စစ်ကောင်စီတပ်သားနဲ့ ရဲ ခြောက်ဆယ်ကျော် CDM ဝင်လာကြောင်း NUG ပြော

RFA Burmese
2025.03.04
စစ်ကောင်စီတပ်သားနဲ့ ရဲ ခြောက်ဆယ်ကျော် CDM ဝင်လာကြောင်း NUG ပြော ရှမ်းပြည်နယ်နှင့် ကယားပြည်နယ် နယ်စပ်တွင်ရှိသည့် ဖယ်ခုံပြည်သူ့ကာကွယ်ရေး (၁၀၀၆) တပ်ရင်းထံ အကြမ်းမဖက် အာဏာဖီဆန်ရေးလှုပ်ရှားမှု (CDM) ပါဝင်လာသည့် စစ်ကောင်စီတပ်ဖွဲ့ဝင်တစ်ဦးအား ၂၀၂၅ ခုနှစ် ဖေဖော်ဝါရီလ ၂၅ ရက်နေ့က တွေ့ရစဉ်။
Battalion 1006 Pekhon PDF-2 Photo

ဖေဖော်ဝါရီ တစ်လအတွင်း စစ်ကောင်စီတပ်က ဗိုလ်မှူးအဆင့်ရှိ တစ်ဦး အပါအဝင် စစ်ကောင်စီတပ်သားနဲ့ ရဲတပ်ဖွဲ့ဝင် ၆၄ ဦး အကြမ်းမဖက် အာဏာဖီဆန်ရေးလှုပ်ရှားမှု (CDM) အနေနဲ့ ပြည်သူ့ရင်ခွင် ခိုလှုံလာတယ်လို့ အမျိုးသားညီညွတ်ရေးအစိုးရ NUG ကာကွယ်ရေးဝန်ကြီးဌာနက မတ်လ ၃ ရက်နေ့မှာ ထုတ်ပြန်ပါတယ်။

NUG ရဲ့ ပြည်သူ့ရင်ခွင် အကောင်အထည်ဖော်ဆောင်မှု ဗဟိုကော်မတီနဲ့ ကာကွယ်ရေးတပ်ဖွဲ့တွေထံ ဆက်သွယ်ခိုလှုံခဲ့တာလို့ ဆိုပါတယ်။ လာရောက်ခိုလှုံတဲ့ ၆၄ ဦးမှာ လက်နက်နဲ့တကွ ခိုလှုံလာသူက ၄၅ ဦး ပါဝင်တယ်လို့ NUG က ပြောပါတယ်။

ပြီးခဲ့တဲ့ ဇန်နဝါရီလ တစ်လအတွင်းမှာလည်း စစ်ကောင်စီတပ်သား ၁၃၆ ဦး CDM ဝင်ခဲ့တယ်လို့ ဆိုပါတယ်။

နိုင်ငံအနှံ့တိုက်ပွဲတွေ ဖြစ်ပွားနေချိန် ရှေ့တန်းစစ်မျက်နှာကနေ ထွက်ပြေးကိုယ်လှုံလာတဲ့ ပြည်သူ့စစ်မှုထမ်း တပ်သားသစ်တွေလည်း နေ့စဉ် ရှိနေတယ်လို့ ကရင်နီဒေသအခြေစိုက် ကာကွယ်ရေးတပ်ဖွဲ့ဝင်တွေက ပြောပါတယ်။

ဒီအခြေအနေတွေနဲ့ ပတ်သက်လို့ တုံ့ပြန်ချက်ရဖို့ စစ်ကောင်စီ ပြောခွင့်ရသူ ဗိုလ်ချုပ် ဇော်မင်းထွန်းကို RFA ကတယ်လီဖုန်းနဲ့ ဆက်သွယ်ခဲ့ပေမဲ့ လက်ခံဖြေဆိုတာ မရှိပါဘူး။

စစ်တပ်အာဏာသိမ်း ကာလအတွင်း CDM ဝင်လာတဲ့ စစ်ကောင်စီတပ်သားနဲ့ ရဲတပ်ဖွဲ့ဝင် ၁၅၀၀၀ ခန့် ရှိလာပြီလို့ NUG က ၂၀၂၄ ခုနှစ် ဒီဇင်ဘာလမှာ ထုတ်ပြန်ထားပါတယ်။

ဆက်နွယ်သောသတင်းများ
သတင်းများ
မှတ်ချက်ပေးပို့ရန်

မှတ်ချက်များကို အောက်ပါ ပုံစံတွင် ရေးသားနိုင်ပါသည်။ RFA ၏ အသုံးပြုခြင်းဆိုင်ရာ စည်းမျဉ်းစည်းကမ်းများနှင့် အညီ လိုအပ်လျှင် တည်းဖြတ်ပြီး ဖော်ပြပါမည်။ မှတ်ချက်များကို ရေးပြီးပြီးချင်း ချက်ခြင်း မြင်ရမှာ မဟုတ်ပါ။ တင်ပြထားသော မှတ်ချက်ပါ အကြောင်းအရာများ အတွက် RFA မှာ တာဝန်မရှိပါ။ ကျေးဇူးပြု၍ တခြား မှတ်ချက်ရေးသူများ၏ အမြင်ကို လေးစားပြီး အကြောင်းအရာကိုသာ အဓိကထား ရေးသားစေလိုပါသည်။