ကျောင်းပြန်တက်ခွင့်ပေးဖို့ NNER တောင်းဆို

ကျောင်းအုပ်ချုပ်မှုစနစ်ကို ဆန္ဒပြခဲ့တာကြောင့် ဖမ်းဆီးခံခဲ့ရပြီး ကျောင်းထုတ်ခံထားရတဲ့ စစ်ကိုင်းပညာရေးကော လိပ်က ကျောင်းသား ကိုဇော်ရဲထွဋ်ကို ကျောင်းပြန် တက်ခွင့်ပေးဖို့အတွက် ပညာရေးစနစ် ပြုပြောင်းလဲရေးနိုင်ငံ လုံးဆိုင်ရာ ကွန်ရက် NNER က တောင်းဆိုလိုက်ပါတယ်။

NNER အတွင်းရေးမှူး အဖွဲ့ဝင် ဦးစိုးထွန်းက ဒီကနေ့ ရန်ကုန်မြို့၊ ကျောက်တံတားမြို့နယ်မှာ ဗမာနိုင်ငံလုံးဆိုင် ရာ ကျောင်းသားသမဂ္ဂများ အဖွဲ့ချုပ်၊ NNERနဲ့ ဆရာများသမဂ္ဂတို့ ပူးပေါင်း ပြုလုပ်ခဲ့တဲ့ သတင်းစာရှင်းလင်းပွဲ မှာ တောင်းဆိုလိုက်တာဖြစ်ပါတယ်။

"စစ်ကိုင်းပညာရေးကောလိပ် ဒုတိယနှစ်ကျောင်းသား မောင်ဇော်ရဲထွဋ်အား နိုင်ငံရေးဆူပူမှုဆိုင်ရာပြစ် မှုဖြင့် ပြစ်ဒဏ်ကျခံခဲ့ရသောကြောင့် စစ်ကိုင်းပညာရေးကောလိပ် သင်တန်းသားအဖြစ်မှထုတ်ပယ် လိုက်ခြင်းသည် ကျောင်းသားအခွင့်အရေးဆုံးရှုံးမှုအတွက် လွတ်လပ်စွာ ထုတ်ဖော်ပြောဆိုခွင့်ကို ရိုက်ချိုးလိုက်ခြင်းဖြစ်ပါသည်၊  အမျိုးသားပညာရေးဥပဒေကို ပြင်ဆင်သည့်ဥပဒေ အခန်း ၁၃ ပါ ကူးပြောင်းရေးကာလပြ ဌာန်းချက် အပိုဒ် ၁၁ ( ခ) တွင် အသွင်ကူးပြောင်းရေးကာလတွင်အကြောင်း အမျိုးမျိုးကြောင့် ပညာသင်ယူခွင့် နစ်နာဆုံးရှုံးမှုရှိသူတိုင်းဆက်လက် ပညာသင်ယူခွင့်ရမည်ဟု ပါရှိသည်"