လျှပ်စစ်မီတာခတွေ မပေးဆောင်ဖို့ CRPH ကြေညာ

2021.03.18
လျှပ်စစ်မီတာခတွေ မပေးဆောင်ဖို့ CRPH ကြေညာ ပြည်ထောင်စုလွှတ်တော် ကိုယ်စားပြု ကော်မတီ CRPH
Photo: RFA

အိမ်သုံးလျှပ်စစ်ဓာတ်အားခ ကျသင့်ငွေတွေ မပေးဆောင်ကြဖို့ ပြည်ထောင်စုလွှတ်တော် ကိုယ်စားပြု ကော်မတီ CRPH က အမိန့် ကြေညာချက် တစ်ရပ်ထုတ်ပြန် လိုက်ပါတယ်။

စစ်အာဏာသိမ်းတဲ့ ဖေဖော်ဝါရီလ ၁ ရက်နေ့ကနေစပြီး သုံးစွဲထားတဲ့ လျှပ်စစ်ဓာတ်အားခငွေတွေကို ကင်းလွတ်ခွင့်ပေးလိုက်တာမို့ လုံးဝပေးဆောင်ဖို့ မလိုကြောင်း၊ အိမ်သုံးမဟုတ်တဲ့ လုပ်ငန်းသုံး လျှပ်စစ်ဓာတ်အားခငွေတွေကိုလည်း မပေးဆောင်ပဲ ဆိုင်းငံ့ထားကြဖို့ CRPH က ပြောပါတယ်။

Covid-19 ကပ်ရောဂါအပြင် စစ်အာဏာသိမ်းအဖွဲ့လုပ်ရပ်ကြောင့် ပြည်သူလုထု နေ့စဉ်နဲ့ အမျှ စိတ်ရောကိုယ်ပါ အတိဒုက္ခရောက်ပြီး လူမှုစီးပွားအကျပ်အတည်းနဲ့ ရင်ဆိုင်နေရတဲ့အတွက် မီတာခကင်းလွတ်ခွင့်ပြုတာလို့ ဆိုပါတယ်။

CRPH က ခန့်အပ်ထားတဲ့ ဒုတိယသမ္မတ ဦးမန်းဝင်းခိုင်သန်း ဦးဆောင်ကျင်းပတဲ့ အစည်းအဝေးကနေ ဒီအမိန့် ကြေညာချက်ထုတ်ပြန်တာဖြစ်ပြီး နောက်ထပ် အမိန့် တစုံတရာ မထွက်မချင်း ဒီအမိန့်ဟာ အတည်ဖြစ်တယ်လို့ ကြေညာပါတယ်။

အာဏာသိမ်း စစ်ကောင်စီကို အကြမ်းဖက်အဖွဲ့အဖြစ် CRPH က ကြေညာထားပါတယ်။

အာဏာသိမ်းစစ်ကောင်စီက ထုတ်ပြန်တဲ့ ဘယ်အမိန့်ကိုမှ မလိုက်နာဖို့လည်း ပြည်သူတွေကို အသိပေး တိုက်တွန်းထားတာပါ။

ဆက်နွယ်သောသတင်းများ
သတင်းများ
မှတ်ချက်ပေးပို့ရန်

မှတ်ချက်များကို အောက်ပါ ပုံစံတွင် ရေးသားနိုင်ပါသည်။ RFA ၏ အသုံးပြုခြင်းဆိုင်ရာ စည်းမျဉ်းစည်းကမ်းများနှင့် အညီ လိုအပ်လျှင် တည်းဖြတ်ပြီး ဖော်ပြပါမည်။ မှတ်ချက်များကို ရေးပြီးပြီးချင်း ချက်ခြင်း မြင်ရမှာ မဟုတ်ပါ။ တင်ပြထားသော မှတ်ချက်ပါ အကြောင်းအရာများ အတွက် RFA မှာ တာဝန်မရှိပါ။ ကျေးဇူးပြု၍ တခြား မှတ်ချက်ရေးသူများ၏ အမြင်ကို လေးစားပြီး အကြောင်းအရာကိုသာ အဓိကထား ရေးသားစေလိုပါသည်။