မြန်မာ-မြောက်ကိုရီးယား စစ်ရေးပတ်သက်မှု စုံစမ်းဖို့ အမေရိကန်အမတ် တောင်းဆို

မြောက်ကိုရီးယားက မြန်မာနိုင်ငံကို စစ်လက်နက်နဲ့ နည်းပညာတွေ ကူညီနေတယ်ဆိုတဲ့ သတင်းတွေနဲ့ ပတ်သက်လို့ အသေအချာ ဂရုတစိုက် လေ့လာသင့်ကြောင်း၊ ကမ္ဘာတလွားက လတ်တလော ဖြစ်ရပ်တွေကြောင့် မြန်မာနဲ့ မြောက်ကိုရီးယား အကြားက စစ်ရေးနဲ့ မဟာဗျူဟာ ပူးပေါင်းဆောင်ရွက်မှုတွေ တိုးချဲ့လာနေတဲ့အပေါ် အာရုံ မပျက်သင့်ဘူးလို့ Mr. Lugar က ပြောပါတယ်။

အလားတူ မြန်မာစစ်အစိုးရ ကျူးလွန်တဲ့ စစ်ရာဇဝတ်မှုတွေအတွက် နိုင်ငံတကာ စုံစမ်းစစ်ဆေးမှုတွေ ဆောင်ရွက်ဖို့၊ ကလေးစစ်သားတွေကို ကူညီဖို့နဲ့ နိုင်ငံရေးအကျဉ်းသားတွေ လွတ်မြာက်လာအောင် တခြား နိုင်ငံတွေနဲ့အတူ တက်တက်ကြွကြွ လှုပ်ရှားဖို့ တိုက်တွန်းထားပါတယ်။

အထက်လွှတ်တော်အမတ် Mr. Lugar နဲ့အတူ တခြားအမတ်တွေဖြစ်တဲ့ Mr. McConnell နဲ့ Mr. Inhofe တို့လည်း ပါဝင် တောင်းဆိုခဲ့ကြပါတယ်။