ဖားကန့် ကျောက်စိမ်းတွင်းဒေသဖက်မှာ တိုက်ပွဲဖြစ်နေ

ကချင်ပြည်နယ် ဖားကန့် ကျောက်စိမ်းတွင်းဒေသ လုံးခင်းကျေးရွာအုပ်စု ကထန်ရွာမှာ ဒီကနေ့ မနက်က အစိုးရတပ်နဲ့ ကေအိုင်အေတပ်တွေ တိုက်ပွဲဖြစ်ပွားခဲ့တဲ့ အတွက် ဒေသခံပြည်သူ တစ်သောင်းကျော်လောက် ထွက်ပြေးတိမ်းရှောင်နေရပါတယ်။ဒေသခံပြည်သူတွေဟာ လုံးခင်း နဲ့ မှော်စီဆာရွာတွေဘက်ကို ထွက်ပြေးတိမ်းရှောင် လာတာ တစ်သောင်းပတ်ဝန်းကျင်လောက်ရှိနေပြီ လို့ ဒေသခံတွေက RFA ကို ပြောပါတယ်။

2013.01.13


မနေ့က ဇန်နဝါရီလ ၁၂ရက် ညနေပိုင်းမှာ အစိုးရစစ်ယာဉ်တန်း ၁၇စီးလောက်ဟာ လုံးခင်းကျေးရွာပတ်ဝန်းကျင်တဝိုက်ကို ဝင်ရောက်လာပြီး တပ်စွဲထားခဲ့ရာ၊ဒီကနေ့ မနက်ပိုင်း ၆နာရီလောက်က ကေအိုင်အေတပ်တွေနဲ့တိုက်ပွဲဖြစ်ပွားခဲ့တာကြောင့် ဒေသခံပြည်သူတွေဟာ လုံးခင်း နဲ့ မှော်စီဆာရွာတွေဘက်ကို ထွက်ပြေးတိမ်းရှောင်ခဲ့ကြပါတယ်။

လုံးခင်းတဝိုက် တိုက်ပွဲဖြစ်ပြီး စိုးရိမ်မှုတွေကြောင့် ကုဋေမှော်၊ မားဆား၊ ကထန်ယန်၊ ဆန်ခါ၊ မဇွပ်ယန်စတဲ့ ရွာတွေက ဒေသခံတွေဟာ လုံးခင်းနဲ့ မှော်စီစာကျေးရွာတွေမှာရှိတဲ့ ဗုဒ္ဓဘာသာဘုန်းတော်ကြီးကျောင်းတွေ၊ ခရစ်ယာန်ဘုရားရှိခိုးကျောင်းတွေနဲ့ နီးစပ်ရာဆွေမျိုးသားချင်းတွေအိမ်မှာ လာရောက်ခိုလှုံနေကြပါတယ်။

ဆက်နွယ်သောသတင်းများ
သတင်းများ
မှတ်ချက်ပေးပို့ရန်

မှတ်ချက်များကို အောက်ပါ ပုံစံတွင် ရေးသားနိုင်ပါသည်။ RFA ၏ အသုံးပြုခြင်းဆိုင်ရာ စည်းမျဉ်းစည်းကမ်းများနှင့် အညီ လိုအပ်လျှင် တည်းဖြတ်ပြီး ဖော်ပြပါမည်။ မှတ်ချက်များကို ရေးပြီးပြီးချင်း ချက်ခြင်း မြင်ရမှာ မဟုတ်ပါ။ တင်ပြထားသော မှတ်ချက်ပါ အကြောင်းအရာများ အတွက် RFA မှာ တာဝန်မရှိပါ။ ကျေးဇူးပြု၍ တခြား မှတ်ချက်ရေးသူများ၏ အမြင်ကို လေးစားပြီး အကြောင်းအရာကိုသာ အဓိကထား ရေးသားစေလိုပါသည်။