မလေးရှားရောက်မြန်မာများ သြင်္ကန်ပွဲ စုပေါင်းဆင်နွှဲ

အဲဒီ သြင်္ကန်ပွဲတော်ကို မြန်မာ ၅ ထောင်ခန့် တက်ရောက် ဆင်နွှဲခဲ့ကြတယ်လို့လည်း သိရပါတယ်။

ဒါနဲ့ ပတ်သက်လို့ ပါဝင်ဆင်နွှဲခဲ့သူ တဦးဖြစ်သူ ကိုကျော်ဝင်းက ခုလို ပြောပါတယ်။

 “ပီနန်ပွဲကတော့ မလေးရှားမှာတော့ သြင်္ကန်ပွဲက အကြီးဆုံးပေါ့နော်၊ နှစ်စဉ် လုပ်နေတာ။ မြန်မာ ဗုဒ္ဓဘာသာ ဘုန်းကြီးကျောင်းမှာ လုပ်တယ်ဗျာ။ နှစ်စဉ် ၁၃ ရက်နေ့တိုင်းကို ပုံမှန် လုပ်တယ်။ ဒီနှစ်ကတော့ ထူးထူးခြားခြား လူဦးရေ ၅,၀၀၀ လောက် မြန်မာချည်းပဲပေါ့။ နိုင်ငံခြားသားတွေလည်း လာတယ်။ ဗမာအများဆုံးပေါ့။”

မလေးရှားရောက် မြန်မာတွေစုပေါင်းကျင်းပကြတာဖြစ်ပြီး ရိုးရာ ကပြဖျော်ဖြေမှု ၊ တေးဂီတသီဆို တင်ဆက်မှု တွေလည်း ပါဝင်တယ်လို့ ကိုကျော်ဝင်းက ပြောပါတယ်။

“တခြားကတော့ ကျွန်တော်တို့ ဖျော်ဖြေရေး မဏ္ဍပ်တခု ရှိတယ်။ ဖျော်ဖြေရေး မဏ္ဍပ်က နှစ်စဉ်မှာ အမေ့ရင်သွေးဆိုတဲ့ ဖျော်ဖြေရေး မဏ္ဍပ်ကနေပြီးတော့ ၁၂ ရက်နေ့ ညကနေပြီးတော့ သီချင်းတွေနဲ့ ဖျော်ဖြေတယ်။ နောက် ၁၃ ရက်နေ့ကို တနေကုန် သူတို့က ယိမ်းအကတွေ နောက်ပြီးတော့ ခေတ်ပေါ် တေးဂီတတွေ မြန်မာမှုနဲ့ ပေါင်းပြီးတော့ အဖွဲ့လိုက် အဖွဲ့လိုက် တက်ပြီးတော့ သူတို့ ဖျော်ဖြေရေး လုပ်တယ်ပေါ့။”