မစ္စယန်ဟီးလီ ဘင်္ဂလားဒေ့ရှ်ကို ရောက်ရှိနေ

အဲဒီကြေညာချက်အရ မစ္စယန်ဟီးလီဟာ ဘင်္ဂလားဒေ့ရှ်နိုင်ငံ ကော့တ်ဘဇားနဲ့အနီးတဝိုက်ကို သွားရောက်မှာဖြစ်ပြီး ပြီးခဲ့တဲ့ ၅လအတွင်း မြန်မာနိင်ငံကနေ ဘင်္ဂလားဒေ့ရှ်ကို ထွက်ပြေးလာ သူတွေနဲ့တွေ့ဆုံသွားမယ်လို့လည်း ပါရှိပါတယ်။

ပြီးခဲ့တဲ့ ဖေဖေါ်ဝါရီလ ၃ ရက်နေ့က ကုလသမဂ္ဂ လူ့အခွင့်အရေးရုံး က ဘင်္ဂလားဒေ့ရ်ှဘက်ကို ထွက်ပြေးလာတဲ့ ရိုဟင်ဂျာ မွတ်ဆလင်တွေနဲ့ တွေ့ဆုံမေးမြန်း ထားတာတွေနဲ့ ပတ်သက်ပြီး အစီရင်ခံ စာတစ်စောင် ထုတ်ပြန်ထားပါတယ်။

အဲဒီအစီရင်ခံစာအရ ထွက်ပြေးလာသူတွေထဲက လူပေါင်း ၂၀၀ ကျော်ကို မေးမြန်းထားတာဖြစ်ပြီး ပြောဆိုချက်တွေ အရ အမျိုးသမီးတွေကို လုံခြုံရေးတပ်ဖွဲ့တွေက အဓမ္မပြုကျင့်မှုတွေ၊ လိင်ပိုင်းဆိုင်ရာ အကြမ်းဖက်မှုတွေ၊ သတ်ဖြတ် မှုတွေ၊ မီးရှို့သတ်ဖြတ်တာတွေအထိ ရှိတယ်လို့ ဖေါ်ပြထားပါတယ်။