မြန်မာလွှတ်တော် လွတ်လပ်ခွင့် ဗြိတိသျှ အစိုးရ စိုးရိမ်

မြန်မာနိုင်ငံတွင် ရွှေဝါရောင် သံဃာနှင့် လူထု လှုပ်ရှားမှုကြီးအား စစ်အစိုးရက အကြမ်းဖက် ဖြိုခွဲနှိမ်နင်းသည့်အတွက် Burma Campaign UK အဖွဲ့မှ ဦးစီးပြီး ၂၀ဝ၇ ခုနှစ် အောက်တိုဘာ ၁၇ရက်နေ့က ဗြိတိန်နိုင်ငံ လန်ဒန်မြို့လယ်တွင် ကန့်ကွက်ဆန္ဒပြပွဲ ဆင်နွှဲနေပုံ ဖြစ်ပါသည်။ (Photo: Courtesy of Burma Campaign UK)

ဗြိတိသျှ လွှတ်တော်အမတ်တွေက သူတို့ အစိုးရကို ပုံမှန်အားဖြင့် သူတို့ရဲ့ လုပ်ဆောင်နေမှုတွေကို မေးခွန်းတွေ မေးမြန်းလေ့ရှိရာ မြန်မာပြည်အရေးနဲ့ ပတ်သက်ပြီး ပါလီမန်လွှတ်တော်အမတ် Gregory Campbell က မေးမြန်းခဲ့တယ်လို့ သိရပါတယ်။

အဲဒီမေးခွန်းကို ဗြိတိသျှ နိုင်ငံခြားရေးဝန်ကြီး Jeremy Brown က အခုလို ပြန်လည် ဖြေကြားလိုက်တာ ဖြစ်တဲ့အကြောင်း ဗြိတိန်နိုင်ငံအခြေစိုက် Burma Campaign UK အဖွဲ့က မမေရီလှက ပြောပါတယ်။

ဗြိတိသျှ နိုင်ငံခြားရေးဝန်ကြီးရဲ့ ဒီပြောကြားချက်ကို ဗြိတိန်နိုင်ငံ အခြေစိုက် Burma Campaign UK အဖွဲ့က ကြိုဆိုလိုက်ပါတယ်။

ဒီကိစ္စနဲ့ ပတ်သက်ပြီး ဗြိတိသျှ အစိုးရက လာမဲ့လမှာ ကျင်းပမဲ့ လူ့အခွင့်အရေး ကောင်စီ အစည်းအဝေးကို တင်ပြ ဆွေးနွေး သွားမယ်လို့လည်း နိုင်ငံခြားရေးဝန်ကြီး Mr. Brown က ပြောခဲ့တယ်လို့ သိရပါတယ်။