တောင်ဥက္ကလာမှာ ဗုံးပေါက်ပြီး တစ်ဦး သေဆုံး

2021.12.28
တောင်ဥက္ကလာမှာ ဗုံးပေါက်ပြီး တစ်ဦး သေဆုံး ရန်ကုန် တောင်ဥက္ကလာပမြို့နယ်ကို ၂၀၂၁ ဒီဇင်ဘာ ၁၀ ရက်နေ့က တွေ့ရစဉ်
Photo: RFA

ရန်ကုန်တိုင်း၊ တောင်ဥက္ကလာပမြို့နယ်၊ ၁၄ ရပ်ကွက် စီမံကိန်း ၁ နဲ့ ၂ အကြား တံတားအောက်က မြောင်းမှာ ရေခဲသေတ္တာအဟောင်းတစ်ခုကနေ ပေါက်ကွဲပြီး လူငယ်တစ်ဦး သေဆုံးခဲ့ပါတယ်။

ဒီဇင်ဘာ ၂၇ ရက် မနေ့ညနေပိုင်းက ရေထဲမြောလာတဲ့ အဲဒီရေခဲသေတ္တာအဟောင်းကို လူငယ်နှစ်ဦး ဆယ်ယူရင်းပေါက်ကွဲခဲ့လို့ အသက် ၂၀ ခန့် လူငယ်တစ်ဦး နေရာမှာတင် သေဆုံးပြီး တစ်ဦး ဒဏ်ရာရ သွားတယ်လို့ အနီးအနားနေသူတွေက ပြောပါတယ်။

အဲဒီလူငယ်နှစ်ဦးဟာ ပစ္စည်းအဟောင်းတွေ လိုက်ကောက်ပြီး ဝမ်းရေးအတွက် ဖြေရှင်းနေကြသူတွေလို့လည်း ပြောကြပါတယ်။

ပေါက်ကွဲမှုဖြစ်ပြီး မကြာခင်မှာပဲ စစ်ကောင်စီတပ်သားတွေ ရောက်လာပြီး စစ်ဆေးမေးမြန်းတာတွေ လုပ်ခဲ့သလို သေဆုံးသူနဲ့ ဒဏ်ရာရသူကိုလည်း လူနာတင်ယာဉ်တွေနဲ့ ဆေးရုံကိုခေါ်သွားတယ်လို့ ဒေသခံတွေက ပြောပါတယ်။

ဒီပေါက်ကွဲမှုနဲ့ ပတ်သက်ပြီး ဘယ်အဖွဲ့အစည်းက လုပ်တာလဲဆိုတာ RFA က သီးခြားအတည် မပြုနိုင်သေးပါဘူး။

ဆက်နွယ်သောသတင်းများ
သတင်းများ
မှတ်ချက်ပေးပို့ရန်

မှတ်ချက်များကို အောက်ပါ ပုံစံတွင် ရေးသားနိုင်ပါသည်။ RFA ၏ အသုံးပြုခြင်းဆိုင်ရာ စည်းမျဉ်းစည်းကမ်းများနှင့် အညီ လိုအပ်လျှင် တည်းဖြတ်ပြီး ဖော်ပြပါမည်။ မှတ်ချက်များကို ရေးပြီးပြီးချင်း ချက်ခြင်း မြင်ရမှာ မဟုတ်ပါ။ တင်ပြထားသော မှတ်ချက်ပါ အကြောင်းအရာများ အတွက် RFA မှာ တာဝန်မရှိပါ။ ကျေးဇူးပြု၍ တခြား မှတ်ချက်ရေးသူများ၏ အမြင်ကို လေးစားပြီး အကြောင်းအရာကိုသာ အဓိကထား ရေးသားစေလိုပါသည်။