မုံရွာမြို့အနီး အင်အားအသင့်အတင့်ရှိ ငလျင်လှုပ်ခတ်


2015.11.27

မုံရွာမြို့ အနောက်ဖက် မိုင် ၅၀ ကျော်အကွာကိုဗဟိုပြုပြီး ပြင်းအားအဆင့် ၅ ဒသမ ၅ ရှိတဲ့ ငလျင်တစ်ခု ဒီနေ့ နေ့လည် ၃ နာရီ ၅ မိနစ်လောက်က လှုပ်ခတ်သွားခဲ့ပါတယ်။

ငလျင်ဒဏ်ကြောင့် ကနီမြို့တဝိုက်က စေတီပုထိုး ၅ ဆူနဲ့ မူလတန်းကျောင်းတကျောင်း ပျက်စီးသွားတယ်လို့ လူမှုကူညီရေးသမား ကိုဝင်းဇော်ခိုင်က RFA ကိုပြောပါတယ်။

"ဒီမှာတော့ စေတီတော်ငါးဆူပေါ့နော်၊ နှစ်ဆူကတော့ ပြိုကျသွားတာပေါ့၊ သုံးဆူကတော့ ယိုင်လဲသွားတာပေါ့ ၊ တောင်ပေါ်မှာရှိတဲ့ ရွှေမြင်းဖြူ သမိုင်းဝင်စေတီတော်ရဲ့ ငှက်မျက်နားတော်နားကနေပြီးတော့မှ ပြတ်ကျသွား တယ်ပေါ့နော်၊ နောက်ရပ်ကွက် ၂ က မူလတန်းဆောင် အက်ကွဲသွားတာပေါ့"

ငလျင်အရှိန်ဟာ မန္တလေး၊ မြင်းခြံ၊ ညောင်ဦးမြို့တွေထိ ရိုက်ခတ်သွားတယ်လို့လည်း သိရပါတယ်။ ဒီနေ့ ငလျင်လှုပ်သွားတဲ့ဒေသတွေဟာ စစ်ကိုင်းပြတ်ရွေ့ကြောမှာပါဝင်တယ်လို့ သိရပါတယ်။

ဆက်နွယ်သောသတင်းများ
သတင်းများ
မှတ်ချက်ပေးပို့ရန်

မှတ်ချက်များကို အောက်ပါ ပုံစံတွင် ရေးသားနိုင်ပါသည်။ RFA ၏ အသုံးပြုခြင်းဆိုင်ရာ စည်းမျဉ်းစည်းကမ်းများနှင့် အညီ လိုအပ်လျှင် တည်းဖြတ်ပြီး ဖော်ပြပါမည်။ မှတ်ချက်များကို ရေးပြီးပြီးချင်း ချက်ခြင်း မြင်ရမှာ မဟုတ်ပါ။ တင်ပြထားသော မှတ်ချက်ပါ အကြောင်းအရာများ အတွက် RFA မှာ တာဝန်မရှိပါ။ ကျေးဇူးပြု၍ တခြား မှတ်ချက်ရေးသူများ၏ အမြင်ကို လေးစားပြီး အကြောင်းအရာကိုသာ အဓိကထား ရေးသားစေလိုပါသည်။