ཨཕ་གན་ནང་གི་ཁེ་ན་གྲའི་དམག་དཔོན་གནས་དབྱུངས་བཏང་།

༄༅།།ཨཕ་ག་ནི་སེ་ཐན་ནང་ཁེ་ན་གྲའི་དཔུང་དམག་གི་འགོ་འཛིན་བགྲེས་པ་ཞིག་གནས་དབྱུངས་བྱས་ཡོད་པའི་གནས་ཚུལ་ཐོན་འདུག༎

ཁེ་ན་གྲའི་གཞུང་གིས་དམག་སྤྱི་ཌེ་ནིའེལ་མེ་ནརྜི་གྱི་ཀུན་སྤྱོད་འགྲིག་མིན་གྱི་གནས་ཚུལ་ལུང་འདྲེན་གྱིས་ཁོང་ལ་ཡིད་ཆེས་བརླགས་པར་བརྟེན་གནས་དབྱུངས་བཏང་ཡོད་པ་ཙམ་ལས་ཞིབ་ཁྲའི་གནས་ཚུལ་འགྲེལ་བརྗོད་གནང་མེད་ལུགས་ཨེ་ཨེཕ་པི་གསར་ལས་ཁང་གིས་གནས་ཚུལ་སྤེལ་འདུག འོན་ཀྱང་བདུན་ཕྲག་གཅིག་གོང་ཁེ་ན་གྲའི་བརྒྱུད་ལམ་ཁག་གིས་དམག་སྤྱི་ཌེ་ནིའེལ་མེནརྜི་གྱིས་འདི་ལོ་ཕྱི་ཟླ་གསུམ་པའི་ནང་ ཀན་རྡ་ཧར་གནམ་ཐང་དུ་གང་བྱུང་མེ་མདའ་རྒྱག་པའི་དོན་རྐྱེན་ཞིབ་འཇུག་སྐབས་དོ་བདག་གིས་ནོར་འཕྲུལ་ངོས་ལེན་གནང་ཡོད་པ་དང་འབྲེལ་བའི་གནས་ཚུལ་སྤེལ་ཡོད་འདུག ཨཕ་ག་ནི་སེ་ཐན་གྱི་རྒྱལ་སྤྱིའི་དཔུང་དམག་ཆིག་འབུམ་གསུམ་ཁྲི་ཡོད་པའི་ཁོངས་ཁེ་ན་གྲའི་དམག་མི་ཉིས་སྟོང་བརྒྱད་ཡོད་པ་དང་མང་ཆེ་བ་ཀན་རྡ་ཧར་ནང་རྟེན་གཞི་བྱས་ཡོད་རེད་ ད་ཆ་ཁེ་ན་གྲའི་སྲུང་སྐྱོབ་ལས་ཁུངས་ཀྱིས་གནས་དབྱུངས་བཏང་བའི་དམག་སྤྱིའི་ཚབ་ཏུ་དམག་སྤྱི་ཇྭོན་ལྦེན་སི་བསྐོ་གཞག་གང་མགྱོགས་གནང་རྒྱུའི་གསལ་བསྒྲགས་གནང་ཡོད་འདུག༎