ເຣື້ອງທີ່ເກັບບັນທຶກໄວ້
2022-04-22
ປະຊາຊົນເກືອບ 1,000 ຄົນ ທີ່ຖືກຜົລກະທົບ ຈາກໂຄງການເຂື່ອນນ້ຳງື່ມ 3 ຢູ່ບ້ານ ຊຽງແດດ ເມືອງພູກູດ ແຂວງຊຽງຂວາງ ໄດ້ຍົກຍ້າຍ ໄປຢູ່ເຮືອນຈັດສັນໃໝ່ແລ້ວ ແຕ່ກໍຍັງມີບັນຫາ ເນື່ອງຈາກວ່າ ຊາວບ້ານບໍ່ມີດິນ ຜລິດກະສິກັມພຽງພໍ ແລະທີ່ສຳຄັນ ດິນທີ່ທາງໂຄງການ ຈັດສັນໃຫ້ນັ້ນ ມີຂນາດນ້ອຍ ແລະສ່ວນຫຼາຍ ເປັນດິນພູດອຍ ບໍ່ເໝາະສົມ ກັບການປູກພືດກະສິກັມ ຫຼືລ້ຽງສັດ.
2022-04-22
ບັນຫານ້ຳຍື່ງຂຶ້ນຖ້ວມ ຜົລຜລິດທາງການກະເສດ ຂອງຊາວບ້ານ ຈາກເຂື່ອນນ້ຳຄານ 3 ຊຶ່ງປະຊາຊົນ ຜູ້ທີ່ໄດ້ຮັບຜົລກະທົບ ຄາດຫວັງວ່າ ທາງເຈົ້າຂອງໂຄງການ ເຂື່ອນດັ່ງກ່າວ ຈະຊົດເຊີຍຄ່າເສັຍຫາຍໃຫ້, ແຕ່ໃນທາງກັບກັນ ເຈົ້າໜ້າທີ່ ທີ່ກ່ຽວຂ້ອງໃຫ້ຄຳເຫັນວ່າ ຈະບໍ່ມີການຊົດເຊີຍ ໃຫ້ຊາວບ້ານ ເພາະດິນທີ່ຊາວບ້ານເຮັດໄຮ່, ເຮັດສວນ ໃສ່ນັ້ນ ເປັນດິນຂອງທາງໂຄງການເຂື່ອນ.
2022-04-21
ສູນເລືອດແຫ່ງຊາດ ປະສົບບັນຫາ ປະຣິມານເລືອດສຳຮອງ ບໍ່ພຽງພໍ ເພື່ອສນອງກັບການປິ່ນປົວ ຄົນເຈັບ ຕາມໂຮງໝໍຕ່າງໆ ໃນທົ່ວປະເທດ ສ່ວນສາຍເຫດຫຼັກໆ ເປັນຍ້ອນ ການຣະບາດຂອງເຊື້ອ ໂຄວິດ-19, ເຮັດໃຫ້ ທາງອົງການກາແດງແຫ່ງຊາຕ ບໍ່ສາມາດລົງຮັບບໍຣິຈາກເລືອດໄດ້, ອີກດ້ານນຶ່ງຄວາມຕ້ອງການເລືອດ ຕາມໂຮງໝໍ ແມ່ນຍັງມີຫຼາຍຢູ່ ຊຶ່ງເຮັດໃຫ້ທາງໂຮງໝໍ ຕ້ອງແກ້ໄຂບັນຫາດ້ວຍການ ຂໍຮັບບໍຣິຈາກເລື່ອດ ຜ່ານສື່ສັງຄົມອອນລາຍນ໌ ຫຼື ຍາຕິພີ່ນ້ອງຄົນເຈັບເອງ ເປັນຜູ້ບໍຣິຈາກ.
2022-04-21
ແຂວງເຊກອງ ກຳນົດໃຫ້ເຈົ້າຂອງຣົຖ ທີ່ນຳເຂົ້າບໍ່ຖືກຕ້ອງ ຕາມກົດໝາຍ ໄປຈົດທະບຽນ ເພື່ອເສັຍພາສີ, ສຳລັບຜູ້ທີ່ນຳຣົຖເຖື່ອນ ມາຂຶ້ນທະບຽນ ຕາມທີ່ກົດໝາຍກຳນົດນັ້ນ ຈະຕ້ອງໄດ້ເສັຽພາສີ ຕາມອັຕຣາ ທີ່ກະຊວງການເງິນກຳໜົດ ໂດຍບໍ່ຕ້ອງເສັຍຄ່າປັບໃໝ່, ໃນຂະນະທີ່ຜູ້ທີ່ບໍ່ໄດ້ນຳຣົຖ ມາຂຶ້ນທະບຽນ ໃນເທື່ອນີ້ນັ້ນ ຕ້ອງໄດ້ລໍຖ້າ ໃຫ້ທາງການເປີດຮັບຂຶ້ນທະບຽນ ໃນຮອບຕໍ່ໄປ.
2022-04-21
ການຂົນສົ່ງສິນຄ້າ ຈາກລາວໄປໄທຍ ຜ່ານໂຄງການ ທ່າບົກວັງເຕົ່າ ຍັງມີຂໍ້ຫຍຸ້ງຍາກຫຼາຍດ້ານ ແກ່ຜູ້ປະກອບການຊາວລາວ ເປັນຕົ້ນວ່າ ການສົ່ງສິນຄ້າບາງປະເພດ ມີລາຄາແພງເກີນໄປ, ບັນຫາດັ່ງກ່າວ ໄດ້ເຮັດໃຫ້ ຜູ້ປະກອບການຫຼາຍຄົນ ຫັນໄປໃຊ້ການບໍຣິການ ໃນຊ່ອງທາງອື່ນແທນ ໃນຂະນະທີ່ທາງພາກຣັຖໄດ້ຊຸກຍູ້ ໃນການພັທນາ ທ່າບົກວັງເຕົ່າ ເພື່ອຕຣຽມຄວາມພ້ອມ ໃຫ້ແກ່ການເປີດບໍຣິການ ແບບເປັນທາງການ ແລະ ຮັບປະກັນ ດ້ານນຳເຂົ້າ-ສົ່ງອອກສິນຄ້າ.
2022-04-21
ປະຊາຊົນ ໃນເມືອງລ່ອງແຈ້ງ ມີຄວາມປະສົງ ຢາກຮຽກຮ້ອງໃຫ້ ທາງການລາວ ຢຸດການໃຫ້ສັມປະທານ ການຂຸດຄົ້ນບໍ່ແຮ່ ໂດຍສະເພາະໂຄງການ ຂຸດຄົ້ນ, ຂົບ ແລະຄັດແຍກແຮ່ເຫຼັກ ຂອງບໍຣິສັດ ໂຊກມະນີ ມາຍນີ້ງລາວ ຈຳກັດ ເພາະຊາວບ້ານບໍ່ຢາກ ເສັຍດິນກະເສດ ທີ່ເປັນບ່ອນທຳມາ ຫາລ້ຽງຄອບຄົວ ໃຫ້ກັບໂຄງການ ຍ້ອນວ່າ ຫຼາຍຄອບຄົວ ມີດິນທຳການກະເສດ ຈຳນວນໜ້ອຍ ຫາກຖືກຜົລກະທົບ ກໍຈະບໍ່ມີບ່ອນ ເຮັດໄຮ່, ເຮັດສວນ ແລະເຮັດນາ ດັ່ງທີ່ເຄີຍເຮັດມານັ້ນ.
2022-04-21
ຄົນຈີນ 3 ຄົນ ຖືກເຈົ້າໜ້າທີ່ໄທຍຈັບໄດ້ ພ້ອມກັບຄົນໄທຍອີກ 1 ຄົນ ທີ່ເປັນຜູ້ນຳທາງ ຈາກຝັ່ງເຂດເສຖກິຈພິເສດ ສາມຫຼ່ຽມຄຳ ເມືອງຕົ້ນເຜິ້ງ ແຂວງບໍ່ແກ້ວ ສປປ ລາວ ໂດຍທັງສາມຄົນ ຖືກຈັບໄດ້ ຂະນະທີ່ ຫຼົບລີ້ ຢູ່ໃນປ່າຫຍ້າ ຕິດກັບສາງເກັບເຄື່ອງ ໃກ້ກັບແມ່ນ້ຳຂອງ, ໃນເບື້ອງຕົ້ນທັງ 3 ຄົນຈະຖືກດຳເນີນຄະດີ ແລະ ສົ່ງກັບປະເທດ.
2022-04-20
ໃນປີ 2021 ທີ່ຜ່ານມາ ປະເທດລາວ ຖືກຈັດຢູ່ໃນອັນດັບທີ 128 ໃນດ້ານຄວາມໂປ່ງໄສ ຈາກທັງໝົດ 180 ປະເທດ ລວມທັງ ເຂດປົກຄອງໂຕເອງ ແລະ ການທີ່ລາວຖືກຈັດ ຢູ່ໃນອັນດັບທີ 128 ນັ້ນ ເປັນເຣື່ອງຈິງ ເມື່ອປຽບທຽບໃສ່ ສະພາບການໂຕຈິງ ທີ່ເກີດຂຶ້ນໃນປະເທດລາວ ຊຶ່ງໂດຍລວມແລ້ວ ການປຕິບັດກົດໝາຍ ຢູ່ປະເທດລາວ ຍັງອ່ອນແອຢູ່ ຈະເຫັນວ່າ ຍັງມີການສໍ້ຣາສ ບັງຫຼວງຫຼາຍຢູ່.
2022-04-20
ນັກລົງທຶນຈີນ ໄດ້ຮັບອະນຸຍາດໃຫ້ເຊົ່າດິນນາ ຂອງປະຊາຊົນໃນແຂວງໄຊຍະບູຣີ ເພື່ອປູກເຂົ້ານາແຊງ ດ້ວຍເທັກນິກໃໝ່ ໃນຂະນະທີ່ຊາວບ້ານ ຍ້ານວ່າ ການມາລົງທຶນ ຂອງນັກລົງທຶນຈີນ ອາດສາມາດຍາດແຍ່ງ ອາຊີບປູກເຂົ້ານາ ຂອງຊາວບ້ານ ແລະ ອາດເຮັດໃຫ້ ຜລິຕພັນເຂົ້າລາວ ໄດ້ຮັບຜົລກະທົບນຳດ້ວຍ ເພາະວ່າ ຜົລຜລິຕເຂົ້ານາແຊງ ດ້ວຍເທັກນິກໃໝ່ ຂອງນັກລົງທຶນຈີນ ຈະໄດ້ຮັບຜົລດີກວ່າ ເຂົ້ານາແຊງ ຂອງຄົນລາວ.
2022-04-20
ກິຈການຣົຖຂົນສົ່ງ ສິນຄ້າຊາວລາວ ລະຫວ່າງລາວ ກັບຊາຍແດນຈີນ ປະສົບບັນຫາ ສູນເສັຍລູກຄ້າຈໍານວນຫຼາຍ ໃນໄລຍະນີ້ ຍ້ອນນັກລົງທຶນຈີນ ແລະນັກທຶນປະເທດອື່ນໆ ເຂົ້າມາເປີດບໍຣິສັດຂົນສົ່ງສິນຄ້າ ແຂ່ງກັບຄົນລາວ ໃນລາວນັບມື້ນັບຫຼາຍຂຶ້ນ ສົ່ງຜົລເຮັດໃຫ້ຜູ້ປະກອບການຊາວລາວ ເສັຍຜົລປະໂຫຍດຫຼາຍດ້ານ ອີກທັງບໍຣິສັດຈີນບາງແຫ່ງ ກໍໄດ້ຮັບສິດພິເສດ ໃນການຂົນສົ່ງສິນຄ້າຈາກຈີນມາລາວ ຜ່ານທາງຣົຖໄຟລາວ-ຈີນ ຈຶ່ງເຮັດໃຫ້ສາມາດຍາດແຍ່ງ ລູກຄ້າຈໍານວນຫຼາຍ ໄປຈາກຜູ້ປະກອບການໃນລາວ.
2022-04-20
ຮອງປະທານ ສູນກາງແນວລາວສ້າງຊາດ ໄດ້ລົງພົບພໍ້ ໂອ້ລົມກັບພໍ່ແມ່ປະຊາຊົນ ຢູ່ບ້ານແລະເມືອງຕ່າງໆ ພາຍໃນແຂວງໄຊສົມບູນ ເນື່ອງຈາກເປັນພື້ນທີ່ ທີ່ມີອັດຕຣາການສັກວັກຊິນປ້ອງກັນເຊື້ອ ໂຄວິດ-19 ແບບປົກຄຸມ ໃຫ້ປະຊາຊົນ ໄດ້ປະມານ 50 ປາຍເປີເຊັນ ເຊິ່ງຖືວ່າໜ້ອຍກວ່າໝູ່ ເມື່ອທຽບໃສ່ແຂວງອື່ນໆ ພາຍໃນປະເທດລາວ ຍ້ອນປະຊາຊົນບັນດາເຜົ່າຈໍານວນຫຼາຍ ໂດຍສະເພາະຊົນເຜົ່າດໍາຣົງຊີວິດ ຢູ່ໃນພື້ນທີ່ຫ່າງໄກສອກຫຼີກ ແລະອາສັຍຢູ່ໄຮ່, ຢູ່ສວນ ຮວມທັງ ປະຊາຊົນສ່ວນຫຼາຍໃນແຂວງນີ້ ຈໍານວນຫຼາຍ ພັດຍັງບໍ່ມີຄວາມເຂົ້າໃຈ ແລະໃຫ້ຄວາມສໍາຄັນ ກັບການສັກວັກຊິນ ປ້ອງກັນເຊື້ອໂຄວິດ-19.
2022-04-20
ເຂື່ອນຈີນປ່ອຍນ້ຳ ເພີ່ມຈາກ 970 ແມັດກ້ອນຕໍ່ວິນາທີເປັນ 1,626 ແມັດກ້ອນຕໍ່ວິນາທີ ຊຶ່ງບາງຈຸດອາດຈະເພີ່ມຂຶ້ນສູງ ແຕ່ທາງການລາວ ຍັງບໍ່ໄດ້ຮັບການແຈ້ງເຕືອນ ຫຼືປະຊາຊົນ ທີ່ຢູ່ແຄມນ້ຳຂອງ ກໍບໍ່ໄດ້ຮັບການແຈ້ງເຕືອນ ໃນການປ່ອຍນ້ຳຄັ້ງນີ້ ແລະການປ່ອຍນ້ຳ ຂອງເຂື່ອນຈີນ ແຕ່ລະເທື່ອ, ປະຊາຊົນລາວ ກໍບໍ່ເຄີຍໄດ້ຮັບ ການແຈ້ງເຕືອນ ຢ່າງເປັນລະບົບ, ເປັນພຽງການບອກກັນ ປາກຕໍ່ປາກ ຈາກຄົນຂັບເຮືອ ສົ່ງສິນຄ້າຈາກຈີນ.
2022-04-19
ການຂຸດຄົ້ນບໍ່ແຮ່ ແລະ ແຮ່ທາດ ຢູ່ແຂວງອັຕປຶ ເປັນບັນຫາ ຜົລກະທົບ ຕໍ່ສິ່ງແວດລ້ອມ ແລະ ຊຸມຊົນ ຫລາຍແນວ ທີ່ຍັງບໍ່ທັນໄດ້ຮັບການແກ້ໄຂ ແລະປະຊາຊົນ ຈຳນວນນຶ່ງ ກໍເຫັນວ່າ ໂຄງການສັມປະທານ ບໍ່ແຮ່ຕ່າງໆ ພາຍໃນເມືອງ ທີ່ຢູ່ໃນຂັ້ນຕອນການຂຸດຄົ້ນນັ້ນ ໄດ້ສົ່ງຜົລກະທົບຕໍ່ ສິ່ງແວດລ້ອມຢ່າງໜັກ ເຊັ່ນການຕັດໄມ້ ໃນເຂດປ່າສົມບູນ ແລະ ປ່ອຍນ້ຳເປື້ອນ ລົງສູ່ແຫຼ່ງນ້ຳທັມມະຊາດ ເປັນຕົ້ນ.
2022-04-19
ຊາວບ້ານ ທີ່ເມືອງຄຳເກີດ ແຂວງບໍຣິຄຳໄຊ ກັງວົນເຖິງຜົລກະທົບ ຕໍ່ທົ່ງນາ ແລະ ສິ່ງແວດລ້ອມ ພາຍຫຼັງທີ່ນັກລົງທຶນລາວ ໄດ້ຮັບອະນຸຍາດ ໃຫ້ຂຸດຄົ້ນຫິນແກ້ວການຊິສ ເພື່ອສົ່ງອອກໄປຈີນ ແລະ ສິງກະໂປຣ໌
2022-04-19
ຊາວບ້ານ 5 ຄົນ ທີ່ຖືກທະຫານຈັບ ຍັງບໍ່ໄດ້ຮັບການປ່ອຍໂຕເທື່ອ ເຖິງແມ່ນວ່າ ທາງສມາຊິກ ຄອບຄົວໄດ້ໄປຍື່ນໜັງສື ຕໍ່ກະຊວງປ້ອງກັນປະເທດ ໃນວັນທີ 18 ເມສາ ນີ້ ເພື່ອຂໍໃຫ້ປ່ອຍໂຕ ແລະສິ່ງທີ່ທາງຍາຕິພີ່ນ້ອງ ໄດ້ຮັບອະນຸຍາດ ຄືສາມາດໃຫ້ ສົ່ງເຂົ້າ-ສົ່ງນ້ຳ ໄດ້ເທົ່ານັ້ນ, ກໍເຮັດໃຫ້ເປັນຫ່ວງ ເພາະວ່າຍາຕິພີ່ນ້ອງ ບໍ່ໄດ້ມີໂອກາດເຫັນ ຜູ້ທີ່ຖືກຈັບໄປ ທັງ 5 ຄົນນັ້ນ.
