ရခိုင်အရေး ကုလစုံကော်ဖွဲ့ဖို့ အထူးကိုယ်စားလှယ် တိုက်တွန်း

ရခိုင်ပြည်နယ်အရေးနဲ့ ပတ်သက်ပြီး ၂၀၁၂ ခုနှစ်ကနေ ၂၀၁၄ ခုနှစ်အတွင်း ဖြစ်ပျက်ခဲ့တာတွေ အပေါ်၊ ကုလသမဂ္ဂ က အဆင့်မြင့် စုံစမ်းရေးကော်မရှင် တရပ်ဖွဲ့စည်းပြီး စုံစမ်းစစ်ဆေးစေလို ကြောင်းလည်း ပြောပါ တယ်။ စုံစမ်းရေးကော်မရှင်ဆို လွတ်လပ်ရမှာဖြစ်ပေမဲ့၊ မြန်မာအစိုးရ ဖွဲ့စည်းပေးခဲ့တဲ့ ကော်မရှင်မှာ စစ်တပ် အရာရှိ ဟောင်းတွေအပြင် လက်ရှိတာဝန်ထမ်းဆောင်နေတဲ့ ရဲအရာရှိကြီးတွေပါဝင်နေကြောင်း၊ အဓိက သက်သေတွေ၊ အထောက်အထားတွေကို လည်း အကာအကွယ်ပေးမှာ မဟုတ်ကြောင်းလည်းပြောပါတယ်။ ဒါ့ပြင် ကချင်နဲ့ ရှမ်းပြည်နယ်မှာ တိုက်ပွဲတွေ ပြန်ဖြစ်လာနေလို့ တရုတ်ပြည်ဘက်ကို ထောင်နဲ့ချီ ထွက်ပြေးနေတယ်ဆိုတဲ့ သတင်းတွေကြားနေရပေမဲ့၊ အခြေအနေမှန် မသိရသေးကြောင်းလည်းပြောပါတယ်။

ကုလသမဂ္ဂဆိုင်ရာ မြန်မာအစိုးရ ကိုယ်စားလှယ် ဦးထင်လင်းကတော ကုလသမဂ္ဂ စုံစမ်းရေး ကော်မရှင်ဖွဲ့ရေး အဆိုပြုချက်ကို မြန်မာနိုင်ငံအနေနဲ့ လက်မခံနိုင်ကြောင်း၊ မြန်မာအနေနဲ့ ရခိုင်ပြဿနာကို ပြည်တွင်းမှာပဲ ပြေ လည်အောင် ကြိုးစားဖြေရှင်းနေကြောင်း၊ အခြေအနေ ရှုပ်ထွေးလွန်းနေတဲ့ အပေါ် နိုင်ငံတကာအနေနဲ့ နားလည်စေလိုကြောင်း၊ လူ့အခွင့်အရေး အထူးကိုယ်စားလှယ်ရဲ့ ရခိုင်ခရီးစဉ်အတွင်း အတတ်နိုင်ဆုံးပူးပေါင်း ကူညီဆောင်ရွက်ပေးခဲ့ပါလျက်နဲ့ စွပ်စွဲချက်တွေဟာ ပြင်းထန်လွန်းကြောင်း ပြောဆိုခဲ့တယ်လို့ AFP သတင်း က ဖေါ်ပြပါတယ်။