ငလျင်ကြောင့် ဒေသသုံးခုမှာ ၁၄၄ ဦးသေဆုံးပြီး ၇၀၀ ကျော်ဒဏ်ရာရကြောင်း စစ်ကောင်စီဥက္ကဋ္ဌပြော
2025.03.28
စစ်ကောင်စီဥက္ကဋ္ဌ ဗိုလ်ချုပ်မှူးကြီးမင်းအောင်လှိုင် မတ်လ ၂၈ ရက် ညပိုင်းက မြေငလျင် နဲ့ပတ်သက်လို့ MRTV ကတစ်ဆင့်ပြောကြားစဉ်။
MRTV
မြေငလျင်ကြောင့် နေပြည်တော်ကောင်စီနယ်မြေမှာ ၉၆ ဦး၊ စစ်ကိုင်းမြို့မှာ ၁၈ဦး၊ ကျောက်ဆည်မှာ ၃၀ ဦး သေဆုံးခဲ့တယ်လို့ စစ်ကောင်စီဥက္ကဋ္ဌက မတ်လ ၂၈ ရက်ညမှာ နိုင်ငံပိုင်မီဒီယာကတစ်ဆင့် ပြောပါတယ်။
ဒီအပြင် နေပြည်တော်မှာ ဒဏ်ရာရသူ ၄၃၂ ဦး၊ စစ်ကိုင်းမှာ ၃၀၀ ဦးဒဏ်ရာရခဲ့တယ်လို့ ဆိုပါတယ်။
“သေဆုံးမှုနဲ့ ဒဏ်ရာရမှုက ဒီထက်တိုးလာစရာရှိပါတယ်။ တချို့နေရာတွေမှာလည်း တိုက်တွေ ပြိုကျတဲ့အတွက် ကယ်ဆယ်ရေးလုပ်ငန်းတွေ ကျွန်တော်တို့လုပ်နေဆဲဖြစ်ပါတယ်”
ပြည်ပအကူအညီတွေရဖို့လည်း လမ်းဖွင့်ထားပြီး လက်ရှိမှာ အိန္ဒိယ နဲ့ အာဆီယံလူသားချင်းစာနာမှုဆိုင်ရာ အကူအညီပေးရေး စင်တာ (AHA Centre) တို့က အကူအညီတွေပေးဖို့ ကမ်းလှမ်းလာတယ်လို့ စစ်ကောင်စီဥက္ကဋ္ဌက ပြောပါတယ်။
မန္တလေးမြို့ အရှေ့မြောက်ဘက် ၁၂ မိုင်အကွာကို ဗဟိုပြုပြီး မတ်လ ၂၈ ရက်က ပြင်းအား ၇ဒသမ၇ ရှိတဲ့ မြေငလျင်လှုပ်ခတ်ခဲ့ပါတယ်။
ငလျင်ကြောင့် ထိခိုက်ပျက်စီးမှုများတဲ့ မန္တလေးတိုင်း၊ စစ်ကိုင်းတိုင်း၊ မကွေးတိုင်း၊ ပဲခူးတိုင်း၊ ရှမ်းပြည်နယ် အရှေ့မြောက်ပိုင်းနဲ့ နေပြည်တော်ကောင်စီနယ်မြေတွေကို စစ်ကောင်စီရဲ့ အမျိုးသားသဘာ၀ဘေးအန္တရာယ်ဆိုင်ရာ စီမံခန့်ခွဲမှုကော်မတီက အရေးပေါ်အခြေအနေ ကြေညာခဲ့ပါတယ်။
ဖတ်ရှုသူအများဆုံး သတင်းများ။
RFA
- ဒေါ်အောင်ဆန်းစုကြည်ကို ၂၀၂၅ ခုနှစ် ပြည်သူ့ဂုဏ်ရည်ဆု ချီးမြှင့်
- RFA မြန်မာပိုင်း ရေဒီယို အထူးအစီအစဉ် (၂၀၂၅ ဧပြီ ၂၆ ရက်)
- စစ်ဘက် အကျဉ်းထောင် စီမံခန့်ခွဲမှုအမိန့် NUG ထုတ်ပြန်
- မြန်မာမှာ အကြမ်းဖက်မှု ချက်ချင်းရပ်ဖို့ စစ်ကောင်စီကို အမေရိကန် တောင်းဆို
- မြန်မာ့ငလျင်ဘေးအကူအညီအတွက် ဂျပန်ကျွမ်းကျင်ပညာရှင်အဖွဲ့ စေလွှတ်မည်
ဖတ်ရှုသူအများဆုံး သတင်းများ။
သတင်းများ
- စစ်ကောင်စီ အပစ်ရပ်ကြေညာပြီး တိုက်ခိုက်မှုတွေ ဆက်လုပ်နေကြောင်း ကုလပြော
- ငလျင်ဘေးသင့်ပြည်သူ ၄ဝ,ဝဝဝ ကျော် ယာယီ အမိုးအကာတွေ နဲ့ နေထိုင်နေရ
- အပစ်ရပ်ကာလ စစ်ကောင်စီတိုက်ခိုက်မှုကြောင့် အရပ်သား ၂၀ သေဆုံးခဲ့ကြောင်း KNU ပြော
- RFA မြန်မာပိုင်း ရေဒီယို အထူးအစီအစဉ် (၂၀၂၅ ဧပြီ ၂၅ ရက်)
- ရေစကြိုမြို့နယ် ဗလဘရွာလုံးကျွတ် မီးရှို့ဖျက်ဆီးခံရ