ເຣື້ອງທີ່ເກັບບັນທຶກໄວ້
2023-02-22
ຄະນະກັມມາທິການ ແມ່ນໍ້າຂອງສາກົນ ໄດ້ເຜີຍແຜ່ເອກະສານສຳຄັນ ຈຳນວນ 2 ສະບັບປະກອບມີເອກະສານ ແນະນໍາການອອກແບບເບື້ອງຕົ້ນ ສໍາລັບບັນດາເຂື່ອນທີ່ສເນີ ກໍ່ສ້າງຕາມລຳແມ່ນໍ້າຂອງ ຫລື PDG ແລະ ເອກະສານແນະນຳ ສຳລັບການປະເມີນຜົນກະທົບ ດ້ານສິ່ງແວດລ້ອມຂ້າມຊາຍແດນ.
2023-02-17
ຊາວບ້ານຢູ່ເມືອງງາ ແຂວງອຸດົມໄຊ ທີ່ຈະຕ້ອງຍົກຍ້າຍ ຫຼີກທາງໃຫ້ແກ່ເຂື່ອນໄຟຟ້າ ຫຼວງພຣະບາງ ບໍ່ພໍໃຈຕໍ່ການປະເມີນ ຜົລກະທົບດ້ານສັງຄົມ ແລະ ເຣື່ອງເງິນຊົດເຊີຍ ຕໍ່ທີ່ດິນໃນລາຄາຕ່ຳ ເຊິ່ງບໍ່ສົມເຫດສົມຜົລ ແລະປະຊາຊົນ ຢາກໃຫ້ປະເມີນຄືນໃໝ່ ເພື່ອໃຫ້ຖືກຕ້ອງ ໃນລາຄາຊົດເຊີຍທີ່.
2023-02-16
ຕົ້ນປີນີ້ ຍັງພົບເຫັນປະຊາຊົນ ຫຼາຍຊົນເຜົ່າ ທີ່ທຸກຍາກ ລັກລອບປູກຝິ່ນຫຼາຍເຮັກຕ້າຣ໌ ໃນທົ່ວແຂວງຜົ້ງສາລີ ຍ້ອນຍັງຂາດງົບປະມານ ໃນການປາບປາມ ແລະ ບໍ່ມີໂຄງການ ເຂົ້າມາສນັບສນູນ ການປູກພືດອື່ນທົດແທນ.
2023-02-16
ທາງການລາວ ຢືນຢັນ ໂຄງການເຂື່ອນໄຟຟ້າ ເຊກອງຕອນລຸ່ມ A ຢູ່ເມືອງສນາມໄຊ ແຂວງອັດຕະປື ໄດ້ຜ່ານການພິຈາຣະນາ ຢ່າງຖືກຕ້ອງ ຕາມຫຼັກການ ຂອງຣັຖບານລາວແລ້ວ ຈຶ່ງໄດ້ອະນຸມັດໃຫ້ດໍາເນີນການກໍ່ສ້າງ.
2023-02-15
ຊາວບ້ານ ບໍ່ມີທີ່ດິນທຳກິນ ຈຳເປັນຕ້ອງເຂົ້າໄປບຸກເບີກ ທີ່ດິນໃໝ່ ເພື່ອໃຫ້ມີດິນທຳການຜລິດ ກະສິກັມລ້ຽງຊີບ ຍ້ອນວ່າ ທີ່ດິນສ່ວນຫຼາຍ ຖືກຣັຖບານໃຫ້ສັມປະທານ ແກ່ນັກລົງທຶນ ແລະ ຍິ່ງໄປກວ່ານັ້ນ ຍັງມີຄົນຕ່າງປະເທດ ເຂົ້າມາຊື້ທີ່ດິນໄວ້ຂາຍຕໍ່.
2023-02-14
ຫລ້າສຸດທາງການ ເມືອງນາແລ ແຂວງຫລວງນໍ້າທາ ກໍໄດ້ມອບໃບຕາດິນ ປະເພດເຮືອນຈັດສັນ ໃຫ້ກັບຊາວບ້ານ ຈຳນວນ 3 ບ້ານຄື ບ້ານເປື້ອນ, ບ້ານນາແລ ແລະ ບ້ານພູຄາ ທີ່ຖືກຜົນກະທົບຈາກ ໂຄງການ ສ້າງເຂື່ອນນ້ຳທາ 1 ຕັ້ງແຕ່ ປີ 2019 ຂະນະທີ່ຊາວບ້ານ ຍັງບໍ່ມີດິນ ເພື່ອການຜລິດ ກະສິກັມ.
2023-02-13
ຊາວບ້ານ ຈຳນວນ 39 ຄອບຄົວ ຢູ່ເມືອງຫລາ ແຂວງອຸດົມໄຊ ໄດ້ຮັບຜົນກະທົບ ສູນເສັຽທີ່ດິນ ທຳການກະເສຕ ເປັນຈຳນວນຫຼາຍສິບເຮັກຕ້າຣ໌ ຈາກການຂຸດຄົ້ນແຮ່ເຫຼັກ ຂອງບໍຣິສັດ ຊີເອັນພີ ສຳຣວດ ແລະ ຂຸດຄົ້ນແຮ່ ຂາເຂົ້າ-ຂາອອກ (CNP GROUP) ເຖິງປັດຈຸບັນ ຍັງບໍ່ໄດ້ຮັບເງິນຊົດເຊີຍ.
2023-02-10
ທາງການແຂວງອັດຕະປື ອະນຸຍາດໃຫ້ບໍຣິສັດ ໂຊກດີມີໄຊ ກໍ່ສ້າງຈໍາກັດຜູ້ດຽວ ສໍາຣວດຫິນປາໂກດິດ ແລະຫິນປະດັບ ຢູ່ເຂດບ້ານຄໍາວົງສາ ເມືອງພູວົງ ໃນເນື້ອທີ່ປະມານ 700 ເຮັກຕ້າຣ໌, ແຕ່ຊາວບ້ານ ໃນເຂດນັ້ນຢາກໃຫ້ທາງການແຂວງ ຢຸດເຊົາການໃຫ້ສັມປະທານ ຂຸດຄົ້ນແຮ່ທາດຕ່າງໆ.
2023-02-09
ການອອກໃບຕາດິນ ຖາວອນໃຫ້ແກ່ຊາວບ້ານ ໃນທົ່ວປະເທດຍັງຊັກຊ້າຫລາຍ ຊຶ່ງມາຮອດປັດຈຸບັນ ໃນປີ 2023 ນີ້, ມີຊາວລາວຈຳນວນ 1,600 ປາຍບ້ານ ຍັງບໍ່ໄດ້ຮັບໃບຕາດິນຖາວອນ ຫລື ຖ້າຄິດເປັນຕອນດິນ ປະມານ 1.3 ແສນປາຍຕອນ ຈາກທັງໝົດ 3 ລ້ານປາຍຕອນ ເປັນຕົ້ນເຫດ ໃຫ້ພະນັກງານຣັຖ ບາງຄົນ ຖືໂອກາດຍຶດເອົາດິນ ປະຊາຊົນໄດ້ງ່າຍຂຶ້ນ.
2023-02-07
ສະຫະພາບຢູໂຣບ ປະຈໍາລາວ ສົ່ງເສີມປະຊາຊົນ ປູກກາເຟປອດສານພິດ ແທນການປູກຝິ່ນ ແລະການຖາງປ່າເຮັດໄຮ່ເລືອນລອຍ ຢູ່ແຂວງພາກເໜືອຂອງລາວ ແຕ່ຊາວບ້ານຍັງຕ້ອງການ ໃຫ້ພາກຣັຖສົ່ງເສີມດ້ານການຕລາດ ແລະຜລິດຕະພັນແປຮູບກາເຟ ເພື່ອເພີ່ມມູນຄ່າ.
2023-02-07
ຜູ້ປະສົບພັຍເຂື່ອນແຕກ ເມືອງສນາມໄຊ ແຂວງອັດຕະປື ກັງວົນໃຈ ເຣື່ອງເຮືອນຖາວອນ ທີ່ທາງການແຂວງ ມອບໃຫ້ຢ່າງເປັນທາງການ ເມື່ອຕົ້ນເດືອນ ທັນວາ 2022 ທີ່ຜ່ານມາ ຍ້ອນເຮືອນທີ່ມອບໃຫ້ນັ້ນ ບໍ່ທັນແລ້ວສົມບູນ 100% ແລະຢ້ານ ບໍຣິສັດກໍໍ່ສ້າງ ບໍ່ມາສ້ອມແປງໃຫ້.
2023-02-06
ຣັຖບານສັ່ງຫ້າມ ໃຫ້ຊາວບ້ານ ຢູ່ບ້ານຂັນລາຍ, ບ້ານກວາງຊີ, ບ້ານແກ້ງເກັ່ຽ ທີ່ຢູ່ໃນຄຸ້ມບ້ານເພຽລາດ ໃນເມືອງບາຈຽງຈະເຣີນສຸກ ແຂວງຈຳປາສັກ ຈຳນວນ 100 ປາຍຄອບຄົວ ຢຸດທຳການຜລິິດ ການກະເສຕໃນປີ 2023 ນີ້ ໃນພື້ນທີ່ຂອງຣັຖ 190 ເຮັກຕ້າຣ໌.
2023-02-06
ໂຮງງານປຸງແຕ່ງ ຢາງພາຣາ ຂອງນັກລົງທຶນວຽດນາມ ແລະໂຮງງານຫລອມໂລຫະ ຂອງນັກລົງທຶນຈີນ ຢູ່ເຂດບ້ານພຣະບາດໂພນສັນ ເມືອງທ່າພຣະບາດ ແຂວງບໍຣິຄຳໄຊ ປ່ອຍນໍ້າເສັຽ ພາຍໃນໂຮງງານ ໄຫລລົງຫ້ວຍ ສົ່ງຜົລໃຫ້ນໍ້າເນົ່າ ເໝັນຢ່າງຮຸນແຮງ ແລະສົ່ງຜົນກະທົບ ຕໍ່ສິ່ງແວດລ້ອມ.
2023-02-03
ກອງປະຊຸມປຶກສາຫາລື ຢູ່ປະເທດໄທຍ ກ່ຽວກັບຜົລກະທົບ ຂອງເຂື່ອນແມ່ນ້ຳຂອງ ໃນຈີນ ແລະ ສປປ ລາວ ຮວມທັງໂຄງການເຂື່ອນ ຊະນະຄາມ ທີ່ຫ່າງຈາກເມືອງຊຽງຄານ ຂອງໄທຍ ພຽງ 2 ກິໂລແມັດ, ຊຶ່ງຂໍ້ມູນຕ່າງໆ ຈາກກອງປະຊຸມ ຈະນໍາໄປສຶກສາ ເພື່ອຈະເອົາໄປເຈຣະຈາ ກັບທາງການລາວ ໃນມໍ່ໆນີ້.
2023-02-02
ທາງການລາວ ອະນຸຍາດໃຫ້ບໍຣິສັດ Sinohydro Holding ປະເທດຈີນ ເຣີ່ມດໍາເນີນການກໍ່ສ້າງພື້ນຖານໂຄງຮ່າງຈໍາເປັນ ເປັນຕົ້ນ: ເສັ້ນທາງ ແລະ ຂົວຂ້າມນໍ້າຂອງ ເພື່ອກະຕຣຽມຄວາມພ້ອມ ໃນການກໍ່ສ້າງເຂື່ອນໄຟຟ້ານໍ້າຂອງ ຈຸດເມືອງປາກລາຍ ຫຼືເຂື່ອນປາກລາຍ ທີ່ຕັ້ງຢູ່ເມືອງປາກລາຍ ແຂວງໄຊຍະບູຣີ.
