ရှစ်လအတွင်း CDM ၁၆၀၀ ကျော် ကူညီထောက်ပံ့ခဲ့ကြောင်း CRPH ထုတ်ပြန်

RFA Burmese
2023.09.12
ရှစ်လအတွင်း CDM ၁၆၀၀ ကျော် ကူညီထောက်ပံ့ခဲ့ကြောင်း CRPH ထုတ်ပြန် ရန်ကုန်မြို့ရှိ စစ်တပ်အာဏာသိမ်းမှု ဆန့်ကျင်ဆန္ဒပြပွဲတစ်ခုကို ၂၀၂၁ ခုနှစ် ဖေဖော်ဝါရီလ ၁၅ ရက်နေ့တွင် တွေ့ရစဉ်။
Reuters

ပြည်ထောင်စုလွှတ်တော်ကိုယ်စားပြုကော်မတီ (CRPH) က ၂၀၂၃ ဇန်နဝါရီလကနေ ဩဂုတ်လအထိ ရှစ်လအတွင်း အကြမ်းမဖက် အာဏာဖီဆန်ရေးလှုပ်ရှားမှု (CDM) မှာပါဝင်သူ ၁၆၀၀ ကျော်ကို ကူညီထောက်ပံ့နိုင်ခဲ့တယ်လို့ စက်တင်ဘာလ ၁၂ ရက်နေ့က ထုတ်ပြန်ထားပါတယ်။

ကျန်းမာရေး၊ မီးဖွားစရိတ်၊ စားဝတ်နေရေးနဲ့ နေအိမ်ရွှေ့ပြောင်းတာ၊ နေအိမ်မီးရှို့ခံရတာ၊ ဖမ်းဆီးခံရတာနဲ့ ကွယ်လွန်တာ စတဲ့အရေးကိစ္စ ကြုံနေသူတွေကို ထောက်ပံ့ခဲ့တယ်လို့ ထုတ်ပြန်ချက်မှာ ဖော်ပြထားပါတယ်။

ဝန်ကြီးဌာနကတစ်ဆင့် လစဉ်ရိက္ခာနဲ့ အရေးပေါ်ငွေကြေးထောက်ပံ့တာတွေ ရရှိတယ်လို့ သယံဇာတနဲ့ သဘာဝပတ်ဝန်းကျင်ထိန်းသိမ်းရေးဝန်ကြီးဌာနက အမည်မဖော်လိုတဲ့ CDM ဝန်ထမ်းတစ်ဦးက ပြောပါတယ်။

" NUG ကနေတော့ လစဉ် ရိက္ခာထောက်ပံ့တာရပါတယ်၊ ဆန်တို့ ဆီတို့၊ တခြားအခြောက်အခြမ်းလေးတွေ လစဉ်ရတယ်၊ ငွေရေးကြေးရေးကတော့ ကိုယ်ခက်ခဲတဲ့အချိန် တင်ပြရင်တော့ ရတဲ့အချိန်ရှိတယ်၊ ပုံမှန်တော့ မရှိဘူး၊ အရေးပေါ် ကျန်းမာရေးကိစ္စ၊ အခြား မတော်တဆဖြစ်တာမျိုးတို့၊ နေအိမ်တွေ မီးလောင်တာတို့ ဘာတို့ဆိုရင် ပိုက်ဆံလည်းအများကြီးမရှိတော့ ဝန်ထမ်းတွေအများကြီးထဲက အလိုအပ်ဆုံးလူတွေကို ထောက်ပံ့တာ တွေ့ရတယ် "

CDM ဝန်ထမ်းတွေကို အဖွဲ့အစည်းတွေနဲ့ချိတ်ဆက်ပြီး အသက်မွေးဝမ်းကျောင်းသင်တန်းပေးတာ၊ အရင်းအနှီးထုတ်ပေးတာတွေ ရှိတယ်လို့လည်း သူကပြောပါတယ်။

လက်ရှိမှာ CDM သုံးသိန်းကျော်ရှိတယ်လို့ အမျိုးသားညီညွတ်ရေးအစိုးရ NUG အလုပ်သမားဝန်ကြီးဌာန၊ ဒုဝန်ကြီးဦးကျော်နီ က RFA ကို ၂၀၂၃ ခုနှစ် ဧပြီလက ပြောထားပါတယ်။

ဆက်နွယ်သောသတင်းများ
သတင်းများ
မှတ်ချက်ပေးပို့ရန်

မှတ်ချက်များကို အောက်ပါ ပုံစံတွင် ရေးသားနိုင်ပါသည်။ RFA ၏ အသုံးပြုခြင်းဆိုင်ရာ စည်းမျဉ်းစည်းကမ်းများနှင့် အညီ လိုအပ်လျှင် တည်းဖြတ်ပြီး ဖော်ပြပါမည်။ မှတ်ချက်များကို ရေးပြီးပြီးချင်း ချက်ခြင်း မြင်ရမှာ မဟုတ်ပါ။ တင်ပြထားသော မှတ်ချက်ပါ အကြောင်းအရာများ အတွက် RFA မှာ တာဝန်မရှိပါ။ ကျေးဇူးပြု၍ တခြား မှတ်ချက်ရေးသူများ၏ အမြင်ကို လေးစားပြီး အကြောင်းအရာကိုသာ အဓိကထား ရေးသားစေလိုပါသည်။