NLD အမတ် မန္တလေးတိုင်းလွှတ်တော်ဥက္ကဋ္ဌ ထောင် ၅ နှစ်ချခံရ
မန္တလေးတိုင်းဒေသကြီး လွှတ်တော်အစည်းအဝေး ကို တွေ့ရစဉ်
Photo: RFA
မန္တလေးတိုင်းလွှတ်တော်ဥက္ကဋ္ဌ ဦးအောင်ကျော်ဦးကို ထောင်တွင်းတရားရုံးကနေ ဒီဇင်ဘာလ ၃၀ ရက် ဒီနေ့မှာ စစ်ကောင်စီက ပုဒ်မနှစ်ခုအတွက် အလုပ်နဲ့ ထောင်ဒဏ် ၅ နှစ် အမိန့်ချလိုက်တယ်လို့ ရှေ့နေအသိုင်းဝိုင်းက ပြောပါတယ်။
ဥပဒေပုဒ်မ ၅၀၅-က အတွက် ထောင် ၃ နှစ်နဲ့ သဘာဝဘေးအန္တရာယ်ဆိုင်ရာ စီမံခန့်ခွဲမှု့ဥပေဒပုဒ်မ - ၂၅ အတွက် ထောင် ၂ နှစ်၊ စုစုပေါင်း ၅ နှစ်ချမှတ်လိုက်တာလို့ လုံခြုံရေးအရ အမည်မဖော်လိုတဲ့ ရှေ့နေတစ်ဦးက RFA ကိုပြောပါတယ်။
“၅၀၅ - က ဆိုတာကလည်း စစ်တပ်က အာဏာသိမ်းတဲ့အချိန် မြို့နယ်တွေမှာ အုပ်ချုပ်ရေးအဖွဲ့ဖွဲ့တာ သူ့နာမည် ပါနေလို့ဆိုပြီးစွဲတာ၊ တကယ်တော့ အဲဒီတုန်းကလည်း သူကထောင်ထဲမှာ ရောက်နေပြီ၊ သဘာဝဘေး ၂၅ ကလည်း ရွေးကောက်ပွဲကာလတုန်းက လူစုလူဝေးဆိုပြီးစွဲတာ၊ အယူခံဝင်သွားဖို့တော့ မရှိပါဘူး”
ဦးအောင်ကျော်ဦးဟာ ၂၀၁၅ ခုနှစ်မှာ အမျိုးသားဒီမိုကရေစီအဖွဲ့ချုပ်ပါတီ NLD ကနေ ပုသိမ်ကြီးမြို့နယ် တိုင်းလွှတ်တော်ကိုယ်စားလှယ်အဖြစ် အနိုင်ရရှိခဲ့သလို ၂၀၂၀ ပြည့်နှစ်ရွေးကောက်ပွဲမှာလည်း ထပ်မံ အနိုင်ရရှိခဲ့သူဖြစ်ပါတယ်။
စစ်ကောင်စီဟာ ဒီဇင်ဘာလ ၃၀ ရက် ဒီကနေ့မှာ မကွေးတိုင်းဝန်ကြီးချုပ် ဒေါက်တာအောင်မိုးညိုအပါအဝင် NLD ပါတီရဲ့ ဗဟိုအလုပ်အမှုဆောင်တွေနဲ့ ပါတီထိပ်ပိုင်းတာဝန်ရှိသူတွေကို ထောင်ဒဏ်တွေ အသီးသီး ချမှတ်ခဲ့ပါတယ်။
ဖတ်ရှုသူအများဆုံး သတင်းများ။
RFA
- ဒေါ်အောင်ဆန်းစုကြည်ကို ၂၀၂၅ ခုနှစ် ပြည်သူ့ဂုဏ်ရည်ဆု ချီးမြှင့်
- RFA မြန်မာပိုင်း ရေဒီယို အထူးအစီအစဉ် (၂၀၂၅ ဧပြီ ၂၆ ရက်)
- စစ်ဘက် အကျဉ်းထောင် စီမံခန့်ခွဲမှုအမိန့် NUG ထုတ်ပြန်
- မြန်မာ့ငလျင်ဘေးအကူအညီအတွက် ဂျပန်ကျွမ်းကျင်ပညာရှင်အဖွဲ့ စေလွှတ်မည်
- မြန်မာမှာ အကြမ်းဖက်မှု ချက်ချင်းရပ်ဖို့ စစ်ကောင်စီကို အမေရိကန် တောင်းဆို
ဖတ်ရှုသူအများဆုံး သတင်းများ။
သတင်းများ
- စစ်ကောင်စီ အပစ်ရပ်ကြေညာပြီး တိုက်ခိုက်မှုတွေ ဆက်လုပ်နေကြောင်း ကုလပြော
- ငလျင်ဘေးသင့်ပြည်သူ ၄ဝ,ဝဝဝ ကျော် ယာယီ အမိုးအကာတွေ နဲ့ နေထိုင်နေရ
- အပစ်ရပ်ကာလ စစ်ကောင်စီတိုက်ခိုက်မှုကြောင့် အရပ်သား ၂၀ သေဆုံးခဲ့ကြောင်း KNU ပြော
- RFA မြန်မာပိုင်း ရေဒီယို အထူးအစီအစဉ် (၂၀၂၅ ဧပြီ ၂၅ ရက်)
- ရေစကြိုမြို့နယ် ဗလဘရွာလုံးကျွတ် မီးရှို့ဖျက်ဆီးခံရ