ເຣື້ອງທີ່ເກັບບັນທຶກໄວ້
2022-11-12
ບຸນກະຖິນ ເປັນບຸນໃຫຍ່ ອັນນຶ່ງ ສໍາລັບພຣະສົງ, ປີນຶ່ງມີເດືອນດຽວ ທີ່ ພຣະພຸທເຈົ້າຊົງອະນຸຍາດ ໃຫ້ສແວງຫາ ຜ້າເພື່ອນໍາມາຫຍິບ ເປັນຜືນຜ້າກາວາວະພັດ ຫຼືຜ້າໄຕຣຈີວອນ ເພື່ອຖວາຍ ແດ່ອົງທີ່ມີຄວາມຈຳເປັນຕ້ອງໄດ້ປ່ຽນຖ່າຍຈີວອນ ແລະງານບຸນທີ່ມີຂຶ້ນ ຢູ່ວັດລາວພຸດທະເມດຕາ ໃນຂົງເຂດນະຄອນຫລວງ ວໍຊິງຕັນ ດີ.ຊີ., ສະຫະຣັຖ ອາເມຣິກາ ໃນວັນທີ 6 ພຶສຈິການີ້ ໄດ້ດໍາເນີນໄປ ຢ່າງມີຄວາມໝາຍ, ອອກຕົນຍາດໂຍມ ພໍໃຈ.
2022-11-12
ພໍ່ຄ້າ-ແມ່ຄ້າ ຫຼາຍຄົນ ໃຊ້ເງິນບາດ ຊື້-ຂາຍ ຢູ່ເມືອງແກ່ນທ້າວ, ຣັຖບານໄທຍ ບໍ່ຄວນເລັ່ງ ໃຫ້ເຮັດສັນຍາ ຊື້-ຂາຍ ໄຟຟ້າ ກັບຜູ້ພັດທະນາໂຄງການ ແລະ ການຊ່ອຍເຫຼືອ ຄົນງານທີ່ຖືກບັງໃຊ້ແຮງງານ ຢູ່ເຂດເສຖກິຈພິເສດ ສາມຫຼ່ຽມຄຳ.
2022-11-10
ສະຫະຣັຖ ອາເມຣິກາ ຊ່ອຍສົ່ງເສີມ ການສຶກສາ ເບື້ອງຕົ້ນ ໃຫ້ເດັກນ້ອຍ ຫລາຍຊົນເຜົ່າ ຢູ່ 196 ໂຮງຮຽນໃນ 6 ເມືອງ ຂອງແຂວງສວັນນະເຂດ ຜ່ານອົງການຊ່ອຍເຫລືອ ເດັກສາກົລ ຫລື SCI ປະຈໍາລາວ ມູນຄ່າ 3 ລ້ານໂດລ້າຣ໌ສະຫະຣັຖ.
2022-11-10
ກຸ່ມບໍຣິສັດວຽດເຟືອງ ໄດ້ຂຸດຄົ້ນແຮ່ທາດ ບອກຊິກ ຢູ່ບ້ານດາກມັນ, ບ້ານກອນຢົງ ແລະບ້ານປຣາເກົ່າ ເມືອງດາກຈຶງ ແຂວງເຊກອງ ເກີນຂອບເຂດ ເນື້ອທີ່ໄດ້ຮັບສັມປະທານ ຊຶ່ງມີການຂຸດຮອດ 100 ເຮັກຕ້າຣ໌, ເກີນຂອບເຂດ ທີ່ກຳນົດໃຫ້ເຖິງ 95 ເຮັກຕ້າຣ໌.
2022-11-10
ການແຫ່ ນາງອັບສອນ ຂຶ້ນສະຫລ່ຽງ ອ້ອມພຣະທາດຫລວງ ຊັ້ນໃນ ໂດຍຜິດຕໍ່ປະເພນີ ທີ່ເຄີຍປະຕິບັດກັນມາ ຊຶ່ງເປັນທີ່ຕ່ຳນິ ຕິຕຽນຂອງມະຫາຊົນຊາວລາວ ຜູ້ໄດ້ພົບເຫັນ ເຫດການດັ່ງກ່າວ ຊຶ່ງເປັນການແຫ່ ທີ່ບໍ່ເໝາະສົມ ຕາມກາລະ ເທສະ ຄືແຫ່ບໍ່ຖືກເວລາ, ບໍ່ຖືກສະຖານທີ່.
2022-11-10
ສປປ ລາວ ສົ່ງອອກສິນຄ້າ ໄປຈີນເປັນອັນດັບ 1 ລອງລົງມາ ແມ່ນວຽດນາມ ແລະໄທຍ, ແຕ່ຊາວກະສິກອນລາວ ສ່ວນໃຫຍ່ບໍ່ໄດ້ຜົລປະໂຍດ ເທົ່າທີ່ຄວນ ໄດ້ພຽງແຕ່ ໃຊ້ຈ່າຍລາຍວັນ ຍັງບໍ່ກຸ້ມ, ຊາວກະສິກອນ ຍັງບໍ່ສາມາດຫລຸດພົ້ນ ຈາກຄວາມທຸກຍາກໄດ້ ຕາມທີ່ທາງການລາວ ກຳນົດໄວ້.
2022-11-09
ຊາວລາວ ໂດຍສະເພາະ ກຸ່ມຊົນເຜົ່າ ມີຖານະທຸກຍາກ ມີຄວາມສ່ຽງສູງ ທີ່ຈະຕິດເຊື້ອ ພະຍາດຫລາຍຊະນິດ ຈາກການກິນສັດປ່າ ເນື່ອງຈາກຍັງມີວິຖີຊີວິຕ ຫາຢູ່ ຫາກິນ ຕິດພັນກັບປ່າ ຂະນະທີ່ສັດປ່າຫຼາຍຊະນິດ ກໍຕົກຢູ່ໃນສະພາວະ ສ່ຽງທີ່ຈະສູນພັນ.
2022-11-09
ຢາບ້າ ຈຳນວນ 4,000,000 ເມັດ ແລະຣົຖກະບະວີໂກ້ ຂອງການ ຖືກເຈົ້າໜ້າທີ່ ຕຳຣວດ ເມືອງຕົ້ນເຜິ້ງ ຍຶດໄດ້, ສ່ວນຜູ້ຕ້ອງສົງສັຍ ຫຼົບໜີໄປໄດ້ ແລະປັດຈຸບັນ ເຈົ້າໜ້າທີ່ ຍັງຢູ່ລະຫວ່າງ ການສືບຫາໂຕ ມາດໍາເນີນຄະດີ ຕາມກົດໝາຍຕໍ່ໄປ.
2022-11-09
ທາງຣົຖໄຟ ລາວ-ຈີນ ເປີດມາໄດ້ເກືອບ 1 ປີແລ້ວ, ແຕ່ຊາວບ້ານ ທີ່ໄດ້ຮັບຜົລກະທົບ ຈາກໂຄງການກໍ່ສ້າງ ທາງຣົຖໄຟ ລາວ-ຈີນ ຫຼາຍຄົນ ຍັງບໍ່ທັນໄດ້ຮັບຄ່າຊົດເຊີຽ ຄົບຖ້ວນ ຕາມຈໍານວນເທື່ອ ຂະນະທີ່ ຣັຖບານລາວ ກັບຣັຖບານຈີນ ຕຣຽມຈັດງານ ບັນທຶກຄວາມຮັກແພງ ຕາມເສັ້ນທາງຣົຖໄຟ ລາວ-ຈນ.
2022-11-09
ຊາວບ້ານ ບ້ານຫ້ວຍຢໍ້ ເມືອງຈອມເພັດ ແຂວງຫລວງພຣະບາງ ຈຳນວນ 74 ຄອບຄົວ ມີປະຊາກອນ 316 ຄົນ ທີ່ຖືກຜົລກະທົບ ຍ້ອນໂຄງການ ເຂື່ອນຫລວງພຣະບາງ ໄດ້ຮັບເງິນຊົດເຊີຍ ແລະຖືກໂຍກຍ້າຍ ອອກຈາກເຂດບ້ານເກົ່າ ເພື່ອໄປຢູ່ບ້ານຈັດສັນໃໝ່ ຕາມແຜນການ ພັທນາສຳເຣັດ 100% ແລ້ວ.
2022-11-08
ຊາວກະສິກອນ ໃນເຂດນະຄອນຫຼວງວຽງຈັນ ຕ້ອງຜະເຊີນກັບ ຕົ້ນທຶນການຜລິດທີ່ສູງຂຶ້ນ ສົ່ງຜົລກະທົບ ຕໍ່ລາຍຮັບຂອງຜົນຜລິດ ຍ້ອນຜູ້ບໍຣິໂພກຊື້ໜ້ອຍລົງ ອັນເນື່ອງມາຈາກ ສະພາບເງິນເຟີ້ ຄ່າຄອງຊີພແພງຂຶ້ນ ເຮັດໃຫ້ຫຼາຍຄົນຕ້ອງໃຊ້ຈ່າຍແບບປະຢັດ.
2022-11-08
ຊາວລາວ ໃນຫລາຍແຂວງ ຮ່ວມຕັກບາຕ ແລະ ສເລີມສລອງ ບຸນນະມັສການ ພຣະທາດຫລວງ ແລະ ບຸນເດືອນ 12 ຢ່າງຫລວງຫລາຍ ຂະນະທີ່ ແຂວງບໍ່ແກ້ວ ປະກາດໃຫ້ ພຣະທາດສຸວັນນະຜ້າຄຳ ເປັນມໍຣະດົກແຫ່ງຊາຕ.
2022-11-08
ຊາວລາວຫຼາຍຄົນ ຢາກໃຫ້ເຈົ້າໜ້າທີ່ ທ້ອງຖິ່ນ ຍົກເລີກການເກັບຄ່າ ຄຸ້ມຄອງກັບຄົນລາວ ທີ່ໄປເຮັດວຽກຢູ່ຕ່າງເມືອງ, ຕ່າງແຂວງ; ຕົວຢ່າງ ຄົນລາວ ຢູ່ແຂວງຄຳມ່ວນ ໄປເຮັດວຽກ ຢູ່ນະຄອນຫຼວງວຽງຈັນ ກໍຕ້ອງຈ່າຍຄຸ້ມຄອງ ໃຫ້ແກ່ອຳນາດການປົກຄອງ ບ້ານຜູ້ລະ 10,000 ກີບ ຫຼື 20,000 ຕໍ່ເດືອນ.
2022-11-08
ແກ້ງຄ້າ ກັນຊາອັດແທ່ງ ຖືກ ປກສ ເມືອງທ່າແຂກ ແຂວງຄຳມ່ວນ ຈັບກຸມ ແລະ ຍຶດ ຂອງການ ເປັນກັນຊາ ອັດແທ່ງ ມີປາຍທາງ ທີ່ປະເທດໄທຍ, ເຫດການ ດັ່ງກ່າວ ແລະ ການຄ້າຂາຍ ຢາເສບຕິດ ທີ່ຣະບາດໜັກໜ່ວງ ໃນລາວ ສ້າງຄວາມກັງວົນໃຈ ໃຫ້ປະຊາຊົນ.
2022-11-08
ການສ້າງເຮືອນຖາວອນ ໃຫ້ແກ່ຜູ້ປະສົບໄພເຂື່ອນແຕກ ທີ່ເມືອງສນາມໄຊ ແຂວງອັດຕະປື ໃກ້ຈະສຳເຣັດແລ້ວ ຫຼ້າສຸດ ຮອງເຈົ້າແຂວງອັດຕະປື ຣາຍງານວ່າ ເຮືອນຖາວອນຈຳນວນ 688 ຫຼັງ ໃນຈຳນວນທັງໝົດ 700 ຫຼັງ ສ້າງສຳເຣັດແລ້ວ ຍັງເຫຼືອແຕ່ 12 ຍັງບໍ່ແລ້ວ.
