စစ်တွေမြို့စက်မှုရပ်ကွက်က မြေ ယာတွေ ပြန်လည်ရရှိဖို့ ဆန္ဒပြတောင်းဆို

ရခိုင်ပြည်နယ် စစ်တွေမြို့က စက်မှုရပ်ကွက်အဖြစ် သိမ်းဆည်းခံထားရတဲ့ မြေယာတွေထဲက ဧကပေါင်း ၁၄၀ ကျော်ကို မူလတောင်သူတွေလက်ထဲ ပြန်လည်ပေးအပ်ဖို့နဲ့ အဲဒီမြေယာတွေမှာ ဆောက်လုပ်ထားတဲ့ အဆောက်အဦးတွေကို ဖယ်ရှားပေးဖို့ တောင်သူ ၈၀ လောက်က စစ်တွေမြို့မှာ ဒီနေ့ ဆန္ဒပြတောင်းဆိုခဲ့ကြပါတယ်။

အဲဒီလယ်ယာမြေတွေပေါ်မှာ ခြံစည်းရိုးကာရံတာတွေ၊ အဆောက်အဦးဆောက်တာတွေ မလုပ်ဖို့ ရခိုင်ပြည်နယ် ဝန်ကြီးချုပ် ဦးညီပုက တားမြစ်ထားပေမယ့် လုပ်ငန်းရှင်အချို့က မျက်ကွယ်ပြုပြီး ဆက်လက်လုပ်ဆောင်မှုတွေရှိနေ တာကြောင့် ဆန္ဒပြတောင်းဆိုတာလို့ ဆန္ဒပြပွဲဦးဆောင်သူတွေက ပြောပါတယ်။