན་ཞིག་ཡིན་པར་བརྟེན། ད་རེས་བོད་མིའི་རང་དབང་སྒེར་ལངས་གསུམ་བཅུའི་དུས་དྲན་ཐེངས་༦༤པའི་དམིགས་བསལ་སྐུ་མགྲོན་དུ་གདན་ཞུ་གནང་བ་ལྟར་མཉམ་ཞུགས་ཀྱིས་གཏམ་བཤད་གནང་རྒྱུ་ཡིན་པ་རེད་འདུག
དེ་བཞིན་ཚེས་༨ཉིན་ཁོང་གིས་ས་གནས་མི་མང་ལ་བོད་དོན་གཏམ་བཤད་གནང་བ་དང་མཉམ་ཁོང་གིས་བཟོ་བསྐྲུན་གནང་བའི་བོད་ནང་གི་དངོས་ཡོད་གནས་སྟངས་བརྙན་ལ་བླངས་བའི་འཇིགས་བྲལ་གློག་བརྙན་གཟིགས་འབུལ་ཞུ་རྒྱུ་ཡིན་འདུག་ལ། དོན་འགྲུབ་དབང་ཆེན་ལགས་ཀྱིས་ཁོང་ད་རེས་ཁེ་ཎ་ཌའི་ནང་མགྲོན་འབོད་གནང་བར་དགའ་ཚོར་ཆེན་པོ་བྱུང་བ་དང་ཐུགས་རྗེ་ཆེ་གསུངས་འདུག
ཆབ་སྲིད་བཙོན་ཟུར་དོན་འགྲུབ་དབང་ཆེན་ལགས་ཀྱིས། དེ་སྔ་ཕྱི་ལོ་༢༠༠༨ལོར་རྒྱལ་སྤྱིའི་ཨོ་ལིམ་པིཀསི་(Olympics)་རྩེད་འགྲན་རྒྱ་ནག་ནང་འཚོགས་ལ་ཉེ་སྐབས། བོད་ནང་གི་མང་ཚོགས་ཀྱི་བསམ་ཚུལ་བསྡུ་རུབ་ཀྱིས་གསང་བའི་ཐོག་ནས་དངོས་བྱུང་གློག་བརྙན་འཇིགས་བྲལ་ཞེས་པ་བརྙན་ཕབ་གནང་བ་དེས་རྐྱེན་པས། རྗེས་སུ་ཁོང་རྒྱ་ནག་གཞུང་གིས་འཛིན་བཟུང་གིས་ལོ་འགར་དུས་བཀག་ཁྲིམས་ཐག་བཅད་ནས་བཙོན་འཇུག་བྱས་བ་དང་། བཙོན་གྲོལ་རྗེས་ཨ་རིར་སྐྱབས་བཅོལ་དུ་ཕེབས་ནས་རིམ་པས་ཨ་རི་གཙོས་ཕྱིའི་ཡུལ་གྲུ་ཁག་ལ་ཞུ་གཏུག་རིམ་པ་གནང་ཡོད་པ་རེད། ཁོང་རང་ཉིད་གློད་བཀྲོལ་ཐོབ་ནས་རང་དབང་ལུང་པར་བཞུགས་ཐུབ་པ་ཙམ་མ་ཡིན་པར་མུ་མཐུད་དུ་ཨ་རིའི་གྲོས་ཚོགས་དང་། ཡོ་རོབ་གྲོས་ཚོགས། གཞན་ཡང་འབྲེལ་ཡོད་རྒྱལ་ཁབ་འགའ་ཤས་ཀྱི་གྲོས་ཚོགས་འཐུས་མི་སོགས་དང་མཇལ་འཕྲད་ཀྱིས་བོད་ནང་གི་དངོས་ཡོད་གནས་སྟངས་སྤྱི་དང་། ལྷག་པར་དུ་ཆབ་སྲིད་བཙོན་པ་རྣམས་འཕྲལ་དུ་གློད་བཀྲོལ་ཡོང་ཐབས་ཀྱི་འབོད་སྐུལ་ལས་འགུལ་སྤེལ་བཞིན་པ་དང་། བོད་མི་ཚོར་ཡང་བོད་དོན་དྲན་གསོ་གནང་བ་སོགས་བོད་དོན་འཐབ་རྩོད་ཀྱི་ལས་འགུལ་མུ་མཐུད་ནས་སྤེལ་གནང་བཞིན་ཡོད་པ་རེད།
གསར་འགོད་པ། རིག་འཛིན་ཆོས་སྒྲོན།
རྩོམ་སྒྲིག་པ། རྡོ་རྗེ་དགྲ་འདུལ།
དྲྭ་ཐོག་རྩོམ་སྒྲིག་པ། དཔལ་ལྡན་རྒྱལ།
དྲྭ་ཐོག་སྤེལ་མཁན། ཀླུ་འབུམ།
བལྟ་བཤེར་མང་ཤོས་བྱས་པའི་གནས་ཚུལ།
RFA
- བོད་མིའི་སྒྲིག་འཛུགས་ཀྱི་སྲིད་སྐྱོང་མཆོག་གིས་ཨ་རིར་གཞུང་འབྲེལ་ཕྱོགས་ཕེབས་དང་འབྲེལ་ཨ་རིའི་བོད་དོན་དམིགས་བསལ་འབྲེལ་མཐུད་པ་བསྐོ་གཞག་དགོས་པའི་འབོད་སྐུལ་ཞུས་འདུག
- ཨ་རིའི་གཞུང་ངོས་ནས་རྒྱ་ནག་དང་ལྷན་ཚོང་འབྲེལ་གྲོས་མོལ་བྱས་ཚེ་རྒྱ་ནག་གིས་ཨ་རིའི་ཅ་དངོས་ཐོག་སྒོ་ཁྲལ་གུ་ཡངས་གཏང་རྒྱུ་ཡིན་པ་བརྗོད་འདུག
- རྒྱ་ནག་གཞུང་གི་བཀོད་བྱུས་འོག་གཞུང་འབྲེལ་མིན་པའི་ཚོགས་པས་མཉམ་འབྲེལ་རྒྱལ་ཚོགས་སུ་འགྲོ་བ་མིའི་ཐོབ་ཐང་གི་གནད་དོན་ཐད་ཐེ་བྱུས་བྱེད་བཞིན་ཡོད་སྐོར་སྙན་ཐོའི་གསར་པའི་ནང་གསལ་སྟོན།
- ༸གོང་ས་༸སྐྱབས་མགོན་ཆེན་པོའི་གསེར་ཁྲི་མངའ་གསོལ་མཛད་སྒོའི་སྐབས་ཀྱི་གནས་སྟངས་གསལ་བའི་ཆུ་ཚོན་རི་མོ་ངོ་མ་ ༤༠ ཚོང་སྒྱུར་གནང་རྒྱུ་རེད་འདུག
- ཌེ་ལྦེཌ་པར་ཌུ་ལགས་ཨ་རིའི་རྒྱ་ནག་གི་གཞུང་ཚབ་ཆེན་མོར་བསྐོ་གཞག་གནང་གཏན་འཁེལ་འདུག
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
- བཙན་བྱོལ་ནང་གི་མི་རབས་གཞོན་པ་རྣམས་ལ་བོད་ནང་གི་ཛ་དྲག་གནས་སྟངས་ངོ་སྤྲོད་བྱ་ཆེད། སྙིང་སྟོབས་ཀྱི་འབོད་སྒྲ ཅེས་པའི་གཏམ་བརྗོད་གཟིགས་འབུལ་ཞུ་བཞིན་འདུག
- བྱེས་ཀྱི་གདན་ས་བཀྲིས་ལྷུན་པོ་གཙོས་པའི་བོད་མི་གནས་སྡོད་ས་གནས་ཁག་ཏུ་༸པཎ་ཆེན་དགེ་འདུན་ཆོས་ཀྱི་ཉི་མ་མཆོག་གི་འཁྲུངས་སྐར་སྲུང་བརྩི་ཞུས།
- ༸གོང་ས་༸སྐྱབས་མགོན་ཆེན་པོ་མཆོག་གིས་དད་ལྡན་པ་ ༣༠༠ ལྷག་ལ་མང་མཇལ་སྩལ་བ།
- རྒྱ་ནག་དང་རྒྱ་གར་གཉིས་གྲོས་མོལ་གྱིས། རྒྱ་གར་གྱི་གནས་སྐོར་བ་རྣམས་བོད་ནང་གངས་རིན་པོ་ཆེར་གནས་མཇལ་དུ་བསྐྱོད་རྒྱུ་བསྐྱར་དུ་སྒོ་འབྱེད་རྒྱུ་རེད་འདུག
- ལྷོ་ཀོ་རི་ཡའི་མི་སྒེར་གྱི་གནས་ཚུལ་སྲུང་སྐྱོབ་ལྟ་ཞིབ་ཁང་གིས་ཌིབ་སིག་གིས་ལྷོ་ཀོ་རི་ཡའི་མི་ས་ཡ་༡.༥ཡི་གནས་ཚུལ་ཁྲིམས་འགལ་ཐོག་རྐུ་ཁྱེར་བྱེད་བཞིན་པ་གསལ་སྟོན་བྱས་འདུག